Белоусов, Андрей Рэмович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Белоусов.
Андрей Рэмович Белоусов
Андрей Рэмович Белоусов RIA cut.png
Флаг
Россий Федераций обороно министр
Флаг
2024 ий 14 май гыч
Виктер вуйлатыше Михаил Мишустин
Президент Владимир Путин
Ончычсо пашаеҥ Сергей Шойгу
Флаг
Россий Федерацийын виктер председательын алмаштышыже
Флаг
2020 ий 21 январь — 2024 ий 7 май
(с. ш. 2024 ий 7—13 ага)
Виктер вуйлатыше Михаил Мишустин
Президент Владимир Путин
Ончычсо пашаеҥ Антон Силуанов
Алмаштыше Денис Мантуров
Флаг
Россий Федераций президентын полышкалышыже
Флаг
2013 ий 24 июнь — 2020 ий 21 январь
Президент Владимир Путин
Ончычсо пашаеҥ Эльвира Набиуллина
Алмаштыше Максим Орешкин
Флаг
Россий Федерацийын экономике вияҥмаш шотышто министр
Флаг
2012 ий 21 ага — 2013 ий 24 июнь
Виктер вуйлатыше Дмитрий Медведев
Президент Владимир Путин
Ончычсо пашаеҥ Эльвира Набиуллина
Алмаштыше Алексей Улюкаев
Флаг
Россий Федерацийын экономике вияҥмаш шотышто министрын алмаштышыже
Флаг
2006 ий 8 февраль — 2008 ий 17 июнь
Шочын 1959 ий 17 ӱярня(1959-03-17) (67 ий)
Ача Рэм Александрович Белоусов (1926—2008)
Ава Алиса Павловна Белоусова (1934—2015)
Пелаш Лариса Владимировна Белоусова (1961 шоч.)
Икшыве-влак Павел (1994 шоч.)
Партий партийдыме
Шинчымаш Ломоносов лӱмеш Москосо кугыжаныш университет
Шанче степень экономике шанче доктор (2006)
Профессий экономист
Религий дене кылдалтмаш православий[1]
Награде
Сайт government.ru
Сарзе службо
Званий Класс чин
Действительный государственный советник РФ 1 класса (Минобороны)г.png
Россий Федерацийын 1-ше классан действительный кугыжаныш советникше
Логотип РУВИКИ.Медиа РУВИКИ.Медиаште медиафайл-влак

Андре́й Рэ́мович Белоу́сов (шоч. 17 ӱярня 1959, Моско) — россий кугыжаныш пашаеҥ, шанчызе-экономист. 2024 ий 14 май гыч Россий Федерацийын обороно министрже[2]. 2024 ий 11 июнь гыч РФ лӱдыкшыдымылык Каҥашын постоянный йыжъеҥже[3].

2024 ий 3 июль гыч СНГ обороно министр-влак Каҥашын председательже[4].

2020 ий 21 январь гыч 2024 ий 7 май марте Россий Федераций виктерысе вуйлатышын икымше алмаштышыже. 2012 ий 21 май гыч 2013 ий 24 июнь марте Россий Федерацийын экономикыжым вияҥдыме шотышто министр[5]. 2013 ий 24 июнь гыч 2020 ий 21 январь марте Россий Федераций президентын экономике йодыш шотышто полышкалышыже[6][7]. 30 апрель гыч 19 май 2020 ий марте Россий Федераций правительстве председательын порысшым шуктышо (РФ виктер вуйлатыше Михаил Мишустинын COVID-19 черан улмыжлан кӧра)[8][9][10].

«РЖД» ОАО директор-влак каҥашын председательже[11]. Российысе естественный шанче академийын йыжъеҥ-корреспондентше (РАЕН). РАН-ысе калык озанлыкым ончылгоч шымлен иктешлыше институтын шанчыеҥ ден диссертаций каҥашын йыжъеҥже[12][13]. «Проблемы прогнозирования» журналын шанче-редакцийысе каҥашын йыжъеҥже[14]. Экономике шанче доктор (2006). Россий Федерацийын сулло экономистше (2007). Россий Федерацийын действительный кугыжаныш советникше (2011).

