Бяков, Александр Васильевич

РУВИКИ — эрыкан энциклопедий гыч материал
Александр Васильевич Бяков
Александр Васильевич Бяков.jpg
Шочмо кече 26 сорла 1925(1925-08-26)
Шочмо вер
Колымо кече 13 пеледыш 1994(1994-06-13) (68 ий)
Колымо вер
Эл
Паша сомыл педагог
Награде да премий

Алекса́ндр Васи́льевич Бяко́в (26 сорла 1925, Токари[d], Вӱрзым уезд, Виче губерний, Россий империй — 13 пеледыш 1994, Советский, Марий Эл Республик, Россий) — совет туныктышо да калык туныктымо пашан чолга еҥже. Марий АССР-ысе Советский район калык туныктымо пӧлкан (РОНО-н) вуйлатышыже (1960—1972, 1978—1985), Советский КПСС райкомын секретарьже (1972—1978). Марий АССР школын сулло туныктышыжо (1983). Кугу Ачамланде сарын салтакше. Октябрь Революций орденын кавалерже (1986).

Илыш корныжо

1925 ий 26 августышто Токари ялеш (Вӱрзым вел, Виче кундем) шочын[1].

Армийысе порыс

1943 ийыште РККА-ш налыныт. Кугу Ачамланде сарын салтакше: 34-ше шапаш лӱйкалыше дивизийын 75-ше шапаш лӱйкалыше полкшын лӱйкалышыже, сержант[1]. Сарысе суапшылан II степенян Ачамланде сар орден (1985)[1][2] да медаль-влак дене суапландаралтын[3].

Тунеммыже да туныктымо пашаже

1950 ийыште Марий Пыламарий педагогике училищым, варажым — Н. К. Крупская лӱмеш Марий педагогике институтым тунем пытарен[1][4].

1960–1972 да 1978–1985 ийлаште Марий АССР-ысе Советский районысо калык туныктымо пӧлкан (РОНО) вуйлатышыжлан тыршен[1]. 1972–1978 ийлаште Советский КПСС райком секретарьлан пашам ыштен[1].

Туныктымо пашаште шуко ий тыршымыжлан Октябрь Революций орден (1986) да «Чап Тамга» орден (1965) дене палемдалтын[1][4]. Тыгак «Чапле пашалан. В. И. Ленинын шочмыжлан 100 ий темме лӱмеш» лӱмгече медаль дене палемдалтын (1970)[4]. 1983 ийыште «Марий АССР школын сулло туныктышыжо» чаплӱмым пуымо[1]. Кок гана Марий АССР Кӱшыл Каҥаш  (руш.) (мар. Вуйверын Чаптаныкше дене палемдалтын (1975, 1985)[1].

1994 ий 13 июньышто Марий Эл Советский посёлкышто илыш дене чеверласен[1].

Еш

Пелашан лийын. Пелашыже — Анна Ивановна Бякова, РСФСР школын сулло туныктышыжо  (руш.) (мар.[1][5].

Суаптар да чаплӱм-влак

Палемдымаш

  1. ↑ 1 2 3 4 5 6 7 8 9 10 11 12 13 14 15 Мочаев, 2017, с. 68.
  2. ↑ 1 2 Бяков Александр Васильевич: Орден Отечественной войны II степени. Память народа. Тергыме кече: 7 пургыж 2026.
  3. ↑ Бяков Александр Васильевич: Учётно-послужная картотека. Память народа. Тергыме кече: 26 шорыкйол 2026.
  4. ↑ 1 2 3 4 5 6 7 Бяков Александр Васильевич. 90 лет Высшей школе в Республике Марий Эл. Марийский государственный университет. Тергыме кече: 26 шорыкйол 2026.
  5. ↑ Бякова Анна Ивановна, <https://marihistory.ru/2011-01-01-20-07-54/1638-2011-11-11-03-01-20.html>. Тергыме: 7 пургыж 2026. 

Литератур

  • Виногоров Н. И. Бяков Александр Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 61. — 2032 экз. — ISBN 5-87898-357-0.
  • Виногоров Н. И. Бяков Александр Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 68. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Бяков,_Александр_Васильевич&oldid=1233334" гыч налме