Кравцов, Сергей Сергеевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Кравцов.
Сергей Сергеевич Кравцов
Sergey Kravtsov 12.03.2020.jpg
Флаг
Россий Федераций просвещений министр
Флаг
2020 ий 21 январь гыч
(2024 ий 7—13 ага с. ш.)
Виктер вуйлатыше Михаил Мишустин
Андрей Белоусов (с. ш.)[1]
Президент Владимир Путин
Ончычсо пашаеҥ Ольга Васильева
Флаг
Туныктыш да науко сферым эскерыме шотышто федерал службын (Рособрнадзор) вуйлатышыже
Флаг
2013 ий 8 сорла — 2020 ий 21 шорыкйол
Виктер вуйлатыше Дмитрий Медведев
Президент Владимир Путин
Ончычсо пашаеҥ Иван Муравьев
Алмаштыше Анзор Музаев
Шочын 1974 ий 17 ӱярня(1974-03-17) (51 ий)
Моско, РСФСР, СССР
Партий Икоян Россий
Образований Москосо кугыжаныш почмо педагогике университет,
МГИМО
Шанче степень педагогике шанче доктор
Шанче званий доцент
Награде
Логотип РУВИКИ.Медиа Медиафайлы на РУВИКИ.Медиа

Сергей Сергеевич Кравцов (1974 ий 17 мартыште Москошто шоч.) — Российысе кугыжаныш пашаеҥ. 2020 ий 21 январь гыч Россий Федераций просвещений министр (2024 ий 7—13 майыште с. ш.).

Педагогике шанче доктор (2007), доцент. Россий Федерацийын 3-шо классан действительный кугыжаныш советникше (2013). 2013 ий 8 август гыч 2020 ий 21 январь марте Туныктыш да науко сферым эскерыме шотышто федерал службын (Рособрнадзор) вуйлатышыже. 2021 ий 4 декабрь гыч «Икоян Россий» партийын генеральный каҥашыжын членже[2].

Биографий

Сергей Кравцов 1974 ий 17 мартыште Москошто шочын[3]. Ачаже — инженер, «Энергия — Буран» сандалык корабльын проектше дене пашам ыштен. Аваже — туныктышо, «Школышто информатике» журналын тӱҥ редакторжо[4].

1996 ийыште Кравцов Москосо кугыжаныш почмо педагогике университетым (2006 ий гыч — М. А. Шолохов лӱмеш Москосо кугыжаныш гуманитар университет, 2015 ийыште вуз Москосо кугыжаныш педагогике университет деке ушалтын) «математике ден информатикым туныктышо» специальность дене сайын тунем пытарен[3]. 1994—1996 ийлаште — Моско оласе 176 №-ан школышто математикым туныктышо[5].

1997 ий гыч 2002 ий марте Кравцов Россий туныктыш академийын Туныктымашым виктарыме институтыштыжо ыштен, изирак шанче пашаеҥ, шанче пашаеҥ, кугурак шанче пашаеҥ, лабораторийым вуйлатыше лийын. 2000 ийыште Россий МИД-ын Москосо тӱнямбал кылкучымаш кугыжаныш институтым «йот йылмым палыман кугыжаныш да муниципал виктарымаш» специальность дене пытарен[3].

2002 ийыште Кравцов Россий Федерацийысе Туныктыш министерствыште пашам ышташ тӱҥалын. 2004 ий гыч 2008 ий марте Туныктыш да науко сферым эскерыме шотышто федерал службым вуйлатыше Виктор Болотовын полышкалышыже лийын[3].

2008 ийыште ЕГЭ-м эртарыме процедурым ямдылыше «Тестироватлымаш шотышто Федерал рӱдер» Федерал кугыжаныш тӧнежын директор должностьышкыжо шогалтыме. 2009 ийыште Россий туныктыш академийын Туныктымашым виктарыме институтшым вуйлаташ тӱҥалын[3].

2011 ий апрельыште Кравцовым РФ Туныктыш да науко министерствын Регион вияҥмаш департаментын директоржо должностьыш шогалтыме; 2011 ийыште тыгак «Туныктыш пашаеҥ-влакын квалификацийыштым кугемдыше да профессий дене уэш ямдылыме академий» федерал кугыжаныш тӧнеж ректорын пашажым шуктен[3]. 2012 ий июльышто Минобрнаукын Программе-влакым да конкурс процедурым виктарыме департаментын директоржо должностьыш шогалтыме[3].

2013 ий 8 августышто виктерын кӱштымашыже дене Туныктыш да науко сферым эскерыме шотышто федерал службын вуйлатышыже должностьыш шогалтыме, тиде постышто тудо Иван Муравьёвым вашталтен. 2017 ий 28 октябрь гыч 2018 ий 24 май марте Кравцов РФ Науко да туныктыш министрын алмаштышыже — Рособрнадзор вуйлатышын должностьыштыжо тыршен, молан манаш гын ведомство Науко да туныктыш министерствын кучемыштыже лийын. 2018 ийыште Туныктыш да науко сферым эскерыме шотышто федерал службым виктерын кучемышкыже пуымо; 2018 ий 24 майыште Кравцовым угыч тудын вуйлатышыжлан шогалтеныт[3].

2020 ий 21 январь гыч Кравцов Россий Федерацийын Просвещений министерствыжым вуйлаташ тӱҥалын[6].

