Дегтярёв, Михаил Владимирович

РУВИКИ — эрыкан энциклопедий гыч материал
Михаил Владимирович Дегтярёв
Михаил Дегтярёв официальный портрет.jpg
Флаг
Россий Федерацийын спорт министрже
Флаг
2024 ий 14 май гыч
Президент Владимир Путин
Ончычсо пашаеҥ Олег Матыцин
Флаг
Российысе Олимпий комитетын президентше
Флаг
2024 ий 14 май гыч
Ончычсо пашаеҥ Станислав Поздняков
Флаг
Хабаровск кундемын губернаторжо
Флаг
2021 ий 24 сентябрь
(врио 2020 ий 20 июль — 2021 ий 24 сентябрь) — 2024 ий 14 май
Президент Владимир Путин
Ончычсо пашаеҥ Сергей Фургал
Алмаштыше Александр Никитин (врио, должностышто)
Дмитрий Демешин
Флаг
Физкультур, спорт, туризм да самырык-влакын пашашт шотышто Кугыжаныш Думо комитетын председательже
Флаг
2016 ий 5 октябрь — 2020 ий 20 июль
Ончычсо пашаеҥ Дмитрий Свищёв
Алмаштыше Борис Пайкин
Флаг
ЛДПР партийын спискыже почеш Россий Федерацийын Федеральный собранийжын VI[1] да VII[2] созыв-влакын Кугыжаныш думын депутатше
Флаг
2011 ий 21 декабрь — 2020 ий 20 июль
Флаг
ЛДПР партийын спискыж почеш Самара губернийысе думын депутатше
Флаг
2007 ий 11 март — 2011 ий 21 декабрь
Флаг
9 №-ан Октябрьысе сайлыме округын Самара оласе думын депутатше
Флаг
2004 ий 5 июль — 2007 ий 11 март
Шочын 1981 ий 10 сӱрем(1981-07-10) (45 ий)
Куйбышев, РСФСР, СССР
Ача Владимир Иванович Дегтярёв
Ава Светлана Михайловна Дегтярёва
Пелаш Галина Викторовна Дегтярёва
Икшыве-влак ныл эрге
Партий Идущие вместе (2001—2003)
Единая Россия (2003—2005)
ЛДПР (2005 ий гыч)
Шинчымаш Самарысе аэрокосмос кугыжаныш университет
Россий Федерацийысе Сарзе Вийын Генеральный штабшын сарзе академийже
Россий Федерацийын Президентше пелен Калык озанлык да кугыжаныш службо Российысе академий
Тӱнямбал цивилизаций институт
Шанче степень юридический шанче кандидат
Паша
политик,
кугыжаныш служышо
Религий дене кылдалтмаш Православий
Награде
Сайт Официальный сайт Правительства Хабаровского края
Логотип РУВИКИ.Медиа РУВИКИ.Медиаште медиафайл-влак

Михаил Владимирович Дегтярёв (шоч. 10 сӱрем 1981, Куйбышев) — Российысе кугыжаныш, политике да мер пашаеҥ. 2024 ий 14 май гыч РФ спорт министр[3]. 2021 ий 24 сентябрь гыч 2024 ий 14 май марте Хабаровск кундемын губернаторжо (врио 2020 ий 20 июль — 2021 ий 24 сентябрь)[4]. 2021 ий 15 ноябрь гыч Россий Федераций Кугыжаныш каҥашын членже. Юридический шанче кандидат (2020).

2024 ий 13 декабрь гыч Российысе олимпий комитетын президентше[5][6].

VI ден VII созыв Кугыжаныш думыжын депутатше (2011 ий 21 декабрь — 2020 ий 20 июль). ГД-н капкультур, спорт, туризм да самырык-влакын пашашт шотышто комитетын председательже (2016 ий 5 октябрь — 2020 ий 20 июль)[7]. VI созыв Кугыжаныш думын науко да технологий шотышто комитет председательын алмаштышыже (2011 ий 21 декабрь — 2016 ий 5 октябрь)[7].

VII созыв Кугыжаныш думышто ЛДПР Кӱшыл каҥашын йыжыҥъеҥже (2013—2017) да ЛДПР фракций президиумын йыжыҥъенже (2017—2020)[7][8].

2021 ий гыч — ЛДПР-ын Хабаровск кундем пӧлкажын председательже, 2023 ийыште тиде постыш уэш сайлалтын[9].

Фехтований дене спорт мастер, фехтований дене Российысе да тӱнямбал таҥасымашын призёржо, Самара ден Самара областьын шуко гана чемпионжо[7].

