Шадаев, Максут Игоревич

РУВИКИ — эрыкан энциклопедий гыч материал
Максут Игоревич Шадаев
Шадаев, Максут Игоревич.jpg
Флаг
Россий Федерацийын цифр вияҥмаш, кыл да тӱшка комммуникаций шотышто министр
Флаг
2020 ий 21 январь гыч
(с. ш. 2024 ий 7—13 май)
Виктер вуйлатыше Михаил Мишустин
Андрей Белоусов (с. ш.)
Михаил Мишустин
Президент Владимир Путин
Ончычсо пашаеҥ Константин Носков
Шочын 1979 ий 11 кылме(1979-11-11) (46 ий)
Москва, РСФСР, СССР
Икшыве-влак кок йоча
Шинчымаш Россий кугыжаныш илышкыл университет
Награде
Почёт орден (Россий) RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа РУВИКИ.Медиаште медиафайл-влак

Максут Игорьевич Шадаев (шоч. 11 кылме 1979, Моско) — Россий кугыжаныш пашаеҥ, 2020 ий 21 январь гыч Россий Федерацийын цифр вияҥмаш, кыл да тӱшка комммуникаций шотышто министр[1][2][3]. Россий Федераций кугыжанышын II классан чынак ойпуышыжо (советникше) (2014). Российысе журналист Ушем йыжъеҥ.

Илыш корныжо

Максут Шадаев 1979 ий 11 ноябрьыште ик увер почеш Москошто, вес увер почеш Угарманыште шочын. Калыклык шот дене — татар. 1999 ий гыч увер да коммуникаций технологий аланысе компанийлаште пашам ыштен.

2004 ийыште Шадаев Социал вияҥмаш да паша министерствын Моско кугыжаныш илышкыл университетшым (кызыт — Россий кугыжаныш илышкыл университет) «социологий» специальность дене тунем пытарен. Тудо ийынак РФ информаций технологий да кыл министр Леонид Рейманын ойпуышыжлан шогалын. 2006 ий 6 февраль Шадаев Кугыжаныш программе-влак, инфраструктурым вияҥдыме да тиде ведомствын шагал ресурсшым кучылтмо шотышто департаментын директоржо лийын.

2000—2001 ийлаште Шадаев Илья Пономарёвын «Arrava Internet Management» компанийыште «Эйдвайзерс» проектым вуйлатен, компанийым Юкос гыч лекше-влак негызленыт да Сан-Матеошто (США) шотыш налме (регистрироватлыме) лийын[4][5][6]. Компаний 2000 ий июнь тылзыште россий кумдыкышто (пазарыште) пашам тӱҥалме нерген увертарен[7][8]. 2000 ий октябрьыште Шадаев «Arrava Internet Advisors» компанийын интернет-стратегий шотышто директоржо лийын[9].

2002—2004 ийлаште Шадаев Анатолий Карачинскийын холдингыштыже пашам ыштен, интернет-пунчал ужаш бизнесым вияҥдыме шотышто пӧлка начальник лийын, а 2003 ий июльышто бизнесым вияҥдыме шотышто директор лийын[4].

2004 ий июльышто Шадаев «Восход» ФГУП НИИ Леонид Юхневичын директорлан ойпуышо олмышко шогалын[10].

2007 ий 9 октябрьыште Рейман дене пырля Федерал погым виктарыме шотышто Федерал Агенствын «Росинфокоминвест» (РИФИКТ) венчур фондын директор-влак каҥашышкыже пура, тидым ышташ РФ Мининформсвязь таратен шоген[11].

2008 ий майыште РФ Информаций технологий да кыл шотышто министерстве олмеш Игорь Щегловын вуйлатыме Кыл да массовый коммуникаций министерствым ыштыме деч вара, Шадаев тыште информатизаций да увер технологий шотышто кугыжаныш политике департаментын директор олмыжым айлен.

