Крюкова, Татьяна Александровна

Татьяна Александровна Крюкова
Шочмо кече	30 теле 1904(1904-12-30)
Шочмо вер	Минусинск[d], Минусинск уезд[d], Енисей губерний[d], Россий империй
Колымо кече	14 вӱдшор 1978(1978-04-14) (73 ий)
Колымо вер	Ленинград, РСФСР, СССР
Эл	Россий империй  СССР
Шанче степень	историй шанче кандидат[d]
Награде ден премий-влак

Татьяна Александровна Крюкова (30 теле 1904, Минусинск^[d], Енисей губерний^[d] — 14 вӱдшор 1978, Ленинград) — совет этнограф, историй шанче кандидат.

Элнан этнографийжым негызлыме жапыште пашам ыштен да СССР калык-влакын кугыжаныш этнографий тоштерыште (1992 ий гыч — Россий этнографий тоштер) кумло ий утла Юл да Урал калык-влакын этнографий пӧлкажым вуйлатен.

Илышыже да пашаже

1922 ийыште Ленинградысе кугыжаныш университетысе мер шанче факультетын йылме да сылнымут пӧлкашкыже тунемаш пурен, тудым 1925 ийыште тунем лектын. Специальностьшо — славян-руш секций дене лингвист-этнолог.

1925 ийыште (идалык жапыште) Т. А. Крюкова Прагыште, Карлов университетыште, славян филологий дене стажировкым эртен.

Этнографий да тоштер паша аланыште Т. А. Крюкова 1929 ий гыч пашам ышташ тӱҥалын, ончыч Чыкма оласе Марий краеведений тоштерыште, а 1932 ий гыч — Ленинград оласе Кугыжаныш этнографий тоштерыште (тиде жапыште тудо эше Кугыжаныш Руш тоштерын Этнографий пӧлкажлан шотлалтын). Т. А. Крюкова тоштер пашаш изирак шанче пашаеҥ семын посна пашам шукташ толын: Руш да Кокла Азийысе пӧлкалаште улшо Юл кумдыкышто илыше калык-влакын пого поянлыкышт дене пашам ыштен.

1938 ийлан Юл кундемысе калык-влакын этнографийышт дене кылдалтше чыла погым ойырен налме да посна чумырымо. Тыге Юл да Урал кундемысе калык-влакын этнографий пӧлкашт чоҥалтеш, тудын вуйлатышыжлан Т. А. Крюкован пелашыже — Г. А. Никитин — шогалын. Т. А. Крюкова тиде пӧлкан кугурак шанче пашаеҥже лийын. Нуно Марий да Чуваш Республикылашке икмыняр гана экспедиций дене пырля коштыныт.

1934—1935 ийлаште Т. А. Крюкова Коми АССР-ысе Сторожев велыш икымше экспедицийже-влак дене лектын. Нине экспедицийлаште тудо коми-зырян-влакын (Вычегда вел) илышыштышт йомын толшо тӱвыран йӱла ойыртемжым арален кодышашлан кугу тӱткышым ойырен. Тушечын чыла гаяк этнографий темым ончыктыман кок кугу (200 экспонат наре) пого поянлыкым (коллекцийым) конденыт (5670 да 5775). Тудо 3 районым, 10 ял шотан илемым шерын лектын. Шымлызын кондымо экспонатше-влак кугу историй акан улыт, поснак калыкын кажне кечысе илышыж гыч эркын-эркын йомшо арвер-влак. Шуко экспонат варарак «Юл да Уралысе калык-влак. XIX курым мучаш — XX курым» ончерыште ончыкталтыныт.

Кугу Ачамланде сар тӱҥалмеке (1941—1942), Т. А. Крюкова ешыж дене Ленинградыште илаш кодын, тоштерыштак илен — шкешотан тоштер фондым арален кодымо да элым аралыме пашаште тыршен. Тудын пелашыже да коллегыже, Г. А. Никитин, 1942 ийыште блокадыште колен. Т. А. Крюкова эвакуацийыште лийын (1944 ий марте), а 1944 ий гыч — Ленинградыш пӧртылмеке, уэш тоштерыште Юлысо калык-влакын пӧлкаштын ончыл шанче пашажлан пижын, варарак, 1948 ийыште тудо тиде пӧлкам вуйлаташ тӱҥалын.

Т. А. Крюкова кок вере пашам ыштен, Герцен лӱмеш педагогике институтышто да Ленинградысе кугыжаныш университетыште (Эрвел факультетыште) этнографий тӱшка шотышто туныктышылан тыршен.

1958—1972 ийлаште Крюкова Чуваш АССР-ысе Министр-влак Каҥаш пеленысе Йылме, сылнымут, историй да экономике шанче-шымлыше институтын историй секторыштыжо штатдыме кугурак шанче пашаеҥлан тыршен.