Илыш корныжо

Тӱҥалтыш ий-влак

1981 ий 10 июльышто Куйбышевыште медик-влак ешеш шочын[7]. Ачаже — Владимир Иванович Дегтярёв (1949 ийыште ш.), акушер-гинеколог, Россий Федерацийын сулло врачше, «Самара областьысе клинике кардиологий диспансер» кугыжаныш тазалыкаралтыш тӧнежын врачше[7][10]. Аваже — Светлана Михайловна Дегтярёва (1953 ийыште ш.), врач-гастронэнтеролог, Самарыште «4 управленийын клиникыже» частный медицине компанийыште пашам ыштен[7][11].

Тунеммаш да шанче паша

1998 ийыште Дегтярёв чаплын ойыртемалтме дене Самарысе тӱнямбал аэросандалык лицейым пытарен, 2004 ийыште Самарысе кугыжаныш аэросандалык университетым пытарен. 2004 ден 2005 ийлаште тиде университетыште почела инженер ден менеджер квалификацийым налын[12].

2012 ийыште Тӱнямбал цивилизаций институтым пытарен да юрист квалификацийым налын[13].

2015 ийыште РФ ВС-ын Генеральный штабшын Сарзе академийыштыже Дегтярёв сарзе планироватлымаш йодышла шотышто ешартыш программе почеш тунемын[14].

2017 ийыште Дегтярёв калык Российысе калык озанлык да кугыжаныш службо академийыште (РАНХиГС) тунемын да «кугыжаныш ден муниципал вуйлатымаш шотышто специалист» квалификацийым налын[7][15].

1999 ий гыч Дегтярёв радиостанцийын агентшылан, турист агентлан, «Билайн-Самара» ОАО-н инженержылан, СГАУ-со «Энергетике установко-влакын автоматикан системышт» (АСЭУ) кафедрын инженержылан пашам ыштен[7].

2000 ден 2001 ийлаште — Владимир Потанинын Суап пашалык фондшын федерал программыжын стипендиатше[16].

2004 ийыште Дегтярёв СГАУ-со энергетике установко-влакын автоматикан системышт кафедрын аспирантше лийын, а 2008 ий гыч технике науко кандидат шанче степеньым кычалше статусыш куснен. РИНЦ-лан келшышын, 22 шанче савыктышыже, тидын шотыштак 5 патентше уло[17][18][19].

2019 ий 25 октябрь гыч Дегтярёв РАНХиГС-ын кугыжаныш ден муниципал вуйлатымаш кафедрыжын аспирантурышто тунемде кычалшыже[15].

2020 ий 27 майыште РАНХиГС-ыште профессор И. В. Понкинын шанче вуйлатымыже почеш Дегтярёв «Спортышто допинг ваштареш мерым административно-правалык йӧн дене тӧрлен шогымо йотэл опыт» теме дене диссертацийым арален (умбалне улмо режимыште)[20][21].

2020 ий 29 июньышто Дегтярёвлан юридический науко кандидатын шанче степеньым пуымо[22].

Мер паша

Михаил Дегтярёв Александр Овечкин дене 2018 ийыште.

2009 ий 23 октябрьыште Дегтярёв Самар областьысе Фехтований федерацийын (ФФСО) президентшылан сайлалтын[7][23][24]. 2018 ий 12 апрельыште Российысе Хоккей федерацийын правленийышкыже сайлалтын[7][25].

2013 ий 25 декабрь гыч — Россий Федерацийын президентше пеленысе тӱшкан кучылтшаш авиацийым вияҥдыме йодышла шотышто Комиссийын членже[7][26]. 2018 ий 10 февральыште РФ президент пеленысе тӱшкан кучылтшаш авиацийым вияҥдыме да ГЛОНАСС негызеш ышталтше навигационно-информационный йодышла шотышто Комиссийыш уэш пурталтын[7][27].

2013 ий 12 декабрь гыч — Российысе шанче фондын полшен шогышо каҥашыштыже[7][28]. 2018 ий 13 декабрьыште Российысе шанче фондын полшен шогышо каҥашышкыже уэш пурталтын[7][29].

2014 ий ноябрьыште Дегтярёв Российысе инженер-влак ушемын вице-президентшылан сайлалтын[7][30].

2017 ий гыч — РФ Президент пеленысе капкультур ден спортым вияҥдыме шотышто Каҥашын членже[7][31]. 2018 ий 30 октябрь гыч — Президент пеленысе капкультур ден спортым вияҥдыме шотышто Каҥашын спорт шотышто тӧртыкшотым саемдыме шотышто пашаче тӱшкам вуйлатыше[7][32].

2019 ий 10 апрельыште Дегтярёв Тӱнямбал руш калык соборын — Руш православий черкын ыштыме тӱнямбал мер организацийын — президиумышкыжо пурен[7].

Сандалыкысе паша шотышто «Россандалык» кугыжаныш корпораций пеленысе Мер каҥашын йыжыҥъеҥже[7][33].

