Лобанов, Виктор Иванович
| Виктор Иванович Лобанов | |||||||||
|---|---|---|---|---|---|---|---|---|---|
 | |||||||||
| Шочмо кече | 1920 ий 15 сорла | ||||||||
| Шочмо вер | Угарман, РСФСР | ||||||||
| Колымо кече | 2014 ий 31 теле (94 ий) | ||||||||
| Колымо вер | Йошкар-Ола, Марий Эл, Россий | ||||||||
| Пурымаш |
 РСФСР (1917—1922) →  СССР →  Россий |
||||||||
| Войскан родшо | Сар-юж вий | ||||||||
| Службо жап | 1941—1960 | ||||||||
| Званий |
 |
||||||||
| Кредалмаш/сар | Кугу Ачамланде сар: Кавказым аралымаш | ||||||||
| Награде да премий |
|
||||||||
Виктор Иванович Лобанов (15 сорла 1920, Угарман — 31 теле 2014, Йошкар-Ола) — совет сар авиацийын пашаеҥже. Кугу Ачамланде сарын салтакше: лётчик-инструктор, Закавказье фронтышто Кировабадысе сар-авиаций училищын звено командирже. Марий АССР-ысе Йошкар-Оласе иктыш ушнымо авиаций отрядын командирже (1961—1984), авиаций полковник. РСФСР транспортын сулло пашаеҥже (1980). Ленин орденын кавалерже (1973).
Илыш корныжо
1920 ий 15 идымыште Угарман олаште товар дене чоҥышын (плотникын) ешыштыже шочын[1][2][3].
1941 ий августышто Владимир гыч Йошкар Армийышке налыныт. Кугу Ачамланде сарын салтакше: 1941 ийыште Кировабадысе сар-авиаций училищым тунем пытарен, туштак Закавказье фронтышто лётчик-инструктор, звено командир лийын. Медаль-влак дене суапландаралтын, ты шотыштак «Сарзылык суаплан» да «Кавказым аралымылан» медаль-влак дене[1][2][3][4].
1950 ий гыч — эскадрилийын командирже, 1953—1960 ийлаште — авиаций полк командирын икымше алмаштышыже, подполковник. 1960 ий октябрьыште шапашыш колталтын. Йошкар Шӱдыр орден (кок гана) да медаль-влак дене, тидын шотыштак «Сарзылык суаплан» медаль дене палемдалтын[1][2][3][4].
1961—1984 ийлаште — Марий АССР-ыште Йошкар-Оласе иктыш ушнымо авиаций отрядын командирже да тыгодымак — Йошкар-Ола аэропортын начальникше. Ту жапыште Марий кундемысе граждан авиацийын лётчикше-влак пассажир ден грузым шупшыктымо шотышто шке порысыштым сайын шуктеныт, а аэропорт марий рӱдолан тамгаже семын (визит карточкыжо) лийын, тыште лётчик ден мландысе службын пашаеҥже-влаклан пашам ышташ, канаш да илаш сай чыла йӧн лийын[5][6]. 1964 ийыште Граждан авиаций академийым тунем пытарен. 1984 ийыште полковник лӱмпале дене паша гыч каен[1][2][3].
1963—1967 ийлаште Йошкар-Оласе пашазе депутат-влак Каҥашыш (IX—X созыв) сайлалтын, а 1971—1985 ийлаште — Марий АССР-ысе Кӱшыл Каҥашыш (VIII—X созыв) депутатлан сайлалтын[1][2][7].
1980 ийыште тудлан «РСФСР транспортын сулло пашаеҥже» чаплӱмым пуымо. Ленин да «Чап Тамга» орденла, медаль-влак, тыгак Марий АССР-ысе Кӱшыл Каҥаш Президиумын Чаптаныкше дене (кок гана) палемдалтын[1][2][3].
2014 ий 31 телыште Йошкар-Олаште колен[1][2][3].
Чаплӱм да суаптар-влак
- РСФСР транспортын сулло пашаеҥже (1980)[1][2][3]
- Ленин орден (1973)[1][2][3]
- Йошкар Шӱдыр орден (30.12.1956, 1959)[3][4]
- «Чап Тамга» орден (1966)[1][2]
- «Сарзылык суаплан» медаль (24.07.1943, 15.11.1950)[3][4]
- «Кавказым аралымылан» медаль (01.05.1944)[4]
- «1941–1945 ийласе Кугу Ачамланде сарыште Германийым сеҥымылан» медаль (09.05.1945)[4]
- «Сарысе патырлыклан. Владимир Ильич Ленинын шочмыжлан 100 ий темме лӱмеш» медаль[3]
- Марий АССР Кӱшыл Каҥаш Президиумын Чаптаныкше (1967, 1970)[1][2]
Палемдымаш
- ↑ 1 2 3 4 5 6 7 8 9 10 11 Мочаев, 2007, с. 216.
- ↑ 1 2 3 4 5 6 7 8 9 10 11 Энциклопедия Республики Марий Эл, 2009, с. 490.
- ↑ 1 2 3 4 5 6 7 8 9 10 11 К 75-летию законодательной власти Марий Эл Листая страницы истории. yoshkarola.bezformata.com. Тергыме кече: 21 шыжа 2025.
- ↑ 1 2 3 4 5 6 Лобанов Виктор Иванович. pamyat-naroda.ru. Тергыме кече: 21 шыжа 2025.
- ↑ История йошкар олинского аэроклуба (неопр.). kinobaza24.ru (7 теле 2021). Тергыме кече: 21 шыжа 2025.
- ↑ Как рождался аэропорт Йошкар-Олы (АвиаПорт) (руш.). АвиаПорт.Ru. Тергыме кече: 21 шыжа 2025.
- ↑ Официальный сайт Госсобрания Республики Марий Эл. old.gsmari.ru. Тергыме кече: 21 шыжа 2025.
Литератур
- Мочаев В. А. Лобанов Виктор Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 216. — 2032 экз. — ISBN 5-87898-357-0.
- Лобанов Виктор Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 490. — 872 с. — 3505 экз. — ISBN 978-5-94950-049-1.
- Краснов П. В., Мочаев В. А. Лобанов Виктор Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 256. — 606 с. — 1500 экз. — ISBN 978-5-905314-35-3.
- Сорла тылзын 15 кечынже шочшо-влак
- 1920 ийыште шочшо-влак
- Алфавит почеш персоналий-влак
- Угарманыште шочшо-влак
- Теле тылзын 31 кечынже колышо-влак
- 2014 ийыште колышо-влак
- Йошкар-Олаште колышо-влак
- Полковник-влак (СССР)
- Ленин орден дене суапландаралтше-влак
- Йошкар Шӱдыр орден дене суапландаралтше-влак
- «Почёт пале» орден дене суапландаралтше-влак
- «Сарзылык суаплан» медаль дене суапландаралтше-влак
- «Кавказым аралымылан» медаль дене суапландаралтше-влак
- «1941–1945 ийласе Кугу Ачамланде сарыште Германийым сеҥымылан» медаль дене суапландаралтше-влак
- Марий АССР-ысе Кӱшыл Каҥашын депутатше-влак
- Кугу Ачамланде сарын лётчикше-влак
- Кировабад сарзе авиаций пилот-влакын школым тунем лекше-влак
- Санкт-Петербургысо граждан авиаций университетым тунем лекше-влак
- Кугу Ачамланде сарыште звено командир-влак
- Кавказ верч кредалше-влак
- Авиаций полковник-влак (СССР)
- РСФСР-ысе ола каҥаш-влакын депутатышт