Файзуллин, Ирек Энварович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Файзуллин.
Ирек Энварович Файзуллин
Файзуллин Ирек .jpg
Флаг
Россий Федерацийысе чоҥымо да илмывер-коммунал озанлык шотышто министр
(2020 ий 9—10 ноябрь, 2024 ий 7—13 май с. ш.)
Флаг
2020 ий 10 ноябрь гыч
Виктер вуйлатыше Михаил Мишустин
Президент Владимир Путин
Ончычсо пашаеҥ Владимир Якушев
Флаг
Россий Федерацийысе чоҥымо да илмывер-коммунал озанлык шотышто министрын 1-ше алмаштышыже
Флаг
22 январь — 2020 ий 9 ноябрь
Виктер вуйлатыше Михаил Мишустин
Президент Владимир Путин
Шочын 1962 ий 8 теле(1962-12-08) (63 ий)
Озаҥ, Татар АССР, РСФСР, СССР
Партий Икоян Россий
Шинчымаш Озаҥысе инженер-чоҥышо институт (1985)
Шанче степень экономике шанче кандидат (1999)
Профессий чоҥышо, экономист
Награде
Логотип РУВИКИ.Медиа РУВИКИ.Медиаште медиафайл-влак

Ирек Энварович Файзуллин (шоч. 8 теле 1962, Озаҥ) — россий кугыжаныш пашаеҥ, 2020 ий ноябрь тылзын 10-шо кечыж гыч Россий Федерацийысе чоҥымо да илмывер-коммунал озанлык шотышто министр[1].

Ончыч, 2020 ий январь тылзын 22-шо кечыже гыч ноябрь тылзын 10-шо кечыж марте — РФ чоҥымо да илмывер-коммунал озанлык шотышто министрын икымше алмаштышыже[2][3][4]. Файзуллинын ныл ий жапысе министерствым вуйлатыме пашажым лектышанлан шотленыт, да 2024 ий майыште, РФ виктерын у кышкаржым ыштыме годым, тудым уэш федерал министрлан шогалтеныт.

Илыш корно

1985 ийыште Ирек Файзуллин Озаҥысе инженер-чоҥышо институтым «йӧнозанлык да граждан чоҥымаш» специальность дене тунем пытарен; экономике шанче кандидат; доцент. Вара 35 ий наре тудын паша илышыже Татарстаныште эртен.

1985—1989 ийлаште Озаҥысе инженер-чоҥымо институтын металл кышкарым да сооруженийым тергыме кафедрын инженерже, кугурак инженерже. 1989—1993 ийлаште — «Татстройпроект» проект-чоҥышо организацийын тӱҥ инженерже, директоржо. 1993—1995 ийлаште — «Татстройпроект» АО правленийын председательже. 1995—1997 ийлаште — «Казстройдекор» ЗАО правленийын председательже. 1997—2002 ийлаште — ГПРСО «Татавтодор» вуйлатышын икымше алмаштышыже.

2002 ий гыч 2005 ий марте Файзуллин «Татинвестгражданпроект» кундемысе тӱҥ проект-шымлыше шанче-ыштен лукшо кугыжаныш фирме» ГУП-ын тӱҥ директоржо.

2005—2010 ийлаште Татарстан Республикын чоҥымо, архитектур да ЖКХ министрын алмаштышыже, Татарстан Республикын тӱҥ архитекторжо, «Татинвестгражданпроект» ГУП-ын тӱҥ директоржо.

2010—2020 ийлаште Файзуллин Татарстан Республикын чоҥымо, архитектур да ЖКХ министр, Татарстан Республикын тӱҥ архитекторжо.

2020 ийыште — РФ чоҥымо да илмывер-коммунал озанлык шотышто министрын икымше алмаштышыже — РФ-ыште кундемысе вияҥмаш шотышто виктерысе комиссий президиумын (штабын) председательжын алмаштышыже[2].

