Михеев, Николай Гурьянович

РУВИКИ — эрыкан энциклопедий гыч материал
Николай Гурьянович Михеев
Михеев Николай Гурьянович.jpg
Шочмо кече 17 сорла 1930(1930-08-17)
Шочмо вер
Колымо кече 10 ӱярня 2025(2025-03-10) (94 ий)
Колымо вер
Эл
Паша сомыл юрист, судья
Награде да премий

Honored Lawyer of the Russian Federation.png
Россий суд системын почётан пашаеҥже
Марий АССР-ын сулло юристше (1987)

Николáй Гурья́нович Михéев (17 сорла 1930, Руш Шолэҥер (Марий Тӱрек кундем), Горький край — 10 ӱярня 2025, Йошкар-Ола) — совет да российысе юрист. Йошкар-Ола суд председатель (1970―1975), Марий АССР / Марий ССР юстиций министрын алмаштышыже (1975―1992), юстицийын 3-шо классан кугыжаныш ойпуышыжо. Российысе суд системын почётан пашаеҥже. Россий Федерацийын сулло юристше (1995).

Илыш корныжо

1930 ий 17 августышто Руш Шолэҥер ялысе кресаньык ешеш шочын[1][2][3].

1947 ийыште Йошкар-Оласе фельдшер-акушер школым тунем пытарен[1][2].

1955 ийыште Озаҥысе кугыжаныш университетын  (руш.) (мар. юридический факультетыштыже тунеммыжым мучашлен[1][2]. Дипломым налмеке, Марий АССР Кӱшыл Каҥаш Президиум председательын полышкалышыже лийын[4][5].

1957―1969 ийлаште Йошкар-Олан кокымшо участкысе калык судьяже, 1970―1975 ийлаште ― председательже, 1993―1997 ийлаште ― Йошкар-Оласе суд председательын алмаштышыже, 1997―2005 ийлаште ― уэш Йошкар-Оласе судын судьяже лийын. Тудлан корным ончыктен шогышо-влак коклаште Марий Эл Республикысе Кӱшыл Суд председательын ончычсо алмаштышыже-влак Л. А. Асьянова ден В. С. Глушков лийыныт[5].

1975―1992 ийлаште Марий АССР / Марий Эл Республикын юстиций министр алмаштышыже лийын. Юстицийын 3-шо классан кугыжаныш ойпуышыжо (генерал-майор, 1992)[1][2][6]. Суд да нотариал контор-влакын пашаштым виктарымаште да пого-техникым ситарыме йодыш-влак шотышто тыршен. Тудын пашаеҥым ямдылыме, шийвундо да пого-техникым ситарыме шотышто пашаже пашаеҥым ойырен налын вераҥдаш, тыгак суд-влакын пого-технике негызыштым пеҥгыдемдаш да правосудийын паша йӧнжым саемдаш полшен[5].

Марий Элысе судья-влак ушем орган-шамычын пашаштышт тыршен. Михеевым шуко гана Марий Элысе судья-влак Каҥашын йыжыҥъеҥжылан сайленыт. Тудын темлымыж почеш Российыште икымше гана республикысе суд системын ветеран-влак мер ушемыштым ыштыме[5][7][8].

Марий Эл юстиций министерстве пеленысе Мер каҥашыш пурен.

Марий кугыжаныш университетын юридический факультетыштыже туныктен, Российысе да йотэлласе частный права шотышто кафедрын доцентше лийын. Шанче аланыште еш права да гражданский процесс йодышым кумылын шымлен[4][8].

1995 ийыште Михеевлан «Россий Федерацийын сулло юристше» чаплӱмым пуымо. Медаль-влак да кок гана Марий АССР Кӱшыл Каҥаш Президиумын Чаптаныкше дене палемдалтын. 2009 ийыште «Профессионал-юрист» номинацийыште «Марий Эл Республикын юристше» премий дене палемдалтын[1][2].

2025 ий 10 мартыште Йошкар-Олаште колен[8].

Пагалымаш

  • Россий суд системын Почётан пашаеҥже[4][8];
  • Марий АССР-ын сулло юристше  (руш.) (мар. (1987)[1][2];
  • Россий Федерацийын сулло юристше (1995 ий 5 октябрь)[1][2] ― тӧртыкым пеҥгыдемдымаште суапшылан да шуко ий кыртмен пашам ыштымыжлан[9];
  • Россий Федераций Кӱшыл Суд пеленысе Суд департаментын «Чапле службылан» медальже[5];
  • «Россий Кӱшыл судлан 100 ий» лӱмгече медаль (2023)[10];
  • Марий АССР-ысе Кӱшыл Каҥаш Президиумын Чаптаныкше (1967, 1980)[1][2].

Палемдымаш

  1. ↑ 1 2 3 4 5 6 7 8 Мочаев, 2017, с. 285.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 545.
  3. ↑ Русский Шолнер | Родная Вятка (руш.). rodnaya-vyatka.ru. Тергыме кече: 29 сорла 2025.
  4. ↑ 1 2 3 Михеев Николай Гурьянович, <http://marihistory.ru/2011-01-01-20-09-57/26345-mikheev-nikolaj-guryanovich.html>. Тергыме: 13 ӱярня 2025. 
  5. ↑ 1 2 3 4 5 Суд – это долг и призвание, <https://mrl.mk.ru/articles/2014/12/03/sud-eto-dolg-i-prizvanie.html>. Тергыме: 13 ӱярня 2025. 
  6. ↑ О присвоении классных чинов работникам органов юстиции Российской Федерации. pravo.gov.ru. Тергыме кече: 29 сорла 2025.
  7. ↑ Заслуженный юрист Марий Эл Николай Михеев на пенсии продолжает общественную деятельность (руш.). Новости Марий Эл - Новости Йошкар-Олы - ГТРК «Марий Эл». Тергыме кече: 29 сорла 2025.
  8. ↑ 1 2 3 4 Николай Гурьянович Михеев, <https://www.marpravda.ru/spetsproekty-mp/vechnaya-pamyat/nikolay-guryanovich-mikheev/>. Тергыме: 13 ӱярня 2025. 
  9. ↑ Михеев Николай Гурьянович – Награды России, 1995-10-05 (руш.). ru.nagrady.by. Тергыме кече: 29 сорла 2025.
  10. ↑ Председатель Верховного Суда Республики Марий Эл вручил заслуженные награды ветеранам судебной системы - новости Йошкар-Олы (руш.). Гид Йошкар-Олы. Тергыме кече: 29 сорла 2025.

Литератур

  • Иваков А. В. Михеев Николай Гурьянович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 239. — 2032 экз. — ISBN 5-87898-357-0.
  • Михеев Николай Гурьянович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 545. — 872 с. — 3505 экз. — ISBN 978-5-94950-049-1.
  • Иваков А. В. Михеев Николай Гурьянович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 285. — 606 с. — 1500 экз. — ISBN 978-5-905314-35-3.
  • Тимофеева О. Суд ― это долг и призвание. Судья Николай Михеев всегда отстаивал справедливость и сохранял беспристрастность // Московский комсомолец в Республике Марий Эл. ― 2014. ― 3 декабря.

Кылвер-влак

"https://mhr.ruwiki.ru/w/index.php?title=Михеев,_Николай_Гурьянович&oldid=1205714" гыч налме