30 теле

←
→
Теле
← →Теле
	2026 ий

30 теле (30 декабрь) — григориан кечышот почеш идалыкын 364-ше (кужемдыме ийлаште — 365-ше) кечыже. Идалык пытыме марте 1 кече кодеш.

Йошкар-Олаште ☀️ Кече 8 шагатат 22 минутлан лектеш, 15 шагатат 14 минутлан шинчеш. Кечын кужытшо 🕒 6 шагатат 52 минут.
🌖 Катыкем толшо тылзе (20.71 тылзе кече).

Пайрем да шарныктарыше кече-влак

Пӧлекым пӱтырымӧ кече (руш. День заворачивания подарков).
Данилын кечыже (руш. Данилов день).

Лӱмгече

Православий лӱм-влак: Александр, Азария, Анон, Даниил, Денис, Иван, Мисаил, Никита, Николай, Пётр, Сергей.

Эртынчык-влак

Тугак ончо: Категорий:Теле тылзын 30 кечысе событий-влак

1806 — Турций Российлан сарым увертарен.

Шочыныт

Тугак ончо: Категорий:Теле тылзын 30 кечынже шочшо-влак

1904 — Татьяна Александровна Крюкова, совет этнограф, историй шанче кандидат. Элнан этнографийжым негызлыме жапыште пашам ыштен да СССР калык-влакын кугыжаныш этнографий тоштерыште (1992 ий гыч — Россий этнографий тоштер) кумло ий утла Юл да Урал калык-влакын этнографий пӧлкажым вуйлатен.
1922 — Василий Алексеевич Сырейщиков, совет сарзе, кыл шотышто пашаеҥ. Кугу Ачамланде сар жапыште ― Сталинград, Воронеж, 2-шо да 1-ше Украин фронтласе 32-шо гвардий лӱйкалыше корпусын 123-шо гвардий посна кыл батальонысо кыл ротын командирже, гвардий капитан. ВКП(б)-ын йыжыҥъеҥже.

Коленыт

Тугак ончо: Категорий:Теле тылзын 30 кечынже колышо-влак

1942 — Василий Степанович Архипов, Совет Ушемын Талешкыже (12.04.1942), совет-финн сарын да Кугу Ачамланде сарын салтакше, Кугу Ачамланде сар жапыште — Касвел фронтысо 1-ше гвардий кавалерий корпусын, 160-шо гвардий кавалерий дивизийын 160-шо гвардий кавалерий полкын пулемёт расчет эскадронын командирже, гвардийын изирак сержантше.
1965 — Юрий Чавайн — марий серызе, почеламутчо, музыкант, марий сылнымутлан негызым пыштыше Сергей Григорьевич Чавайнын эн изи шочшыжо.
1973 — Константин Андреевич Вершинин — совет сарзывуйлатыше, СССР Сарзе-юж вий дене Тӱҥ командоватлыше, Авиацийын Тӱҥ маршалже (1959), Совет Ушемын Талешкыже (1944). ПСС Член (1961—1971). СССР Кӱшыл Советшын депутатше II (1946—1950), IV—VII (1954 ий гыч) созыв-влак.
1974 — Александр Тихонович Товашов — марий совет юрист. Марий АССР прокурорын полышкалышыже, куграк полшышыжо, алмаштышыже (1963―1974). РСФСР-ын сулло юристше (1970). Кугу Ачамланде сарын салтакше. 1945 ий гыч ВКП(б)-н йыжъеҥже, КПСС Марий обком бюрон йыжъеҥже.
1983 — Иван Павлович Субботин — 210-шо гвардейский стрелковый полкын отделений командирже, гвардий старшина — 1-ше степенян Чап орден дене суапландарыме татлан.
2004 — Михаил Александрович Зарецких — Совет Армийын подполковникше, Кугу Ачамланде сарын салтакше, Совет Ушемын Талешкыже (1945).
2007 — Михаил Гаврилович Альпидовский — совет кугыжаныш, партий да озанлык пашаеҥ. Марий АССР Чыкма оласе исполкомын председательже (1960—1962). Чыкман чапланыше гражданинже (1983). Кугу Ачамланде сарын салтакше. 1944 ий гыч ВКП(б) йыжъеҥ.
2007 — Регина Артуровна Панова — совет да россий книгагудо пашаеҥ. Марий кугыжаныш университетын Шанче книгагудыжым негызлыше да икымше директоржо (1972—2005). Россий Федераций тӱвыран сулло пашаеҥже (1998).
2017 — Василий Фёдорович Болотнов — совет да российысе ыштен лукмашым виктарыше да вуйлатыше, аралтыш да фармацевт йӧнозанлык пашаеҥ, СССР-ын шонен лукшыжо, меръеҥ. Кандаш орденын, тыштак Ленин орденын (1981), кавалерже. Кугу Ачамланде сарын салтакше.

Калык пале

Пӧрш лиеш — арня гыч левыкта.