2024 ий 13 декабрьыште[15] Белоусовым 5 ийлан Сарзе-чоҥышо компанийын эскерыше каҥашын председательжылан шогалтеныт[16].

Илыш корныжо

Тукымжо да тунеммыже

Андрей Белусов 1959 ий 17 мартыште Москошто совет экономист Рэм Белусовын ешыштыже шочын, аваже Алиса Павловна радиохимик лийын, варарак шуэн вашлиялтше химий элемент-влакым шымлен[17]. Рэм Белусов акын ышталтмыже да тудым виктарыме шотышто совет шанче школым почын, да «Косыгинын реформыжым» ямдылыше-влак коклаште лийын[18], варарак СССР-ын экономике историйжым шымлен.

Кокымшо физике-математике школым тунем пытарымек, Андрей Белусов М. В. Ломоносов лӱмеш МГУ-со экономике факультетыш тунемаш пурен, тудым «экономическая кибернетика» специальность дене 1981 ийыште визытанлан тунем пытарен. Тунеммыж годымак Александр Анчишкинын вуйлатыме экономист-влак тӱшка дене кылым кучен, Анчишкин 1977—1981 ийлаште экономике факультетысе ик кафедрым вуйлатен[18]>.

Карьер

Кӱшыл образований нерген дипломым налмек, Белоусов СССР АН Рӱдӧ экономике-математике институтын аспирантурыштыжо (ЦЭМИ) тунеммашым умбакыже шуен. Тунамак тушто шанче пашам тӱҥалын, ондак шымлыше стажёр олмышто, вара ЦЭМИ айдеме-машина кышкаржым моделироватлыше лаборатоийын изи шанче пашаеҥже[19], тудым Э. Б. Ершов вуйлатен. ЦЭМИ директорын алмаштышыже олмышто Юрий Ярёменко лийын (1994 ийыште РАН-ын академикше лиеш).

1986 ий февральыште ЦЭМИ-ын икмыняр шанче подразделенийже негызеш СССР АН Экономике да шанче-технике вияҥмым ончылгоч иктешлыше институт ышталтын. Институтын тӱҥ паша йогынжо — экономикын ончылгоч шымлен иктешлымаш (прогноз). Белусов СССР АН ИЭПНТП-ыш пашаш кусна, туштыжо радам дене изирак шанче пашаеҥ, шанче пашаеҥ да кугурак шанче пашаеҥ олмышто тырша. Тудын шанче тӱткышыжӧ утларак макроэкономикысе ончыкылыкыш виктаралтын, тыгак совет илышысе экономике кышкарын кризис ден инфляций йодышыжым шымлен[18].

1988 ийыште Белусов "Оборот йӧн-влакым чумырымо да кучылтмо механизмым имитаций дене моделироватлымаш (шукоотрасльысе ончалтыш) кандидатлык диссертацийым арален. Кум ий эртымек, 1991 ийыште, СССР-ын АН ИЭПНТП лабораторийжым вуйлатышылан шогалтеныт, Э. Б. Ершов олмеш. Тиде паша олмым Белусов 2006 ий марте айлен, тунамак моло организацийлаште тыршен да кугыжаныш кучем службыш вончымек гына коден. Белусовын темлымыж дене лабораторий пелен экономике дене аналитике журнал савыкталтын[20].

1991 ий ноябрьыште Тӱжвал политике ассоциаций манме аналитике тӱшка чумырген, южгунам тиде тӱшкам «Группа Бессмертных» (тудым негызлыше еҥын фамилийже, СССР йотэл паша шотышто экс-министр Александр Бессмертыных лӱмеш) маныт. Тудын тӱҥ пашаже — тӱрлӧ йодыш дене эреак каҥашымашым эртараш, дискуссийым чумыраш. Варажым стенограмме-влак шифровкым эртеныт да да утларак келгын шымлалтыныт, а южо годым шанче пашалан негыз семынат кучылталтыныт[21]. Белусов Бессмертныхын тӱшкашкыже 1990-ше ийла тӱҥалтыште ушнен да икмыняр темым, йодышым каҥашымаште лийын. Тудын дене пырля тӱшкаште Андрей Клепач лийын, илен-толын — Россий экономикым вияҥдыме шотышто министр Белусовын алмаштышыже[20].

