Любимова, Ольга Борисовна

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Любимов.
Ольга Борисовна Любимова
Olga Liubimova (2020-12-07).jpg
Флаг
Россий Федерацийын тӱвыра министрже
Флаг
2020 ий 21 январь гыч
(2024 ий 7—13 май с. ш.)
Виктер вуйлатыше Михаил Мишустин
Андрей Белоусов (с. ш.)
Михаил Мишустин
Президент Владимир Путин
Ончычсо пашаеҥ Владимир Мединский
Шочын 1980 ий 31 теле(1980-12-31) (45 ий)
Моско, СССР
Ача Борис Николаевич Любимов
Ава Мария Вадимовна Шверубович
Пелаш Евгений Баранов
Икшыве-влак Никита, Варвара
Партий партийдыме
Шинчымаш ГИТИС
Профессий журналист, театровед
Логотип РУВИКИ.Медиа РУВИКИ.Медиаште медиафайл-влак

Ольга Борисовна Любимова (шоч. 31 теле 1980, Моско) — россий кугыжаныш пашаеҥ, журналист, театровед. 2020 ий 21 январь гыч Россий Федерацийын тӱвыра министрже[1].

2024 ий 27 декабрьыште Россий Федераций президентын 27.12.2024 «Ведомство кокласе комиссийын историй просвещений ден йодышыжо-влак» 1120 №-ан кӱштыкшӧ дене келшышын Историйым туныктымо йодыш шотышто ведомство-влак кокласе комиссий президиумыш пуртымо[2].

Илыш корныжо

Ольга Любимова 1980 ий 31 декабрьыште Москошто шочын. Англичан йылмым келгын тунемман, тӱҥ шинчымашым пуышо 1234 №-ан Москосо школым тунем пытарен[3]; 5-7 класслаште Преподобный Нестор Летописец лӱмеш историй-филологий православий гимназийыште тунемын[4].

МГУ-н журналистике факультетыштыже тунемын, варарак Любимова ГИТИС-ын (РАТИ) театр факультетыштыже «театровед» специальность дене тунемын пытарен.

МГУ-н журналистике факультетыштыже тунемме жапыште РЕН ТВ, ТВ Центр телеканаллаште, «Наше радио», «Радио Рокс» радиостанцийлаште практикым эртен[3].

2000 ийыште — «Европа Плюс» радиостанцийын корреспондентше[3].

2001 ий гыч Любимова телевиденийыште пашам ыштен. Тӱҥалтыште — ТВЦ каналыште лекше Руш православий черкысе Увер агентствын «Ортодокс» программын корреспондентше.

2001—2009 ийлаште (кӱрылтыш дене) Любимова «Кумшо каналыште» ыштен. Ондак (2003 ий марте) «Глеб Пьяных дене арнян лектышыже» / «Итоги недели с Глебом Пьяных», «Тӱҥ теме» / «Главная тема», «Йодышын акше» / «Цена вопроса», «Дольче Вита», «Выводы с Петром Толстым» / «Пётр Толстой дене иктешлымаш» программе-влакын корреспондентше лийын[4]. Вара «Регион» (2003—2004) да «Руш ончалтыш» / «Русский взгляд» (2003—2004, 2006—2009) программылан шеф-редакторжо лийын.

2005 ий июль гыч 2009 ий июль марте Любимова «Столица» телеканалыште «Горожанка» ток-шоум, «Москва—2009», «Ола да еҥ-влак» программылам вӱден.

2010 ий декабрь гыч 2011 ий марте Любимова — «Тӱвыра» / «Культура» телеканалыште «Контекст» увер-аналитике программын вуйлатышыже[5].

2011—2012 ийлаште — «Телеканал ТВ-3» ООО программысе департаментын документальный кинон кугурак продюсерже[6].

Тиде жапыштак Любимова Руш православий черкын Увер агентствыштыже пашам ыштен, тушто тудо тӱрлӧ жапыште «Православий кечышот» / «Православный календарь» (РТР), «Русский взгляд» / «Руш ончалтыш» («Кумшо канал» дене пырля) передаче-влакын шеф-редакторжо лийын, «Спас» телеканаллан программе-влакым ямдылаш («Да Татьяна кече», «Фома», «Семинарист-влак» / «Семинаристы»), Христос Утарыше храм гыч да Иерусалим гыч Поро шӱлышан тул волымо служитлымашын вияш трансляцийжым ышташ полшен[4].

