21 сӱрем

← → Сӱрем
Шч Кш Вр Из Кг Шм Рш     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

21 сӱрем (21 июль) — григориан кечышот почеш идалыкын 202-шо (кужемдыме ийлаште — 203-шо) кечыже. Идалык пытыме марте 163 кече кодеш.

Йошкар-Олаште ☀️ Кече 3 шагатат 22 минутлан лектеш, 20 шагатат 14 минутлан шинчеш. Кечын кужытшо 🕒 16 шагатат 52 минут.
🌓 Икымше чырык (6.37 тылзе кече).

Пайрем да шарныктарыше кече-влак

• — Вуйдорыкын тӱнямбал кечыже (руш. Всемирный день мозга).
• Кеҥеж казанский (руш. Казанская летняя).

Лӱмгече

• Католик лӱм-влак: Андрей, Виктор, Даниил.
• Православий лӱм-влак: Дмитрий, Прокопий (Прокофий).

Событий-влак

Тугак ончо: Категорий:Сӱрем тылзын 21 кечысе событий-влак

Тӱня мучко

• 1613 ий — Успений черкыште Михаил Фёдорович Романов кугыжам тронлан венчаеныт. Тыге Романовмыт кугыжа династий тукым тӱҥалын.
• 1917 ий — Российысе виктерын вуйлатышыжлан Александр Керенскийым шогалтыме.

Марий тӱняште

• 1978 ий — Йошкар-Олаште марий сылнымутын классикше Сергей Григорьевич Чавайнлан чапкӱм шогалтеныт.

Шочыныт

Тугак ончо: Категорий:Сӱрем тылзын 21 кечынже шочшо-влак

• 1923 ий — Борис Васильевич Бабушкин, марий совет тоштер пашам виктарыше, краевед, туныктышо, коллекционер, 1990 ий гыч Россий кӱкшытан геральдике ушемын йыжыҥъеҥ-корреспондентше. Марий республикысе шанче-краеведений тоштерын (Марий Эл Республикысе Т. Евсеев лӱмеш калыкле тоштер) шанче паша шотышто директорын алмаштышыже (1950—1967). Йошкар-Оласе историй тоштерым (1996) да ВООПиИК-ын Марий пӧлкажым ыштымашым тӱҥалше. Йошкар-Олан чапланыше гражданинже (1993). Кугу Ачамланде сарын участникше.
• 1938 ий — Эврик Васильевич Анисимов, марий серызе, поэт, журналист, СССР Серызе-влак ушемын йыжыҥъеҥже (1992), Марий Элысе Журналист-влак ушемын йыжыҥъеҥже (1998). Уста поэт «Илыш вий», «Киса–чичи», «Ял покшелне», «Мемнан пакчана», «Кечан садвечыште», Мыйын шошем» да моло сборникын авторжо.
• 1941 ий — Леонид Михайлович Кудряшов, Марий Эл Республикын сулло журналистше. Ятыр жап «Марий Эл» газетыште редакторын алмаштышыжлан пашам ыштен.
• 1949 ий — Владимир Николаевич Александров, театр пашаеҥ, Марий Эл Республикын калык артистше. Паша корныжо Марий музык театр дене кылдалтын.
• 1965 ий — Галина Яковлевна Орлова, туныктыш пашаеҥ. Поранча кундем Олор ялыште шочын. 1990 ий гыч Марий Тӱрек кундемысе Марий Купто кыдалаш школышто историй предметым туныктышылан тыршаш тӱҥалын. Ятыр организатор сомылым шуктен шоген да кыртмен тыршымыж дене кугу пагалымашым сулен. Галина Яковлевна туныктымо пашаж дене Россий Федерацийысе президентын грантшым сулен.
• 1966 ий — Вероника Корчемкина, туныктышо, мурызо, поэт. Вероника Николаевна Морко кундем Ӱшуттӱр ялыште. Но илыш пӱрымашыже У Торъял кундемыш конден. Вероника Николаевна туныктыш пашаште кугу пагалымашым сулен.
• 1988 ий — Марина Валерьевна Соколова, марий йылмызе, шанчызе, туныктышо, филологий шанче кандидат (2015).
• Надежда Крылова, мурызо. Паша корныжо Республикысе онкодиспансер дене кылдалтын. Операционнный медшÿжарлан тырша. Надежда Крылова Марий памаш ансамбльын чолга участницыже.

Коленыт

Тугак ончо: Категорий:Сӱрем тылзын 21 кечынже колышо-влак

• 1964 ий — Константин Беляев, курыкмарий серызе, почеламутчо, семлызе, СССР Серызе-влак ушемын йыжъеҥже (1960), 1941—1945 ийласе Кугу Ачамланде сарын участникше.

Калык пале

• Руш православий йӱлам кучышо-влак Прокопийын кечыжым палемдат. Калык ты кечын пӱртӱсын йӱкшым колыштын. Тыгак модо саскам поген.
• Кугезына-влакын шонымашышт почеш, тиде кечын пачемыш да мӱкш-влак дене мутланет гын, нуно тыйым огыт пӱшкыл.
• 21 июльышто могай игече шога, 2 августыштат тыгаяк лийшаш.

Палемдымаш