1999 ий гыч Белусов Экономике министерствын коллегий тӱшкашкыже пурен[22][23], икмыняр премьерын консультантше лийын: Евгения Примаковын, Сергей Степановын, Михаил Касьяновын да Михаил Фрадковын (Касьянов да Фрадков дене советникын олмыштыжо пашам ыштен[18][19]).

2000 ийыште Белусов Макроэкономике анализ да кӱчык жаплан прогноз шотышто Рӱдерым негызлен, тиде шымлымаш почеш 2005 ийыште «Российысе экономикын кужу жаплан трендше-влак: Россий экономикын 2020 ий марте вияҥме сценарийже-влак» докладым савыктен[20]. Белусов докладыштыже 2008 ийсе тӱнямбал экономике кризисым ончылгоч ужын, тылеч посна 2011-2012 ийлаште экономикын йӧнжӧ волен каен кертмым да 2015-2017 ийлаште кугыжаныш кучем кышкарысе кӱрылтышым ончылгоч тогдаен каласен[24][25].

2006 ий 8 февральыште Белусов шке илыш корныштыжо у йыжыҥым почын: кугыжанышлан служиаш куснен. РФ экономикым вияҥдыше министр Герман Грефын ӱжмыж почеш тудын алмаштышыже лийын[26][27]. Тунамак чыла моло пашаолмо гыч каен (ЦМАКП тӱҥ директорын олмышко экономике шанче кандидат Е. А. Абрамова толын).

Тиде ийыштак Белусов «Российысе экономикын ыштен лукмо кышкаржым вияҥдымаште вашшогымаш да ончыкылык»[28](специальность «08.00.05 — экономике да калык озанлыкым вуйлатымаш» докторлык диссертацийым арален да экономике шанче доктор лӱмпалым сулен.

Белусов министерствыште макроэкономике блокым вӱден, тидын шотыштак инвестиций климатым саемдыме, лӱмын ыштыме федерал программе-влакым шуктен толмым, Внешэкономбанкын инвестиций пашажым шуктымо йодыш-влакым тӧрлен[29]. Тудын вуйлатымыж почеш Кужу жап социал-экономике вияҥмашын концепцийже (КДР-2020) да «Торгайыме нерген» тӧртыкын проектше ямдылалтыныт (2009 ий 28 декабрьыште пеҥгыдемдалтын[30]).

Кӱртньыгорно пашаеҥ-влакын Погыныштышт 2017 ий 29 ноябрь

2007 ийыште, кунам Греф Россий Минэкономвияҥмаш гыч каен, министр олмыш Эльвира Набуллинам шогалтыме, тидын марте министрын алмаштышыже лийын. Белоусов шке олмыжым арален коден, а вара, 2008 ий 17 июльышто РФ виктерысе кӱкшырак олмыш куснен: премьер Владимир Путин тудым Россий Федерацийысе аппаратын экономике да финанс шотышто департамент директорлан шогалтен[31]. Тылеч ондакрак, 2007 ий кеҥежым, Белусов Россий Федерацийын сулло экономистше чаплӱмым налын[32].

2008-2012 ийлаште Россий правительствын экономике йодышыжым рашемден чоҥымылан РФ Правительствын председательжын икымше алмаштышыже-влак Игорь Шувалов[33], Белусов да Эльвира Набуллина мутым кученыт.

РФ виктерыште Белусов бюджетым чоҥымо, кугыжаныш инвестиций да тудым саемдыме дене кылдалтше йодыш-влакым вӱден. Тудын годым Стратегий темлымаш-влак агенстве ышталтын, тидын негызеш «Калыкле амалкалче инициативе» шочын, тудо пӱтынек Российыште амалкалыме пашам шуктымо йӧным саемдымашке виктаралтын[18][20][34].