80 утла документальный кином ыштымаште полшен, ты радамыште «Россий-1», «Тӱвыра» /«Культура», «Первый канал» / «Икымше канал» телеканал-влаклан войзымо улыт. «Путь Патриарха» /«Патриархын корныжо» (2009), «Чужая земля» / «Йот мланде» (2013), «Война и мифы» / «Сар да миф-влак» (2014), «Никита Михалков» (2015, сценарийын соавторжо) да моло документ почеш войзымо фильм-влак сценарийын авторжо[7].

Любимова «Русский взгляд» / «Руш ончалтыш» (тушто тудо тӱвыра ужашын вуйлатышыжат лийын), «Политический журнал», «Афиша»[8][9], «Esquire» журналлаште савыкталтын[3].

2015 ий ноябрьыште Любимова Тӱвыра министерствысе кинематографий департамент вуйлатышын ойпуышыжо лийын (моддымо да анимаций фильмлан кугыжаныш полыш шотышто пӧлка)[10]. Ондак тыгай должность лийын огыл[11].

2016 ий октябрь гыч 2018 ий январь марте — «Икымше канал» АО-н социал да публицистике программе-влак дирекций вуйлатышын алмаштышыже[12].

2018 ий 17 январь гыч 2020 ий 21 январь марте — Россий Федерацийысе Тӱвыра министерствын кинематографий департаментшын вуйлатышыже[13].

Любимова Ачамландысе кинематографийлан социал да экономик полышым пуымо шотышто Федерал фондысо попечитель каҥашыште председательын алмаштышыже улеш (Кино фонд), Соловецкысе архипелагым аралыме да вияҥдыме шотышто Фондын попечитель каҥашын йыжъеҥже. «Ленфильм» АО-н директор-влак каҥашын йыжъеҥже лийын[1].

РФ президентын таумутшо уло (2019)[1].

Тӱвыра министр

2020 ий 21 январь гыч — Россий Федерацийын тӱвыра министрже[14].

2024 ий 14 майыште Кугыжаныш Думо Россий Федерацийын тӱвыра министрын олмышко угыч пеҥгыдемден[15], тиде кечынак ты должностьыш шогалтыме нерген кӱштыкеш РФ президент кидпалым пыштен[16].

Еш

  • Кочаже — Николай Михайлович Любимов (1912—1992), совет кусарыше, мемуар-влакын авторжо.
  • Ачаже — Борис Николаевич Любимов (1947 ийыште шочын), совет да россий театровед, туныктышо, театр критик, сымыктыш кандидат, РСФСР-ын сымыктышын сулло пашаеҥже, профессор, М. С. Щепкин лӱмеш Кӱшыл театр училищын ректоржо, Россий Кугыжаныш академийысе Изи театрын художественный вуйлатышын алмаштышыже, ГИТИС-ысе россий театрын историй кафедрыжын вуйлатыше[17].
  • Аваже — Мария Вадимовна Шверубович (1949—2018)[18], актрисе, театровед.
  • Ик ава деч шочшо чӱчӱжӧ — Алексей Бартошевич (1939 ийыште шочын), шекспировед, театровед.
  • Ольган ачаж велым тукымжо — Вологдан губернаторжо Михаил Николаевич Кормилицын (кугезе кочаже) да Рязань олан губернаторжо Николай Аркадьевич Болдарев (кугезе кочажын кочаже), тыгак Екатерина I императрицын шӱжаржым марлан налше икымше граф Гендриков улыт. Ава могыр гыч театр пашаеҥ Вадим Васильевич Шверубовичын уныкаже да актёр Василий Иванович Качаловын да Нина Николаевна Литовцеван кугезе уныкашт.
  • 2006 ий гыч ешан, пелашыже — Евгений Александрович Баранов (1970 ий 28 октябрьыште шочын), «Икымше каналын» журналистше да комментаторжо. 324 №-ан Москосо школышто тунемын. Кӱшыл шинчымашым Россий кугыжаныш гуманитар университетыште (РГГУ) «историй-архивовед» специализаций дене налын (1987—1993)[19]. 2013 ий 17 мартыште Барановын Кугу пӱтым кучымо нерген репортажше лектын, тыште тудын пелашыжын комментарийже уло[20].
  • Йочаже-влак — Никита эргыже да Варвара ӱдыржӧ[7].