2008 ий шыжым Шадаев Россий Федераций президентын Администрацийжым вуйлатышын полышкалышыже лийын, мер калыклан уверым пуэн шогымо пашам вияҥдыме шотышто Президент пелен Каҥашын пашажым виктарен, тыгак биометриян паспортым илышыш шыҥдарыме проектлан мутым кучен. 2009 ий февраль тылзыште Шадаев Россий Федераций Президентын шапашыште (резеврв) улшо вуйлатыше пашаеҥ-влак радамыште «икымше шӱдӧ-влак» коклаште лийын. Конструктор-влак каҥашын председательже — у тукым паспорт ден визе кагаз-влакым ямдылыме, возымо да тергыме Кугыжаныш кышкарын (ГС ПВДНП) тӱҥ конструкторжо лийын[12].

2012 ийыште Шадаев РФ Кугыжаныш думын председательже Сергей Нарышкинын ойпуышыжо лийын. «Электрон парламент» проектым шуктымылан мутым кучен.

2014 ий 11 февральыште Шадаевым Моско кундемысе кугыжаныш управлений, увер технологий министрлан шогалтыме. Моско кундемысе губернатор Андрей Воробьёвын вуйлатыме виктер кышкарышкыже пурен. 2016 ий 29 сентябрьыште тыгак моско виктерысе председательын алмаштышыже лийын. Шадаевын вуйлатымыж почеш «Поро паша» портал почылтын — Моско кундемысе вуйшиймаш да темлымашым иктешлыше книга. 2018 ий 14 сентябрьыште, Моско кундемысе виктерым шалатен колтымо деч вара, Шадаев тудын у кышкарышкыже пурен огыл, мер паша семын губернатор Воробьёвлан каҥашым пуышо олмым айлен.

2017 ий май гычын Шадаев тыгак мер паша семын РФ президентын Администрацийжым вуйлатыше, икымше алмаштышыже Сергей Кириенкон ойпуышыжо (советник) лийын, тӱрлӧ кундемысе кучем-влакын социал вапшыште увер политикыштым эскерен[13].

2018 ий 26 сентябрьыште Шадаевым «Ростелеком» ПАО цифрысе платформо шотышто вице-президентшылан шогалтеныт, а 2019 ий февраль гыч «РТ Лабс» АО тӱҥ директорын пашажым иктеш шуктен, компанийын 100 % акцийжым кугыжаныш оператор кучен.

2020 ий 21 январьыште Россий Президентын кӱштыкшӧ дене Россий Федераций цифрын вияҥмаш, кыл да коммуникаций министр олмыш шогалтыме[14]. Шадаевын у паша верыштыже Кугыжаныш каҥашыште икымше темлымашыже тыгай лийын: граждан-влакын онлайн режимыште улшо уверым судын пунчалже деч посна[15] вий кышкарысе оперативник-влаклан[16] пуаш, но, ӧрмалгыше Песковым шекланымеке, Шадаев увертарен: те мыйым йоҥылыш умыленда[17].

2024 ий 14 майыште Кугыжаныш Думо Шадаевым угыч Российын цифрысе вияҥмаш, кыл да коммуникаций министрын олмышкыжо пеҥгыдемден[18], РФ президент тиде кечынак кӱштыкеш кидпалымым пыштен[19][20].

2025 ийыште социал ыҥан сервис-влакын реестрым пуртымо деч вара Максут Шадаев Kazan Digital Week ий еда эртаралтше калык-влак кокласе форумышто шке вуйлатыме министерствын у нововведенийжым умылтарен. Тудын мутшо почеш, лӱдыкшыдымылыкым ышташлан мобильный интернетым чарыме годым мобильный интернетым чарыме годым йӧршӧ сайт-влакын лӱмерышт кажне арня уэмдалташ тӱҥалыт[21].

Еш

Кок ӱдыржӧ уло[22].

Суаптар

  • Почёт орден (2010 ий 18 ноябрь) — электрон увер улман йотэл паспортым жапыштыже илышыш шыҥдарымылан[23];
  • II степенян «Ачамланде ончылно суаплан» орденын медальже (2019 ий 29 май) — паша сеҥымаш да шуко ий пашам тыршен ыштымылан[24].