Майыште Кугыжаныш Думо угыч сайлыме президент Путинын темлымыж почеш РФ правительствын председательжын олмышкыжо Дмитрий Медведевым пеҥгыдемден. Икмыняр жап гыч министр-влакын у кабинетысе лӱм-влакымат калык дек шуктымо: Белусов РФ экономике вияҥмаш министрын олмышкыжо шогалын[5][19]. Тидын годым, СМИ-н ойлымыж семын, Белусовын лӱмжӧ тыгак РФ президентын полышкалышыжын олмышкыжо ончалтын, но вара тиде верышке Эльвира Набиуллинам шогалтыме нерген пунчалым лукмо[35].

2013 ий 24 июньышто Белусовым РФ президентын экономике йодыш шотышто полышкалышыжлан шогалтыме[6][36], РФ Рӱдӧбанкым вуйлаташ кайыше Набиуллина олмеш[37].

2015 ий 17 июнь гыч 29 сентябрь 2017 ий марте Белоусов ""Роснефть"НК" ПАО директор каҥашын председательже лийын[38].

2020 ий 21 январьыште Белусов Россий Федераций правительствын у вуйлатышыже Михаил Мишустинын икымше алмаштышыжлан шогалтыме[39].

2020 ий март гыч — «РЖД» ОАО директор-влак каҥаш вуйлатыше[40][41].

2020 ий 30 апрель гыч[8] 19 май йотке[10] Михаил Мишустинын COVID-19 дене черланымыжлан кӧра, жаплан Россий Федераций правительствын председательжын порысшым шуктен.

2024 ий 12 майыште Российын президентше Владимир Путин Россий Федераций Каҥашлан Белоусовым РФ обороно министрлан шогалташ темлен[42]. Федераций Каҥаш 14 майыште каҥашен[43], тиде кечынак РФ президент шогалтыме нерген кӱштыкеш кидпалым пыштен[2].

2024 ий 11 июньышто президент Владимир Путин РФ Лӱдыкшыдымылык шотышто Каҥашын тутыш йыжъеҥже семын Белусовым пуртен[44].

2024 ий 3 июльышто Минскыште эртыше Обороно министр-влак Каҥашыште СНГ обороно министр-влакын Каҥашыштын председательжылан сайлалтын[4].

2024 ий 13 декабрьыште[15] белоусовым 5 ийлан Сарзе-чоҥышо компанийын эскерыше каҥашын предсеательжылан шогатеныт[16].

2025 ий 10 мартыште РФ президентын кӱштыкшӧ дене БелоусовР оссийысе вияш инвестиций фондын эскерыше каҥашын йыжыҥъеҥже полномочий деч кораҥын[45].

2025 ий 15 майыште РФ президентын кӱштыкшӧ дене Россий шанче академийын попечительский каҥашышкыже пурталтын[46].

Ешыже

Ачаже — Рэм Александрович Белусов(1926—2008), экономист, экономике шанче доктор, экономикын эртыкшым шымлыше[47].

Аваже — Алиса Павловна Белусова (Травникова) (1934—2015), химик, химий шанче кандидат[48].

Аваж вел кочаже Павел Иванович Травников — агроном, Москошто Травниковын садшылан негызым пыштен.

Кокымшо гана мужыраҥын. Пелашыже — Лариса Владимировна Белусова (Авдеева) (1961 шоч.).

Икымше ешыштыже Павел (1994 шоч.) эрге уло. Бауман лӱмеш МГТУ-м тунем лектын[49].

Изирак Дмитрий шольыжо — макроэкономике анализ да кӱчык жаплан прогноз Рӱдерын (ЦМАКП) вӱдышӧ экспертше[17].

Класс чинже

  • Россий Федерацийын 1-ше классан действительный кугыжаныш советникше (2011).