Книга-влак

Книга-влакын авторжо:

  • «Личностьын шкекучемже гыч императорын шкекучемже марте»;
  • «Шке Шочмо Элыштыже пиямбар»;
  • «Пиямбар 2.0».

Пытартыш кок книгаже Владимир Жириновскийлан пӧлеклалтын. Икмыняр шанче статьян авторжо[34][7].

Политике паша

Михаил Дегтярёв 2018 ийыште Моско мэрыш кандидатлан ойырымо годым

2001 гыч 2003 ий йотке — «Пырля кайыше-влак» самырык-влакын толкыныштын Самара кундемысе пӧлкаштын председательже[7]. 2003 ий сентябрьыште «Икоян Россий» партийыш да «Самырык-влакын икоян улмышт» толкыныш пурен (варарак МГЕР)[7]. «Лента.ру»-н журналистше Илья Азарлан интервьшто Дегтярёв партийыш пурымыжо шотышто палемден: инженерлан пашам ыштымыже годым генеральный директор чыла пашаеҥым поген да пураш кӱлмӧ нерген каласен да «мый торешланаш шым тӱҥал, молан манаш гын партийлан Путин полшен шоген, а мый президент дек нимогай ӱшаныдымымат тунамат, кызытат шижын омыл», кеч тыгеат палемден коден: «тушто кок ий лийынам, да кок гана мыйым лукташ тӧченыт»[35].

2003 ий сентябрь гыч 2005 ий декабрь йотке — «Икоян Россий» партийын «Самырык-влакын Икоян улмышт» толкынын Самарысе пӧлкажым вуйлатышын алмаштышыже, вуйлатышыже, Самарысе губерний думын самырык-влакын парламентыштын членже, а 2004 ий майыште самырык-влакын парламентыштын председательжын алмаштышыжлан сайлалтын. Самара областьысе самырык-влакын ушемлаштышт участвоватлен[7][36][37].

2004 ийыште Самара оласе думыш 9 №-ан Октябрьысе округ деч депутатлан сайлалтын[7][38].

ЛДПР-ыште

2005 ий ноябрьыште ЛДПР-ын Юл кундемыште кураторжо да Кугыжаныш думын депутатше Юрий Коган координатор должностьыш у кандидатурым кычалын да тиде верым Дегтярёвланат темлен[7][39][40]. 2005 ий декабрьыште Дегтярёв ЛДПР радамыш пурен. 2006 ий 15 апрельыште ЛДПР-ын Самара кундемысе пӧлкажын координаторжылан сайлалтын. ЛДПР лидер, РФ Кугыжаныш Думын депутатше Владимир Жириновскийын полышкалышыже лийын[7].

2007 ий 11 мартыште Дегтярёв ЛДПР партийын Самара кундемысе пӧлкаже деч пӱтынь областьысе сайлыше округ гыч Самарысе нылымше созыв губерний думын депутатшылан сайлалтын[41]. Самарысе губерний думын эреак пашам ыштен шогышо дупутатше, тазалыкаралтыш, демографий да социал политике шотышто комитет председательын алмаштышыже, культур, спорт да самырык-влаклан политике шотышто комитетын членже, Самара областьысе Самырык-влакын кундемысе погынымашыштын председательжын алмаштышыже. ЛДПР фракций член[7].

2009 ий майыште Дегтярёв Самара областьысе Самырык-влакын кундемысе погынымашыштын председательжын алмаштышыжлан сайлалтын[7].

2013 ий июньышто ЛДПР-ын рӱдоласе пӧлкаже Дегтярёвым Москон мэржым сайлымаште участвоватлаш луктын. Жириновский Дегтярёвым рӱдолан историйыштыже мэрлан эн самырык кандидат да «кристалл гай яндар» айдеме семын темлен[42].

2016 ий мартыште Владимир Жириновский Дегтярёвым 2018 ийысе сайлымаште ЛДПР деч Россий президентыш кандидат лийын кертше кокла гыч иктыже манын каласен[43].

Дегтярёв 2006 ийыште Самара оласе округым вуйлатышым[7][44] да 2013 ден 2018 ийлаште Москон мэржым сайлымаште лийын[7].

Сайлымаште лиймаш

Шке политике карьерыштыже ола ден регион вуйлатыше-влакым сайлымаште ныл гана участвоватлен.

  • 2006 ийыште Самаран мэржым сайлымаште тудо 1,71 % йӱкым поген[45].
  • 2013 ийыште Москон мэржым сайлымаште 2,86 % йӱкым поген[45].
  • 2018 ийыште Москон мэржым сайлымаште 6,72 % йӱкым поген[45].
  • 2021 ийыште Хабаровск кундемын губернаторжым сайлымаште 56,81 % йӱкым поген[46].

Кугыжаныш Думын депутатше

2011 ий 21 декабрь гыч Дегтярёв — VI ден VII созыв Кугыжаныш думын депутатше[7].

