Савельев, Виталий Геннадьевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Савельев.
Виталий Геннадьевич Савельев
2021-04-23 Виталий Савельев Минтранс 1 (cropped).jpg
Флаг
Россий Федераций виктер прдседательын алмаштышыже
Флаг
2024 ий 14 май гыч[1]
Виктер вуйлатыше Михаил Мишустин
Президент Владимир Путин
Флаг
Россий Федерацийын транспорт министрже
Флаг
2020 ий 10 ноябрь — 2024 ий 7 май
(с. ш. 2024 ий 7—13 май)
Виктер вуйлатыше Михаил Мишустин
Президент Владимир Путин
Ончычсо пашаеҥ Евгений Дитрих
Александр Нерадько (с. ш.)
Алмаштыше Роман Старовойт
Шочын 18 шорыкйол 1954(1954-01-18) (72 ий)
Пелаш Елена Савельева[2]
Икшыве-влак кумыт[2][3]
Партий Икоян Россий
Шинчымаш 1) М. И. Калинин лӱмеш Ленинградысе политехник институт (1977)
2) Пальмиро Тольятти лӱмеш Ленинградысе инженер-экономике институт (1986)[4][5]
Шанче степень экономике шанче кандидат[5]
Шанче званий Калык-влак кокласе информатизаций академийын член-корреспондентше
Профессий инженер-механик, экономист, менеджер[5]
Паша кугыжаныш пашаеҥ
Награде
Логотип РУВИКИ.Медиа РУВИКИ.Медиаште медиафайл-влак

Виталий Геннадьевич Савельев (шоч. 18 шорыкйол 1954, Ташкент) — россий кугыжаныш пашаеҥ, 2024 ий май гыч Россий виктер вуйлатышын алмаштышыже. 2024 ий 25 ноябрь гыч — Россий Федераций президентын тӱнямбал транспорт шотышто «Йӱдвел-Кечывалвел» коридорым вияҥдаш лӱмын шогалтыме ӱшанъеҥже[9]. Ондак, 2020 ий 14 май гыч 2024 ий 10 ноябрь марте, Россий Федерацийын транспорт министрже лийын[10]. 2009 ий 10 апрель гыч 2020 ий 9 ноябрь марте — «Аэрофлот» ПАО виктерын вуйлатышыже да тӱҥ директоржо. 2016 ий гыч — «Единая Россия» политик партийын кӱшыл советшын йыжъеҥже. 2024 ий июнь тылзе гыч РЖД-ын директор каҥашыжым вуйлата[11][12]. Экономике шанче кандидат[13].

Илыш корныжо

Виталий Савельев 1954 ий 18 январьыште Ташкентыште шочын.

1977 ийыште Савельев Ленинградысе политехник институтын механике-машиначоҥышо факультетшым (кызыт — Санкт-Петербургысо кугыжаныш политех университет) «чоҥымаш да корно машина ден оборудований, чоҥымаш» специальность дене тунем пытарен. 1986 ийыште Ленинградысе инженер-экономике институтын ыштен лукшо йӧнозанлык да чоҥышо вуйлатыше факультетыштым (кызыт — Санкт-Петербургысо кугыжаныш инженер-экономике университет) тунем пытарен. MBA степеньже уло.

1997 ийыште «Административный бизнес: цивилизованный предпринимательство системыште виктарымаш» теме дене диссертацийым арален, экономике шанче кандидат шанче степеньым налын. Шанче званийже (доцент але профессор) уке. Калык-влак кокласе информатизаций академийын член-корреспондентше улеш.