Суаптарже

  • «Москолан 850 ий темме лӱмеш» медаль (1997).
  • Россий Федераций Президентын таумутшо — Россий Федерацийысе Кугыжаныш Каҥашын пашажым виктарымаште суапшылан (2005 ий 1 сентябрь)[50].
  • Россий Федерацийын сулло экономистше (2007 ий 12 июнь) — кугыжаныш экономике политикым шыҥдарымылан да шуко ий пашам тыршен ыштымме суаплан[32].
  • Почёт орден (2009 ий 14 июнь) — паша сеҥымашлан да шуко ий пашам тыршен ыштымылан[51].
  • «Сарзе-юж вийлан 100 ий» медаль (2012).

Шанче паша да савыкталтмаш-влак

Шанчыеҥ семын, Белусов экономикын кышкаржым чоҥышо школын ӱшанъеҥже улеш. Кызытсе жапыште (2019 ий ноябрь) Белоусовын Россий шанче пашажым цитироватлыме шотышто Хиршын индексше почеш 18, тидын шотыштак Шанче электрон библиотекым eLIBRARY негызше почеш — 19[52].

  • 1995 — «Иное. Хрестоматия нового российского самосознания» сборникыште «Совет индустрий кышкарын структур кризисше» статья[53][54].
  • 1999 — Российыште Social Accounting Matrix чоҥымо нерген Белусовын да Е. А. Абрамован пырля ыштыме пашашт «Интегрированные матрицы финансовых потоков (методический и инструментальный подходы)».
  • 2000—2001 — Белоусовын вуйлатымыж почеш ЦМАКП-ын экспертше-влак «Проблемы прогнозирования» журналлан статья-влак циклым ямдыленыт[55], тыште кризис деч варасе ылыжмашын икымше этапшым шымленыт да российысе экономикын вияҥмаштыже кужу жаплан ончыкылыкым рашемден ончыктеныт.
  • 2003—2004 — Белусов российысе экономикын кышкаржым да вияҥме факторжым лончылымо шотышто статья-влак серийым ямдылен («Кризис деч вара россий экономикын вияҥмыже (макроэкономике аспект)»[56], «Россий экономикын вияҥмыже кокла жапыште: лӱдыкшым лончылымаш»[57] да т. м.).
  • 2005—2007 — «Россий экономикысе масак (чудо): шке ыштена. Россий экономикын 2020 ий марте вияҥме ончыкылыкшо»[58]>. Книга гыч кок главам «Прогноз проблеме» журналеш посна статья-влак семын савыктеныт[59][60].
  • 2006 — доктор диссертаций негызеш книгам лукмо: «Российысе экономикын ыштен лукмо кышкарын эволюцийже: Кризис гыч вияҥмашке»[61].

