3 ага

← → Ага
Шч Кш Вр Из Кг Шм Рш         1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

3 ага (3 май) — григориан кечышот почеш идалыкын 123-шо (кужемдыме ийлаште — 124-ше) кечыже. Идалык пытыме марте 242 кече кодеш.

Йошкар-Олаште ☀️ Кече 4 шагатат 0 минутлан лектеш, 19 шагатат 35 минутлан шинчеш. Кечын кужытшо 🕒 15 шагатат 34 минут.
🌕 Тичмаш тылзе (15.96 тылзе кече).

Пайрем да шарныктарыше кече-влак

•  ООН — Тӱнямбал савыктышын эрык кечыже (руш. Всемирный день свободы печати).
• Кондитерын кечыже (руш. День кондитера).
• Спамын шочмо кечыже (руш. День рождения спама).
• Кугезым кычкырыме кече (руш. Окликание предков).
• Кечын тӱнямбал кечыже (руш. Всемирный день солнца)

Лӱмгече

• Католик лӱм-влак: Антонина, Мария, Филипп, Яков.
• Православий лӱм-влак: Александр, Гавриил (Гаврил, Гаврила), Григорий, Вячеслав.

Событий-влак

Тугак ончо: Категорий:Ага тылзын 3 кечысе событий-влак

Шочыныт

Тугак ончо: Категорий:Ага тылзын 3 кечынже шочшо-влак

• 1926 — Александр Липатов, руш серызе, туныктышо, журналист, шанчызе, йылмызе, филологий шанче доктор (1991), профессор (1996), Марий Эл Республикысе сымыктышын сулло пашаеҥже (1986), Россий Журналист-влак ушемын йыжыҥъеҥже, МарКУ-н Почётан профессоржо (2014).
• 1935 — Валентин Колумб, марий серызе, почеламутчо, кусарыше, журналист, СССР Серызе-влак ушемын йыжыҥъенже (1961), Олык Ипай лӱмеш Марий комсомол премийын лауреатше (1968).
• 1940 — Иван Николаевич Молотов, композитор, «Элнет» кокымшо марий оперын авторжо.
• 1965 — Михаил Дмитриевич Прохоров, российысе да израильысе амалкалче, миллиардер да политик. «Гражданская платформа» партийым негызлыше, «Правое дело» партийын ончычсо вуйлатышыже (2011 ий июнь-сентябрь). 2012 ий 4 мартыште президент сайлымашын участникше, тушто 3-шо верым налын (Москошто, Санкт-Петербургышто да Екатеринбургышто 2-шо вер), тудын верч 7,98 % сайлыше йӱкшым пуэн. ОНЭКСИМ посна еҥ кидыште улшо инвестиций фондым ыштыше да тудын ончычсо президентше, 2008—2014 ийлаште Российысе биатлонист ушемын президентше, «Бруклин Нетс» Калыкле баскетбол ассоциацийысе (НБА) баскетбол комадын ончычсо озаже.
• 1974 — Ираида Геннадьевна Иванова, марий шанчызе, йылмызе, туныктышо, филологий шанче кандидат (2011), доцент (2013), Россий Кусарыше-влак ушемын йыжыҥъеҥже.

Коленыт

Тугак ончо: Категорий:Ага тылзын 3 кечынже колышо-влак

Калык пале

• Кок але кум шонанпыл ӱмбала койыт гын, лишыл кечылаште йӱран игечым вучыза.