Пашаже

  • 1977—1980 — СССР Минэнергостройын Ленинградысе филиалыште «Оргэнергострой» Ушемгӧргысӧ институтын пашалан ямдылен колтымо (пусконаладочный) пӧлкан инженерже, Ленинград
  • 1980—1984 — СССР Минэнергон «Красноярскэнергострой» УС технике пӧлкан начальникше, ешартыш предприятий-влак управленийыштын тӱҥ конструкторжо, Красноярск кундемысе Саяногорск ола
  • 1984 — СССР Минэнергон «Оргэнергострой» пӱтынь ушемысе институтын Ленинградысе филиалыште КР-3 пӧлка тӱшкажым вуйлатыше, Ленинград
  • 1984—1987 — СССР Минмонтажспецстройын «Севзапметаллургмонтаж» трестын технологын порысшым шуктышо, тӱҥ технолог, вуйлатышын порысшым шуктышо, трест вуйлатышын алмаштышыже, Ленинград
  • 1987—1988 — «Главленинградинжстрой» инженер чоҥымашым (сооружений) нӧлтышо Тӱҥ управленийысе начальникын алмаштышыже, Ленинград
  • 1988—1991 — «Диалог» совет-американ пырля предприятийысе Ленинград филиалжын директоржо
  • 1991—1993 — совет-американ «Диалог-инвест» АО тӱҥ директоржо, Санкт-Петербург
  • 1993—1995 — «Россия» акционер банкын правлений председательже, Санкт-Петербург
  • 2001—2002 — «Газпром» ОАО правлений председательын алмаштышыже, Моско
  • 2002—2004 — «Объединённая компания ГРОС» ООО-што окса йодыш дене вице-президент, Моско область, Красногорск ола
  • 2004—2007 — Россий Федерацийын экономикым вияҥдыше да торгайыме шотышто министрын алмаштышыже
  • 2007—2009 — «Система» Акционер финанс корпорацийысе «Телекоммуникационные активы» ОАО бизнес-единицым вуйлатыше, икымше вице-президент, телекоммуникаций актив-влакым вияҥдыме комплексым вуйлатыше, икымше вице-президент, Моско
  • 2009—2020 — «Аэрофлот-россий авиалиний-влак» ПАО-н Тӱҥ директоржо, Моско

Савельев годым «Аэрофлот» авиакомпаний шупшыктымо кугыт дене тӱнямбалсе 20 кугу авиакомпаний радамыш пурен[14], Bain & Company американ консалтинг компанийын шотлымыж почеш тӱнян чыла авиаций компанийже коклаште цифровизироватлыме шотышто нылымше верым налын[15].

Россий да йотэл авиаций компаний-влаклан иктӧр конкурент йӧным ыштышашлан, тыгак Российыште авиабилетын акшым шулдештараш кумылаҥдаш, Савельев тӱрлӧ жапыште тӧртыкысӧ темлымаш-влак дене лектын, тидын негызеш Россий Федерацийын Юж кодексышкыже вашталтыш-влакым пуртымо. 2014 ийыште тудо пӧртылташ лийдыме тарифым («невозвратный тариф») увертарен, тидын дене келшышын, пассажир дисконт тариф дене шупшыкташ тореш лиймыж годым тыгак билетлан тӱлымӧ оксам пӧртылтыдыме дене кӧна[16][17].

2014 ийыштак Савельев квотын йӧным ыштымыже да РФ виктерын ончылгоч палемдыме условийже почеш россий авиакомпанийлаште йотэл граждан-влакым юж судно-влакын капитанышт олмыш шындаш йӧным ышташ йодын[18][19].

2017 ийыште Савельев «багаждыме тарифым» ышташ йӧным темлен, тиде ончыктымо багажын яра шупшыктымо нормо деч кораҥаш, да кидысе нумалтышым 10 кг гыч 5 кг марте иземдаш йӧным пуэн. Тиде у увер пассажир да СМИ-влакым шылталаш таратен[20].

2017 ийыште Савельев РФ Юж кодексыш вашталтышым ешараш темлен, тӱрлӧ кӱлдымӧ койышым ончыктышо пассажир-влакын лӱмыштым «шем спискыш» пурташ тӱҥалтышым ыштен. Ты радамыште ондак административ правам пудыртымыштлан кӧра але тыгай правонарушенийым ыштымылан судын приговоржо негызеш авиаций компаний суаплыкым ышташ тореш улшо еҥ-влак лийыныт[21].

