15 кылме

←
→
Кылме
← →Кылме
	2026 ий

15 кылме (15 ноябрь) — григориан кечышот почеш идалыкын 319-ше (кужемдыме ийлаште — 320-шо) кечыже. Идалык пытыме марте 46 кече кодеш.

Йошкар-Олаште ☀️ Кече 7 шагатат 42 минутлан лектеш, 15 шагатат 54 минутлан шинчеш. Кечын кужытшо 🕒 8 шагатат 11 минут.
🌒 Кушшо тылзе (5.24 тылзе кече).

Пайрем да шарныктарыше кече-влак

Россий — Пӱтынь российыште салтакыш ӱжмыеҥын (призывникын) кечыже (руш. Всероссийский день призывника).
Шӧр коктейльын кечыже (руш. День молочных коктейлей).
Акиндин да Пигасий (руш. Акиндин и Пигасий).
Петербургысо бухгалтерын кечыже (руш. День петербургского бухгалтера).
Шуя-Смоленскысе Шочынава юмоҥан пайремже (руш. Праздник Шуйской-Смоленской иконы Божией Матери).
Филантропын кечыже (руш. День филантропа).
Тӱмырзӧ кече (руш. День барабанщика).
Холодильникым эрыктыме кече (руш. День очистки холодильника).
Шоколад кексын кечыже (руш. День шоколадного кекса).

Лӱмгече

Аффоний, Константин, Маркиан, Пигасий.

Эртынчык-влак

Тугак ончо: Категорий:Кылме тылзын 15 кечысе событий-влак

1932 — Ленинградысе Казанский черкыште юмынйÿла тоштерым почыныт.
1933 — Москваште икымше троллейбус-влак рейсыш лектыныт.
1934 — телевидений дене икымше йÿкан передачым ончыктеныт.

Шочыныт

Тугак ончо: Категорий:Кылме тылзын 15 кечынже шочшо-влак

1897 — Борис Михайлович Шелонцев, совет актёр, режиссёр да сценарист.
1920 — Семён Иванович Иванов, Кугу Ачамланде сарын талешкыже. Морко кундем Марий Кужер ялыште шочын. Кугу Ачамланде сар жапыште лӱддымылыкым, патырлыкым ончыктымыжлан тудо кок Йошкар Шӱдыр орден дене палемдалтын. 4 гана сусырген. Марий туныктыш институтышто шинчымашыжым пойдарен. Шочмо ялыштыже кандашияш школышто 1980-ше ий марте тыршен – туныктышо, вуйлатыше, завуч лийын.
1938 — Николай Филиппович Большаков, совет да российысе театр актёр. Республикысе курчак театрын артист-курчак вӱдышӧ, режиссёрын полышкалышыже (1979―1999). Марий Эл Республикын калык артистше (1996). Марий АССР-ын сулло артистше (1989). Йыван Кырла лӱмеш театр премийын лауреатше.
1938 — Юрий Васильевич Грязин, спортсмен. Кужэҥер кундемыште шочын. Армий радамыште службым эртыме годымак мотоспорт деке шӱмаҥын. Ятыр гана республикысе чемпионатыште сеҥен. Совет Ушем чемпионатыште визымше верым сулен. Совет Ушем спорт мастер.
1959 — Геннадий Анатольевич Васильев, Марий Элысе ялозанлыкын сулло пашаеҥже. Морко кундем Шӱргысолаште шочын-кушкын. Марий кугыжаныш университетыште тунемын. 1991—2016 ийлаште «Коркатовский» озанлыкым вуйлатен. 1996-шо ийыште Республикысе Кугыжаныш Погынын депутатше лийын.
1952 — Евгений Зиновьевич Васютин, Марий Элын да Россий Федерацийын сулло юристше. Кӱшыл шинчымашым Озаҥысе университетыште налын. Ончыч министерствыште, вара «Лесмаш» ден «Контакт» заводлаште юристлан пашам ыштен. 11 ий Республикысе Арбитраж судым вуйлатен. Вара Ульяновск областьысе Арбитраж судын вуйлатышыже лийын.
1953 — Николай Павлович Кислицын, чодыра озанлык специалист, Россий Федерацийын сулло чодыразыже. 1974-ше ий гыч тудо Морко чодыра озанлыкыште оролымаш инженерлан пашам ышташ тӱҥалын. Вара тӱҥ чодыразе, а 2004-ше ий гыч вуйлатышыже лийын. «За заслуги перед Марий Эл» орденын медальже дене палемдалтын.
1971 — Ильдар Филоретович Суфияров, Россий Федерацийын Талешкыже.

Коленыт

Тугак ончо: Категорий:Кылме тылзын 15 кечынже колышо-влак

1982 — Григорий Николаевич Соловьёв, совет кугыжаныш пашаеҥ, инженер-энергетик. Йошкар-Ола оласе электростанцийын / 1 №-ан ТЭЦ-ын директоржо (1952―1963). РСФСР Кӱшыл Каҥашын III созывысе депутатше (1951―1955). Кугу Ачамланде сарын салтакше. 1944 ий гыч ВКП(б)-н йыжъеҥже.

Калык пале

Пыл мардеж ваштареш кая — лумлан.
Луман игече шога — шошым кугу вӱдшорым вучыман.
Акиндин да Пигасийын кечышт. Ты кечын сурт водыжлан посна тÿткышым ойыреныт. Тудлан лÿмын пучымышым шолтеныт.