Колокольцев, Владимир Александрович

РУВИКИ — эрыкан энциклопедий гыч материал
Владимир Александрович Колокольцев
Vladimir Kolokoltsev (2020-02-21).jpg
Флаг
Россий Федерацийын элгӧргӧ паша министрже
Флаг
2012 ий 21 май гыч
(с. ш. 2018 ий 8—18 май, 2020 ий 15—21 январь, 2024 ий 7—13 май)
Виктер вуйлатыше Дмитрий Медведев
Михаил Мишустин
Андрей Белоусов (с. ш.)
Михаил Мишустин
Президент Владимир Путин
Ончычсо пашаеҥ Рашид Нургалиев
Флаг
Россий МВД-н Москосо тӱҥ управленийжын начальникше
Флаг
2011 ий 24 март — 2012 ий 21 май
Ончычсо пашаеҥ должностьым ыштыме, тудо шкеже Моско ГУВД начальник
Алмаштыше Виктор Голованов (с. ш.)
Анатолий Якунин
Флаг
Моско кӧргысӧ паша шотышто тӱҥ управленийын начальникше
Флаг
2009 ий 7 сентябрь — 2011 ий 24 март
Ончычсо пашаеҥ Владимир Пронин
Александр Иванов (с. ш.)
Алмаштыше должностьым кораҥдыме, тудо шкеже Моско олан Россий МВД ГУ-н начальникше
Флаг
Орёл областьысе Элгӧргӧ паша виктемын начальникше
Флаг
2007 ий 12 январь — 2009 ий 14 апрель
Ончычсо пашаеҥ Леонид Пашин
Алмаштыше Юрий Савенков
Шочын 1961 ий 11 ага(1961-05-11) (65 ий)
Ӱлыл Ломов, Пенза область, РСФСР, СССР
Супруга Вера Ивановна Колокольцева
Икшыве-влак эргыже: Александр
ӱдыржӧ: Екатерина
Партий партийдыме
Образований СССР МВД-н ВЛКСМ-лан 60 ий темме лӱмеш Кӱшыл политический училищыже
Шанче степень юридический шанче доктор (2005)
Профессий юрист
Деятельность кӧргӧ политике, мер лӱдыкшыдымылык
Награде
Сайт Элгӧргӧ паша министерстве
Сарзе службо
Службо жап 1982 ий гыч
Шогымаш  СССР →  Россий
Род войск MVD Badge (Solid Colors).svg СССР МВД
Emblem of the Ministry of Internal Affairs.svg Россий МВД
Лӱмынлык званий але классан чин
Званий генерал полиции
Россий Федерацийын полиций генералже
Логотип РУВИКИ.Медиа РУВИКИ.Медиаште медиафайл-влак

Владимир Александрович Колокольцев (шоч. 11 ага 1961, Ӱлыл Ломов[d], Пенза область) — Российысе кугыжаныш деятель, правам аралыше орган-влакын вуйлатыше пашаеҥже. 2012 ий 21 май гыч Россий Федерацийын элгӧргӧ паша министрже[1]. Россий Федерацийын полиций генералже (2015)[2]. Россий Федераций элгӧргӧ паша орган-влакын сулло пашаеҥже. Юридический шанче доктор (2005). 2012 ий гыч РФ Лӱдыкшыдымылык Каҥашын тутыш членже.

Ончычшо — 2009 ий 7 сентябрь гыч 2011 ий 24 март йотке Моско кӧргысӧ паша шотышто тӱҥ управленийын начальникше. 2011 ий 24 март гыч 2012 ий 21 май йотке Россий МВД-н Москосо тӱҥ управленийжын начальникше[3].

Биографий

Владимир Колокольцев (пурлаште) «Патриарший воктене лукышто» фильмыште оперативникын рольыштыжо. 3-шо серий, «Шинчалан койдымо дирижёр»

Владимир Колокольцев 1961 ий 11 майыште Пенза областьысе Ӱлыл Ломов олаште пашазе ешеш шочын. Пенза областьысе «Пашан кучемже» фанер заводын котельный цехыштыже погрузчик водительлан, вара насос установкын машинистшылан пашам ыштен. 1979 ийыште армийыш налыныт, СССР ден Афганистан чекыште погран сарзывийыште служитлен.