Савельев Российын историйыштыже икымше гана «Аэрофлот» холдинг тӱшкам почын. Аэрофлот виктемыш икмыняр кундемысе авиакомпаний-влак кусненыт. 2014 ийыште Савельевын вуйлатымыж почеш «Сеҥымаш» авиакомпаний — «Аэрофлот» тӱшкан кышкарыштыже классике лоукостер ышталтын. «Аэрофлот» авиакомпаний шке рейслаштыже пассажир-влакын чотыштым ятырлан кугемден[22].

2019 ийыште «Аэрофлот» 37,2 миллион пассажирым, а Аэрофлотын пӱтынь тӱшкаже — 60,7 миллион еҥым шупшыктен[23].

2016 ий 6 февральыште Савельев «Икоян Россий» партийын вуйлатыше органышкыже — кӱшыл советыш сайлалтын[24].

2016 ийыште, Россий Федерацийысе Кугыжаныш думын Федерал Погыныш VII созывысе депутат-влакым сайлыме «Икоян Россий» партийын программе кагазвиктышыжым ямдылыме шотышто комиссийын йыжъеҥже[25].

2020 ийыште Савельевым «Аэрофлотын» тӱҥ директоржо олмо гыч кораҥдыме[26].

2020 ий 10 ноябрьыште Михаил Мишустинын виктерыштыже Россий Федерацийын транспорт министржылан шогалтыме.

2024 ий 11 майыште Михаил Мишустин виктерын у кышкаржым Кугыжаныш думылан каҥашаш луктын, вице-премьер олмыш Савельевын кандидатурыжым темлен[27]. 13 майыште Кугыжаныш думо тудым ты олмыш пеҥгыдемден[28]. 14 майыште РФ президент тидын нерген кагазеш кидпалым пыштен[29]. Вице-премьер олмышто Савельев «Пилотдымо авиаций кышкар» калыкле проектым ямдылымылан да терген шогымылан мутым куча, транспорт блокым вӱда, Россий Федерацийын кугыжаныш чекше гоч колтымо пункт-влакын пашаштлан йӧным ышта. Тыгай ведомство-влакын пашаштлан мутым куча:

  • Транспорт министерстве;
  • Россий авиаций;
  • Транспорт аланым эскерыше федерал службо;
  • Корно транспорт шотышто федерал агентстве;
  • Теҥыз да эҥер транспорт шотышто федерал агентстве[30].

2024 ий сентябрьыште угыч «Россий кӱртньыгорно» холдингысе директор-влакын каҥашыштым вуйлатышылан сайлалтын[11], 2025 ийыште угыч сайлалтын[12].

2024 ий 25 ноябрьыште Владимир Путин Виталий Савельевым «Йӱдвел-Кечывалвел» коридорым вияҥдыме шотышто шке ӱшанъеҥжылан шогалтен[31].

Еш

Виталий Савельев ватан; тудын кум йочаже уло.

Суаптар ден чаплӱм-влак

  • «Россий Флотлан 300 ий» медаль (1996);
  • «Тайфун лӱмын ыштыме отрядлан 10 ий» лӱмгече тамга (2001);
  • «Санкт-Петербурглан 300 ий темме лӱмеш» медаль (2003)[32];
  • «ИТАР-ТАСС Агентствын 100 ий темме лӱмеш» медаль (2004);
  • «Озаҥлан 1000 ий темме лӱмеш» медаль (2005)[33];
  • «Уголовно-исполнительный кышкарым пеҥгыдемдымылан» ФСИН ший медальже (2005);
  • Россий Федераций Виктерын Чапкагазше (2005);
  • Почёт орден (2006)[34];
  • «Кугыжаныш резервлан 75 ий» медаль (2006);
  • «Россий ЭПМ дене кылым кучымылан» (2006);
  • «Россий ФСБ дене вашкыллан» медаль (2007);
  • «Федераций Каҥашлан 15 ий» медаль(2010);
  • «90 ий ИНО-ПГУ-СВР» Россий СВР-ын медальже (2010);
  • «Ӱшанлын служымылан» Ушемысе кугыжанышын медальже (2010);
  • «Персона года — 2011» XI церемонийыште «Талкуын вуйлатышыже» номинацийыште сеҥыше РБК версийже почеш (2012);
  • «Ачамланде ончылно суаплан» орден, IV степень (2013);
  • «Россий менеджер» 100 ТОП-ышто / кӱшыл вуйлатыше-влакын рейтингышт, «Транспорт» номинацийыште 1 вер (2013)[35];
  • Келшымаш орден (2014);
  • Александр Невскийын орденже (2018)[36];
  • «Кылым кучымылан» медаль;
  • «Аэрофлотын отличникше» чап тамга (2013);
  • III степенян «Ачамланде ончылно суаплан» орден (2023)[37];
  • I степенян П. А. Столыпин медаль (2024).

