Оверчук, Алексей Логвинович

РУВИКИ — эрыкан энциклопедий гыч материал
Алексей Логвинович Оверчук
Alexey Overchuk official portrait.jpg
Флаг
Россий Федераций Правительстве председательын алмаштышыже
Флаг
2020 ий 21 январь гыч
(с. ш. 2024 ий 7—13 май)
Виктер вуйлатыше Михаил Мишустин
Андрей Белоусов (с. ш.)
Михаил Мишустин
Президент Владимир Путин
Шочын 1964 ий 9 теле(1964-12-09) (60 ий)
Коростышев, Житомир область, Украин ССР, СССР
Образований К. А. Тимирязев лӱмеш Москосо ялозанлык академий
Шанче степень экономике шанче кандидат
Награде
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа

Алексей Логвинович Оверчук (шоч. 9 декабрь 1964, Коростышев, Житомир кундем, Украин ССР, СССР) — россий кугыжаныш да политике пашаеҥ, экономист. Россий Федераций Правительстве председательын алмаштышыже 2020 ий 21 январь гыч (2024 ий 7–13 майыште сомылым шуктышо)[1][2].

Тылеч ончыч, 2011 ий гыч 2020 ий марте, РФ Федерал налог службым вуйлатышын алмаштышыже олмым айлен. Россий Федерацийын 2-шо классан действительный кугыжаныш советникше.

Илыш корныжо

[тӧрлаташ | вики-текстым тӧрлаташ]

1964 ий 9 декабрьыште Житомир кундем Коростышевыште шочын.

1986 ийыште К. А. Тимирязев лӱмеш Москосо ялозанлык академийым «экономике кибернетике» специальность дене тунем пытарен.

1986–1993 ийлаште К. А. Тимирязев лӱмеш Москосо ялозанлык академийысе озанлык механизмым вияҥдыме шотышто лабораторийын кугурак лаборантше, изирак шанче пашаеҥже, шанче пашаеҥже, кугурак шанче пашаеҥже.

1992 ийыште «К. А. Тимирязев лӱмеш Моско ялозанлык академийысе АПК-ам виктарымаште кооператив йӧным шотаҥдарымаш» темылан кандидатлык диссертацийым арален, экономике шанче кандидат.

1993–1994 ийлаште — Тӱнямбал вашкыл шотышто Управленийын тӱҥ специалистше, 1994–1998 ийлаште — тӱнямбал пӧлкаште пашам виктарыме шотышто вуйлатышын алмаштышыже, 1998 ийыште — Мланде поянлыкым шотыш налме (регистрироватлыме) да мланде поянлыкым виктарыме шотышто кугыжаныш комитетын вер гыч верыш кусараш лийдыме поянлык шотышто управленийжын кугыжаныш регистраций шотышто пӧлкан начальникше.

1998 — РФ мланде политике, чоҥымаш да илымывер-коммунал озанлык министерствын Увер-аналитике управленийжын начальникше.

1998–1999 — РФ кугыжаныш мланде комитетын Увер да аналитике управленийжын начальникше.

1999–2000 — РФ мланде политике шотышто Кугыжаныш комитетын Увер-аналитике управленийжын начальникше.

2000 ий август гыч — Россий мланде кадастр Федерал службым вуйлатышын алмаштышыже (Росземкадастр), 2004 ий гыч вер гыч верыш кусараш лийдыме объект-влакын кадастрышт Федерал агентствыш савырнен (Роснедвижимость). Роснедвижимостьыште, варарак, Росреестрыш савырнен, Михаил Мишустин кугыжаныш органыште шкенжын икымше вуйлатыме олмым ален, а тудын алмаштыштыже Оверчук лийын[3].

2000 ий гыч 2007 ий марте тудо ООН-ын Европысо экономике комиссийым мланде поянлыкым виктарыме шотышто пашазе группын председательжын алмаштышыжлан сайлалтын[4].

2007 ийыште Посна экономике зоным виктарыме шотышто Федерал агентствым вуйлатышын алмаштышыже лийын, Михаил Мишустинын вуйлатымыж почеш инвестор-влак дене ыштыме пашам координироватлен.

2008 ий гыч 2010 ий марте Мишустинын вуйлатыме UFG Capital Management инвестиций компанийын вуйлатыше тӱшкаште лийын.

Алексей Оверчук Евразийысе экономике шотышто комиссий Каҥашын мутланымаштыже, 2020 ий

2011 ий март гыч — Федерал налог службым вуйлатышын алмаштышыже. Стандарт ден тӱнямбал вашкыл шотышто виктем пашаеҥ-влакын пашаштым вӱден да терген шоген. ФНС вуйлатышын алмаштышыже олмышто кундемласе налог орган-влакын пашаштлан метод да шотаҥдарыме йӧным ыштен шогымо шотышто тыршен, тыгодымак Российын тӱнямбал договоржо-влакым кучылтмо йодыш-влак шотышто уверым ваш пуэн, шарен шогымо шотышто пашам шуктен[4].

2020 ий 21 январь гыч — Россий Федерацийысе Правительстве вуйлатышын алмаштышыже. Виктерыште тудо Евразийысе интеграций, тӱнямбал организаций-влак дене кыл кучымаш (СНГ, БРИКС, G20 да т. м.) Виктер вуйлатышын тӱнямбал вашлиймашыжым ямдылен эртарымаш йодыш-влаклан мутым куча[5].

