Царегородцев, Михаил Егорович

Михаил Егорович Царегородцев
Михаил Егорович Царегородцев
Шочмо кече	26 сорла 1937
Шочмо вер	Бандорино, Россий;
Колымо кече	30 вӱдшор 2016 (78 ий)
Колымо вер	Красноярск, Россий;
Гражданлык	СССР→ Россий
Паша сомыл	«Сибцветметавтоматикын» генеральный директоржо (1970—1993)
Награде да премий

Михаил Егорович Царегородцев (26 сорла 1937, Бандорино — 30 вӱдшор 2016, Красноярск) — совет да российысе предприятийым чоҥышо, «Сибцветметавтоматика» НПО-н генеральный директоржо (Красноярск).

Илыш корныжо

1937 ий 26 августышто Марий АССР-ысе Бандорино ялысе кугу кресаньык ешеш шочын^[1].

1960 ийыште — Свердловскысо курык институтым (руш.) (мар. «пайдале мландыпогын кӱнчен лукмо вержым ямдылымаш» специальность дене тунем пытарен, вара пашам ыштышылак, тиде вузыштак «курык йӧнозанлыкын автоматизацийже да кышкарысе механизацийже» кокымшо кӱшыл шинчымашым налын.

Шке паша корныжым Забайкалье рудниклаште да шӧртньӧ лукмаште тӱҥалын, крепильщиклан, проходчиклан, пудештарышылан, курык мастарлан, тӱҥ инженерлан пашам ыштен^[1].

1966 ийыште — Красноярскыш илаш куснен, тушто тунам тудын шольыжо илен, да тушто «Краспромавтоматика» предприятийыште пашам тӱҥалын (тыге тунам НПО-н ончыкылыкшо маналтын), тӱшкам вуйлатыше гыч предприятийын директоржо марте корным эртен (1970 ийыште), да тудым 1993 ий марте вуйлатен^[1].

Тиде постышто предприятийым 15 тӱжем пашаеҥан, шуко сатум ыштен лукшо-конструктор шинчымашан, шке НИИ-же, заводшо, путынь Совет Ушем мучко филиал-влакан шанче-производство кугу холдингыш савырен.

200 утла изобретенийын авторжо, нуно автор танык да патент-влак дене пеҥгыдемдалтыныт^[2].

Технике шанче кандидат, профессор, Российысе да Тӱнямбал инженер академий-влакын академикше.

1986 ий 9 май гыч 23 июль марте Чернобыль АЭС-ыште лийше азапым кораҥдымаште катар азапым кораҥдымаште радиовиктарыше технике дене коллективым вуйлатен^[3].

Тудын вуйлатымыж почеш НПО-што красноярск эмлымыверлаште кугыеҥ ден йоча-влаклан «Енисей» да «Мана» реанимаций барокамер-влак, сколиоз дене черле-шамычлан арвер ӱзгар-влак, онкологийлан магнитан-терапевт аппарат-влак ышталт вераҥдалтыныт.

2016 ий 30 апрельыште колен^[2].

Суаптар-влак

Кок Паша Йошкар Тисте орден^[3];
Патырлык орден — Чернобыль АЭС-ыште катарын азапшым кораҥдымаште суаплан^[4];
Ушемын «Чернобыль» оҥпалыже^[3];
Чиян металлургийын сулло пашаеҥже^[1];
«Россий Федерацийысе калык просвещенийын отличникше» чап тамга^[5];
Королёв лӱмеш кок шӧртньӧ медаль^[1].

Палемдымаш

↑ ¹ ² ³ ⁴ ⁵ Повелитель машин (руш.). Городские Новости Красноярск. Тергыме кече: 21 теле 2025.
↑ ¹ ² «Штучный» человек | НКК (руш.). Наш Красноярский край. Тергыме кече: 21 теле 2025.
↑ ¹ ² ³ Царегородцев Михаил Егорович (неопр.). museum.kraschern.ru. Тергыме кече: 21 теле 2025.
↑ Царегородцев Михаил Егорович – Награды России, 30 октября 1996 (руш.). ru.nagrady.by. Тергыме кече: 21 теле 2025.
↑ МАОУ школа-интернат № 1 :: М.Е. Царегородцев (руш.). school-int-1-krsk.ru. Тергыме кече: 21 теле 2025.

Кылвер-влак

«Штучный» человек — Наш Красноярский край.

[:0-1] ¹ ² ³ ⁴ ⁵ Повелитель машин (руш.). Городские Новости Красноярск. Тергыме кече: 21 теле 2025.

[:1-2] ¹ ² «Штучный» человек | НКК (руш.). Наш Красноярский край. Тергыме кече: 21 теле 2025.

[:2-3] ¹ ² ³ Царегородцев Михаил Егорович (неопр.). museum.kraschern.ru. Тергыме кече: 21 теле 2025.

[4] Царегородцев Михаил Егорович – Награды России, 30 октября 1996 (руш.). ru.nagrady.by. Тергыме кече: 21 теле 2025.

[5] МАОУ школа-интернат № 1 :: М.Е. Царегородцев (руш.). school-int-1-krsk.ru. Тергыме кече: 21 теле 2025.

[1]

[2]

[3]

[4]

[5]