23 шыжа

←
→
Шыжа
← →Шыжа
	2026 ий

23 шыжа (23 октябрь) — григориан кечышот почеш идалыкын 296-шо (кужемдыме ийлаште — 297-ше) кечыже. Идалык пытыме марте 69 кече кодеш.

Йошкар-Олаште ☀️ Кече 6 шагатат 52 минутлан лектеш, 16 шагатат 44 минутлан шинчеш. Кечын кужытшо 🕒 9 шагатат 51 минут.
🌔 Ешаралт толшо тылзе (11.78 тылзе кече).

Пайрем да шарныктарыше кече-влак

Рекламе пашаеҥ-влакын кечышт (руш. День работников рекламы).
Телым увертарыше Евлампийын кечыже (руш. Евлампий Зимоуказатель).
Лум нерген тӱнямбал кечыже (руш. Международный день снежного барса).
Гаражан еҥын кечыже (руш. День гаражиста).
Шерым темыше коллегым лупшалме кече (руш. День Шлепни надоедливого коллегу).
Поч кудалтыме кече (руш. День отбрасывания хвоста).

Лӱмгече

Андрей, Василий, Иннокентий.

Эртынчык-влак

Тугак ончо: Категорий:Шыжа тылзын 23 кечысе событий-влак

1814 — хирург Джозеф Карпю тӱняште икымше пластический операцийым ыштен.
1953 — шымлызе Андрей Сахаровым Совет Ушемын шанче академийышкыже налыныт.
2000 — Китайыште тошто семӱзгар тоштерым муыныт.

Шочыныт

Тугак ончо: Категорий:Шыжа тылзын 23 кечынже шочшо-влак

1911 — Василий Сергеевич Попов, марий совет партий пашаеҥ. Марий АССР-ысе Марий Турек район исполкомын председательже (1941—1942, 1946—1948), ВКП(б) Казанский район комитетын (1948—1950), КПСС У Торъял район комитетын икымше секретарьже (1952—1959). ВКП(б)-ын XIX погынжын делегатше (1952). Кугу Ачамланде сарын участникше.
1917 — Михаил Григорьевич Григорьев, генерал-полковник, континентла кокласе баллистике ракете-влакын икымше соединенийыштын командующийже («Ангара» объект, вара Плесецк космодром лийын), СССР РВСН-ын командующийжын икымше алмаштышыже, Ленин премийын лауреатше.
1938 — Тамара Александровна Базуева, Россий Федерацийын да Марий Эл Республикын сулло эмлызыже. Одо кундемыште шочын. Озаҥ оласе медицине университетым йошкар диплом дене тунем пытарымек, Йошкар-Оласе пӱй эмлыме поликлиникыште тыршаш тӱҥалын. Кок ий гыч тӱҥ эмлызын алмаштышыже лийын. 1983—2009 ийлаште тӱҥ врачлан тыршен.
1954 — Александр Иванович Обухов, семмастар да туныктышо, Марий Элысе сымыктышын сулло пашаеҥже. Советский посёлкышто шочын. Кӱшыл шинчымашым Озаҥ оласе тӱвыра институтышто налын. 1976-шо ий гыч Марий тӱвыра да сымыктыш училищыште туныктышылан пашам ышташ тӱҥалын. 15 ий «Марий Эл» кугыжаныш ансамбльын оркестржым вуйлатен. Паша корныжо Москосо тӱвыра да сымыктыш институт дене кылдалтын.
1976 — Роман Юрьевич Алексеев, Марий Эл Республикын сулло да калык артистше. М. С. Щепкин лӱмеш кӱшыл театр училищым тунем лекмеке, Шкетан лӱмеш марий кугыжаныш драме театрыште тыршаш тӱҥалын. Роль-влакым устан модмыж дене кугу чапым сулен. Роман Юрьевич театрын тӱҥ режиссёржылан тырша. Ятыр оҥай спектакльым шында. Марий Элысе кугыжаныш премийын лауреатше.

Коленыт

Тугак ончо: Категорий:Шыжа тылзын 23 кечынже колышо-влак

1973 — Максим Емельянов, марий серызе, поэт, журналист, СССР серызе-влак ушемын йыжыҥъеҥже (1975).

Калык пале

Уремыште лавыртыш лиеш гын, 4 ноябрь марте лум ок воч.
Огеш кылмыкте гын, телым ныл арня вучыман огыл.
Евлампиян да Евлампийын кечышт. Нуно ака ден шольо лийыныт. Ожно калык тиде кечын чырам ямдылен. Кастене тӱрлӧ сомылым ыштыме годым волгыдо лийже манын шуко-шуко чырам шелыштын.