Мантуров, Денис Валентинович

РУВИКИ — эрыкан энциклопедий гыч материал
Денис Валентинович Мантуров
Denis Manturov (2020-06-10).jpg
Флаг
Россий Федераций правительстве председательын икымше алмаштышыже
Флаг
2024 ий 14 май гыч
Виктер вуйлатыше Михаил Мишустин
Президент Владимир Путин
Ончычсо пашаеҥ Андрей Белоусов
Флаг
Россий Федераций правительстве председательын алмаштышыже
Флаг
2022 ий 15 июль — 2024 ий 7 май
(с. ш. 2024 ий 7—14 май)
Виктер вуйлатыше Михаил Мишустин
Президент Владимир Путин
Флаг
Россий Федерацийын йӧнозанлык да торгайымаш министрже
Флаг
2012 ий 21 май — 2024 ий 7 май
(с. ш. 2 февраль — 2012 ий 21 май, 2018 ий 8—18 май,
2020 ий 15—21 январь, 2024 ий 7—14 май)
Виктер вуйлатыше Владимир Путин
Виктор Зубков (с. ш.)
Дмитрий Медведев
Михаил Мишустин
Андрей Белоусов (с. ш.)
Михаил Мишустин
Президент Владимир Путин
Ончычсо пашаеҥ Виктор Христенко
Алмаштыше Антон Алиханов
Флаг
Россий Федерацийын йӧнозанлык да торгайымаш министрын алмаштышыже
Флаг
2008 ий 19 май — 2012 ий 2 февраль
Флаг
Россий Федерацийын йӧнозанлык да энергетике министрын алмаштышыже
Флаг
2017 ий 11 сентябрь — 2008 ий 19 май
Шочын 1969 ий 23 пургыж(1969-02-23) (57 ий)
Мурманск, РСФСР, СССР
Шинчымаш 1. Москосо кугыжаныш университет
2.РАНХиГС
Шанче степень экономике шанче кандидат (1997)
экономике шанче доктор (2022)
Награде
Сарзе службо
Званий Класс чин:
Действительный государственный советник РФ 1 класса (Минобороны)г.png
Россий Федерацийын 1-ше классан действительный кугыжаныш советникше
Паша вер
Логотип РУВИКИ.Медиа РУВИКИ.Медиаште медиафайл-влак

Денис Валентинович Мантуров (шоч. 23 пургыж 1969, Мурманск) — Российысе кугыжаныш деятель, Россий Федераций правительстве председательын икымше алмаштышыже (2024 ий 14 май гыч)[1][2]. Россий Федерацийын йӧнозанлык да торгайымаш министрже (2012—2024 ийла).

МГУ-со социологий факультетыште илышкыл технологий кафедрым вуйлатыше. Экономике шанче доктор (2022). Россий Федерацийын 1-ше классан действительный кугыжаныш советникше.

Биографий

1969 ий 23 февральыште Мурманскыште шочын. Ачаже комсомол Мурманск горкомын икымше секретарьже лийын.

М. В. Ломоносов лӱмеш МГУ-м пытарен (1994), социолог специальность.

1997 ийыште МГУ-н аспирантурыжым тунем пытарен. Тудо ийынак экономике шанче кандидат шанче степеньлан «Российысе кундемлаште инвестиций пашам илышкыл-экономике могырым лончылымаш» темылан диссертацийым арален.

2006 ийыште РФ Президент пелен Российысе кугыжаныш службо академийым (РАНХиГС) пытарен, специальностьшо — «юриспруденций».

1990-ше ийла тӱҥалтыште авиашупшыктымаш дене пашам ыштыше Российысе-Индийысе пырля ыштыме предприятийыште тыршен.

1993 ий гыч Улан-Удэсе авиаций завод гыч Ми-8 вертолётым экспортыш колтымаште тыршен.

1998—2000 ийлаште Улан-Удэсе авиаций заводын генеральный директоржын алмаштышыже должностьым айлен. 2000—2001 ийлаште «М. Л. Миль лӱмеш Москосо вертолёт завод» ОАО-н коммерций директоржо лийын.

2001—2003 ийлаште «Кугыжаныш инвестиций корпораций» ФГУП председательын алмаштышыже должностьым айлен.

2022 ийыште Москосо авиаций институтын докторантуржым пытарен.

2003—2007 ийлаште — «Аралтышпром Иктеш ушымо йӧнозанлык корпораций» ОАО-н генеральный директоржо.

2007 ий 11 сентябрь гыч 2008 ий 19 май йотке — Россий Федерацийын йӧнозанлык да энергетике министржын алмаштышыже[3].

2008 ий 19 майыште Россий Федерацийын йӧнозанлык да торгайымаш министржын алмаштышыжлан шогалтыме[4].

