Котяков, Антон Олегович
| Антон Олегович Котяков | |
|---|---|
.jpg) | |
|
| |
 Россий Федерацийын паша да социал аралтыш шотышто министрже
 |
|
| 2020 ий 21 январь гыч (с. ш. 2024 ий 7—13 май) |
|
| Виктер вуйлатыше |
Михаил Мишустин Андрей Белоусов (с. ш.) Михаил Мишустин |
| Президент | Владимир Путин |
| Ончычсо пашаеҥ | Максим Топилин |
 Россий Федерацийысе финанс шотышто министрын алмаштышыже
|
|
| 2017 ий 4 май — 2020 ий 21 январь | |
| Виктер вуйлатыше | Дмитрий Медведев |
| Президент | Владимир Путин |
|
|
|
| Шочын |
1980 ий 15 сорла (45 ий) Куйбышев, РСФСР, СССР |
| Образований |
Самарысе кугыжаныш экономике академий РФ президент пеленысе Россий калык озанлык да кугыжаныш службын академийже |
| Шанче степень | экономике шанче кандидат |
| Профессий | экономист |
| Сайт | mintrud.gov.ru |
| Лӱмынлык званий але классан чин | |
| Званий |
 Россий Федерацийын 3-шо классан чынле кугыжаныш ойпуышыжо |
 РУВИКИ.Медиаште медиафайл-влак | |
Антон Олегович Котяков (шоч. 15 сорла 1980, Куйбышев) — россий кугыжаныш пашаеҥ, экономист. 2020 ий 21 январь гыч Россий Федерацийын паша да социал аралтыш шотышто министрже[1][2]. 2024 ий майыште Российын у виктержым ыштыме годым шке постышкыжо угыч шогалтыме.
Россий Федерацийын 3-шо классан чынле кугыжаныш ойпуышыжо. Россий Федерацийын финанс шотышто министрын алмаштышыже (2017—2020)[3].
Илыш корныжо
Антон Котяков 1980 ий 15 августышто Куйбышевыште (кызыт Самара) шочын.
2001 ий август гыч 2005 ий август марте Котяков Самара область администрацийын финанс виктем департаментыштыже пашам ыштен, вӱдышӧ специалист гыч консультант марте кушкын.
1997 ийыште авиаций профилян Самара оласе 135 №-ан школ-лицейым тунем пытарен. 2002 ийыште «Экономике теорий» специальность дене Самара кугыжаныш экономике академийым, «Теорий да пазар йӧныштӧ шергакан кагаз дене пашам ыштымаш» специализаций дене пеш сайын тунем пытарен.
2005 ийыште Котяков аспирантурым тунем лектын, «Российысе субфедерал пазарыште парышан шергакан кагаз: шочмаш да вияҥмаш» темылан кандидат диссертацийым арален, тудлан экономике шанче кандидат учёный степеньым пуымо.
2005 ий август гыч 2007 ий июль марте Самара кундемын финансым виктарыше министерствын пӧлкажым вуйлатышылан пашам ыштен, тидын деч вара Самара кундемын финансым виктарыше министерствын бюджетым шуктымо да иктешлыше департаментын вуйлатышыжлан шогалтыме, ты олмышто 2012 ий апрель марте пашам ыштен.
2011 ийыште Котяков РФ президент пелен Россий калык озанлык да кугыжаныш службын академийыштыже «административный да финанс права» специальность дене магистратурым тунем пытарен.
2012 ий апрель гыч 2014 ий март марте Котяков Федерал казначействыште функционал пашам шуарен тӧрлымӧ виктем начальник олмышто пашам ыштен.
2014 ий мартыште Моско областьын правительствышкыже пашам ышташ куснен. 2017 ий январь марте Котяков Моско областьысе финанс министрын олмыжым налын шоген, тидын деч вара ушымо экономика да финанс министерствым вуйлатен.
2017 ий май гыч 2020 ий январь марте Котяков Россий Федерацийын финанс министрын алмаштышыжлан пашам ыштен.