  • 2011 гыч 2016 ий йотке — VI созыв Кугыжаныш думын науко ден технологий шотышто комитет председательын алмаштышыже[7].

2016 ийыште Дегтярёв VII созыв Кугыжаныш думыш депутатлан спискын федерал ужашыштыже сайлалтын, Капкультур, спорт, туризм да самырык-влакын пашашт шотышто комитет председательлан шогалтеныт[7].

Хабаровск кундемын губернатор

Михаил Дегтярёв Владимир Путин дене пашаче вашлиймаште, 2021 ий 16 февраль
Михаил Дегтярёв Хабаровск кундемын губернаторжын должностьышкыжо шогалеш, Хабаровск, 2021 ий 24 сентябрь

2020 ий 20 июльышто Российын президентше Владимир Путин ончычсо губернатор Сергей Фургалым арестоватлыме деч вара Дегтярёвым Хабаровск кундемын губернаторжын пашажым жаплан шуктышылан шогалтен[7].

2020 ий 21 июльышто Дегтярёвым Хабаровск кундемысе правительствылан палымым ыштеныт[47].

Врио губернатор постышто Дегтярёв торешланыше-влак деке пеҥгыде позицийым налын, «окна йымалне кычкыркалыше-влак дене мутланымеш тыште вуйлатышылан чынже денак паша уло» манме амалым муын, нунын деке лекташ тореш лийын, да тыгак каласен: торешланыше-влак дек шкенжын лекмыжым тудо еҥ-влак дене мутланымаште «корректный форматлан» ок шотло. Дегтярёв торешланыше-влак дек пашаш шогалмекыже ик арня эртымек, 26 июльышто, икымше гана лектын[48]. Варажым Дегтярёв икмыняр гана палемден ойлен: рӱж тарваныше торешланымашым эн тӱҥалтыштак провокатор-влак вуйлатеныт[49][50].

2020 ий 18 августышто Дегтярёв Калык каҥашым ыштыме нерген увертарен да тушко Хабаровск кундемыште торешланыше-влакым ӱжын.

Пашаш шогалме деч вара врио губернатор тыге каласен: ончыч лийше еҥын командыже умбакыже пашам ышта[51]. Вес тылзылаште Дегтярёв Хабаровскысо министр-влак велым саботаж улмылан вуйым шийын, да тыгак правительстве председательын кок алмаштышыжым, губернаторын ойпуышыжым да тазалыкаралтыш министрым вашталтен[52][53][54].

2021 ий 19 июньышто Дегтярёвым Хабаровск кундемын губернаторжым сайлымаште кандидатлан ойыреныт[55][56].

2021 ий 19 сентябрьыште Дегтярёв сайлымаште сеҥен, тудын верч 56,81 % сайлыше йӱклен[57][58].

2021 ий 24 сентябрьыште Дегтярёв Хабаровск кундемын губернаторжын должностьышкыжо шогалын[59].

2021 ий 15 ноябрьыште Россий Федераций президентын указше дене Дегтярёвым РФ Кугыжаныш Каҥашыш пуртымо[60].

РФ спорт министр

2024 ий 11 майыште РФ правительствын председательже Михаил Мишустин Дегтярёвым спорт министрлан шогалташ темлен. Дегтярёв сӧрен: Минспортым вуйлата гын, ведомство тудын годым тӱшкалык спортым вияҥдыме пашалан пижеш, приоритет коклаште тыгак Россий кӧргысӧ спортын сӧраллыкше да спорт дене тыршыме годым еҥ-влаклан оксам тӱлымым кораҥдымаш лийыт[61].

2024 ий 14 майыште РФ Кугыжаныш думын депутатше-влак Михаил Дегтярёвым Минспорт вуйлатышын постышкыжо пеҥгыдемденыт[62], тиде кечынак РФ президент пашаш шогалтыме нерген указеш кидпалым пыштен[63].

2024 ий 17 октябрьыште Российысе Теннис федерацийын вуйлатышыже Шамиль Тарпищев Ӱпӧ олаште физкультур ден спортым вияҥдыме шотышто каҥашын заседанийыштыже выступатлен да Дегтярёвын кандидатурыжым Российысе олимпий комитет президентын постышкыжо темлен. Ты заседанийыште лийше Российын президентше Владимир Путин шонымашым сайлан шотлен да тидын нерген сайын шоналташ кӱлеш манын[6].

2024 ий 17 октябрьыште Российысе Теннис федерацийын вуйлатышыже Шамиль Тарпищев, Уфаште капкультур ден спортым вияҥдыме шотышто каҥашын заседанийыштыже ойлышыжла, Российысе Олимпий комитетын президентше постыш Михаил Дегтярёвын кандидатурыжым темлен. Заседанийыште лийше Россий президент Владимир Путин тиде шонымашым чот тӱткын ончалаш кӱлеш манын[6].