Т. А. Крюкова 20 утла шанче пашан, ты коклаштак кок монографийын авторжо. 1956 ийыште тудо «Марий-влакын пого тӱвырашт» монографий пашам савыктен. 1971 ийыште — савыктыме паша-влакшым шотыш налын, тудлан историй шанче кандидат шанче чаплӱмым пуымо.

Чаплӱм да суаптар-влак

• «Ленинградым аралымылан» медаль;
• «1941—1945 ийласе Кугу Ачамланде сарыште чапле пашалан» медаль;
• Чуваш АССР тӱвыран сулло пашаеҥже;
• Марий АССР тӱвыран сулло пашаеҥже;
• Удмурт АССР кугыжаныш премийын лауреатше;

Историй шанче кандидат (1971).

Литератур

• Заднепровская А. Ю. Собирательская и исследовательская работа Т. А. Крюковой по этнографии народов Поволжья (к 80-летию со дня рождения). — Отражение этнических процессов в памятниках бытовой культуры. Сборник научных трудов. — Л., 1984. — С. 122—128.
• Решетов А. М. Тернистый путь к этнографии и музею: страницы жизни Т. А. Крюковой. — С. 269—300.
• Айплатов Г. Н. Татьяна Александровна Крюкова (к 90-летию со дня рождения). — Марийский археографический вестник. — Йошкар-Ола, 1994. — № 4. — С. 171—172.
• Личность и творчество (к 95-летию со дня рождения Т. А. Крюковой) Сб. ст. — СПб., 2000.
• Сепеев Г. А. Т. А. Крюкова и вопросы этнографии марийцев (к 95-летию со дня рождения). — Финно-угроведение. — 1999, № 4. — С. 111—114.
• Сепеев Г. А. Вклад Т. А. Крюковой в этнографическое изучение марийского народа. — Марийский археографический вестник. — 2000, № 10. — С. 61—82;
• Исследователи этнографии и археологии Чувашии. Биобиблиографический словарь. — Чебоксары, 2004. — С. 135—137.

Т. А. Крюкован савыктышыже-влак

1. Крюкова Т. А. Никитин Г. А. Секция народов Поволжья в Государственном музее этнографии. // Советская Этнография. — 1941. — Т. 5. — С. 168—171.
2. Крюкова Т. А. «Вождение русалки» в селе Оськине Воронежской области (По материалам экспедиции Государственного музея этнографии 1936 г.). //Советская этнография. — 1947. — № 1. — C. 185—192.
3. Крюкова Т. А. Коллекция Палласа по народам Поволжья. // Сборник Музея антропологии и этнографии. — М.-Л., 1949. — Т. 12.
4. Крюкова Т. А. Современная женская одежда народов Поволжья (удмуртов, мордвы). //Советская этнография. — 1950. — № 2.
5. Крюкова Т. А. Марийская вышивка. — Л., 1951.
6. Крюкова Т. А. К вопросу об изучении современной одежды марийцев. // Учёные записки Марийского научно-исследовательского института язязыка, литературы и истории. — Йошкар-Ола, 1953. — Вып. V.
7. Крюкова Т. А. Материальная культура марийцев. — Йошкар-Ола: Марийское книжное издательство, 1956.
8. Крюкова Т. А. Указатель этнографических коллекций народов Поволжья. — Казань, 1958.
9. Крюкова Т. А., Никитин Г. А. Чувашская народное изобразительное искусство. — Чебоксары: Чувашгосиздат, 1960.
10. Крюкова Т. А. Коллекционные собрания по мордве в Государственном музее этнографии народов СССР. // Труды Морд. н.-иссл. ин-та яз., лит-ры, истор. и экономики. — Саранск, 1966. — Т. 30.
11. Крюкова Т. А. Этнокультурные связи удмуртов с народами Поволжья и Приуралья по данным материальной культуры. // Вопросы финно-угорского языкознания. — 1967. — Вып. 4. — С. 279—286.
12. Крюкова Т. А. Мордовское народное изобразительное искусство. — Саранск, 1968.
13. Крюкова Т. А. Этнографические параллели в одежде финно-угров Поволжья и Сибири. // Вопросы финно-угроведения. — Йошкар-Ола, 1970. — Вып. 5.
14. Крюкова Т. А. Коллекции С. И. Руденко в Государственном музее этнографии народов СССР (Сборник статей). — Л., 1971.
15. Крюкова Т. А., Студенецкая Е. Н. Государственный музей этнографии народов СССР за 50 лет Советской власти. // Очерки истории музейного дела в СССР. — М., 1971. — Вып. 7.
16. Крюкова Т. А. Удмуртское народное изобразительное искусство. — Ижевск-Л., 1973.
17. Крюкова Т. А. Терминология узоров как источник для изучения орнаментального народного искусства. // Сообщения Государственного Русского музея. — М., 1976. — Вып. XI. — С. 9-12.

Кылвер-влак

• Решетова А. М. Тернистый путь к этнографии и музею: страницы жизни Т. А. Крюковой. (PDF)