6 теле

←
→
Теле
← →Теле
	2026 ий

6 теле (6 декабрь) — григориан кечышот почеш идалыкын 340-ше (кужемдыме ийлаште — 341-ше) кечыже. Идалык пытыме марте 25 кече кодеш.

Йошкар-Олаште ☀️ Кече 8 шагатат 15 минутлан лектеш, 15 шагатат 21 минутлан шинчеш. Кечын кужытшо 🕒 7 шагатат 5 минут.
🌘 Шоҥго тылзе (26.24 тылзе кече).

Пайрем да шарныктарыше кече-влак

Барменлан тауштымо кече (руш. День благодарности бармену) — теле тылзын 1-ше кугарнян палемдалтеш.
Санта-Клаусын шочмо кечыже (руш. День рождения Санта-Клауса).
Кугу князь Александр Невскийым шарныме кече (руш. День памяти великого князя Александра Невского).
Тул тӱсан шонымашын кечыже (руш. День рыжих мыслей).

Лӱмгече

Эртынчык-влак

Тугак ончо: Категорий:Теле тылзын 6 кечысе событий-влак

Шочыныт

Тугак ончо: Категорий:Теле тылзын 6 кечынже шочшо-влак

1883 — Николай Орлов, марий сотыеҥ, туныктышо, кусарыше, мер пашаеҥ, «У куралше» икымше марий букварьын авторжо.
1891 — Йӓктӹ Петр, курыкмарий серызе, туныктышо, журналист.
1896 — Савинов Эчан, марий серызе, поэт, журналист, артист, Кугу Ачамланде сарын участникше.
1946 — Антонина Васильевна Вдовина, совет да российысе дирижёр-хормейстер. Э. Сапаев лӱмеш Марий опер да балет театрын тӱҥ хормейстерже (1973—1980), А. И. Искандаров лӱмеш Марий кугыжаныш хор капеллын художественный вуйлатышыже, тӱҥ дирижёржо (1989—2015). Россий Федерацийысе сымыктышын сулло пашаеҥже (2005). Олык Ипай лӱмеш Марий комсомол премийын лауреатше (1974).
1913 — Алексей Петрович Зарубин, совет сӱретче. Марий АССР сӱретче-влак ушемым чумырышо-влак кокла гыч иктыже, икымше председательже (1961―1964). Кугу Ачамланде сарын салтакше.
1953 — Валерий Николаев, руш серызе, поэт.
1956 — Валерий Александрович Мочаев, шымлызе, журналист, мер пашаеҥ, Марий Эл Республикысе М.Н. Янтемир лӱмеш Кугыжаныш премийын лауреатше (2007), «Марийский мир — Марий Сандалык» журналын тӱҥ редакторжо, Российысе АФУН мер толкынын Марий Эл Республикысе пӧлкажым вуйлатыше (2005–2017), Марий Мер Каҥаш вуйлатышын икымше алмаштышыже. «Кто есть кто в Марий Эл», «Марийская биографическая энциклопедия» книга-влакым луктын. «Марий Эл ончылно суаплан» орденын медальже дене палемдалтын.

Коленыт

Тугак ончо: Категорий:Теле тылзын 6 кечынже колышо-влак

1963 — Константин Максимович Винцковский, совет тазалык аралтыш пашаеҥ, врач-дерматолог, врач-венеролог. Марий АССР-ыште дерматовенерологий службылан негызым пыштыше, Марий АССР-ын Республикысе коваште-венерологий диспансерын тӱҥ врачше (1929—1941, 1948—1963). Марий АССР-ын тазалык аралтыш министрже (1946—1948). РСФСР-ын сулло врачше (1958). Ленин орденын кавалерже (1953). Российысе Граждан сар ден Кугу Ачамланде сар-влакын участникше. 1940 ий гыч ВКП(б)-ын йыжыҥъеҥже.
1995 — Александр Иванович Сабанцев, совет спорт да мер пашаеҥ. Шке кумылын ушнышо-влакын «Труд» спорт ушемын (1961―1962) да шке кумылын ушнышо-влакын «Спартак» спорт ушемын (1962―1980) Марий кундемысе каҥаш-влакын председательже. Марий АССР-ысе физкультурын сулло пашаеҥже (1976). Кугу Ачамланде сар ден совет-япон сарын участникше. 1944-ше ий гыч ВКП(б)-ын йыжыҥъеҥже.
2013 — Наталья Беляева, руш серызе, кусарыше, журналист, Марий Эл Республикысе тӱвыран сулло пашаеҥже (1990), Марий Эл Республикын сулло журналистше (2000).

Калык пале

Йол йымалне лум кочыртата гын, ояр игече шогаш тӱҥалеш.
Каваште изи пыл-шамыч ийын каят – игече йӱштӧ да ояр лийшаш.
Кечывалвел–эрвел але йӱдвел–эрвел мардеж пуа гын, кугу йӱштӧ деч посна шуйнышо пылан да луман игечылан.