1982 ийыште Колокольцев элгӧргӧ паша органыш йотэл кугыжаныш-влакын Москошто аккредитоватлыме дипломатий представительыштым аралыме шотышто милиций пӧлкаш службыш пурен. 1984 ийыште Москосо Гагарин райисполкомысо УВД-н патрульно-постовой службысо посна батальонын взвод командиржылан шогалтыме.

1985 ийыште Колокольцев СССР МВД-н ВЛКСМ-лан 60 ий темме лӱмеш Кӱшыл политический училищышкыже пурен, тудым 1989 ийыште пеш сайын тунем пытарен. Училище пытарымек, Москош пӧртылын, Москосо Кунцев райисполкомын УВД-ын ОВД-штыже уголовный розыск пӧлкаште пашам ышташ тӱҥалын. Варарак Москосо 20-шо милиций пӧлка начальникын алмаштышыжлан, вара 8-ше милиций пӧлка начальниклан шогалтыме.

1992 ийыште Колокольцев Уголовный розыск управленийыш Моско ГУВД УУР-ын 2-шо пӧлкажын кугурак оперуполномоченный должностьыш куснен. 1993 ий тӱҥалтыште Москосо 108-ше милиций пӧлкан начальникшылан шогалтыме.

1995 ийыште Рӱдӧ административный округысо 2-шо РУВД-н уголовный розыск управленийжын пӧлка начальникше должностьышко шогалтыме. 1997 ийыште Колокольцев Россий МВД пеленысе Моско РуОП-ын 4-ше региональный пӧлкажын начальникше лийын. 1999 ийыште Россий МВД-н организоватлыме преступность дене кучедалме шотышто Тӱҥ управлений пелен организватлыме преступность дене кучедалме шотышто Рӱдӧ региональный управленийын Кечывалвел-Эрвел административный округышто региональный Оперативно-кычалмаш бюрон начальникше должностьышко шогалтыме.

2001 ийыште Колокольцевым Рӱдӧ федерал округышто Россий МВД-н тӱҥ управленийжын оперативно-кычалмаш бюрожын 3-шо пӧлкажын начальникшылан шогалтыме. 2003 ийыште бюро начальникын алмаштышыжлан шогалтыме. 2007 ий январьыште Орёл областьысе Элгӧргӧ паша виктемын начальникшылан шогалтыме[4][5]. Тудын пашам ыштыме пагытыште областьыште кок икымше вице-губернаторым, Кочуев ден Сошниковым, тыгак областьысе администрацийын икмыняр подразделений вуйлатышыжым титаклыме[6]. Тыгак «воробьёвысо» маналтше ОПГ-н южо чолга участникшым арестоватлыме да тюрьмаш петырен шындаш ыштыме. 2009 ий апрельыште Колокльцевым Россий МВД-н Уголовный розыск департамент начальникын икымше алмаштышыжлан шогалтеныт[7].

Россий президентын 2009 ий 7 сентябрьысе указше дене Колокольцевым Моско кӧргӧ паша шотышто Тӱҥ управленийын начальникшылан шогалтыме[8]. Колокольцев отставкыш колтымо Владимир Прониным алмаштен. Ондакше, 28 апрельыште, Прониным должность гыч «Царицыно» ОВД начальник Денис Евсюковын Москосо супермаркетыште лӱйкалаш тӱҥалмыж деч вара кораҥдыме. Колокольцевым пашаш шогалтыме деч ончыч ГУВД начальникын пашажым ныл тылзе наре икымше алмаштыше Александр Иванов шуктен[9].

2010 ий 10 июньышто Колокольцевлан «милицийын генерал-лейтенантше» званийым пуымо[10].

Россий Федераций президентын 2011 ий 24 мартысе указше дене[11] Колокольцевлан «полицийын генерал-лейтенантше» лӱмын званийым пуымо да тудым Россий МВД-н Москосо Тӱҥ управленийжын начальникше должностьышко шогалтыме.

Россий Федераций президентын 2012 ий 21 майысе указше дене Колокольцевым Россий Федерацийын элгӧргӧ паша министржылан шогалтыме[12][13], да тудын вуйлатымыж почеш правам аралыше системысе реформо умбакыже шуйнен.

2020 ий январьыште правительствын отставкыш кайымекше, Колокольцевым 2020 ий 21 январьыште Михаил Мишустинын у кабинетыштыже министр должностьыш угыч шогалтыме. МВД вуйлатышын постышкыжо 2024 ий 14 майыште угыч шогалтыме[14].

