26 сӱрем

←
→
Сӱрем
← →Сӱрем
	2026 ий

26 сӱрем (26 июль) — григориан кечышот почеш идалыкын 207-ше (кужемдыме ийлаште — 208-ше) кечыже. Идалык пытыме марте 158 кече кодеш.

Йошкар-Олаште ☀️ Кече 3 шагатат 30 минутлан лектеш, 20 шагатат 6 минутлан шинчеш. Кечын кужытшо 🕒 16 шагатат 35 минут.
🌔 Ешаралт толшо тылзе (11.37 тылзе кече).

Пайрем да шарныктарыше кече-влак

— Эсперантон кечыже (руш. День эсперанто).
СССР — Парашютистын кечыже (руш. День парашютиста).
Россий — Торгайыше пашаеҥын кечыже (руш. День работника торговли) — сӱрем тылзын 4-ше шуматкечын палемдалтеш.
Туштым туштымо кече (руш. День загадывания загадок).
Кокай ден чӱчӱн кечышт (руш. День дяди и тети).
Нартка рогаликын кечыже (руш. День хрустящего рогалика).

Лӱмгече

Католик лӱм-влак: Анна, Мирослава, Ефим.
Православий лӱм-влак: Антон, Степан, Юлиан.

Эртынчык-влак

Тугак ончо: Категорий:Сӱрем тылзын 26 кечысе событий-влак

Марий тӱняште

1939 — Марий Республикысе кӱшыл погынын икымше сессийже эртен.

Тӱня мучко

1730 — Анна Иоанновна кугыжа Успенский чаҥым ыштыме нерген кӱштыкым луктын. Вараже тиде чаҥ Царь-колокол лӱмым налын.
1951 — Новгород кундемыште раскопкым эртарыме годым тачысе кечылан эн тошто куэ кумыж серышым муымо. Рушлаже – берестяная грамота.
1953 — Куба элыште революций тӱҥалын.

Шочыныт

Тугак ончо: Категорий:Сӱрем тылзын 26 кечынже шочшо-влак

1908 — Илья Стрельников, марий серызе, поэт, СССР Серызе-влак ушемын йыжыҥъеҥже (1939). Кугу Ачамланде сарыште лийын, Йошкар Шӱдыр орденын кавалерже.
1948 — Виктор Андреевич Наумов, мер пашаеҥ, Марий Эл Республикын сулло энергетикше, Российысе энергетикын ветеранже, Марий Эл Республикын почетан ветеранже. Йыван Кырля лумеш шарнымаш медаль дене палемдалтын. Тудо У Торъял кундем Семесола ялыште шочын. Школ деч вара Йошкар-Оласе совхоз техникумым тунем лектын, электрик лийын. Варажым кум кӱшыл шинчымашым налын: энергетик, экномист-организатор, пропагандист-методист. Ятыр вере вуйлатышылан пашам ыштен. Виктор Андреевич Наумовым тыгак Марий конгерессын Йошкар-Оласе пӧлкажым, Йошкар-Олаште У Торъял землячествым вуйлатыше, республикысе ветеран-влак Каҥашын исполкомын еҥже семын палена. Икмыняр книгам савыктен, почеламут-влакын авторжо. Виктор Андреевич калык шарнымаште ила.
1949 — Галина Петровна Медведева, скульптор, Россий Федерацийын да Марий Эл Республикын сулло сӱретчыже. Оренбург кундем Кваркино селаште шочын. 1973-шо ийыште тудо марий кундемыш толын да моло сӱретче-влак радамыште мастерскойышто пашам ышташ тӱҥалын. Галина Петровна Килемар посёлкысо «Вдова», Звенигово район Кужмара посёлкысо «Проводы. Год 1941-ый» памятник-влакын авторжо. Тыгак сӱретче ятыр портретым возен. Тудын пашаже-влакым Москосо да Йошкар-Оласе тоштерлаште ужаш лиеш.
1955 — Диана Маликеева, курыкмарий серызе, журналист.
1959 — Юрий Степанович Семёнов, менеджер да книга савыктыш пашаеҥ. Шернур кундем Сакар починка ялыште шочын. Паша корныжо Медведево кундемысе «Новый Путь» колхозышто тӱҥалын, варажым Юрий Степанович ты кундемысе озанлык ушемлаште пашам ыштен. 1994-ше ий гыч Йошкар-Олашке куснен да 6 ий гыч Марий книга савыктыш ушем вуйлатышын алмаштышыже лийын, илышкыл аралтыш да паша шотышто министерствыште тыршен, а 2003-шо ийыште уэш издательствыш пӧртылын да вуйлатыше сомылым шукташ тӱналын, 5 ий тиде пашаште тыршен.
1959 — Надежда Савватеевна Спиридонова, туныктышо, мер пашаеҥ. Тудо Пермь кундемысе Суксун районышто шочын. Паша корныжо туныктымаш дене кылдалтын: марий йылме да тӱвыра деке йоча-влакым шӱмаҥден шоген. 10-шо марий калык погынын делегатше лийын. Надежда Спиридонова Урал кундемыште марий илышым вияҥдымаште тыршымыжлан кугу пагалымашым сулен.
Тиде кечын Муниципал вуйлатыше Виталий Фёдорович Кудрявцев шочын. Тудын паша корныжо Юлсер кундемысе Кугу Порат ял шотан илем дене кылдалтын. Суапле пашажлан ятыр чап танык дене палемдалтын.

Коленыт

Тугак ончо: Категорий:Сӱрем тылзын 26 кечынже колышо-влак

Калык пале

Тале йӱр йӱреш гын, шурно лектыш уда лиеш.
Архангел Гавриилым шарныме кече. Тудо шурнылан лӧзаҥаш, туто лияш вийым пуа. Калык палымат эскереныт:
Игече кукшо гын, шыжат кукшо лиеш.