8 теле

← → Теле
Шч Кш Вр Из Кг Шм Рш   1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

8 теле (8 декабрь) — григориан кечышот почеш идалыкын 342-шо (кужемдыме ийлаште — 343-шо) кечыже. Идалык пытыме марте 23 кече кодеш.

Йошкар-Олаште ☀️ Кече 8 шагатат 17 минутлан лектеш, 15 шагатат 19 минутлан шинчеш. Кечын кужытшо 🕒 7 шагатат 1 минут.
🌘 Шоҥго тылзе (28.24 тылзе кече).

Пайрем да шарныктарыше кече-влак

•  ООН — Сӱретчын тӱнямбал кечыже (руш. Международный день художника).
•  Россий — Российысе казначействын шочмо кечыже (руш. День образования российского казначейства).
•  Финляндий — Финн мурсемын да Ян Сибелиусын кечышт (руш. День Яна Сибелиуса и финской музыки).
• Коян кечыже (руш. День сала).
• Жап кумдыкышто коштмо кече (руш. День путешественника во времени).
• Орнамент семын кечыже (руш. День орнаментальной музыки).
• Чӱктымӧ сортан тӱнямбал кечыже (руш. Мировой день зажженных свечей) — идым тылзын 2-шо рушарнян палемдалтеш.

Лӱмгече

• Александар, Василий, Кузьма, Павел, Илларион, Климент, Григорий, Иван, Ярослав.

Эртынчык-влак

Тугак ончо: Категорий:Теле тылзын 8 кечысе событий-влак

• 1966 ий — Козьмодемьянскыште «Потенциал» заводым ыштыме кече.
• 1955 ий — Евросоюзын тистыжым пеҥгыдемдыме.
• 1987 ий — Америка ден Совет Ушем коклаште кокла да изи кужытыш шушо ракет-влакым ликвидироватлыме нерген вашкелшыкым пеҥгыдемдыме.
• 1991 ий — Совет Ушемын шаланымыже да СНГ-м ыштыме нерген вашкелшыкыш кидым пыштыме.

Шочыныт

Тугак ончо: Категорий:Теле тылзын 8 кечынже шочшо-влак

• 1915 ий — Парамон Павлович Луков, марий серызе, туныктышо, драматург, Марий АССР-ын сулло туныктышыжо (1951), Кугу Ачамланде сарын участникше. Туныктымо пашаште, сылнымут аланыштат тудо кугу пашам шуктен шоген. «Изи годым», «Йӧратыме туныктышо», «Ура шӱман еҥ» повесть ден ойлымаш книга-влакын авторжо. «За боевые заслуги» медаль, Отечественный сарын 2-шо степенян орден дене палемдалтын.
• 1946 ий — Петр Матвеевич Мазуркин, шанче пашаеҥ, Россий Федерацийысе кӱшыл школын сулло пашаеҥже. 1972-шо ий гыч тудо Марий кугыжыныш техник университетыште пашам ышташ тӱҥалын. Шанче лабораторийын изирак шанче пашаеҥжылан тыршен, профессор марте шуын. Пӱртӱсым тӱзатыме кафедрын вуйлатышыжлан тыршен. Академик. Марий Элысе шанчын да техникын сулло пашаеҥже.
• 1920 ий — Павел Степанович Воронцов, партий да администраций пашаеҥ. Шернур кундем Ошет ялыште шочын. Советский районын кӧргӧ илышышыжым чоҥымаште тыршен. 15 ий шӧр йӧнозанлык ушемым вуйлатен. «Знак Почёта», Кугу Отечественный сарын икымше степенян да маршал Жуковын кумшо степенян орден-влак дене, тыгак ятыр кугыжаныш чап танык дене палемдалтын. Советский кундемын чапланыше гражданинже.
• 1951 ий — Звягинцев Николай Ефимович, ялозанлык пашаеҥ, Россий Федерацийын сулло механизаторжо. Советский районысо Пандуш ял гыч. Уло ӱмыржым ялозанлык пашалан пӧлеклен: «Советский» совхозышто 36 ий трактористлан ыштен.
• 1951 ий — Александр Павлович Мимеев, инженер, астрономийым йӧратыше тыглай пашазе. 1984-ше ийыште, Йошкар-Олалан 400 ий темме лӱмеш пайремлан тудо Крым обсерваторийын пашаеҥже-влак деке тыгай темлымаш ден лектын: у почмо планетылан «Йошкар-Ола» лӱмым пуаш. Тыге Марий Эл патриотын полшымыж дене сандалыкыште мемнан рӱдолана лӱман планете шочын.

Коленыт

Тугак ончо: Категорий:Теле тылзын 8 кечынже колышо-влак

• 1974 ий — Валентин Колумб, марий серызе, поэт, кусарыше, журналист, СССР серызе-влак ушемын йыжыҥъеҥже (1961), Олык Ипай лӱмеш марий комсомол премийын лауреатше (1968).

Калык пале

• Кайык-влак пӧрт деке лишемыт — лумлан, модыт — мардежлан, мурат — сай игечылан, пушеҥге вуйыш шинчыт — лывыртышлан, кастене молгунамсе деч шукырак кочкышым кычалыт — йӱштылан.
• Климентийын кечыже. Ожно тиде кечын пеш оҥай йÿлам шуктеныт: эрдене кеч-могай пашам шужышо мÿшкыр дене тÿҥалман улмаш. Пашам ыштен пытарымек веле кочкаш шичман.
• Тошто калыкын ойжо почеш ты кечын шочшо азан суртшо воктеке пире-влак толыт, сандене оза-влаклан уремыш лекташ тыршыман огыл.
• Агытан-влак эрдене эреак мурат гын, лишыл жапыште шулыкташ тӱҥалеш. Такшым тиде кечын эреак йӱштӧ.
• Чодыраште шиште пушеҥгым шуко жап перкала — лавыртышан игечылан.

Палемдымаш