Фальков, Валерий Николаевич
| Валерий Николаевич Фальков | |
|---|---|
 | |
|
| |
.png){kind=small} Россий Федерацийысе шанче да кӱшыл туныктымаш министр
 |
|
| 2020 ий 21 январь гыч (с. ш. 2024 ий 7—13 май) |
|
| Виктер вуйлатыше |
Михаил Мишустин Андрей Белоусов (с. ш.) Михаил Мишустин |
| Президент | Владимир Путин |
| Ончычсо пашаеҥ | Михаил Котюков |
 Тюмень кугыжаныш университетын ректоржо
(с. ш. 2012 ий октябрь — 2013 ий 21 март) |
|
| 2013 ий 21 март — 2020 ий 21 январь | |
| Ончычсо пашаеҥ | Геннадий Чеботарёв |
| Алмаштыше | Иван Романчук |
 Тюмень областьысе думын депутатше
 |
|
| 2016 ий 18 сентябрь — 2020 ий 21 январь | |
 Тюмень оласе думын депутатше
.png){kind=small} |
|
| 2013 — 2016 | |
|
|
|
| Шочын |
1978 ий 18 шыжа (47 ий) Тюмень, Тюмень область, РСФСР, СССР |
| Партий | Икоян Россий |
| Шинчымаш | Тюмень кугыжаныш университет |
| Шанче степень | юридический шанче кандидат, доцент |
| Профессий | юрист |
| Паша | политик |
| Шанче паша | |
| Шанче сфере | юриспруденций |
| Паша вер | Россий Федерацийысе шанче да кӱшыл туныктымаш министерстве |
 РУВИКИ.Медиаште медиафайл-влак | |
Валерий Николаевич Фальков (шоч. 18 шыжа 1978, Тюмень) — Российысе кугыжаныш пашаеҥ, 2020 ий 21 январь гыч Россий Федерацийысе шанче да кӱшыл туныктымаш министр (2024 ий 7—13 майыште c. ш.). Шанчыеҥ-юрист.
Ончыч — Тюмень кугыжаныш университетын ректоржо (2013—2020).
Илыш корныжо
Тунеммаш
Тюмень область Казанский район Казанский селасе Новоселезнёво кыдалаш школым пытарен.
1995 ийыште ТюмГУ-н юридический факультетышкыже тунемаш пурен, 2000 ийыште «юриспруденций» специальность дене Кугыжаныш да права институтым пытарен, тудын деч вара аспирантурыш пурен да 2003 ий майыште тудым «Россий Федерацийыште сайлымаш компанийым права шотышто келыштарымым шуарымаш» кандидатлык диссертацийым жап деч ончыч арален (шанче вуйлатышыже Г. Н. Чеботарёв)[1].
Шанче-административный паша
2003 гыч 2007 ий марте Фальков — Тюмень кугыжаныш университетын конституций да муниципал права кафедре вуйлатышын алмаштышыже, 2007 ийыште Фальковлан кафедрыште доцент шанче лӱмым пуымо.
2007 ий март гыч ноябрь марте — ТюмГУ-н Кугыжаныш да права институт директорын тунемме паша шотышто алмаштышыже.
2007 гыч 2011 ий марте Фальков — ТюмГУ-н ешартыш туныктымаш да филиал-влак шотышто проректоржо, 2011 ий гыч 2012 ий март марте — ТюмГУ-н Права, экономике да виктарымаш институтшын директоржо.
2009 гыч 2011 ий марте Фальков Тюмень областьысе Самырык шанчыеҥ да специалист-влак каҥашын председательжылан сайлалтын (2011 ийыште Каҥаш Российыште эн сайын пашам ыштыше-влак кокла гыч иктыжлан шотлалтын).
2012 ий октябрь гыч 2013 ий апрель марте Фальков — Тюмень кугыжаныш университет ректорын пашажым жаплан шуктышо. 2013 ий 21 мартыште пашаче коллективын конференцийыштыже ТюмГУ-н ректоржылан сайлалтын. 2018 ий 17 апрель гыч Фальковым Россий Федерацийын шанче да кӱшыл туныктымаш министерствын аттестацийлык комиссийжын пунчалже дене ТюмГУ-н ректоржылан шогалтыме[2] да ты постым тудо 2020 ий марте айлен.
2015 ий 30 апрельыште Фальков Тюмень областьысе вуз-влакын ректорыштын Каҥаш председательжылан сайлалтын. Россий Федерацийысе вуз-влакын юридический тунеммаш шотышто тунемме-методике ушемыштын президиум членже.
Фальков Тюмень область губернаторын йодмыж почеш Тюмень кугыжаныш университет дене пырля Москосо «Сколково» виктарымаш школын пашаш колтымо «Тюмень регионын ончыкылыкшо: у индустрий да кадр потенциал» туныктымаш программым курироватлен.
2020 ий 21 январьыште Фальковым Михаил Мишустинын виктерыштыже Россий Федерацийын шанче да кӱшыл туныктымаш министржылан шогалтыме.
