Чекунков, Алексей Олегович
| Алексей Олегович Чекунков | |
|---|---|
 | |
|
| |
 Россий Федерацийын Мӱндыр Эрвелым да Арктикым вияҥдыме шотышто министрже
 |
|
| 2020 ий 10 ноябрь гыч (с. ш. 2024 ий 7—13 май) |
|
| Виктер вуйлатыше | Михаил Мишустин |
| Президент | Владимир Путин |
| Ончычсо пашаеҥ | Александр Козлов |
|
|
|
| Шочын |
1980 ий 3 шыжа (45 ий) Минск, Белорус ССР, СССР |
| Шинчымаш | |
| Паша | кугыжаныш пашаеҥ |
| Награде | «Мӱндыр Эрвелын вияҥмаштыже суаплан» ойыртемалтше тамга |
 РУВИКИ.Медиаште медиафайл-влак | |
Алексей Олегович Чекунков (шоч. 3 шыжа 1980, Минск) — Российысе кугыжаныш пашаеҥ. 2020 ий 10 ноябрь гыч Россий Федерацийын Мӱндыр Эрвелым да Арктикым вияҥдыме шотышто министрже, 2024 ий 14 майыште угыч пеҥгыдемдыме[1].
2014 ий 25 сентябрь гыч 2020 ий марте — Мӱндыр Эрвелым да Арктикым вияҥдыше фондын генеральный директоржо, тудым Мӱндыр Эрвелысе да Байкалысе регион-влакым писын вияҥдыме шонымаш дене Внешэкономбанк тӧнежлен.
Илыш корныжо
Алексей Чекунков 1980 ий 3 октябрьыште Минскыште шочын. Тудын ачаже Олег Фёдорович Чекунков Белоруссийын элӧрдыж экономике кыл министрын алмаштышыже (1997—1998), а вара Белоруссийын Вьетнамысе чрезвычайный да полномочный посолжо (1998—2001) лийын.
Тунеммаш
Россий МИД-ын Москосо тӱнямбал кыл кугыжаныш институтын (Университетын) тӱнямбал экономике кыл факультетшым да Мӱндыр Эрвелысе федерал университетын (ДВФУ-н) магистратуржым «кугыжаныш да муниципал виктарымаш» специальность дене пытарен[2].
Паша
2001 гыч 2011 ий марте Чекунков Российыште тура инвестиций секторышто вуйлатыме должностьлаште пашам ыштен. Тӱнямбал да Российысе финанс организаций-влакын (Алроса, Delta Private Equity, Альфа-групп) кугу проектыштым виктарен, нунын коклаште Мӱндыр Эрвелын кумдыкыштыжо — Саха Республикыште (Якутий) да Хабаровск крайыште[3]. Шкенжын New Nations Capital инвестиций компанийжым вуйлатен (венчурлык инвестиций, инвестий-банк полыш)[4].
2011—2013 ийлаште Чекунков Российысе тура инвестиций фондым (РФПИ-м) ыштымаште участвоватлен, директор, правлений да инвестиций комитет член должностьым айлен. Тазалык аралтышыш, энергийым аралымашке, сырьё секторыш инвестицийлан, тыгак Китайысе инвестиций корпораций (CIC) дене пырля Россий-Китай инвестиций фондым ыштымылан мутым кучен[5].
2014—2020 ийлаште — Мӱндыр Эрвелым да Арктикым вияҥдыме фондын генеральный директоржо (ВЭБ.РФ).
2020 ий 10 ноябрьыште Чекунковым РФ-н Мӱндыр Эрвел ден Арктикым вияҥдыме шотышто министр должностьыш шогалтеныт[6].
2024 ий 14 майыште Чекунковым Кугыжаныш Думо Россий Федерацийын Мӱндыр Эрвелым да Арктикым вияҥдыме шотышто министр должностьышко угыч пеҥгыдемден[7], тиде кечынак РФ президент пашаш шогалтыме нерген указеш кидпалым пыштен[8].