Моло пост

  • Кугыжаныш антинаркотик комитетын председательже (2016 ий декабрь гыч, должность почеш).
  • Правам пудыртымым шижтарыме шотышто правительствын комиссийжым вуйлатыше (2012 ий июнь гыч).
  • Рф президент пеленысе коррупций ваштареш тыршыше Каҥашын да РФ президент пеленысе капкультур ден спортым вияҥдыме шотышто Каҥашын членже (когынек — 2012 ий июль гыч).
  • РФ-се Сарзе-йӧнозанлык комиссийын членже (2014 ий сентябрь гыч)[3].

Санкций

2018 ий гыч Колокольцев США—н санкцийже йымалне улеш, а 2022 ийыште Украиныште сарзе паша тӱҥалме деч вара — Канадын, Евроушемын, Великобританийын, Швейцарийын, Австралийын, Японийын да У Зеландийын санкцийышт йымалне.

Санкцийым ончыде, 2018 ийыште Колокольцев США-шке ООН линий дене мероприятийлаште участвоватлаш миен коштын, тидлан «нелылык деч посна» американ визым налын. 2022 ийыште США Россий МВД-н Колокольцевын вуйлатыме делегацийжылан визым пуэн огыл, сандене тудо полиций службо вуйлатыше-влакын ООН-ышто эртаралтше саммитыш миен кертын огыл. 2024 ий июньышто Колокольцев Нью-Йоркыш ООН член улшо кугыжаныш-влакын полиций органыштым вуйлатыше-влакын IV саммитыштышт участвоватлаш чоҥештен толын толын. США-н Госдепшын умылтарымыже почеш, Россий вий-куат ведомство-влакын вуйлатышышт шотышто санкций шыгыремдымашым чарен шогалтыме. США-н ООН пеленысе представительствыштыже рашемденыт: организацийын Нью-Йоркышто пачер-штабше нерген ойпидыш кышкарыште визым пуэдыме шумлык шке сӧрыкыштым чоткыдын ончат. ООН-ын мероприятийлаштыже участвоватлыше делегаций-влаклан визым пуэдыме шумлык сӧрыкым США-н Госдепыштыже шукташ кӱлешлан шотленыт[15].

Критике

  • 2013 ий 10 февральыште Колокольцев НТВ каналын «Таче. Иктешлыше программе» передачыште Кирилл Поздняковлан интервьюшто чот неле осал пашалан да террорист-влак шотышто Российыште казнитлен пуштмым пӧртылтымӧ шотышто нимынярат тореш омыл манме шӱлыш дене ойлен, тыге ойлен:

Казнитлен пуштмо ваштареш улшо-влакын шыдыштым шке ӱмбакем налаш лӱдам, но министр семын огыл, а тыглай гражданин семын тыгай шотысо перступник-влаклан [тыгай наказанийыште] мый нимогай титаклышашымат ом уж

Тиде мутым водынжо ыштыме кугу преступленийлан кӧра Набережный Челнаште 8 ияш Галицынам шолыштмылан да пуштмылан кӧра да эше ик ӱдырым — Чечняште — шолыштмылан да пуштмылан кӧра лекше мер калык резонанс фонеш каласыме. Тиде ойлымым «Олма» партий критиковатлен, тудын сайтыштыже министрым отставкыш колташ темлымаш лектын[16], такшым, тугай-влакат шагал огыл лийыныт, кудышт тиде шонымашымат, министрын шке шонымашыжым луктын каласашат праважым сайлан шотленыт.

  • Колокольцев — юридический шанче доктор, диссертацийын темыже — «Калыкле лӱдыкшыдымылык концепций контекстыште Россий кугыжаныш интересшым шуктымаш» (2005)[17]. Диссертацийын лончылымыжлан келшышын, Колокольцевын докторлык диссертацийыштыже ныл диссертаций гыч кӱсынлымӧ уло[18].

Еш

Ватан, кок икшывыже уло.

  • Ватыже — Вера Ивановна Колокольцева.
  • Эргыже — Александр Владимирович Колокольцев (шоч. 1983), амалкалче[19].
  • Ӱдыржӧ — Екатерина Владимирович Колокольцева (шоч. 1988), МГИМО-м тунем лектын.

Кинороль

1994 ийыште Колокольцев «Лукышто, Патриарший воктене» детектив телесериалыште оперативный уполномоченныйын эпизодан рольыштыжо войзалтын[20].