Санкций-влак

2022 ий 16 декабрьыште, Украине сар операций эртарыме годым, Любимовам Евросоюзын санкций радамыш пуртеныт, а 2023 ий 24 февраль гыч — США-н санкций радамыштыже[21]. Тыгак Великобританий, Швейцарий, Австралий да У Зеландий шке санкций радамышкышт пуртеныт.

Любимова, Ольга Борисовна — тукым вож
 
 
 
 
 
 
 
 
 
 
 
 
 
 
 
 
 
 
Михаил Ермиевич Любимов
 
 
 
 
 
 
 
Михаил Михайлович Любимов
 
 
 
 
 
 
 
 
 
 
 
Анна Яковлевна Троицкая
 
 
 
 
 
 
 
Николай Михайлович Любимов
 
 
 
 
 
 
 
 
 
 
 
 
 
 
Михаил Николаевич Кормилицын
 
 
 
 
 
 
 
Елена Михайловна Кормилицына
 
 
 
 
 
 
 
 
 
 
 
Александра Николаевна Болдарева
 
 
 
 
 
 
 
Борис Николаевич Любимов
 
 
 
 
 
 
 
 
 
 
 
 
 
 
 
 
 
Роман Кессель
 
 
 
 
 
 
 
 
 
 
 
Маргарита Романовна Кессель
 
 
 
 
 
 
 
 
 
 
 
 
 
 
Ольга Борисовна Любимова
 
 
 
 
 
 
 
 
 
 
 
 
 
 
 
 
 
 
 
 
Иоанн Васильевич Шверубович
 
 
 
 
 
 
 
Василий Иванович Качалов
 
 
 
 
 
 
 
 
 
 
 
Мелитина Матвеевна Воржековская
 
 
 
 
 
 
 
Вадим Васильевич Шверубович
 
 
 
 
 
 
 
 
 
 
 
 
 
 
Нина Николаевна Литовцева
 
 
 
 
 
 
 
 
 
 
 
Надежда Фёдоровна Рудакова
 
 
 
 
 
 
 
Мария Вадимовна Шверубович
 
 
 
 
 
 
 
 
 
 
 
 
 
 
 
 
 
Владимир Дмитраш
 
 
 
 
 
 
 
 
 
 
 
Елена Владимировна Дмитраш
 
 
 
 
 
 
 
 
 
 
 
 
 

Фильмографийже

Сценарийын авторжо:

  • «Путь Патриарха» / «Патриархын корныжо» (2009)
  • «Великая Пасха» / «Кугу Кугече» (2011)
  • «Столыпин. Выстрел в Россию. XX век» / «Столыпин. Российыш лӱйымаш. ХХ курым» (2012)
  • «Изборск. Путешествие во времени» / «Изборск. Жап кумыдыкышто коштмаш» (2012)
  • «Чужая земля» / «Йот мланде» (2013)
  • «Ангелы с моря» / «Теҥызысе суксо-влак» (2013)[22]
  • «Своя земля» / «Шке мланде» (2014)[23]
  • «Преподобный Сергий Радонежский» (2014)
  • «Война и мифы» / «Сар да миф-влак» (2014)
  • «Флаг. Символ преемственности» / «Тисте. Вашталт толмын тамгаже» (2014)[24]
  • «Никита Михалков» (2015) — соавтор

Суаптар-влак

  • 2022 ийыште Руш православий черкылан полшен шогымыжлан 2-шо степенян Шнуй ӱшанле кугу князь Александр Невскийын орденже дене суапландарыме[25];
  • Кечывалвел Осетийын Келшымаш орденже (2024)[26].