2024 ий 13 декабрьыште Москошто ий еда эртаралтше Олимпий собранийыште Дегтярёвым Российысе Олимпий комитетын президентшылан сайленыт[5].

Дегтярёв министерствын ыштыме Российысе спорт фондым вуйлаташ тӱҥалшаш, улмаш[64].

2025 ий июльышто Дегтярёв Швейцарийысе Лозанна олаште Тӱнямбал олимпий комитетын штаб-пачерыштыже лийын, тушто тудо российысе спортсмен-влакын олимпий таҥасымашлашке ушнымышт шотышто вашлиймаш ден мутланымаш-влакым эртарен.

Шке илыш

Пелашыже — Галина Викторовна Дегтярёва[7], Самарыште ончыкылык ава-влаклан «Пузико» ООО кевытым почшо (кевытым 2014 ийыште ужалыме). Ныл эргым ончен кушта. 2020 ий гыч еш дене Хабаровскышто ила[65].

Англичан йылмым пала[7].

Тӱнямбал санкций-влак

Евроушемын (2014 ий 26 июль)[66][67][68], Австралийын (2014 ий 30 август)[69][70], Швейцарийын (2014 ий 5 август)[71] да Канадын (2014 ий 6 август) санкциян спискышкышт пурталтын[72].

2022 ий 12 март гыч Европысо ушемын чыла элжын санкцийже йымалне улеш, 2022 ий 16 сентябрь гыч — Великобританийын санкцийже йымалне, 2022 ий 16 март гыч — Швейцарийын санкцийже йымалне, 2020 ий 1 октябрь гыч — Австралийын санкцийже йымалне.

2018 ий 21 июнь гыч Украинын санкцийже йымалне улеш, 2022 ий 3 май гыч — У Зеландийын санкцийже йымалне.

2023 ий 24 февральыште США Дегтярёвым санкциян спискыш пуртен[73].

2025 ий мартыште Евроушем Венгрийын йодмыж дене Дегтярёвым санкций списке гыч кораҥден[74].

2025 ий 18 мартыште Швейцарий Михаил Дегтярёвым санкций списке гыч кораҥден[75].

Награде-влак

Россий Федерацийын Обороно министерствыжын «Крымым пӧртылтымылан» медальже
  • Келшымаш Орден[76];
  • Шнуй Великий князь Александр Невскийын II степенян орденже (2025 ий 27 август)[77];
  • Россий Федераций Президентын Чап грамотшо (2014 ий 4 апрель) — шуко ий пашам тыршен ыштымылан да мер пашам чолган шуктымылан[78].
  • Россий Федераций Президентын Таумутшо (2014 ий 25 сентябрь) — законым лукмаште чолган тыршымылан, законностьым пеҥгыдемдымаште, граждан-влакын праваштым да интересыштым аралымаште суаплан, шуко ий пашам тыршен ыштымылан[79].
  • Россий Федерацийын Обороно министерствыжын «Крымым пӧртылтымылан» медальже[80].
  • 2017 ий 28 июньышто Россий МЧС-ын «Утаралтме лӱмеш келшымаш верч» медальже.
  • Россий Федерацийын Обороно министерствыжын «Сирийыште сарзе операцийын участникшылан» медальже.