2023 ий ноябрьыште Оверчук Сан-Францискыште эртыше Азиат-Тихоокеан экономике вашкыл (АТЭС) саммитыште Российын делегацийжым вуйлатен, тыште тӱҥ каҥашымашын йодышыжо климат шотышто лийын[6].

2024 ий 11 майыште Михаил Мишустин Кугыжаныш Думын каҥашымашкыже правительстын у йыжъеҥже-влакым темлен, Оверчукын кандидатуржым вице-премьерлан темлен[7]. 13 майыште Кугыжаныш Думо ты олмышко тудым темлымым сайлан шотлен[8]. РФ президент 14 майыште тидын нерген кӱштыкеш кидпалым пыштен[9]. Оверчук евразий кумдыкышто интеграций шотышто кугыжаныш политикым йодышым, БРИКС, Шахайский организаций дене вашкыл да «Колан тӱшка» / «Группы двадцати» дене кылдалтше паша йодыш-влакым вӱда[10].

Суаптар

[тӧрлаташ | вики-текстым тӧрлаташ]
  • «Ачамланде ончылно суаплан» орденын I степенян медальже (2017 ий 12 июнь) — шуко ий кугыжанышлан сайын служийымылан[11]
  • «Ачамланде ончылно суаплан» орденын II степенян медальже (2014 ий 25 октябрь) — паша сеҥымашлан, шуко ий пашам тыршен ыштымылан да мер пашам чолган шуктымылан[12]

Еш

[тӧрлаташ | вики-текстым тӧрлаташ]

Ачаже, Оверчук Логвин Алексеевич (1932–2007), Пӱтынь Российысе ялозанлык экономикым шанче-шымлыше институтышто пашам ыштен. Россий Федераций США-се посольствыште ял озанлык шотышто атташе лийын[13]. 2007 ий 25 июньышто колен, Москошто Текуров шӱгарлаште тойымо[14].

Тудын аваже, Оверчук Мария Александровна (1936–2009), Пӱтынь Российысе агройӧнозанлык комплексым технике-экономикыжым шымлыше институтышто (ВНИИТЭИагропром) пашам ыштен[15].

Погыж ден парышыже

[тӧрлаташ | вики-текстым тӧрлаташ]

2018 ийысе деклараций почеш тудын озанлыкыштыже 2200 м² мланде кумдык, 225,6 м² кумдыкан кум пачер 225,6 да Ford Focus ик куштылго автомобиль уло. Тидын годым тудын парышыже 8 786 378 теҥге[16].

Пелашыжын парышыже 1636 351 теҥге, 96 м² кок пачерже уло[17].

Палемдымаш

[тӧрлаташ | вики-текстым тӧрлаташ]
  1. ↑ Алексей Оверчук стал вице-премьером России // ИА REGNUM. Дата обращения: 21 шорыкйол 2020. Архивировано 16 ӱярня 2020 года.
  2. ↑ Правительство России переходит в статус и.о. до назначения нового состава. TACC. Дата обращения: 7 ага 2024.
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец. Дата обращения: 25 шорыкйол 2020. Архивировано 25 шорыкйол 2020 года.
  4. ↑ 1 2 Новым ответственным за ИТ в России стал давний коллега нового премьера // CNews. Дата обращения: 24 шорыкйол 2020. Архивировано 25 шорыкйол 2020 года.
  5. ↑ Распределение обязанностей между заместителями Председателя Правительства. Дата обращения: 30 вӱдшор 2020. Архивировано 29 вӱдшор 2020 года.
  6. ↑ ТАСС, 17 ноября 2023. Оверчук заявил, что тема Украины в начале саммита АТЭС звучала в основном фоново
  7. ↑ О чем говорит новая конфигурация российского правительства. РБК (11 ага 2024). Дата обращения: 13 ага 2024.
  8. ↑ Госдума утвердила Оверчука заместителем председателя правительства. РИА Новости (13 ага 2024). Дата обращения: 13 ага 2024.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Дата обращения: 14 ага 2024.
  10. ↑ Михаил Мишустин утвердил распределение обязанностей между вице-премьерами. government.ru (17 ага 2024). Дата обращения: 17 ага 2024.
  11. ↑ Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации. Дата обращения: 26 шорыкйол 2020. Архивировано 6 пеледыш 2020 года.
  12. ↑ Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации. Дата обращения: 26 шорыкйол 2020. Архивировано из оригинала 6 пеледыш 2020 года.
  13. ↑ Ю.Н. ВАВИЛОВ В долгом поиске // Книга о братьях Николае и Сергее Вавиловых. Дата обращения: 24 шорыкйол 2020. Архивировано 24 шорыкйол 2020 года.
  14. ↑ Логвин Алексеевич Аверчук // BillionGraves. Дата обращения: 24 шорыкйол 2020. Архивировано 24 шорыкйол 2020 года.
  15. ↑ Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus. Дата обращения: 24 шорыкйол 2020. Архивировано 6 пеледыш 2020 года.
  16. ↑ Алексей Оверчук // Finparty. Дата обращения: 25 шорыкйол 2020. Архивировано 25 шорыкйол 2020 года.
  17. ↑ Оверчук Алексей Логвинович // Деклатор. Дата обращения: 25 шорыкйол 2020. Архивировано 25 шорыкйол 2020 года.

Кылвер-влак

[тӧрлаташ | вики-текстым тӧрлаташ]
"https://mhr.ruwiki.ru/w/index.php?title=Оверчук,_Алексей_Логвинович&oldid=658261" гыч налме