Лут, Оксана Николаевна

РУВИКИ — эрыкан энциклопедий гыч материал
Оксана Николаевна Лут
Лут, Оксана Николаевна.jpg
Флаг
Россий Федерацийын ялозанлык министрже
Флаг
14 май 2024
Виктер вуйлатыше Михаил Мишустин
Президент Владимир Путин
Ончычсо пашаеҥ Дмитрий Патрушев
Флаг
Россий Федерацийын ялозанлык министржын 1-ше алмаштышыже
Флаг
30 декабрь 2021
Виктер вуйлатыше Михаил Мишустин
Президент Владимир Путин
Шочын 1979 ий 25 пургыж(1979-02-25) (47 ий)
Москва, СССР
Шинчымаш Россий Федераций Виктер пелен финанс академий
Награде

Оксана Николаевна Лут (шоч. 25 пургыж 1979, Моско) — россий кугыжаныш пашаеҥ. Россий Федерацийын ялозанлык министрже 2024 ий 14 май гыч[1].

2018 ий июль гыч 2021 ий декабрь марте ялозанлык министрын алмаштышыже, 2021 ий 30 декабрь гыч — ялозанлык министрын икымше алмаштышыже[2].

РФ III классан чынак улшо кугыжаныш советник (2023)[3].

Илыш корныжо

Оксана Лут 1979 ий 25 февральыште Москошто шочын[2].

2001 ийыште Лут РФ Виктер пелен Финанс академийым «финанс ден кредит» специальность дене тунем лектын[4].

1999 ий апрель гыч 2000 ий август марте тӱрлӧ банк тӧнежлаште тӱрлӧ должностьым айлен[2].

2000 ий сентябрь гыч 2003 ий апрель марте — «Альфа-банк» ОАО банкысе пашазе орган-влакын Исполнитель секретариатшын кредит да ончыклык продукт шотышто экономистше, Кундемысе бизнесым кредитоватлыме управленийын дочерний банк-влакысе кредит бизнесыштым виянгдыме пӧлкан кугырак экономистше.

2003 ий апрель гыч 2010 ий январь марте Лут — тӱҥ экономист, Отрасль кӧргысӧ бизнесым вияҥдыме шотышто управленийын менеджерже; Корпоратив блокын кугу клиентше дене пашам ыштыме шотышто Кокымшо управленийын директор вуйлатышыже; Инвестиций блокын суапше да инвестиций операций управленийын директор вуйлатышыже, Кугу клиент-влак дене пашам ыштыше Кумшо управленийысе Кокымшо корпоратив блокын директор вуйлатышыже, «ВТБ Банкын» чоҥышо проектше-влакым финансироватлыше тӧнеж управлений чоҥымо проект-влак департаментын директор вуйлатышыже[3].

2010 ий январь гыч октябрь марте — Инвестиций программе-влак департамент управленийын начальникше; «Ростехнологий» Кугыжаныш корпорцийын инвестиций проектше-влак шотышто департаментшын профильдыме актив-влак службын начальникше.

2010 ий октябрь гыч 2018 ий июль марте — клиент-влак дене пашам шотаҥдарыше департаментын директоржо; Корпоратив бизнесым вияҥдыше департаментын директоржо; Кугу бизнес департаментын директоржо; «Россельхозбанк» правлений председательын алмаштышыже.

2018 ий 13 июль гыч 2021 ий декабрь марте — РФ ялозанлык министрын алмаштышыже[4].

2021 ий 30 декабрь гыч — РФ ялозанлык министрын икымше алмаштышыже[2]. Тудо тиде олмышто Джамбулат Хатуовым вашталтен[5].

2024 ий 11 майыште РФ премьер-министр Михаил Мишустин кандидатурыжым РФ ялозанлык министр олмыш темлен[6]. 14 майыштыже тудын кандидатурыжым Кугыжаныш Думо пеҥгыдемден[7], РФ президент тиде кечынак кӱштыкеш кидым пыштен[8].

Шке илышыже

Оксана Лут ешан. Пелашыже — Андрей Лебедев, юрист. Ешыште кум икшыве[9].

Шонымаш-влак

РФ правительствысе председательын пресс-секретарьже Борис Беляковын мутшо почеш, Лут «министерствым вуйлатыше олмышто пашам ышташлан кӱлшӧ шинчымаш да компетенций дене моштен пайдалана»[6].

Кугыжаныш Думын председательже Вячеслав Володин Лутын ялозанлык министрын икымше алмаштышыже олмышто сеҥымашыжым палемден да тыгай шонымашым ойлен: тудым министрын олмышко шогалтымаш — шонен ыштыме (логичный) ошкыл[10].

Кугыжаныш ден ведомство-влакын суаптарышт

  • «Евразий экономике каҥашлан 10 ий» медаль (2024 ий 26 декабрь, Кӱшыл Евразий экономике каҥаш)[11];
  • «Ачамланде ончылно суаплан» орденын II степеньян медальже (2021 ий 25 октябрьыште) — пашаште шумо сеҥымаш да шуко ий пашам тыршен ыштымылан[12];
  • «Евразий экономике каҥашын вияҥмашышке надырлан» медаль (2019 ий 29 май, Кӱшыл Евразий экономике каҥаш)[13];
  • Россий Федераций Президентын Чап грамотшо (2015 ий 26 октябрь) — Россий Федерацийын финанс-банк пашам вияҥдымаште суапшылан[2].

Палемдымаш

  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (14 ага 2024). Тергыме кече: 29 идым 2025.
  2. ↑ 1 2 3 4 5 Лут Оксана Николаевна (руш.). Министерство сельского хозяйства Российской Федерации (20 шорыкйол 2017). Тергыме кече: 29 идым 2025.
  3. ↑ 1 2 Что известно об Оксане Лут. ТАСС (14 ага 2024). Тергыме кече: 29 идым 2025.
  4. ↑ 1 2 Оксана Лут: биография (руш.). Росконгресс. Тергыме кече: 29 идым 2025.
  5. ↑ Оксану Лут назначили первым замминистра сельского хозяйства (руш.). РИА Новости (24 теле 2021). Тергыме кече: 29 идым 2025.
  6. ↑ 1 2 Мишустин предложил замглавы Минсельхоза Оксану Лут на пост руководителя ведомства (руш.). TACC (11 ага 2024). Тергыме кече: 29 идым 2025.
  7. ↑ Госдума утвердила Оксану Лут на должность главы Минсельхоза. РИА Новости (14 ага 2024). Тергыме кече: 29 идым 2025.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 29 идым 2025.
  9. ↑ Оксана Лут. 24СМИ. Тергыме кече: 29 идым 2025.
  10. ↑ Володин назвал логичным предложение Лут на должность главы Минсельхоза. РИА Новости (12 ага 2024). Тергыме кече: 29 идым 2025.
  11. ↑ Решение Высшего Евразийского экономического совета от 26 декабря 2024 года № 20 «О награждении медалью «10 лет Евразийскому экономическому союзу». Тергыме кече: 29 идым 2025. Архивлыме 21 шорыкйол 2025 ий.
  12. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (25 шыжа 2021). Тергыме кече: 29 идым 2025.
  13. ↑ Решение Высшего Евразийского экономического совета от 29 мая 2019 года № 3 "О награждении медалью «За вклад в развитие Евразийского экономического союза» (руш.). Тергыме кече: 29 идым 2025.

Кылвер-влак

"https://mhr.ruwiki.ru/w/index.php?title=Лут,_Оксана_Николаевна&oldid=1231906" гыч налме