Егошин, Геннадий Леонидович
| Геннадий Леонидович Егошин | |
|---|---|
 | |
| Шочмо кече | 1927 ий 26 сорла |
| Шочмо вер | РСФСР, Пермь вел, Лысьва ола |
| Колымо кече | 2000 ий 9 сорла (72 ий) |
| Колымо вер | Йошкар-Ола |
| Гражданлык |
 СССР Россий |
| Паша сомыл | серызе, журналист |
Геннадий Леонидович Егошин (26 сорла 1927, Лысьва[d], Урал область[d] — 9 сорла 2000, Йошкар-Ола) — руш серызе, журналист[1].
Илыш корныжо
Геннадий Егошин 1927 ийын сорла тылзын 26-шо кечынже Пермь кундем Лысьва олаште шочын. Эше самырык пагытыштак пӱрымаш тудым Марий республикыш конден. 1950 ийыште тӱвыра-сотемдарыше училищым тунем пытарен, но тӱҥ паша корныжым журналистиклан пӧлеклен. 1960-шо ийла тӱҥалтыште тудо «Марийская правда» газет редакцийыш толын. Вич ий жапыште йӧнозанлык пӧлкаште да секретариатыште пашам ыштен. Тудлан ик эн неле жанрым — фельетоным — сераш пӱралтын. Чоҥышо, транспорт, завод пашазе-влакын илышышт нерген статья ден очерк-влакым возен[1].
Варарак Геннадий Егошин «Заводская новь» шуко тиражан газетын редакторжо лийын. А 1976—1984 ийлаште Марий телевиденийыште пашам ыштен. 1980-ше ийлаште ТВ-ште «Шокшо» сотармут (сатира) журнал пеш кумдан палыме лийын, тудым Геннадий Егошин ямдылен[1].
Сылнымут прозым 1970-ше ийлаште возаш тӱҥалын. Тудын икымше кугу серымыже «Грани» роман лийын. Тушто, тыгак вес «Обновление» романыште прозаик паша темым келгын почын, пашазе-влакын завод илышыштым кумдан ончыктен. Тудын пытартыш «Пожар в сумасшедшем доме» романже, гротеск формо дене возымо, лудшо-влак коклаште кугу мутланымашым тарватен да икгай огыл акым налын[1].
Писательын колымыж деч вара, тудын паша ӱстелыштыже «Крест: хроника времен Аллы Пугачевой» романын икымше кидвозышыжо кодын. 2000 ийыште колен[1].
Тӱҥ произведенийже-влак
- Грани : роман. Йошкар-Ола, 1974. 336 с.
- Обновление : роман. Йошкар-Ола, 1982. 272 с.
- Пожар в сумасшедшем доме : роман. Йошкар-Ола, 1997. 400 с.
- Лена и Гарик : отрывок из романа «Обновление» // Русское слово Марий Эл. Йошкар-Ола, 2004. С. 108—113.
Палемдымаш
Литератур
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 221—222.
- Липатов А. «Грани» и грани мастерства // Мар. правда. 1975. 3 апр.
- Владимирова Т. Что с нами? // Мар. правда. 1997. 16 дек.
- Карташов В. Кого обжигает «пожар»? // Мар. правда. 1997. 20 дек.
- Герасимов В. Остался жить в своих книгах // Мар. правда. 2000. 20 сент.
- МБЭ. Йошкар-Ола, 2007. С. 118.