Палемдымаш

  1. ↑ Виталий Савельев назначен Заместителем Председателя Правительства России. Министерство транспорта Российской Федерации (14 ага 2024). Тергыме кече: 24 идым 2025.
  2. ↑ 1 2 3 4 5 6 Виталий Савельев: биография, карьера, личная жизнь. Mail.ru Новости. Тергыме кече: 24 идым 2025.
  3. ↑ Савельев Виталий Геннадьевич. 73online.ru. Тергыме кече: 24 идым 2025.
  4. ↑ 1 2 3 4 Савельев Виталий Геннадьевич. TAdviser. Тергыме кече: 24 идым 2025.
  5. ↑ 1 2 3 Виталий Геннадьевич Савельев - Правительство России. government.ru. Тергыме кече: 24 идым 2025.
  6. ↑ Путин наградил орденом главу Минтранса Виталия Савельева. Ведомости (9 пургыж 2023). Тергыме кече: 24 идым 2025.
  7. ↑ Выпускник Политеха Виталий Савельев стал министром транспорта России (неопр.). web.archive.org. Тергыме кече: 24 идым 2025.
  8. ↑ Виталий Савельев. 24СМИ. Тергыме кече: 24 идым 2025.
  9. ↑ Путин назначил Савельева спецпредставителем по развитию коридора Север - Юг, 2024-11-25, <https://tass.ru/politika/22492043>. Тергыме: 24 идым 2025. 
  10. ↑ Правительство России переходит в статус и.о. до назначения нового состава (руш.). TACC (7 ага 2024). Тергыме кече: 24 идым 2025.
  11. ↑ 1 2 Вице-премьера Савельева переизбрали председателем совета директоров РЖД, 2024-09-04, <https://ria.ru/20240904/savelev-1970611469.html?in=l>. Тергыме: 24 идым 2025. 
  12. ↑ 1 2 Савельев заявил, что переизбран председателем совета директоров РЖД, 2025-09-08, <https://tass.ru/ekonomika/24990789>. Тергыме: 24 идым 2025. 
  13. ↑ Савельев, Виталий Геннадьевич. Заместитель председателя правительства РФ (руш.). Энциклопедия ТАСС. Тергыме кече: 24 идым 2025.
  14. ↑ Аэрофлот вошел в ТОП-20 мирового рейтинга авиаперевозчиков (руш.). РИА Новости (7 сорла 2018). Тергыме кече: 24 идым 2025. Архивлыме 7 шыжа 2021 ий.
  15. ↑ "Аэрофлот" вошел в пятерку мировых лидеров по цифровизации (руш.). РИА Новости (15 кылме 2018). Тергыме кече: 24 идым 2025. Архивлыме 24 пеледыш 2021 ий.
  16. ↑ Введение нормы о "невозвратных" билетах позволит "Аэрофлоту" снизить цены на билеты экономкласса на 10% (руш.). Авиатранспортное обозрение (27 пеледыш 2013). Тергыме кече: 24 идым 2025. Архивлыме 9 сӱрем 2021 ий.
  17. ↑ Госдума отменила бесплатный провоз багажа при невозвратных авиабилетах (руш.). Profi.Travel (20 сӱрем 2017). Тергыме кече: 24 идым 2025. Архивлыме 9 сӱрем 2021 ий.
  18. ↑ Иностранцы сядут за штурвалы российских самолетов (руш.). www.atorus.ru (9 теле 2013). Тергыме кече: 24 идым 2025. Архивлыме 9 сӱрем 2021 ий.
  19. ↑ Российским авиакомпаниям разрешили брать на работу иностранных пилотов (руш.). РИА Новости (21 вӱдшор 2014). Тергыме кече: 24 идым 2025. Архивлыме 9 сӱрем 2021 ий.
  20. ↑ Цифровые технологии: безбагажные тарифы "Аэрофлота" (руш.). Авиатранспортное обозрение (2 шыжа 2019). Тергыме кече: 24 идым 2025. Архивлыме 9 сӱрем 2021 ий.
