27 ага

←
→
Ага
← →Ага
	2026 ий

27 ага (27 май) — григориан кечышот почеш идалыкын 147-ше (кужемдыме ийлаште — 148-ше) кечыже. Идалык пытыме марте 218 кече кодеш.

Йошкар-Олаште ☀️ Кече 3 шагатат 15 минутлан лектеш, 20 шагатат 21 минутлан шинчеш. Кечын кужытшо 🕒 17 шагатат 6 минут.
🌔 Ешаралт толшо тылзе (10.43 тылзе кече).

Пайрем да шарныктарыше кече-влак

Россий — Чумыр российысе книгагудын кечыже (руш. Общероссийский день библиотек).
Тале пунчалын кечыже (руш. День смелых решений).
Россий — Санкт-Петербург олан кечыже (руш. День города Санкт-Петербург).
Шаланыше склерозын тӱнямбал кечыже (руш. Международный день рассеянного склероза).
Бокогрей Сидор калык пайрем (руш. Народный праздник Сидор Бокогрей).
Шпротым шонен лукмо кече (руш. День изобретения шпрот).
Кече деч аралалтме кече (руш. День защиты от солнца).
Тошто фортепианон кечыже (руш. День старинного фортепиано).

Лӱмгече

Православий лӱм-влак: Леонтий, Максим, Пётр, Никита, Серапион.

Событий-влак

Тугак ончо: Категорий:Ага тылзын 27 кечысе событий-влак

1920 — икымше гана Пеледыш пайремым эртарыме.
1606 ийыште поляк-интервент-влак ваштареш восстаний лийын.
1703 ийыште Пётр Первый кугыжа ПетроПавловск орым негызлен: тыге Санкт-Петербург ола шочын.
1883 ийыште Йошкар Площадьыште Кугыжаныш историй тоштерым почыныт.
1930 ийыште Америк гыч Ричард Дрю скотчым шонен лукмыжлан патентым налын.

Шочыныт

Тугак ончо: Категорий:Ага тылзын 27 кечынже шочшо-влак

1952 — Станислав Элембаев, «Марий кундем» калык семӱзгар оркестрым чумырышо музыкант, Марий Элысе сымыктышын сулло пашаеҥже, Олык Ипай лӱмеш, тыгак Кугыжаныш премийын лауреатше, педагог, композитор.
1960 — Оксана Анатольевна Старикова, журналист, кугыжаныш пашаеҥ. Журналист ушемым вуйлатен. Брянск олаште шочын. Паша корныжо «Пенсионер» да «Семейная газета» савыктыш-влак дене кылдалтын.
1965 — Роза Петровна Игнаева, марий йылмызе, филологий шанче кандидат (1997).
Галина Александровна Щербакова, тӱвыра пашаеҥ, «Кугезе кумыл» ансамбльын вуйлатышыже. Советский район Кундышӱмбал ялыште шочын. Пашан ветеранже. Марий Эл Республик виктерын чап таныкше дене палемдалтын. Марий Элысе тӱвыран сулло пашаеҥже.
1989 — Володя Матвеев, кумдан палыме марий мурызо, радиовӱдышӧ, серызе, драматург, журналист, сценарист, Олык Ипай лӱмеш самырык-влаклан кугыжаныш премийын, Майоров Шкетан лӱмеш театр премийын, Вячеслав Абукаев лӱмеш сылнымут премийын, Юрий Русанов лӱмеш журналистике премийын лауреатше. 2007-ше ий гыч «Марий Эл радиошто» пашам ышта. 2015-ше ий гыч — тӱҥ редктор. «Калык верч тыршымаш» медаль дене суапландаралтын. 2022-шо ийын эн сай журналист семын «Шӧртньӧ перо» премий дене палемдалтын.

Коленыт

Тугак ончо: Категорий:Ага тылзын 27 кечынже колышо-влак

2004 — Александр Матвеевич Лежнин, совет туныктышо. Марий АССР-ысе Шернур кыдалаш школын директоржо (1954—1962), Йошкар-Оласе 11 №-ан кыдалаш школын директоржо (1962―1967). РСФСР школын сулло туныктышыжо (1960). Кугу Ачамланде сарын салтакше.

Калык пале

Шнуй Исидорын кечыже. Тиде кечын ояр игече шога гын, кияр сайын шочеш. Тыгак Сидыр кечын пытартыш вараксим тӱшка толеш, маныныт.
Марий калыкын мифологийыштыже вараксим шнуй кайыклан шотлалтеш. Тудо леваш йымалне шке пыжашыжым опта гын, ешлан пиалым сӧра. «Вараксимла вычыматен илыза» - тиде ойсавыртыш марий-влак коклаште чӱчкыдын вашлиялтеш.
Кече ояр лиеш гын, кияр сайын лекшаш.