Тӱрлӧ ийлаште Чекунков «АК „АЛРОСА“» ПАО-н эскерыше каҥашышкыже, «РусГидро» ПАО-н вуйлатыше-влак каҥашышке да моло компанийлаш пурен.
Мӱндыр Эрвелым илышкыл-экономике могырым вияҥдыме шотышто правительстве комиссийын[9] да Арктикым вияҥдыме шотышто кугыжаныш комиссийын членже[10].
Транспортлык коридор-влакым вияҥдымаш
Минэрвелвияҥмаш вуйлатышын должностьышкыжо кокымшо гана шогалтыме деч ончыч Кугыжаныш Думын заседанийыштыже ойлымыж годым Чекунков Мӱндыр Эрвел ден Арктикылан 2030 ий марте 10 тӱҥ приоритетшым лӱмден. Мутлан, 1 тӱж. наре у объектым чоҥаш палемдалтеш; транспортлык коридор-влакым вияҥдаш — СМП-ын шупшыктен кертмыжым 2030 ийлан 150 млн тонным, РЖД-ын Эрвел полигоныштыжо 2032 ийлан 270 млн тонн марте шукташ[11].
Еш
Алексей Чекунков ватан, кок ӱдыржӧ уло[12].
Палемдымаш
- ↑ Чекунков, Алексей Олегович, <https://tass.ru/encyclopedia/person/chekunkov-aleksey-olegovich>. Тергыме: 21 идым 2025.
- ↑ Министерство Российской Федерации по развитию Дальнего Востока | Чекунков Алексей Олегович (руш.). web.archive.org. Тергыме кече: 21 идым 2025.
- ↑ Биография Алексея Чекункова, министра по развитию Дальнего Востока и Арктики, 2020-11-10, <https://www.kp.ru/daily/2171205/4318294/>. Тергыме: 21 идым 2025.
- ↑ Дальневосточные новации оценили в Белом доме, 2020-11-09, <https://www.kommersant.ru/doc/4565173>. Тергыме: 21 идым 2025.
- ↑ «Сейчас нужно пройти через геополитическую ломку», <https://www.vedomosti.ru/economics/characters/2015/09/01/606987-u-nas-seichas-est-poslednii-shans-na-proriv>. Тергыме: 21 идым 2025.
- ↑ Алексей Чекунков назначен Министром по развитию Дальнего Востока и Арктики, <http://www.kremlin.ru/events/president/news/64391>. Тергыме: 21 идым 2025.
- ↑ Госдума утвердила Чекункова министром развития Дальнего Востока и Арктики. РИА "Новости" (14 ага 2024). Тергыме кече: 14 ага 2024.
- ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 21 идым 2025.
- ↑ Правительственная комиссия по вопросам социально-экономического развития Дальнего Востока - Правительство России (руш.). government.ru. Тергыме кече: 21 идым 2025.
- ↑ О нас состав, <https://arctic.gov.ru/about-us-membership/>. Тергыме: 21 идым 2025.
- ↑ Алексей Чекунков перечислил 10 ключевых приоритетов для Дальнего Востока и Арктики. Журнал "Эксперт" (14 ага 2024).
- ↑ Чекунков, Алексей Олегович. ТАСС (9 кылме 2020). Тергыме кече: 21 идым 2025.
Кылвер-влак
- Биография Алексея Чекункова - ТАСС, <https://tass.ru/info/9948379>. Тергыме: 21 идым 2025.
- Биография Алексея Чекункова, министра по развитию Дальнего Востока и Арктики, 2020-11-10, <https://www.kp.ru/daily/2171205/4318294/>. Тергыме: 21 идым 2025.
| Россий Федерацийын кызытсе Виктерже | |
|---|---|
| Председатель | |
| Икымше алмаштыше | |
| Алмаштыше |
|
| Министр |
|
 |
|---|