2011 ий 1 декабрь гыч Москосо авиаций институтын «Экономике объект-влакым вуйлатымаш системе» кафедрын профессоржо улеш. Россий Федераций президентын патронатыштыже улшо вуйлатыше кадр резервын «икымше шӱдышкыжӧ» пура.

2012 ий 2 февральыште Россий Федерацийын премьер-министрже Владимир Путин Россий Федерацийын йӧнозанлык да торгайымаш министрын пашажым шуктышылан шогалтен[5], 2012 ий 21 майыште тиде министр должностьышто пеҥгыдемдыме[6], 2018 ий 18 майыште да 2020 ий 21 январьыште тиде постыш угыч шогалтыме[7].

Владимир Путин дене паша вашлиймаш (2021 ий 10 июнь)

2012 ий ноябрь гыч тыгак «Ростех» кугыжаныш корпорацийын эскерыше каҥашыжын председательже улеш[8].

2022 ий 27 майыште «Россий Федераций Президент пелен калык озанлык да кугыжаныш службо шотышто Российысе академий» ФГБОУ ВО-што «Йӧнозанлык политикын у модельжым ямдылыме да шуктен толмо теорий да практике» теме дене экономике шанче доктор шанче степеньлан диссертацийым арален[9].

2022 ий 12 июльышто Россий президентын указше дене йӧнозанлык да торгайымаш министр Россий Федераций правительстве председательын алмаштышыже-влак кокла гыч иктыже лийын. Тудо кечынак Михаил Мишустин Мантуровын кандидатурыжым Кугыжаныш думыш вице-премьер постлан ончаш пуэн, тушто тудым пеҥгыдемдыме[10]. 2022 ий 25 июль гыч — Россий Федерацийын Сарзе-йӧнозанлык комиссий коллегийын председательже[11].

2024 ий 11 майыште Михаил Мишустин Кугыжаныш думылан ончаш правительствын у составшым пуэн, Денис Мантуровын кандидатуржым икымше вице-премьер должностьыш темлыш[12]. 13 майыште Кугыжаныш думо Мантуровым тиде постыш ик ой дене пеҥгыдемден[13]. РФ президент 14 майыште пашаш шогалтыме нерген указеш кидпалым пыштен[14]. Правительстве председательын икымше алмаштышыже постышто Мантуровын тӱҥ пашаже:

  • Технологий вияҥме шотышто пашам виктарен колтымаш, калыкле технологий инициативым илышыш пуртымаш, инноваций пашан лектышыжым атом, ракете-сандалык, судным ыштымаш, авиаций да радиоэлектрон йӧнозанлыкыште, кугыжаныш обороно заказыште шыҥдарымаш;
  • Урал федерал округыш пурышо субъект-влакын илышкыл-экономике шотышто вияҥмыштым эскерымаш;
  • Йӧнозанлык, технике могырым тӧрлымӧ йодыш-влакым, вияҥме программе-влакым шуктен толмым терген шогымаш.

Сомылшуктышо кучемын федерал органже-влакын пашаштым виктарен шогымаш:

  • Минпромторг;
  • Кугыжаныш резерв шотышто федерал агентстве;
  • Технике могырым тӧрлымӧ да метрологий шотышто федерал агентстве;
  • Интеллектуал малпого шотышто федерал службо;
  • Российысе экспортлык рӱдер;
  • Россандалык;
  • Росатом (корпорацийын кугыжаныш обороно заказыште, обороно да ракете-сандалык йӧнозанлыкым вияҥдыме программылаште участвоватлымаш);
  • У технологийым ямдылыме да коммерцияҥдыме Рӱдерым вияҥдыме фонд[15].

Еш

Ватыже

Наталья Евгеньевна Мантурова (ӱдыр годым Кисель) (шоч. 1969) — пластике хирург. Россий Минздравын штат деч ӧрдыжысӧ тӱҥ специалистше, пластике хирург, Н. И. Пирогов лӱмеш РНИМУ ВО ФГАОУ-со пластике да пужен уэмдыме хирургий, косметологий да клеткан технологий кафедрым вуйлатыше, медицине шанче доктор, кӱшыл категориян врач, «Пластике, пужен уэмдыме да эстетике хирург-влакын Российысе обществыштын» президентше, Эстетике медицине обществын членже, ISAPS член, «Пластике хирургий да эстетике медицине» журналын тӱҥ редакторжо, Россий Федерацийын сулло врачше. Пластике хирургийын «Ланцетъ» да «Руш мотор ӱдыр» эстетике медицине рӱдерым почшо да озаже[16][17][18][19][20].