2024 ий 14 майыште Валерий Фальковым Кугыжаныш Думо Россий Федерацийын шанче да кӱшыл туныктымаш министрын должностьышкыжо угыч пеҥгыдемден[3], ты кечынак РФ президент пашаш шогалтыме нерген указеш кидпалым пыштен[4].
Мер паша
Тюмень регионышто талантан йоча-влакым кычалме да вияҥаш полшымо системым ышташ манын, школышто тунемше-влаклан регион-влак кокласе «Менделеев» шуко профилян олимпиадын инициаторжо да вораҥдарышыже лийын, 2011 ий.
2012 ий март гыч «Российысе юрист-влак ассоциаций» чумыр Российысе мер организацийын регионысо пӧлка председательын алмаштышыже, Ассоциацийын Тюмень оласе пӧлкажын председательже улеш.
2006 гыч 2013 ий марте — Тюмень областьысе сайлымаш комиссийын решатлыме йӱкан права дене членже.
2013 гыч 2016 ий марте — Тюмень оласе Думын VI созывшын депутатше, «Икоян Россий» партийын регионысо политик каҥашыжын членже, Тюмень оласе Думын олам чоҥымаш да мланде кыл шотышто эре ыштыше комиссийын председательже. 2016 ий 18 сентябрь гыч 2020 ий 21 январь марте — 17 №-ан ик мандатан сайлымаш округын Тюмень областьысе думын депутатше.
2020 ийыште РФ Конституцийыш вашталтышым пуртмо нерген темлымаш-влакым ямдылыме шотышто пашаче тӱшкаш пурен[5].
«Тобольск да чыла Сибирь» альманах редакций каҥашыжын председательже.
Тюмень областьыште граждан-влакым права шотышто туныктымаш дене «Праван почылтшо школжо» проектын инициаторжо.
2014 ий гыч Президентын патронатше дене вуйлатыше кадр резервыш пура.
2015 ий июнь гыч Тюмень областьысе кадр кӱлешлыкым шымлыме да ончылгоч палдарыме шотышто экспертлык каҥашыш пурен.
2018 ий 25 декабрьгыч Россий Федераций Президент пеленысе Шанче да туныктымаш шотышто каҥашыш пурен[6].
2024 ий 27 декабрьыште Россий Федераций президентын 27.12.2024 деч 1120 №-ан «Историй велым сотемдарыме шотышто ведомство-влак кокласе комиссийын йодышыжо-влак» указше дене келшышын Историй велым сотемдарыме шотышто ведомство-влак кокласе комиссийыш президиумыш пуртымо[7].
2025 ий 15 майыште РФ президентын указше почеш Россий шанче академийын попечительский каҥашышкыже пурталтын[8].
Награде ден чап лӱм-влак
- Россий Федерацийысе Туныктымаш министерствын (2003) да Тюмень область Губернаторын Чап грамотышт (2008);
- Тюмень область Губернаторын Таумутшо (2008);
- Тюмень областьысе думын оҥыш пижыктыме чап палыже (2009);
- Тюмень областьыште «Идалыкын юристше — 2014» кӱшыл юридический премийын лауреатше;
- РФ Президентын Уралысе федерал округышто Полномочный представительжын Таумутшо (2015);
- Тюмень областьысе Туныктымаш да шанче департаментын Таумутшо (2015);
- Россий Федерацийысе Федерал погынымашын Федераций Каҥаш Председательын Таумутшо (2017);
- Россий Федераций Президентын Чап грамотыжо (2024)[9].
Палемдымаш
- ↑ Просмотр документа — dlib.rsl.ru. Тергыме кече: 22 идым 2025. Архивлыме 25 пургыж 2020 ий.
- ↑ Приказ от 10 апреля 2018 г. № 12-07-03/50. Тергыме кече: 22 идым 2025. Архивлыме 13 шорыкйол 2021 ий.
- ↑ Госдума утвердила Фалькова министром науки и высшего образования. РИА "Новости" (14 ага 2024). Тергыме кече: 22 идым 2025.
- ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 22 идым 2025.
- ↑ Источник. Тергыме кече: 22 идым 2025. Архивлыме 28 сорла 2020 ий.
- ↑ Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» (руш.). web.archive.org. Тергыме кече: 22 идым 2025.
- ↑ Указ Президента Российской Федерации от 27.12.2024 № 1120 ∙ Официальное опубликование правовых актов (руш.). publication.pravo.gov.ru (27 теле 2024). Тергыме кече: 22 идым 2025.
- ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Тергыме кече: 22 идым 2025.
- ↑ Фальков Валерий Николаевич (руш.). Тергыме кече: 22 идым 2025.
Кылвер-влак
- Фальков Валерий Николаевич (руш.). Тергыме кече: 22 идым 2025.
| Россий Федерацийын кызытсе Виктерже | |
|---|---|
| Председатель | |
| Икымше алмаштыше | |
| Алмаштыше |
|
| Министр |
|
 | |
|---|---|
| Библиографий каталоглаште |
|