РФ президент пелен Российысе калык озанлык да кугыжаныш службо академийын Кугыжанышым вуйлатымын Кӱшыл школыштыжо пашаеҥ-влак шапашым ямдылыше кумшо программын участникше (2019).
2020 ий 21 январьыште Российын президентше Владимир Путинын кӱштыкшӧ дене Россий Федерацийын паша да социал аралтыш министрлан шогалтыме[1].
2024 ий 14 майыште Котяковым Кугыжаныш Думо угыч Россий Федерацийын паша да социал аралтыш министрын олмышкыжо пеҥгыдемден[4], ты кечынак РФ президент тидын нерген кӱштыкеш кидпалым пыштен[5].
Россий Федерацийын 3-шо классан чынле кугыжаныш ойпуышыжо. Самара кундемысе 1-ше классан кугыжаныш ойпуышыжо.
Санкций-влак
Котяков Евросоюзын, США-н, Канадын, Швейцарийын, Австралийын да У Зеландийын санкций радамыштыже улеш[6][7][8].
Суаптар-влак
- 3-шо степенян «Моско кундем ончылно суаплан» знак (2017)[9];
- Моско кундем губернаторын Чапкагазше (2015)[9];
- «Генерал-полковник Дутов» медаль (2013)[9];
- Россий Федерацийысе Федерал казначействын Чапкагазше (2012)[9];
- Россий Федерацийын йӧнозанлык да ужалымаш министерствын Таумутшо (2012)[9];
- «Федерал казначействылан 20 ий» медаль (2012)[9];
- Чапле да лектышан кугыжаныш службылан Самара кундемысе финансым виктарыше министерствын Чапкагазше (2010)[9].
Классан чин
- Россий Федерацийын 3-шо классан чынле кугыжаныш ойпуышыжо (2018)[10].
Еш
Антон Котяков ешан, кум йочаже уло[11].
Палемдымаш
- ↑ 1 2 Подписаны указы о назначении министров Правительства Российской Федерации // Президент России. Тергыме кече: 29 идым 2025. Архивлыме 25 шорыкйол 2020 ий.
- ↑ Котякова назначили министром труда и социальной защиты // РИА Новости. Тергыме кече: 29 идым 2025. Архивлыме 22 шорыкйол 2020 ий.
- ↑ Котяков, Антон Олегович, <https://tass.ru/encyclopedia/person/kotyakov-anton-olegovich>. Тергыме: 29 идым 2025.
- ↑ Госдума утвердила Котякова на должность главы Министерства труда. РИА "Новости" (14 ага 2024). Тергыме кече: 29 идым 2025.
- ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 29 идым 2025.
- ↑ Эрдни Кагалтынов. Канада ввела санкции против МГИМО, ВШЭ, Юнармии и клуба «Валдай». kommersant.ru (22 идым 2023). Тергыме кече: 29 идым 2025.
- ↑ Official Journal of the European Union // Council Regulation (EU) 2022/2474. — 16 теле (т. Volume 65). — С. 506. Архивлыме 24 теле 2022 ий.
- ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 пургыж 2023). Тергыме кече: 29 идым 2025. Архивлыме 28 пургыж 2023 ий.
- ↑ 1 2 3 4 5 6 7 Самарец Антон Котяков назначен Министром труда РФ (руш.). ГТРК Самара. Тергыме кече: 29 идым 2025.
- ↑ Биография министра труда и социальной защиты Антона Котякова - ТАСС, <https://tass.ru/info/7573479>. Тергыме: 29 идым 2025.
- ↑ Биография Котякова Антона Олеговича. Министерство труда и социальной защиты России. Тергыме кече: 29 идым 2025. Архивлыме 20 пургыж 2021 ий.
Кылвер-влак
- Котяков, Антон Олегович, <https://tass.ru/encyclopedia/person/kotyakov-anton-olegovich>. Тергыме: 29 идым 2025.
| Россий Федерацийын кызытсе Виктерже | |
|---|---|
| Председатель | |
| Икымше алмаштыше | |
| Алмаштыше |
|
| Министр |
|
 |
|---|