26 теле

←
→
Теле
← →Теле
	2026 ий

26 теле (26 декабрь) — григориан кечышот почеш идалыкын 360-шо (кужемдыме ийлаште — 361-ше) кечыже. Идалык пытыме марте 5 кече кодеш.

Йошкар-Олаште ☀️ Кече 8 шагатат 23 минутлан лектеш, 15 шагатат 12 минутлан шинчеш. Кечын кужытшо 🕒 6 шагатат 49 минут.
🌕 Тичмаш тылзе (16.71 тылзе кече).

Пайрем да шарныктарыше кече-влак

Крупьен тӱнямбал кечыже (руш. Международный день крупье).
Пӧлек кече (руш. День подарков).
Йыҥысышын кечыже (руш. День нытика).
Карамель торчакын кечыже (руш. День карамельной трости).

Лӱмгече

Эртынчык-влак

Тугак ончо: Категорий:Теле тылзын 26 кечысе событий-влак

Шочыныт

Тугак ончо: Категорий:Теле тылзын 26 кечынже шочшо-влак

1896 — Константин Максимович Винцковский, совет тазалык аралтыш пашаеҥ, врач-дерматолог, врач-венеролог. Марий АССР-ыште дерматовенерологий службылан негызым пыштыше, Марий АССР-ын Республикысе коваште-венерологий диспансерын тӱҥ врачше (1929—1941, 1948—1963). Марий АССР-ын тазалык аралтыш министрже (1946—1948). РСФСР-ын сулло врачше (1958). Ленин орденын кавалерже (1953). Российысе Граждан сар ден Кугу Ачамланде сар-влакын участникше. 1940 ий гыч ВКП(б)-ын йыжыҥъеҥже.
1929 — Иван Алексеевич Арефьев, марий совет партий да администраций пашаеҥ. Марий АССР Кӱшыл Каҥаш Президиумын секретарьже (1981—1990). 1953 ий гыч КПСС йыжъеҥ.
1896 — Ефим Иванович Пирогов, совет сарзе вуйлатыше. Ныл сарын участникше: Икымше тӱнямбал сар, Граждан сар, совет-финн сар да Кугу Ачамланде сар. Кугу Ачамланде сар жапыште Йӱдвел-Кавказ фронтын 8-ше посна кӱртньыгорно бригадыжын командирже (1941—1943), 47-ше посна кӱртньыгорно бригадын командирже (1944—1945), 3-шо да 2-шо Украин фронт-влакын кӱртньыгорно войскаштын начальникше (1944—1945). Технический войскан генерал-майоржо (1944). Ленин орденын кавалерже (1945).
1931 — Геннадий Иванович Царегородцев, совет шанчызе, медицине философий да социологий аланыште туныктышо, философий шанче доктор (1964), профессор (1965). СССР Медицине шанче академийын Н. А. Семашко лӱмеш премийын лауреатше (1974).
1946 — Александр Сычёв, руш серызе, поэт, журналист, Олык Ипай лӱмеш Марий комсомол премий (1976).

Коленыт

Тугак ончо: Категорий:Теле тылзын 26 кечынже колышо-влак

1990 — Валентин Дмитриевич Дмитриев, марий серызе, почеламутчо, журналист, кусарыше, СССР серызе-влак ушемын йыжъеҥже (1975).
2012 — Нина Жибрик, руш серызе, почеламутчо, СССР серызе-влак ушемын йыжъеҥже (1983).
2013 — Михаил Кудряшов, курыкмарий серызе, почеламутчо, драматург, кусарыше, Марий Эл Республикысе тӱвыран сулло пашаеҥже (2000), Пайдул Искаев лӱмеш Чуваш Тӱнямбал литератур премийын лауреатше (2007).

Калык пале

Шогертен лумышко шинчеш — левыктыш лиеш.
Игече могай — январь тылзат тугаяк лийшаш.