Палемдымаш

  1. ↑ «Троицкая Православная Газета», № 86, апрель-май 2007, г. Троицк, стр. 4 «Дни рождения. Крестины». Тергыме кече: 1 сӱрем 2012. Архивировано из оригинала 3 теле 2013 ий.
  2. ↑ 1 2 Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 23 идым 2025.
  3. ↑ Путин включил Белоусова в число постоянных членов Совбеза. ТАСС (11 пеледыш 2024). Тергыме кече: 23 идым 2025.
  4. ↑ 1 2 Белоусова избрали председателем Совета министров обороны СНГ, 2024-07-03, <https://tass.ru/politika/21261905>. Тергыме: 23 идым 2025. 
  5. ↑ 1 2 Кабинет заместителей. Новые лица правительства Медведева, 2012-05-21, <https://web.archive.org/web/20120927012637/http://www.gazeta.ru/business/2012/05/21/4595553.shtml>. Тергыме: 23 идым 2025. 
  6. ↑ 1 2 Андрей Белоусов назначен помощником Президента, 2013-06-24, <https://web.archive.org/web/20130625150033/http://kremlin.ru/news/18396>. Тергыме: 23 идым 2025. 
  7. ↑ Улюкаев стал министром экономического развития, Белоусов - помощником президента, 2013-06-24, <https://web.archive.org/web/20130627015627/http://www.vesti.ru/doc.html?id=1097907>. Тергыме: 23 идым 2025. 
  8. ↑ 1 2 Указ Президента Российской Федерации от 30.04.2020 года «Об исполнении обязанностей Председателя Правительства Российской Федерации». Тергыме кече: 23 идым 2025. Архивлыме 1 ага 2020 ий.
  9. ↑ Мишустин заразился коронавирусом и временно сложил полномочия премьера. Тергыме кече: 23 идым 2025. Архивлыме 30 вӱдшор 2020 ий.
  10. ↑ 1 2 О признании утратившим силу Указа об исполнении обязанностей Председателя Правительства. Тергыме кече: 23 идым 2025. Архивлыме 19 ага 2020 ий.
  11. ↑ Председатель совета директоров РЖД. Тергыме кече: 23 идым 2025. Архивировано из оригинала 16 ага 2020 ий.
  12. ↑ Учёный совет. ИНП РАН. Тергыме кече: 23 идым 2025. Архивлыме 11 шыжа 2012 ий.
  13. ↑ Диссертационный совет. ИНП РАН. Тергыме кече: 23 идым 2025. Архивлыме 11 шыжа 2012 ий.
  14. ↑ Информация о журнале «Проблемы прогнозирования». ИНП РАН. Тергыме кече: 23 идым 2025. Архивлыме 9 кылме 2012 ий.
  15. ↑ 1 2 Распоряжение Правительства Российской Федерации от 13.12.2024 № 3753-р. publication.pravo.gov.ru/ (16 теле 2024). Тергыме кече: 23 идым 2025.
  16. ↑ 1 2 Белоусова назначили председателем набсовета Военно-строительной компании. ТАСС (16 теле 2024). Тергыме кече: 23 идым 2025.
  17. ↑ 1 2 Всем хорош. Тергыме кече: 23 идым 2025. Архивлыме 11 теле 2015 ий.
  18. ↑ 1 2 3 4 5 Белоусов Андрей Рэмович. РБК. Тергыме кече: 23 идым 2025. Архивлыме 18 шыжа 2012 ий.
  19. ↑ 1 2 3 Биография Андрея Белоусова. РИА Новости. Тергыме кече: 23 идым 2025. Архивлыме 18 шыжа 2012 ий.
  20. ↑ 1 2 3 4 Всем хорош, 2013-07-01, <https://web.archive.org/web/20151211024924/http://www.kommersant.ru/doc/2218954>. Тергыме: 23 идым 2025. 
  21. ↑ Аналитическая группа Внешнеполитической ассоциации ("Группа Бессмертных"). «Русский журнал». Тергыме кече: 23 идым 2025. Архивлыме 24 сӱрем 2012 ий.
  22. ↑ Распоряжение Правительства Российской Федерации от 25.01.1999 г. № 145-р «О члене коллегии министерства экономики Российской Федерации». Тергыме кече: 23 идым 2025. Архивлыме 16 ага 2020 ий.
  23. ↑ Распоряжение Правительства Российской Федерации от 31.01.2001 г. № 137-р «О членах коллегии министерства экономического развития и торговли Российской Федерации». Тергыме кече: 23 идым 2025. Архивлыме 16 ага 2020 ий.