Палемдымаш

  1. ↑ Региональная группа № 64 (Самарская область), № 1 в списке
  2. ↑ Федеральный список, № 6 в списке
  3. ↑ Госдума утвердила кандидатуры министров. РИА "Новости" (14 вӱдшор 2024). Тергыме кече: 14 ага 2024.
  4. ↑ Михаил Дегтярев вступил в должность губернатора Хабаровского края. ТАСС. Тергыме кече: 24 идым 2021. Архивлыме 24 идым 2021 ий.
  5. ↑ 1 2 Михаила Дегтярева избрали президентом Олимпийского комитета России, <https://www.rbc.ru/sport/13/12/2024/675bed1b9a794716fa2e7869>. Тергыме: 13 теле 2024. 
  6. ↑ 1 2 3 Путин назвал оправданной идею выдвинуть Дегтярева на пост главы ОКР, <https://www.rbc.ru/sport/17/10/2024/671157cd9a7947acb0ab7df6?>. Тергыме: 17 шыжа 2024. 
  7. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 Дегтярёв, Михаил Владимирович Архивысе копий 20 сӱрем 2020 гыч // Энциклопедия ТАСС
  8. ↑ В ЛДПР создан Президиум фракции Архивысе копий 17 пургыж 2017 гыч — Официальный сайт политической партии ЛДПР
  9. ↑ Михаил Дегтярёв переизбран координатором Хабаровского регионального отделения ЛДПР (11 пургыж 2023).
  10. ↑ Указ Президента РФ от 25 апреля 2011 г. N 523 «О награждении государственными наградами Российской Федерации» Архивысе копий 20 пургыж 2019 гыч — Официальный сайт Президента Российской Федерации
  11. ↑ Дегтярёва Светлана Михайловна Архивысе копий 22 сӱрем 2020 гыч // Kleos.ru
  12. ↑ Губернатор. www.khabkrai.ru. Тергыме кече: 31 шорыкйол 2022. Архивлыме 7 пургыж 2022 ий.
  13. ↑ Дегтярев, Михаил Владимирович. ТАСС. Тергыме кече: 31 шорыкйол 2022. Архивлыме 20 идым 2021 ий.
  14. ↑ Дегтярёв Михаил Владимирович (руш.). www.pnp.ru. Тергыме кече: 31 шорыкйол 2022. Архивлыме 31 шорыкйол 2022 ий.
  15. ↑ 1 2 Заключение федерального государственного бюджетного образовательного учреждения высшего образования Российская академия народного хозяйства и государственной службы при Президенте Российской Федерации. Тергыме кече: 22 сӱрем 2020. Архивлыме 23 сӱрем 2020 ий.
  16. ↑ Самарский международный аэрокосмический лицей г.Самара-Выпускники. edc-samara.ru. Тергыме кече: 13 шорыкйол 2020. Архивлыме 13 шорыкйол 2020 ий.
  17. ↑ Биография губернатора Хабаровского края Михаила Дегтярева - ТАСС. TACC.
  18. ↑ *Патент на полезную модель № RU 49210 U1 от 10.11.2005. Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 31.05.2006
    • Патент на полезную модель № RU 82149 U1 от 20.04.2009. Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 17.04.2009
    • Патент на полезную модель № RU 121462 U1 от 27.10.2012 . Автор(ы): Изжеуров Евгений Александрович, Дегтярёв Михаил Владимирович, дата прекращения действия патента: 04.11.2012
    • Патент на изобретение № RU 2532736 C2 от 10.11.2014. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, дата прекращения действия патента: 23.01.2015
    • Патент на изобретение № RU 2540315 C2 от 10.02.2015. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, Сафин Артур Ильгизарович, дата прекращения действия патента: 16.03.2015
  19. ↑ Дегтярёв, Михаил Владимирович. elibrary.ru. Тергыме кече: 22 сӱрем 2020.
  20. ↑ Дегтярёв Михаил Владимирович Архивысе копий 22 сӱрем 2020 гыч // Российская академия народного хозяйства и государственной службы
  21. ↑ Дегтярёв, Михаил Владимирович. Зарубежный опыт административно-правового регулирования антидопинговых мер в спорте Архивысе копий 23 сӱрем 2020 гыч : дисс. … канд. юрид. наук : 12.00.14 / Дегтярёв Михаил Владимирович; [Место защиты: Российская академия народного хозяйства и государственной службы при Президенте Российской Федерации]. — Москва, 2020. — 213 с.
  22. ↑ Приказ ректора РАНХиГС при Президенте РФ от 29.06.2020 № 01-5480 «О выдаче диплома о присуждении ученой степени кандидата наук» Архивысе копий 22 сӱрем 2020 гыч
  23. ↑ Профиль на официальном сайте Самарской Губернской Думы Архивысе копий 4 ӱярня 2016 гыч — Официальный сайт Самарской Губернской Думы
  24. ↑ Фехтование Архивысе копий 17 ага 2017 гыч — Официальный сайт министерства спорта Самарской области