  21. ↑ Путин поддержал введение «черных списков» для авиапассажиров (руш.). ИА REGNUM. Тергыме кече: 24 идым 2025. Архивлыме 9 сӱрем 2021 ий.
  22. ↑ Биография генерального директора "Аэрофлота" Виталия Савельева (руш.). ТАСС. Тергыме кече: 24 идым 2025. Архивлыме 12 сӱрем 2021 ий.
  23. ↑ Группа "Аэрофлот" в 2019 году перевезла 60,7 млн пассажиров (руш.). РИА Новости (28 шорыкйол 2020). Тергыме кече: 24 идым 2025. Архивлыме 12 сӱрем 2021 ий.
  24. ↑ Савельев Виталий Геннадьевич | биография и последние новости (неопр.). ФедералПресс. Тергыме кече: 24 идым 2025.
  25. ↑ Комиссия по подготовке программного документа (руш.). Тергыме кече: 24 идым 2025. Архивлыме 15 вӱдшор 2016 ий.
  26. ↑ «Аэрофлот» всех видов транспорта, 2020-11-09, <https://www.kommersant.ru/doc/4565456>. Тергыме: 24 идым 2025. 
  27. ↑ О чем говорит новая конфигурация российского правительства (руш.). РБК (11 ага 2024). Тергыме кече: 24 идым 2025.
  28. ↑ Госдума утвердила Савельева заместителем председателя правительства (руш.). РИА Новости (13 ага 2024). Тергыме кече: 24 идым 2025.
  29. ↑ Президент подписал указы о назначении членов Правительства Российской Федерации и директоров служб (руш.). kremlin.ru (14 ага 2024). Тергыме кече: 24 идым 2025.
  30. ↑ Михаил Мишустин утвердил распределение обязанностей между вице-премьерами (руш.). government.ru (17 ага 2024). Тергыме кече: 24 идым 2025.
  31. ↑ Савельев назначен спецпредом по развитию транспортного коридора Север (руш.). 1tv.ru. Тергыме кече: 24 идым 2025.
  32. ↑ Указ Президента Российской Федерации от 19 февраля 2003 года № 210 О медали «В память 300-летия Санкт-Петербурга» (руш.). Тергыме кече: 24 идым 2025. Архивлыме 19 кылме 2018 ий.
  33. ↑ Указ Президента Российской Федерации от 17 октября 2011 года № 1355 «О награждении государственными наградами Российской Федерации» (руш.). Тергыме кече: 24 идым 2025. Архивлыме 19 кылме 2018 ий.
  34. ↑ Указ Президента Российской Федерации от 21 октября 2006 года № 1182 «О награждении государственными наградами Российской Федерации» (руш.). Тергыме кече: 24 идым 2025. Архивлыме 19 кылме 2018 ий.
  35. ↑ Савельев Виталий Геннадьевич Образование, Карьера, Личная жизнь, Награды и звания (руш.). ФедералПресс. Тергыме кече: 24 идым 2025. Архивлыме 24 пеледыш 2021 ий.
  36. ↑ Генеральный директор Аэрофлота Виталий Савельев награжден четвертым орденом Российской Федерации (руш.). Аэрофлот (27 пеледыш 2018). Тергыме кече: 24 идым 2025. Архивлыме 16 шыжа 2018 ий.
  37. ↑ Торжественный вечер по случаю 100-летия гражданской авиации России, <http://www.kremlin.ru/events/president/news/70485/photos>. Тергыме: 24 идым 2025. 

Кылвер-влак

"https://mhr.ruwiki.ru/w/index.php?title=Савельев,_Виталий_Геннадьевич&oldid=1231336" гыч налме