  24. ↑ Борзова, Дарья (2008-11-28), О кризисе предупреждали давно, Zaks.ru, <https://web.archive.org/web/20151222081335/https://www.zaks.ru/new/archive/view/52451>. Тергыме: 23 идым 2025. 
  25. ↑ Белоусов А. Р. Долгосрочные тренды российской экономики (руш.). web.archive.org. Тергыме кече: 23 идым 2025.
  26. ↑ Распоряжение Правительства РФ от 06.02.2006 N 133-р (руш.). rulaws.ru. Тергыме кече: 23 идым 2025.
  27. ↑ Распоряжение Правительства РФ от 26.06.2008 N 927-р (руш.). rulaws.ru. Тергыме кече: 23 идым 2025.
  28. ↑ Белоусов, Андрей Рэмович. Противоречия и перспективы развития системы воспроизводства российской экономики (руш.). disserCat (2006). Тергыме кече: 23 идым 2025. Архивлыме 17 сорла 2012 ий.
  29. ↑ Белоусов, Андрей (руш.). Лента.ру. Тергыме кече: 23 идым 2025. Архивлыме 14 шыжа 2012 ий.
  30. ↑ Федеральный закон от 28 декабря 2009 г. N 381-ФЗ «Об основах государственного регулирования торговой деятельности в Российской Федерации» (руш.). «Гарант.ру». Тергыме кече: 23 идым 2025. Архивлыме 18 шыжа 2012 ий.
  31. ↑ Распоряжение Правительства Российской Федерации от 17 июля 2008 г. № 1019-р «О Белоусове А. Р.» Тергыме кече: 23 идым 2025. Архивировано из оригинала 16 вӱдшор 2013 ий.
  32. ↑ 1 2 Указ Президента Российской Федерации от 12.06.2007 г. № 750 «О награждении государственными наградами Российской Федерации Цыплакова С. С. и Белоусова А. Р.» Тергыме кече: 23 идым 2025. Архивлыме 16 ага 2020 ий.
  33. ↑ О распределении обязанностей между Первым заместителем Председателя Правительства Российской Федерации, заместителями Председателя Правительства Российской Федерации (недоступная ссылка — история). Тергыме кече: 23 идым 2025. Архивлыме 18 шыжа 2012 ий.
  34. ↑ Андрей Белоусов назначен министром экономического развития РФ. Российская газета (21 ага 2012). Тергыме кече: 23 идым 2025. Архивлыме 25 ага 2012 ий.
  35. ↑ Максим Товкайло (2013-06-18), Новым министром экономического развития может стать Алексей Улюкаев, <https://web.archive.org/web/20200516183141/https://www.vedomosti.ru/politics/articles/2013/06/18/novym_ministrom_ekonomicheskogo_razvitiya_mozhet_stat>. Тергыме: 23 идым 2025. 
  36. ↑ Путин назначил Алексея Улюкаева главой Минэкономразвития. Тергыме кече: 23 идым 2025. Архивлыме 29 сӱрем 2013 ий.
  37. ↑ Указ «О Набиуллиной Э.С.», 2013-06-24, <https://web.archive.org/web/20130627144651/http://kremlin.ru/news/18395>. Тергыме: 23 идым 2025. 
  38. ↑ Помощник президента Андрей Белоусов возглавил совет директоров «Роснефти» — Интерфакс. Тергыме кече: 23 идым 2025. Архивлыме 30 идым 2015 ий.
  39. ↑ Указ Президента Российской Федерации от 21.01.2020 г. № 25 «О Первом заместителе Председателя Правительства Российской Федерации». Тергыме кече: 23 идым 2025. Архивлыме 16 ага 2020 ий.
  40. ↑ ТАСС, 13 марта 2020. Первый вице-премьер Белоусов возглавит совет директоров РЖД. Тергыме кече: 23 идым 2025. Архивлыме 23 вӱдшор 2020 ий.
  41. ↑ Совет директоров РЖД наполовину обновится. В новый состав могут войти Андрей Белоусов и Максим Решетников. Ведомости (10 ӱярня 2020). Тергыме кече: 23 идым 2025. Архивлыме 11 ӱярня 2020 ий.
  42. ↑ Путин предложил назначить Белоусова министром обороны РФ. iz.ru (12 ага 2024). Тергыме кече: 23 идым 2025.
  43. ↑ СФ признал состоявшимися консультации по кандидатам в главы министерств и ведомств. ТАСС (14 ага 2024). Тергыме кече: 23 идым 2025.
  44. ↑ Путин включил Белоусова в число постоянных членов Совбеза. ТАСС (11 пеледыш 2024). Тергыме кече: 23 идым 2025.