Палемдымаш

  1. ↑ 1 2 3 Любимова, Ольга Борисовна. Министр культуры РФ. ТАСС (2024). Тергыме кече: 25 идым 2025.
  2. ↑ Указ Президента Российской Федерации от 27.12.2024 № 1120 ∙ Официальное опубликование правовых актов (руш.). publication.pravo.gov.ru (27 теле 2024). Тергыме кече: 25 идым 2025.
  3. ↑ 1 2 3 4 3 канал - Телеведущие и журналисты. web.archive.org. Тергыме кече: 25 идым 2025.
  4. ↑ 1 2 3 Ольга Любимова: Жизнь и смерть православного ТВ. www.pravmir.ru. Тергыме кече: 25 идым 2025. Архивлыме 26 шорыкйол 2020 ий.
  5. ↑ Премьера. "Контекст". Культура (19 теле 2010).
  6. ↑ Любимова Ольга Борисовна. web.archive.org. Тергыме кече: 25 идым 2025.
  7. ↑ 1 2 Биография нового министра культуры Ольги Любимовой. ТАСС. Тергыме кече: 25 идым 2025. Архивлыме 20 ӱярня 2021 ий.
  8. ↑ Ответы. Федор Хитрук, режиссер. Афиша (11 вӱдшор 2005). Тергыме кече: 8 пургыж 2020. Архивлыме 10 вӱдшор 2020 ий.
  9. ↑ Хитрук! Спасибо, что живой. Православный мир (5 теле 2012). Тергыме кече: 25 идым 2025. Архивлыме 10 вӱдшор 2020 ий.
  10. ↑ Ольга Любимова назначена и. о. руководителя департамента кинематографии Минкультуры. ТАСС. Тергыме кече: 25 идым 2025. Архивлыме 15 пургыж 2020 ий.
  11. ↑ Предъявите ваши документы. Все сложно: итоги круглого стола о господдержке неигровых картин в 2014 году. Независимая газета (25 кылме 2015). Тергыме кече: 25 идым 2025. Архивлыме 10 вӱдшор 2020 ий.
  12. ↑ В рамках 39-го ММКФ пройдёт IX питчинг дебютантов. Мир фестивалей (7 пеледыш 2017). Тергыме кече: 25 идым 2025. Архивлыме 10 вӱдшор 2020 ий.
  13. ↑ Назначен новый руководитель департамента кинематографии Минкульта // Профисинема. Тергыме кече: 25 идым 2025. Архивлыме 1 шыжа 2020 ий.
  14. ↑ Назначен новый министр культуры РФ. Российская Газета (21 шорыкйол 2020). Тергыме кече: 25 идым 2025.
  15. ↑ Госдума утвердила Любимову на пост главы Минкультуры. РИА "Новости" (14 ага 2024). Тергыме кече: 25 идым 2025.
  16. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 25 идым 2025.
  17. ↑ Департамент кино Минкультуры возглавила автор православных фильмов // РБК. Тергыме кече: 25 идым 2025. Архивлыме 29 ӱярня 2020 ий.
  18. ↑ Актриса «Современника» Мария Шверубович умерла на 69-м году жизни. Тергыме кече: 25 идым 2025. Архивлыме 12 шорыкйол 2021 ий.
  19. ↑ "Человек Михалкова" из театральной династии? Кто сменил Мединского в Минкульте, <https://web.archive.org/web/20200229060204/https://sobesednik.ru/kultura-i-tv/20200121-chelovek-mihalkova-iz-teatralnoj-dinastii-kto-smenil-medinskogo-v-minkulte>. Тергыме: 25 идым 2025. 
  20. ↑ Начинается Великий пост — время, за которое нужно быть благодарным. Первый канал (17 ӱярня 2013). Тергыме кече: 25 идым 2025. Архивлыме 10 вӱдшор 2020 ий.
  21. ↑ The United States Takes Sweeping Actions on the One Year Anniversary of Russia's War Against Ukraine - United States Department of State, <https://web.archive.org/web/20231109101809/https://www.state.gov/the-united-states-takes-sweeping-actions-on-the-one-year-anniversary-of-russias-war-against-ukraine/>. Тергыме: 25 идым 2025. 
  22. ↑ Ангелы с моря. Россия-1. Тергыме кече: 25 идым 2025. Архивлыме 25 пургыж 2020 ий.
  23. ↑ В Бурятию приехала съемочная группа Никиты Михалкова. Информ Полис. Тергыме кече: 25 идым 2025. Архивлыме 12 шорыкйол 2021 ий.
  24. ↑ Д/ф «Флаг. Символ преемственности». История.РФ. Тергыме кече: 25 идым 2025. Архивировано из оригинала 19 идым 2020 ий.
  25. ↑ В Неделю сыропустную Предстоятель Русской Церкви совершил Литургию в Храме Христа Спасителя. Тергыме кече: 25 идым 2025. Архивлыме 7 ӱярня 2022 ий.
  26. ↑ Любимову наградили орденом Дружбы Южной Осетии, 2024-09-13, <https://tass.ru/kultura/21857937>. Тергыме: 25 идым 2025. 

Кылвер-влак

"https://mhr.ruwiki.ru/w/index.php?title=Любимова,_Ольга_Борисовна&oldid=1231273" гыч налме