2020 ийын кылме тылзын 10-шо кечынже Россий президентын кӱштыкшӧ почеш Файзуллиным Россий Федерацийын чоҥымо да илмывер-коммунал озанлык шотышто министрлан шогалтеныт. 2024 ий май тылзын 14-ше кечынже Кугыжаныш Думо уэш РФ чоҥымо да илмывер-коммунал озанлык министрлан пеҥгыдемден[5], ты кечынак президент Путин тидын нерген кӱштыкеш кидпалым пыштен[6][2].

2020 ий гыч Файзуллин — «Российские железные дороги» ОАО директор-влак каҥашын йыжъеҥже[2][7].

Российын мотоцикл спорт федерацийын попечитель-влак каҥашыште председательын алмаштышыже[2].

Еш

Ирек Файзуллин ешан, эргыже да ӱдыржӧ уло.

Суаптар-влак

  • «Дагестан Республикын илышйӧн-экономике вияҥмашке надырым пыштымылан» медаль (2024 ий сентябрь тылзын 13-шо кечыже) — Дагестан Республикын экономике куатшым вияҥдымашке да кугыжаныш пашаш кугу надырым пыштымылан[8];
  • Россий Федераций Виктерын Чапкагазше (2024 ий октябрь тылзын 2-шо кечыже) — 2023 ийыште Санкт-Петербургышто чоҥышо-влакын III тӱнямбал чемпионатыштым ямдылымашке да эртарымашке кугу надырым пыштымылан[9];
  • Российын чаланыше чоҥышыжо;
  • Татарстан Республикын сулло чоҥышыжо;
  • Россий Федерацийын сулло чоҥышыжо;
  • Келшымаш орден;
  • Россий Федерацийын Обороно министерствыжын «Сарзе вашкылым пеҥгыдемдымылан» медальже;
  • Российысе чоҥышо-влакын ушемын «Чоҥышын чапше» чап пале;
  • «Татарстан Республик ончылно суаплан» орден[10].

Палемдымаш

  1. ↑ ТАСС (2020-11-09), Файзуллин назначен врио главы Минстроя, <https://web.archive.org/web/20201109164406/https://tass.ru/politika/9953781>. Тергыме: 22 идым 2025. 
  2. ↑ 1 2 3 4 5 Файзуллин, Ирек Энварович, <https://tass.ru/encyclopedia/person/fayzullin-irek-envarovich>. Тергыме: 22 идым 2025. 
  3. ↑ РБК (2020-11-09), Изменения в правительстве. Что известно про новых кандидатов в министры, <https://web.archive.org/web/20201110033121/https://www.rbc.ru/business/09/11/2020/5fa8e6c49a7947aa87246c4a>. Тергыме: 22 идым 2025. 
  4. ↑ Комсомольская правда (2020-11-09), Экс-министр Татарстана Ирек Файзуллин выдвинут на пост главы Минстроя РФ, <https://web.archive.org/web/20201109100404/https://www.kazan.kp.ru/daily/2171205.5/4318213/>. Тергыме: 22 идым 2025. 
  5. ↑ Госдума утвердила Файзуллина на пост министра строительства и ЖКХ. РИА "Новости" (14 ага 2024). Тергыме кече: 22 идым 2025.
  6. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 22 идым 2025.
  7. ↑ Структура | Компания (руш.). company.rzd.ru. Тергыме кече: 22 идым 2025.
  8. ↑ Указ Главы Республики Дагестан от 13 сентября 2024 года № 115 «О награждении медалью «За вклад в социально-экономическое развитие Республики Дагестан» Файзуллина И.Э.» Тергыме кече: 22 идым 2025. Архивлыме 21 идым 2024 ий.
  9. ↑ Распоряжение Правительства Российской Федерации от 02.10.2024 № 2733-р ∙ Официальное опубликование правовых актов (руш.). publication.pravo.gov.ru. Тергыме кече: 22 идым 2025.
  10. ↑ Файзуллин Ирек Энварович (руш.). minstroyrf.gov.ru. Тергыме кече: 22 идым 2025.

Кылвер-влак

"https://mhr.ruwiki.ru/w/index.php?title=Файзуллин,_Ирек_Энварович&oldid=1231621" гыч налме