29 теле

←
→
Теле
← →Теле
	2026 ий

29 теле (29 декабрь) — григориан кечышот почеш идалыкын 363-шо (кужемдыме ийлаште — 364-ше) кечыже. Идалык пытыме марте 2 кече кодеш.

Йошкар-Олаште ☀️ Кече 8 шагатат 22 минутлан лектеш, 15 шагатат 14 минутлан шинчеш. Кечын кужытшо 🕒 6 шагатат 51 минут.
🌖 Катыкем толшо тылзе (19.71 тылзе кече).

Пайрем да шарныктарыше кече-влак

Россий МВД кӧргӧ войскан специальный назначениян подразделений-влакын кечышт (руш. День подразделений специального назначения внутренних войск МВД России).
Висашке шогалме кече (руш. День Встань на весы).
Виолончельын тӱнямбал кечыже (руш. Международный день виолончели).
Мондалтше тауштымашым кычалме кече (руш. День розыска забытых благодарностей).

Лӱмгече

Эртынчык-влак

Тугак ончо: Категорий:Теле тылзын 29 кечысе событий-влак

Шочыныт

Тугак ончо: Категорий:Теле тылзын 29 кечынже шочшо-влак

1858 — Пётр Павлович Заболотнов, руш эмлызе да шанчызе-патолог, профессор да Император Николаевский университетын ректоржо.
1908 — Тимофей Григорьевич Григорьев, марий совет театр актёр, режиссёр. Марий профессионал актёр-влакын икымше тукымжо гыч чолгаеҥ. Пӱтынь ушемысе театр обществын Марий пӧлкажын председательже. РСФСР-ын сулло артистше (1959), Марий АССР-ын калык артистше (1949). Кугу Ачамланде сарын салтакше. 1952 ий гыч КПСС-ын йыжъеҥже.
1916 — Георгий Иванович Григорьев, совет кугыжаныш да тазалыкаралтыш пашаеҥ. СССР Кӱшыл Каҥашын 6-шо созывысе депутатше (1962―1966). Марий Элыште шинчаэмлыше службым негызлыше, Марий АССР тазалыкаралтыш министерствын тӱҥ шинчаэмлышыже (1951―1977). РСФСР-ын сулло эмлызыже (1960), медицине шанче кандидат (1971). Кугу Ачамланде сарын салтакше.
1964 — Татьяна Александровна Волкова, шанчызе, туныктышо, доцент (1998), педагогике шанче кандидат (1994).

Коленыт

Тугак ончо: Категорий:Теле тылзын 29 кечынже колышо-влак

1795 — Дамаскин (Семёнов-Руднев), Руш православий черкын епископшо, Угарман да Алатырь епископ (1783—1794), шанчызе-сотемдарче.

Калык пале

Йӱштӧ тӧрзашке сӱретлен пытара гын, кум арня тыгаяк йӱштӧ шогышаш.
Тӱнӧ пӧршан гын, январь покшел марте леве игече шогышаш.