25 теле

←
→
Теле
← →Теле
	2026 ий

25 теле (25 декабрь) — григориан кечышот почеш идалыкын 359-ше (кужемдыме ийлаште — 360-шо) кечыже. Идалык пытыме марте 6 кече кодеш.

Йошкар-Олаште ☀️ Кече 8 шагатат 24 минутлан лектеш, 15 шагатат 12 минутлан шинчеш. Кечын кужытшо 🕒 6 шагатат 48 минут.
🌕 Тичмаш тылзе (15.71 тылзе кече).

Пайрем да шарныктарыше кече-влак

Католик-влакын Роштошт (руш. Рождество Христово католическое).
Спиридон кечысавыртыш (руш. Спиридон Солнцеворот).
Кожысо модыш шарым пӧлеклыме кече (руш. День дарения ёлочных праздничных шаров).
Л буква деч посна кече (руш. День без буквы Л).

Лӱмгече

Эртынчык-влак

Тугак ончо: Категорий:Теле тылзын 25 кечысе событий-влак

Шочыныт

Тугак ончо: Категорий:Теле тылзын 25 кечынже шочшо-влак

1905 — Анастасия Гавриловна Страусова, кумдан чапланыше артистке, Марий Эл Республикын калык да Россий Федерацийын сулло артисткыже. Шкеже Медведево вел Кресола гыч. Театрыште 1924-ше ийыште модаш тӱҥалын. 40 ий наре тӱрлӧ спектакльыште модын – чылажге 500 утла рольым чоҥен. 4 ий Марий Эл Республикысе кӱшыл погынын депутатше лийын.
1909 — Шадт Булат, марий серызе, поэт, журналист, туныктышо, кусарыше, СССР серызе-влак ушемын йыжъеҥже (1937), Йошкар Шӱдыр орденын кавалерже, 1941–1945 ийласе Кугу Ачамланде сарын участникше.
1950 — Владимир Михайлович Мельников, совет да российысе эмлызе, тазалык аралтыш пашаеҥ.
1954 — Арсений Арсентьевич Яйцов, семлызе, гармоньчо, Россий Федераций тӱвыран сулло пашаеҥже. Ятыр ий Курыкмарий районысо Пертнур школышто йоча–влакым мураш туныктен. А 1982-шо ий гыч «Шанавыл» фольклор ансамбльын аккомпониаторжо лийын. Кызыт уста гармоньчо шкет концертла дене тӱрлӧ олаште калык ончыко лектеш.
1932 — Виктор Петрович Данилов, семлызе, хормейстер, Олык Ипай лӱмеш премийын да республикысе кугыжаныш премийын лауреатше, тыгак Марий республикысе сымыктышын сулло пашаеҥже. «Марий памаш» фольклор ансамбльлан негызым пыштышылан шотлалтеш. Тудын концертше-влак Венгрий, Испаний, Финляндий, Голландий эллаште эртеныт.
1969 — Любовь Алексеевна Абукаева, марий йылмызе, фольклорист, профессор, кӱшыл школын туныктышыжо, филологий шанче доктор, Марий кугыжаныш университетын руш да тӱшка йылмышанче кафедрын профессоржо.
1957 — Александр Михайлович Сташкевич, йӧнозанлык пашаеҥ. Свердловск областьыште шочын-кушкын, но Марий Элыште шке пашажлан чапым налше. 1983-шо ийыште тудо Волжск оласе МарБумКомбинатыште тыглай мастерлан тыршаш тӱҥалын, а 2001-ше ий гыч тиде ушемын вуйлатышыже лийын. Александр Михайлович Марий Эл Республикын чаптаныкше дене палемдалтын.

Коленыт

Тугак ончо: Категорий:Теле тылзын 25 кечынже колышо-влак

1942 — Анатолий Айзенворт, марий серызе, журналист, туныктышо, кусарыше, СССР серызе-влак ушемын йыжыҥъеҥже (1939), 1941–1945 ийласе Кугу Ачамланде сарын участникше.

Калык пале

Ояр лиеш гын, У ийланат игече волгыдо лиеш, пылан да пычкемыш гын — 31 декабрьыште тыгаяк игечым вучыман.