Званий

  • Милицийын генерал-майоржо (2008 ий 5 март);
  • Милицийын генерал-лейтенантше (2010 ий 10 июнь);
  • Полицийын генерал-лейтенантше (2011 ий 24 март)[21];
  • Полицийын генерал-полковникше (2013 ий 12 июньышто)[22];
  • Россий Федерацийысе полицийын генералже (2015 ий 10 ноябрь)[23].

Награде

кугыжанышын
  • III ден IV степенян «Ачамланде ончылно суаплан» орден;
  • Россий Федераций элгӧргӧ паша орган-влакын сулло пашаеҥже[24];
  • «Мер шот-ратым аралыме шотышто ойыртемалтмылан» медаль;
  • Александра Невский орден (2014)[25].
ведомство-влакын
  • «МВД-ын почётан пашаеҥже» оҥеш пижыктыме пале;
  • «Службышто патырлык верч» медаль;
  • I ден II степенян «Службышто ойыртемалтмылан» медаль (МВД);
  • III степенян «Чапле службылан» медаль;
  • II ден III степенян «Вуйлатымаш пашаште суаплан» медаль (ФКСН);
  • «Россий МВД-лан 200 ий» медаль (МВД);
  • «Сарзе келшымашлан» медаль (ФСО);
  • «Полшымылан» медаль (Россий ГФС);
  • «Поснак кӱлешан кугыжаныш объект-влакын пожар лӱдыкшыдымылыкыштым шуктымашке посна надырлан» медаль (МЧС);
  • «Сарзе келшымашлан» медаль (МВД);
  • «Россий МВД-лан 200 ий» оҥеш пижыктыме пале.
религий дене кылдалтше
  • II степенян Преподобный Сергий Радонежский орден (РПЦ, 2012)[26];
  • I степенян Порылыклан ӱшанле пеш кугу шнуй князь Донысо Димитрий орден (РПЦ, 2022) — черке-кугыжаныш кылым пеҥгыдемдымашке надыр шотышто тӱткышлан да шочмыжлан 60 ий темме лӱмеш[27].
кундемлаысе
  • «Моско олалан службым чаплын шуктымылан» ойыртемыш пале ХХ ий (2011 ий 17 май);
  • «Москолан 850 ий теммым шарнаш» медаль;
  • Ӱлыл Ломов ола почётан гражданинже;
  • Орёл областьын чапланыше гражданинже (2018)[28];
  • «Карелий Республик ончылно суаплан» медаль (2020 ий 8 июнь) — Карелий Республик да тушто илыше-влак ончылно суаплан, республикым илышкыл-экономике шотышто вияҥдымашке кугу надырлан да Карелий Республикым ыштымылан 100 ий теммым пайремлымашлан ямдылалтмаш шотышто Кугыжаныш комиссийыште пашам чолган шуктымылан[29].
йот эл-влакын

