Григоренко, Дмитрий Юрьевич

РУВИКИ — эрыкан энциклопедий гыч материал
Дмитрий Юрьевич Григоренко
Григоренко Дмитрий Юрьевич.jpg
Флаг
Россий Федераций виктер председательын алмаштышыже — Россий Федераций виктерын аппаратшым вуйлатыше
Флаг
2020 ий 21 январь гыч
(с. ш. 2024 ий 7-13 май)
Виктер вуйлатыше Михаил Мишустин
Андрей Белоусов (с. ш.)
Михаил Мишустин
Президент Владимир Путин
Ончычсо пашаеҥ Константин Чуйченко
Шочын 1978 ий 14 сӱрем(1978-07-14) (48 ий)
Нижневартовск, Тюмень кундем, РСФСР, СССР
Шинчымаш
Логотип РУВИКИ.Медиа РУВИКИ.Медиаште медиафайл-влак

Дмитрий Юрьевич Григоренко (шоч. 14 сӱрем 1978, Нижневартовск, Тюмень область) — россий кугыжаныш пашаеҥ, экономист. Россий Федераций виктер председательын алмаштышыже — 2020 ий 21 январь гыч Россий Федераций виктерын аппаратшым вуйлатыше (7—13 май 2024 пашам шуктышо)[1] (с. ш. 7—13 май 2024)[2][3].

Ондак — Россий Федерацийын Федерал налог службыжым вуйлатышын алмаштышыже (2013—2020)[4]. 2021 ий 19 июль гыч Рӱдӧ федерал округым эскервӱдышӧ (куратор)[5]. Россий Федерацийын 2-шо классан чын кугыжаныш ойпуышыжо (советник) (2017)[6].

Илыш корныжо

2000 ийыште Дмитрий Григоренко Кубань кугыжаныш университетын Экономике, права да тыглай (пӱртӱс пуымо — естественный) пашалан ямдылыше институтым «Юриспруденций» специальность дене, тунамак Кубаньысе тӱнямбал амалкалымаш да тудым виктарымаш (менеджмент) институтым «Финансы и кредит» специальность дене тунем пытарен.

2000 ий октябрь гыч налог органлаште пашам ыштен.

2000—2003 ийлаште — Краснодар оласе 4-ше №-ан налог инспекцийын 1-ше категориян пашаеҥже. 2003 ийыште Григоренком Кугу налогым тӱлымӧ шотышто 2-шо №-ан кундем кокласе инспекцийын кугыжаныш тӱҥ налог инспекторжылан шогалтыме, 2003 ий гыч 2004 ий марте — Россий Федерацийын налогым тӱлымӧ да погымо шотышто Министерствыжын Парышан налогым лукшо департамент пӧлкан чумырен-иктешлыше пӧлкажын тӱҥ кугыжаныш налог инспекторжо, 2004—2006 ийлаште — аналитике пӧлкам вуйлатышын алмаштышыже, Федерал налог службын коммерций дене кылдалтше организаций-влакын парышыштлан налогым погымо шотышто Управленийын пӧлка вуйлатышыже.

2006 ий гыч 2008 ий марте — Федерал налог службын амалкалче ыштыкверлаште парышлан налогым тӱлымӧ да налогым йодышым вӱдымӧ шотышто Управленийын пӧлка вуйлатышыже.

2008—2012 ийлаште — Федерал налог службысо Налогым погышо управленийын парышлан да лӱмын ыштыме тӱлышаш налог-влак шотышто пӧлкам вуйлатыше.

2012—2013 ийлаште Григоренко — Федерал налог службын Налогым тӱлыктышӧ управленийжын начальникше.

2013 ий октябрь гыч август марте — Федерал налог службын Юридический еҥ-влакым налогым тӱлыктымӧ шотышто управленийын начальникше.

2013 ий январь гыч 2020 ий январь марте — Федерал налог службым вуйлатышын алмаштышыже.

2020 ий 21 январьыште Россий Федераций виктер председательын алмаштышыже — виктерын аппаратшым вуйлатыше.

2024 ий 11 майыште Михаил Мишустин Кугыжаныш Думыш виктерын у кышкаржым ончаш темлен, Григоренком вице-премьерын олмышкыжо темлен[7]. 13 майыште Кугыжаныш Думо тудым тиде олмыш пеҥгыдемден[8]. 14 майыштыже РФ президент тидын нерген кӱштыкеш кидпалым пыштен<[9]. Григоренко вице-премьер олмышто тыгай йодыш-влаклан мутым куча: цифрысе вияҥмаш да кыл, шонен лукмо (искусственный) интеллектын технологийжым шыҥдарымаш, монополий ваштареш политике, «Цифр экономике» калыкле проектым чоҥен, эскерен илышыш пуртымаш[10].