2021 ий 4 декабрьыште Кравцов «Икоян Россий» партийын генеральный каҥашышкыже пурен, тудын кандидатурыжым вуйлатыше орган-влакын ротацийышт кышкарысе партий погынышто йӱклен пеҥгыдемдыме[7]. Тиде погынымаштак Кравцовлан «Икоян Российын» партий билетшым кучыктеныт[8].

2024 ий 14 майыште Кугыжаныш думо Кравцовым угыч просвещений министр должностьыш пеҥгыдемден[9], тиде кечынак РФ президент пашаш шогалтыме нерген указеш кидпалыжым пыштен[10].

Шанче паша

1999 ийыште Кравцов «Мультимедий технологийым кучылтын математике дене почеш кодшо тунемше-влак дене занятийым эртарыме методике» кандидатлык диссертацийым арален[3].

2007 ийыште Кравцов Российысе туныктыш академийыште Содержаний да туныктымо йӧн институтышто «Россий Федерацийысе школлаште профилян туныктымашым вораҥдарымашын теорий ден практикыже» теме дене педагогике шанче доктор степеньым налаш тыршыме диссертацийым арален[3] (официал оппонент-влак А. В. Баранников, В. И. Блинов да В. С. Данюшенков). 2013 ий августышто Кравцовын докторлык диссертацийыштыже плагиат улмылан верч тыгак Кугыжаныш Думын депутатше В. В. Бурматов титаклен[11].

Еш

Сергей Кравцов ватан, кок йочаже уло[3].

Санкций-влак

Украиныште сарзе дейтвий тӱҥалме деч вара Кравцов Евроушемын[12], Канадын, США-н, Великобританийын, Швейцарийын, Австралийын, У Зеландийын санкцийыштышт улеш.

Награде-влак

Кравцов икмыняр наградым сулен, нунын коклаште:

  • Россий Федераций правительствын таумутшо (2016 ий 6 апрель) — «шочмо элысе туныктымашын качествыжым аклыме системыжым вияҥдымашке, объективный икгай кугыжаныш экзаменым эртарыме механизм-влакым саемдымашке кӱлешан надырым пыштымылан»[3][13];
  • «Россий Федерацийын кӱшыл профессионал туныктымашын почётан пашаеҥже» чаплӱм[14];
  • Россий Федерацийын Шанче да туныктыш министерствын чапкагазше[14];
  • «Чап да патырлыклан» медаль (Кемерово область; 2015)[15];
  • Российысе Еврей общине федерацийын «кугыжаныш пашаеҥ» номинацийыште премий (2021) — «чумыр туныктымаш системыште Российысе калык-влакын калыкле-тӱвыра йӱлаштлан полшымылан»[16].

Палемдымаш

  1. ↑ 2020 ий 30 апрель гыч 19 май марте Россий Федераций Правительствын вуйлытыше пашам шуктен.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 1 2 3 4 5 6 7 8 9 10 11 12 Кравцов, Сергей Сергеевич. Энциклопедия. ТАСС. Дата обращения: 26 пеледыш 2018. Архивировано 10 кылме 2018 года.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. Дата обращения: 2 ӱярня 2020. Архивировано 30 пеледыш 2020 года.
  6. ↑ Что известно о новом министре просвещения. ТАСС (21 шорыкйол 2020). Дата обращения: 15 пургыж 2021. Архивировано 5 ага 2020 года.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 теле 2021). Дата обращения: 4 теле 2021. Архивировано 4 теле 2021 года.
  8. ↑ Медведев вручил партбилеты "Единой России" руководству ДНР и ЛНР. ТАСС (4 теле 2021). Дата обращения: 4 теле 2021. Архивировано 4 теле 2021 года.
  9. ↑ Госдума утвердила Кравцова на пост министра просвещения России. РИА "Новости" (14 ага 2024). Дата обращения: 14 ага 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Дата обращения: 14 ага 2024.
  11. ↑ Депутат обвинил нового главу Рособрнадзора в плагиате. РБК (12 сорла 2013). Дата обращения: 8 пеледыш 2021. Архивировано 9 пеледыш 2021 года.
  12. ↑ Official Journal of the European Union // COUNCIL REGULATION (EU) 2022/2474. — 16 теле (т. Volume 65). — С. 499. Архивировано 24 теле 2022 года.
  13. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". pravo.gov.ru. Официальный интернет-портал правовой информации. Дата обращения: 26 пеледыш 2018. Архивировано 11 сӱрем 2020 года.
  14. ↑ 1 2 Кравцов Сергей Сергеевич. Официальный сайт Министерства просвещения РФ. Дата обращения: 22 шорыкйол 2020. Архивировано 10 сӱрем 2020 года.
  15. ↑ Глава Рособрнадзора награжден медалью Кемеровской области «За честь и мужество». informio.ru (11 теле 2015). Дата обращения: 21 идым 2020. Архивировано 4 теле 2021 года.
  16. ↑ Академик Гинцбург и министр Кравцов стали лауреатами премии Федерации еврейских общин. Интерфакс (29 кылме 2021). Дата обращения: 4 теле 2021. Архивировано 4 теле 2021 года.

Кылвер-влак

"https://mhr.ruwiki.ru/w/index.php?title=Кравцов,_Сергей_Сергеевич&oldid=685726" гыч налме