  25. ↑ Глава комитета ГД по спорту Дегтярев вошёл в состав правления ФХР Архивысе копий 20 сӱрем 2020 гыч // ТАСС, 12.04.2018
  26. ↑ Состав Комиссии при Президенте Российской Федерации по вопросам развития авиации общего назначения. Тергыме кече: 26 ӱярня 2014. Архивлыме 28 пургыж 2014 ий.
  27. ↑ Указ Президента Российской Федерации от 10.02.2018 г. № 65 (руш.). Президент России. Тергыме кече: 11 ӱярня 2019. Архивлыме 14 ӱярня 2019 ий.
  28. ↑ Указ Президента Российской Федерации от 13.12.2018 № 715 «О попечительском совете Российского научного фонда». Тергыме кече: 14 шорыкйол 2019. Архивлыме 15 шорыкйол 2019 ий.
  29. ↑ Президент определил новый состав попечительского совета РНФ. Российский научный фонд. Тергыме кече: 14 теле 2018. Архивлыме 15 теле 2018 ий.
  30. ↑ Официальный сайт Российского союза инженеров. Тергыме кече: 29 ӱярня 2022. Архивлыме 15 сорла 2021 ий.
  31. ↑ Указ Президента Российской Федерации от 27.12.2017 № 633 Архивысе копий 28 теле 2017 гыч — Официальный портал правовой информации.
  32. ↑ Распоряжение Президента Российской Федерации от 30.10.2018 № 319-рп Архивысе копий 31 шыжа 2018 гыч — Официальный интернет-портал правовой информации
  33. ↑ Общественный совет - Госкорпорация «Роскосмос». www.roscosmos.ru. Тергыме кече: 12 вӱдшор 2020. Архивлыме 13 вӱдшор 2020 ий.
  34. ↑ Михаил Дегтярёв назвал Владимира Жириновского пророком (21 пургыж 2022).
  35. ↑ Илья Азар «Россия будет флагманом борьбы с Антихристом». Интервью с кандидатом в мэры Москвы Михаилом Дегтяревым Архивысе копий 22 сӱрем 2020 гыч // Лента.ру, 16.08.2013
  36. ↑ Идущие вместе провели в Самаре заключительную акцию проекта Единение поколений
  37. ↑ Молодёжный парламентаризм в современной России Архивысе копий 4 ӱярня 2016 гыч ГБУ СО «Агентство по реализации молодёжной политики»
  38. ↑ Итоги голосования на выборах депутата Самарской городской Думы по округу № 9 Архивысе копий 16 сорла 2016 гыч // Официальный сайт Избирательной комиссии Самарской области
  39. ↑ Соколы заклевали варяга (руш.). www.kommersant.ru (16 кылме 2005). Тергыме кече: 22 теле 2021. Архивлыме 22 теле 2021 ий.
  40. ↑ «Соколы Жириновского» нацелились на «медведя» (руш.). www.kommersant.ru (2 пургыж 2006). Тергыме кече: 22 теле 2021. Архивлыме 22 теле 2021 ий.
  41. ↑ Михаил Дегтярев (руш.). Газета.Ru. Тергыме кече: 31 шорыкйол 2022. Архивлыме 31 шорыкйол 2022 ий.
  42. ↑ Жириновский выдвинул в мэры Москвы молодого депутата Дегтярёва Архивысе копий 4 теле 2017 гыч// НТВ
  43. ↑ Жириновский пойдёт на выборы президента с четырьмя преемниками (руш.). Life.ru (2 ӱярня 2016). Тергыме кече: 22 теле 2021. Архивлыме 22 теле 2021 ий.
  44. ↑ Общие сведения о кандидате на должность главы г. о. Самара Михаиле Дегтярёве Архивысе копий 9 пеледыш 2015 гыч — Официальный сайт Избирательной комиссии Самарской области
  45. ↑ 1 2 3 Биография врио губернатора Хабаровского края Михаила Дегтярева, <https://web.archive.org/web/20200728074333/https://tass.ru/info/9007455>. Тергыме: 28 сӱрем 2020. 
  46. ↑
  47. ↑ Врио главы Хабаровского края представили правительству региона (руш.). РИА Новости. Тергыме кече: 22 сӱрем 2020. Архивлыме 22 сӱрем 2020 ий.
  48. ↑ Дегтярев впервые вышел к участникам акций в поддержку Фургала, 2020--07-26, <https://web.archive.org/web/20200728235440/https://www.kommersant.ru/doc/4432790#id1926711>. Тергыме: 30 сӱрем 2020. 
  49. ↑ Врио бьет по своим, 2020-07-25, <https://web.archive.org/web/20200729065029/https://www.kommersant.ru/doc/4432341>. Тергыме: 30 сӱрем 2020. 
  50. ↑ Дегтярев заявил о провокаторах из Грузии на акциях в Хабаровске, 2020-07-30, <https://web.archive.org/web/20200731065501/https://www.kommersant.ru/doc/4434732>. Тергыме: 30 сӱрем 2020. 
  51. ↑ Врио хабаровского губернатора Дегтярев сохранит команду Фургала, 2020-07-30, <https://web.archive.org/web/20200725031320/https://www.kommersant.ru/doc/4425258>. Тергыме: 30 сӱрем 2020. 
  52. ↑ Дегтярев уволил трех человек из команды Фургала, 2020-07-24, <https://web.archive.org/web/20200726034958/https://www.kommersant.ru/doc/4426810>. Тергыме: 30 сӱрем 2020. 