2022 ий октябрь гыч Григоренко РФ Саргуралан вийын, моло войскан, сарзе формированийын да орган-влакын йодмашыштым шуктымо шотышто РФ виктер пелен Координироватлыше каҥаш вуйлатышын алмаштышыже. Ончык вияҥме да калыкле проект шотышто РФ президент пелен Каҥашыш пура, а 2020 ий февраль гыч тыгак тудын президиумжын йыжъеҥже улеш. 2020 ий сентябрь гыч Григоренко РФ ВЭБ-ысе госкорпораций-влакым, ВТБ банкым, 2020 ий январь гыч тӧртык-влакын проектыштым ямдылыше виктер комиссий-влакын пашаштым, 2020 ий март гыч — бюджет роскотын пайдалыкшым кугемдыме йодышла дене эскерыше каҥаш-влакым да тулеч-молымат вуйлата[3]. 2024 ий майыште РФ правительствын у составыштыже шке постшым арален коден. 2024 ий 14 майыште РФ президент Владимир Путин Григоренко Дмитрий Юрьевичым Россий Федерацийын Правительствыжын Председательжын алмаштышыжлан, Россий Федерацийын Правительствыжын Аппаратшын вуйлатышыжлан шогалтыме нерген указыште кидпалыжым пыштен[11]

Евросюз, США, Канада, Великобританий, Швейцарий, Австралий, Японий, У Зеландийын санкцийышт йымалне улеш.

Еш

Ешан, йочаже уло[12].

Суаптар да чаплӱм

  • II степенян «Ачамланде ончылно суаплан» орден — (2014);
  • Президента Россий Федераций Президентым таумутшо — (2017);
  • Россий Федераций Шотлышо палатын председательжын таумутшо;
  • «Парламентаризмым вияҥдыме суаплан» Госдумын палыже[13];
  • Россий ФНС-ын отличникше;
  • Россий ФНС-ын чапланыше пашаеҥже[12][14].

Класс чин

  • Россий Федерацийын 2-шо классан чын кугыжаныш ойпуышыжо (советник)[12].

Палемдымаш

  1. ↑ Путин назначил Григоренко главой аппарата правительства // РИА Новости. Тергыме кече: 29 идым 2025. Архивлыме 22 шорыкйол 2020 ий.
  2. ↑ Правительство России переходит в статус и.о. до назначения нового состава (руш.). TACC. Тергыме кече: 29 идым 2025.
  3. ↑ 1 2 Григоренко, Дмитрий Юрьевич, <https://tass.ru/encyclopedia/person/grigorenko-dmitriy-yurevich>. Тергыме: 29 идым 2025. 
  4. ↑ Григоренко Дмитрий Юрьевич //SBO-Paper. Тергыме кече: 29 идым 2025. Архивлыме 29 ӱярня 2020 ий.
  5. ↑ Михаил Мишустин назначил вице-премьеров кураторами федеральных округов. Тергыме кече: 29 идым 2025. Архивлыме 19 сӱрем 2021 ий.
  6. ↑ Указ Президента РФ от 02.05.2017 N 194 «О присвоении классных чинов государственной гражданской службы Российской Федерации федеральным государственным гражданским служащим» // Кодификация РФ. Тергыме кече: 29 идым 2025. Архивлыме 29 ӱярня 2020 ий.
  7. ↑ О чем говорит новая конфигурация российского правительства. РБК (11 ага 2024). Тергыме кече: 29 идым 2025.
  8. ↑ Госдума утвердила Григоренко на пост зампреда правительства. РИА Новости (13 ага 2024). Тергыме кече: 29 идым 2025.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 29 идым 2025.
  10. ↑ Михаил Мишустин утвердил распределение обязанностей между вице-премьерами. government.ru (17 ага 2024). Тергыме кече: 29 идым 2025.
  11. ↑ Григоренко Дмитрий Юрьевич. fedpress.ru. Тергыме кече: 29 идым 2025.
  12. ↑ 1 2 3 Дмитрий Григоренко: биография руководителя аппарата правительства России (руш.). mail.ru. Тергыме кече: 29 идым 2025.
  13. ↑ Володин наградил Григоренко знаком Думы за заслуги в развитии парламентаризма (руш.). ТАСС. Тергыме кече: 29 идым 2025.
  14. ↑ Дмитрий Григоренко (руш.). 24smi.org. Тергыме кече: 29 идым 2025.

Кылвер-влак

"https://mhr.ruwiki.ru/w/index.php?title=Григоренко,_Дмитрий_Юрьевич&oldid=1231747" гыч налме