Палемдымаш

  1. ↑ Шадаев, Максут Игоревич, <https://tass.ru/encyclopedia/person/shadaev-maksut-igorevich>. Тергыме: 20 идым 2025. 
  2. ↑ Путин назначил нового министра по цифровому развитию и связи - CNews, <https://www.cnews.ru/news/top/2020-01-21_putin_naznachil_novogo_ministra>. Тергыме: 20 идым 2025. 
  3. ↑ Новым главой Минкомсвязи назначили Максута Шадаева, <https://ria.ru/20200121/1563692491.html>. Тергыме: 20 идым 2025. 
  4. ↑ 1 2 Максут Шадаев возглавил «РТ лабс», главную ИТ-«дочку» «Ростелекома» - CNews, <https://www.cnews.ru/news/top/2019-02-14_vitseprezident_rostelekoma_vozglavil_rt_labs>. Тергыме: 20 идым 2025. 
  5. ↑ Arrava намерена развивать электронный бизнес, 2000-07-13, <https://www.kommersant.ru/doc/152949>. Тергыме: 20 идым 2025. 
  6. ↑ Фирмы Пономарева: правда или вымысел?, <https://www.ridus.ru/firmy-ponomareva--pravda-ili-vymysel--77243.html>. Тергыме: 20 идым 2025. 
  7. ↑ PressRoom.Ru - ARRAVA: первый строитель реального бизнеса в Интернете (ARRAVA). www.pressroom.ru. Тергыме кече: 20 идым 2025.
  8. ↑ Илью Пономарева обвинили в предпринимательской деятельности. anone.ru. Тергыме кече: 20 идым 2025.
  9. ↑ В Рунет за советами, 2000-10-26, <https://www.kommersant.ru/doc/255563>. Тергыме: 20 идым 2025. 
  10. ↑ Кто такой Максут Шадаев?, <https://aif.ru/politics/russia/kto_takoy_maksut_shadaev>. Тергыме: 20 идым 2025. 
  11. ↑ Венчурных денег прибыло, 2007-10-16, <https://www.kommersant.ru/doc/815315>. Тергыме: 20 идым 2025. 
  12. ↑ Новости компании (руш.). voskhod.ru. Тергыме кече: 20 идым 2025.
  13. ↑ Региональным чиновникам подобрали интернет-штурмана, 2017-05-31, <https://www.kommersant.ru/doc/3313055>. Тергыме: 20 идым 2025. 
  14. ↑ Подписаны указы о назначении министров Правительства Российской Федерации, <http://kremlin.ru/events/president/news/62625>. Тергыме: 20 идым 2025. 
  15. ↑ Министр связи предложил открыть силовикам доступ к данным россиян, 2020-01-29, <https://www.kommersant.ru/doc/4234736>. Тергыме: 20 идым 2025. 
  16. ↑ Министр Шадаев предлагает открыть персональные данные граждан силовикам, <https://www.vedomosti.ru/technology/articles/2020/01/29/821694-ministr-shadaev>. Тергыме: 20 идым 2025. 
  17. ↑ В Кремле назвали новой инициативу дать силовикам доступ к данным россиян, <https://www.rbc.ru/rbcfreenews/5e3156689a7947344b246e59>. Тергыме: 20 идым 2025. 
  18. ↑ Госдума утвердила Шадаева на должность главы Минцифры. РИА "Новости" (14 ага 2024). Тергыме кече: 20 идым 2025.
  19. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 20 идым 2025.
  20. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации». publication.pravo.gov.ru. Тергыме кече: 20 идым 2025.
  21. ↑ Шадаев: "белый список" интернет-ресурсов будет обновляться каждую неделю, <https://smotrim.ru/article/4694332>. Тергыме: 20 идым 2025. 
  22. ↑ Биография нового главы Минкомсвязи Максута Шадаева - ТАСС. TACC. Тергыме кече: 20 идым 2025.
  23. ↑ Указ Президента Российской Федерации от 18.11.2010 г. № 1443, <http://www.kremlin.ru/acts/bank/32124>. Тергыме: 20 идым 2025. 
  24. ↑ Указ Президента Российской Федерации от 29.05.2019 г. № 240, <http://kremlin.ru/acts/bank/44280>. Тергыме: 20 идым 2025. 

Кылвер-влак

"https://mhr.ruwiki.ru/w/index.php?title=Шадаев,_Максут_Игоревич&oldid=1231429" гыч налме