  53. ↑ Дегтярев уволил главу минздрава Хабаровского края, 2020-09-01, <https://www.kommersant.ru/doc/4457832>. Тергыме: 17 сорла 2020. 
  54. ↑ Дегтярев пожаловался на саботаж со стороны хабаровских министров, 2020-09-01, <https://www.forbes.ru/newsroom/obshchestvo/406911-degtyarev-pozhalovalsya-na-sabotazh-so-storony-habarovskih-ministrov>. Тергыме: 12 сорла 2020. 
  55. ↑ ЛДПР выдвинула Дегтярева на выборы губернатора Хабаровского края. ТАСС. Тергыме кече: 19 пеледыш 2021. Архивлыме 19 пеледыш 2021 ий.
  56. ↑ Хабаровское отделение ЛДПР выдвинуло Дегтярева на выборы губернатора (руш.). РИА Новости. Тергыме кече: 19 пеледыш 2021. Архивлыме 19 пеледыш 2021 ий.
  57. ↑ Дегтярев победил на выборах главы Хабаровского края. Тергыме кече: 20 идым 2021. Архивлыме 21 идым 2021 ий.
  58. ↑ Егор Измалкин. Дегтярев выиграл выборы губернатора Хабаровского края в первом туре (руш.). Пятый канал. Тергыме кече: 20 идым 2021.
  59. ↑ Дегтярев вступил в должность губернатора Хабаровского края (руш.). Interfax.ru. Тергыме кече: 24 идым 2021. Архивлыме 24 идым 2021 ий.
  60. ↑ Указ Президента Российской Федерации от 15.11.2021 № 653 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Тергыме кече: 15 кылме 2021. Архивлыме 15 кылме 2021 ий.
  61. ↑ Дегтярев рассказал, чем займется на посту главы Минспорта. РБК (12 ага 2024).
  62. ↑ Госдума утвердила Дегтярева на пост главы Минспорта. РИА Новости (14 ага 2024). Тергыме кече: 14 ага 2024.
  63. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 14 ага 2024.
  64. ↑ Сергей Астахов. Дегтярёв рассказал, что федерации будут получать средства от букмекеров по старой схеме вплоть до принятия закона о спортивном фонде. matchtv.ru. Матч ТВ (26 ӱярня 2025). Тергыме кече: 28 ӱярня 2025.
  65. ↑ Михаил Дегтярёв: горжусь, что я и моя семья стали хабаровчанами. Тергыме кече: 11 ага 2021. Архивлыме 11 ага 2021 ий.
  66. ↑ Council Implementing Regulation (EU) No 810/2014 of 25 July 2014 Архивысе копий 18 сорла 2020 гыч//EUR-Lex
  67. ↑ Михаил Дегтярев попал в «черный список» ЕС Архивысе копий 10 вӱдшор 2018 гыч//Коммерсант
  68. ↑ Дегтярев: «Санкции ЕС — это конец свободной Европы» Архивысе копий 30 сӱрем 2014 гыч//Известия
  69. ↑ Австралия обнародовала фамилии россиян из нового санкционного списка Архивысе копий 3 идым 2014 гыч//РБК
  70. ↑ Autonomous Sanctions (Designated Persons and Entities and Declared Persons — Ukraine) Amendment List 2014 Архивысе копий 3 идым 2014 гыч//ComLaw
  71. ↑ Правительство Швейцарии расширило санкционный список против РФ Архивысе копий 26 сорла 2014 гыч//ИТАР-ТАСС
  72. ↑ Канада расширили санкционный список в отношении России Архивысе копий 25 сорла 2014 гыч//РИА Новости
  73. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 пургыж 2023).
  74. ↑ ЕС снял санкции с четырех россиян, <https://www.rbc.ru/politics/14/03/2025/67d40c339a7947bb04aaad0f>. Тергыме: 14 ӱярня 2025. 
  75. ↑ Швейцария исключила из санкционного списка семерых россиян, 2025-03-20, <https://www.kommersant.ru/doc/7587932>. Тергыме: 20 ӱярня 2025. 
  76. ↑ Михаил Владимирович Дегтярёв, <https://web.archive.org/web/20210624205931/https://www.khabkrai.ru/governor/biography/179118>. Тергыме: 24 пеледыш 2021. 
  77. ↑ Патриарх Кирилл наградил министра спорта РФ церковным орденом Александра Невского, 2025-08-27, <https://matchtv.ru/sobytija/matchtvnews_NI2237456_Patriarkh_Kirill_nagradil_ministra_sporta_RF_cerkovnym_ordenom_Aleksandra_Nevskogo>. Тергыме: 28 сорла 2025. 
  78. ↑ Распоряжение Президента Российской Федерации от 4 апреля 2014 года № 96-рп. Тергыме кече: 6 шыжа 2014. Архивлыме 9 шыжа 2014 ий.
  79. ↑ Распоряжение Президента Российской Федерации от 25 сентября 2014 года № 309-рп «О поощрении». Тергыме кече: 26 идым 2014. Архивлыме 9 шыжа 2014 ий.
  80. ↑ Михаил Дегтярев (руш.). РИА Новости. Тергыме кече: 31 шорыкйол 2022. Архивлыме 30 шорыкйол 2022 ий.

Кылвер-влак

"https://mhr.ruwiki.ru/w/index.php?title=Дегтярёв,_Михаил_Владимирович&oldid=1231786" гыч налме