  45. ↑ Новак включен в набсовет РФПИ, Белоусов и экс-глава ВЭБа Дмитриев вышли из него, 2025-03-10, <https://www.interfax.ru/business/1012877>. Тергыме: 23 идым 2025. 
  46. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Тергыме кече: 23 идым 2025.
  47. ↑ Биография Р. А. Белоусова. Тергыме кече: 23 идым 2025. Архивлыме 6 шыжа 2012 ий.
  48. ↑ Краткая биография А. П. Белоусовой. Тергыме кече: 23 идым 2025. Архивировано из оригинала 18 ӱярня 2013 ий.
  49. ↑ Выписка из приказа о зачислении в МГТУ им. Баумана. Тергыме кече: 23 идым 2025. Архивировано из оригинала 17 сӱрем 2020 ий.
  50. ↑ Распоряжение Президента Российской Федерации от 01.09.2005 г. № 395-рп «О поощрении». Тергыме кече: 23 идым 2025. Архивлыме 16 сӱрем 2020 ий.
  51. ↑ Указ Президента Российской Федерации от 14.06.2009 г. № 686 «О награждении государственными наградами Российской Федерации». Тергыме кече: 23 идым 2025. Архивлыме 16 сӱрем 2020 ий.
  52. ↑ Белоусов Андрей Рэмович - Анализ публикационной активности. elibrary.ru. Тергыме кече: 23 идым 2025.
  53. ↑ «Иное. Путеводитель.» «Хрестоматия нового российского самосознания» (1995). Тергыме кече: 23 идым 2025. Архивировано из оригинала 19 теле 2013 ий.
  54. ↑ Белоусов, Андрей Рэмович. «Структурный кризис советской индустриальной системы» (1995). Тергыме кече: 23 идым 2025. Архивировано из оригинала 19 теле 2013 ий.
  55. ↑ Архив журнала «Проблемы прогнозирования». Институт народнохозяйственного прогнозирования РАН. Тергыме кече: 23 идым 2025. Архивлыме 18 шыжа 2012 ий.
  56. ↑ Белоусов, Андрей Рэмович. «Развитие российской экономики в посткризисный период (макроэкономический аспект)». Институт народнохозяйственного прогнозирования РАН (1 пеледыш 2003). Тергыме кече: 23 идым 2025. Архивлыме 17 сорла 2012 ий.
  57. ↑ Белоусов, Андрей Рэмович. «Развитие российской экономики в среднесрочной перспективе: анализ угроз». Институт народнохозяйственного прогнозирования РАН (1 пеледыш 2003). Тергыме кече: 23 идым 2025. Архивлыме 17 сорла 2012 ий.
  58. ↑ «Российское экономическое чудо: сделаем сами. Прогноз развития экономики России до 2020 года». — «Деловая литература», 2007. — 128 с. — ISBN 978-5-93211-043-0. (недоступная ссылка)
  59. ↑ Белоусов, Андрей Рэмович. Сценарии экономического развития России на пятнадцатилетнюю перспективу. Институт народнохозяйственного прогнозирования РАН (2006). Тергыме кече: 23 идым 2025. Архивлыме 18 шыжа 2012 ий.
  60. ↑ В. А. Сальников, Д. И. Галимов. Конкурентоспособность отраслей российской промышленности – текущее состояние и перспективы. Институт народнохозяйственного прогнозирования РАН (2 вӱдшор 2006). Тергыме кече: 23 идым 2025. Архивировано из оригинала 24 ага 2014 ий.
  61. ↑ Белоусов, Андрей Рэмович. «Эволюция системы воспроизводства российской экономики: От кризиса к развитию». — «Макс-пресс», 2006. — 396 с. — 500 экз. — ISBN 5-317-01601-0. Архивысе копий 16 сӱрем 2020 гыч
Ончычсо пашаеҥ:
Эльвира Сахипзадовна Набиуллина 		Россий Федерацийыште экономике вияҥме шотышто министр
2012 ий 21 май — 2013 ий 24 июнь 		Алмаштыше:
Алексей Валентинович Улюкаев
Ончычсо пашаеҥ:
Эльвира Сахипзадовна Набиуллина 		Россий Федерацийысе президентын полышкалышыже
2013 ий 24 июнь — 2020 ий 21 январь 		Алмаштыше:
Максим Станиславович Орешкин
"https://mhr.ruwiki.ru/w/index.php?title=Белоусов,_Андрей_Рэмович&oldid=1231222" гыч налме