Палемдымаш

  1. ↑ Правительство РФ подало в отставку, 2020-01-15, <https://www.interfax.ru/russia/691308>. Тергыме: 29 идым 2025. 
  2. ↑ Указ Президента Российской Федерации от 10.11.2015 г. № 554, <http://www.kremlin.ru/acts/bank/40162>. Тергыме: 29 идым 2025. 
  3. ↑ 1 2 Колокольцев, Владимир Александрович, <https://tass.ru/encyclopedia/person/kolokolcev-vladimir-aleksandrovich>. Тергыме: 29 идым 2025. 
  4. ↑ Указ Президента Российской Федерации от 15.01.2007 г. № 33, <http://kremlin.ru/acts/bank/24885>. Тергыме: 29 идым 2025. 
  5. ↑ В УВД Орловской области назначен новый начальник (руш.). web.archive.org. Тергыме кече: 29 идым 2025.
  6. ↑ Начальником ГУВД Москвы назначен экс-глава УВД Орловской области - Российская газета, 2009-09-08, <http://www.rg.ru/2009/09/08/kolokolcev.html>. Тергыме: 29 идым 2025. 
  7. ↑ Указ Президента Российской Федерации от 08.04.2009 г. № 365, <http://kremlin.ru/acts/bank/29081>. Тергыме: 29 идым 2025. 
  8. ↑ Указ Президента Российской Федерации от 07.09.2009 г. № 1013, <http://kremlin.ru/acts/bank/29821>. Тергыме: 29 идым 2025. 
  9. ↑ Нургалиев представил руководству московской милиции нового главу столичного ГУВД, <https://nn.aif.ru/society/details/517495>. Тергыме: 29 идым 2025. 
  10. ↑ Главе ГУВД Москвы Колокольцеву присвоено звание генерал-лейтенанта. РИА Новости (11 пеледыш 2010). Тергыме кече: 29 идым 2025. Архивлыме 10 вӱдшор 2012 ий.
  11. ↑ Указ о назначении начальника Главного управления МВД по Москве и Министра внутренних дел по Чеченской Республике, <http://events.kremlin.ru/news/10738>. Тергыме: 29 идым 2025. 
  12. ↑ Указ Президента Российской Федерации от 21.05.2012 г. № 645, <http://kremlin.ru/acts/bank/35307>. Тергыме: 29 идым 2025. 
  13. ↑ Владимир Колокольцев назначен министром внутренних дел РФ - Российская газета, 2012-05-21, <http://rg.ru/2012/05/21/kolokoltsev-anons.html>. Тергыме: 29 идым 2025. 
  14. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 29 идым 2025.
  15. ↑ Колокольцев прилетел в Нью-Йорк, <https://www.rbc.ru/rbcfreenews/667c74df9a79476bac16e726>. Тергыме: 29 идым 2025. 
  16. ↑ Алексей Мельников: Колокольчик смертной казни | Партия Яблоко. Тергыме кече: 29 идым 2025. Архивлыме 5 вӱдшор 2013 ий.
  17. ↑ Глава МВД представил Владимира Колокольцева личному составу, <https://web.archive.org/web/20110220212322/http://www.vesti.ru/doc.html?id=314005>. Тергыме: 29 идым 2025. 
  18. ↑ «Сплошные совпадения» генерала Колокольцева привели в Петербург, <https://web.archive.org/web/20141107215930/http://www.fontanka.ru/2014/10/31/171/>. Тергыме: 29 идым 2025. 
  19. ↑ Сын министра внутренних дел оказался бизнесменом, <http://www.vedomosti.ru/realty/articles/2016/02/20/630896-developer-svyazyami>. Тергыме: 29 идым 2025. 
  20. ↑ На углу у Патриарших (1995). Тергыме кече: 29 идым 2025.
  21. ↑ Указ Президента Российской Федерации от 24.03.2011 г. № 350, <http://www.kremlin.ru/acts/bank/32839>. Тергыме: 29 идым 2025. 
  22. ↑ Указ Президента Российской Федерации от 12.06.2013 г. № 556, <http://kremlin.ru/acts/bank/37343>. Тергыме: 29 идым 2025. 
  23. ↑ Указ Президента Российской Федерации от 10.11.2015 г. № 554, <http://kremlin.ru/acts/bank/40162>. Тергыме: 29 идым 2025. 
  24. ↑ Колокольцев Владимир Александрович (руш.). xn--b1aew.xn--p1ai. Тергыме кече: 29 идым 2025.
  25. ↑ Фото Министра внутренних дел РФ генерала полиции Российской Федерации В. А. Колокольцева с орденскими планками. Тергыме кече: 29 идым 2025.
  26. ↑ Официальный сайт Русской Православной Церкви / Патриархия.ru. Патриархия.ru. Тергыме кече: 29 идым 2025.
  27. ↑ Официальный сайт Русской Православной Церкви / Патриархия.ru. Патриархия.ru. Тергыме кече: 29 идым 2025.
  28. ↑ Владимир Колокольцев стал «Почетным гражданином Орловской области» (руш.). "Вечерний Орёл". Орловская электронная газета (21 теле 2018). Тергыме кече: 29 идым 2025.
  29. ↑ Указ Главы Республики Карелия от 08.06.2020 № 58 ∙ Официальное опубликование правовых актов (руш.). publication.pravo.gov.ru. Тергыме кече: 29 идым 2025.
  30. ↑ Награжденный | Портал Государственных наград (руш.). nagrada.srs.kg. Тергыме кече: 29 идым 2025.

Кылвер-влак

  1. ↑ Министр внутренних дел РФ Владимир Колокольцев. Досье, <https://aif.ru/dontknows/file/ministr_vnutrennih_del_rf_vladimir_kolokolcev_dose>. Тергыме: 29 идым 2025. 
"https://mhr.ruwiki.ru/w/index.php?title=Колокольцев,_Владимир_Александрович&oldid=1231300" гыч налме