Йоча-влак

Кок йоча. Эрге — Евгений (шоч. 1998 ий 19 майыште), МГИМО-со тӱнямбал экономике кыл факультетыште тунемеш[21]. Ӱдыр — Леонела (шоч. 1995 ий 6 мартыште), МГУ-н социологий факультетшым пытарен[22][20].

Ача-ава

Ачаже — Валентин Иванович Мантуров (1938—2019). Мореход училищым тунем пытарен. Горисполком председательын алмаштышыжлан, ВЛКСМ Мурманск горкомын икымше секретарьжылан пашам ыштен. Вара торгпредстве линий да дипломатий линий дене Индийыште, США-ште да Шри-Ланкаште пашам ыштен. Эл ӧрдыжысӧ торгайымаш академийым пытарен. 1980-ше ийлаште ООН-ышто СССР-ын представительжым вуйлатен. Аваже Тамара Фёдоровна Мантурова (шоч. 1936).

Награде

  • II степенян «Ачамланде ончылно суаплан» орденын медальже (2007)[1];
  • Келшымаш орден (2008)[1];
  • Почёт орден (2009)[1];
  • Россий федераций правительствын Чап грамотшо (2010)[23];
  • IV степенян «Ачамланде ончылно суаплан» орден (2013 ий 2 февраль) — элын обороно йӧнжым пеҥгыдемдымашке, лӱмын у техникым ямдылымашке да ыштымашке кугу надырлан, пашам шуко ий тыршен ыштымылан[24];
  • III степенян Поро пашалан ӱшанле Шнуй князь Москосо Даниил орден (РПЦ, 2017)[25];
  • Россий Федераций Правительствын таумутшо (2019 ий 28 февраль) — йӧнозанлык да торгайымаш сферыште кугыжаныш политикым шуктымаште суаплан да шуко ий пашам тыршен ыштымылан[26];
  • «Карелий Республик ончылно суаплан» медаль (2020 ий 8 июнь) — Карелий Республик да тушто илыше-влак ончылно суаплан, республикысе илышкыл-экономике вияҥмашке кугу надырлан да Карелий Республикым ыштымылан 100 ий теммым пайремлаш ямдылалтме Кугыжаныш комиссийыште пашам чолган шуктымылан[27];
  • Флаг Италии Италийын Шӱдыржӧ орденын Кугу ыресшын Кавалерже (2020 ий 28 май, Италий; вара Италийын Президентше Серджо Маттареллан 2022 ий 9 майысе указше дене «келшыдымылан» наградым поген налме[28];
  • Флаг Венгрии Суап Орденын шӱдыржӧ дене Командорлык ырес (2021 ий, 7 июль, Венгрий)[29];
  • Флаг Узбекистана «Дустлик» орден (2022 ий 29 август, Узбекистан) — мемнан кугыжаныш-влак коклаште шуко шӧрынан да ваш-ваш пайдале улшо кылым чыла могырымат вияҥдымашке, партнёрлык кылым умбакыже келгемдымашке, политике-дипломатий, инвестиций, тунеммаш, шанче-технике да культур-гуманитар сферлаште вашкылым кумдаҥдымашке кугу надырлан, мемнан элыште чарныде шукталт шогышо кардинальный уэмдымаш ден демократиян вашталтышлан, Узбекистанын глобальный да регионысо инициативыжлан чолган полшымыжлан, тыгак мемнан калыкна-влак коклаште келшымаш пидышым умбакыже пеҥгыдемден шогымо шотышто пайдалык дене тыршымыжлан[30].

Палемдымаш

  1. ↑ 1 2 3 4 Денис Валентинович Мантуров - Правительство России (руш.). government.ru. Тергыме кече: 25 идым 2025.
  2. ↑ Госдума утвердила Мантурова первым вице-премьером. РБК (13 ага 2024). Тергыме кече: 25 идым 2025.
  3. ↑ Распоряжение Правительства Российской Федерации от 11.09.2007 г. № 1217-р «О заместителе Министра промышленности и энергетики Российской Федерации». Тергыме кече: 25 идым 2025. Архивлыме 27 шорыкйол 2020 ий.
  4. ↑ Распоряжение Правительства Российской Федерации от 19.05.2008 г. № 700-р «О заместителе Министра промышленности и торговли Российской Федерации». Тергыме кече: 25 идым 2025. Архивлыме 27 шорыкйол 2020 ий.
  5. ↑ Исполнять обязанности главы Минпромторга РФ будет замминистра Мантуров. Тергыме кече: 25 идым 2025. Архивлыме 5 пургыж 2012 ий.
  6. ↑ Указ Президента Российской Федерации от 21.05.2012 г. № 654 «О Министре промышленности и торговли Российской Федерации». Тергыме кече: 25 идым 2025. Архивлыме 27 шорыкйол 2020 ий.
  7. ↑ Указ Президента Российской Федерации от 18.05.2018 г. № 239 «О Министре промышленности и торговли Российской Федерации». Тергыме кече: 25 идым 2025. Архивлыме 27 шорыкйол 2020 ий.
  8. ↑ Денис Мантуров возглавил наблюдательный совет «Ростехнологий» — Татьяна Зыкова — Российская газета. Тергыме кече: 25 идым 2025. Архивлыме 2 пургыж 2014 ий.
  9. ↑ Свои да Наши. Telegram. Тергыме кече: 25 идым 2025.
  10. ↑ Путин ввел новую должность в правительстве, <https://ria.ru/20220712/vitse-premer-1802041236.html>. Тергыме: 25 идым 2025. 
  11. ↑ Путин назначил Мантурова председателем коллегии ВПК, 2022-07-25, <https://ren.tv/news/v-rossii/1004741-putin-naznachil-manturova-predsedatelem-kollegii-vpk>. Тергыме: 25 идым 2025. 
  12. ↑ О чем говорит новая конфигурация российского правительства. РБК (11 ага 2024). Тергыме кече: 25 идым 2025.
  13. ↑ Госдума утвердила Мантурова первым вице-премьером. РИА Новости (13 ага 2024). Тергыме кече: 25 идым 2025.
  14. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 25 идым 2025.
  15. ↑ Михаил Мишустин утвердил распределение обязанностей между вице-премьерами. government.ru (17 ага 2024). Тергыме кече: 25 идым 2025.
  16. ↑ Жена нового министра промышленности открыла клинику за $1,5 миллиона, <https://web.archive.org/web/20210117034659/https://sobesednik.ru/politika/20120614-zhena-novogo-ministra-promyshlennosti-otkryla-kliniku-za-15-milliona>. Тергыме: 25 идым 2025. 
  17. ↑ Мантурова Наталья Евгеньевна / pscommission.ru. Тергыме кече: 25 идым 2025. Архивлыме 24 идым 2020 ий.
  18. ↑ Мантурова Наталья Евгеньевна - Пластическая хирургия (руш.). web.archive.org. Тергыме кече: 25 идым 2025.
  19. ↑ О клинике ⋆ «Ланцетъ-Центр» — клиника аппаратной, инъекционной косметологии и космецевтики. Москва, метро Пушкинская, Баррикадная, Маяковская., <https://web.archive.org/web/20180518215627/https://delight-lancette.ru/o-klinike/>. Тергыме: 25 идым 2025. 
  20. ↑ 1 2 Энциклопедия. Мантуров, Денис Валентинович / ТАСС (руш.). Тергыме кече: 25 идым 2025. Архивлыме 13 теле 2019 ий.
  21. ↑ Студент Евгений Мантуров — чемпион Европы по практической стрельбе (руш.). mgimo.ru. Тергыме кече: 25 идым 2025.
  22. ↑ Справка: Мантуров Денис Валентинович. Тергыме кече: 25 идым 2025. Архивлыме 8 вӱдшор 2014 ий.
  23. ↑ Распоряжение Правительства Российской Федерации № 388-р от 23.03.2010. Тергыме кече: 25 идым 2025. Архивировано из оригинала 4 ӱярня 2016 ий.
  24. ↑ Указ Президента Российской Федерации от 02.02.2013 г. № 50 «О награждении государственными наградами Российской Федерации». Тергыме кече: 25 идым 2025. Архивлыме 27 пургыж 2017 ий.
  25. ↑ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице. Тергыме кече: 25 идым 2025. Архивлыме 9 ӱярня 2022 ий.
  26. ↑ Распоряжение Правительства Российской Федерации от 28.02.2019 г. № 345-р «Об объявлении благодарности Правительства Российской Федерации Мантурову Д. В.» Тергыме кече: 25 идым 2025. Архивлыме 27 шорыкйол 2020 ий.
  27. ↑ Указ Главы Республики Карелия от 08.06.2020 № 58 ∙ Официальное опубликование правовых актов (руш.). publication.pravo.gov.ru. Тергыме кече: 25 идым 2025.
  28. ↑ Decreto del presidente della Repubblica 9 maggio 2022 (итал.). Тергыме кече: 25 идым 2025. Архивлыме 30 ага 2022 ий.
  29. ↑ Мантуров получил высшую госнаграду Венгрии за поставки "Спутника V". Тергыме кече: 25 идым 2025. Архивлыме 7 сӱрем 2021 ий.
  30. ↑ О награждении группы иностранных граждан в связи с 31-й годовщиной государственной независимости Республики Узбекистан (руш.). president.uz. Тергыме кече: 25 идым 2025.

Кылвер-влак

"https://mhr.ruwiki.ru/w/index.php?title=Мантуров,_Денис_Валентинович&oldid=1231444" гыч налме