Субботин, Иван Павлович

Иван Павлович Субботин
Шочмо кече	1922 ий 14 идым(1922-09-14)
Шочмо вер	Корноухово[d], Ульянков ял шотан илем[d], Кайбицы кундем, Татар Автоном Совет Социалистик Республик, РСФСР
Колымо кече	1983 ий 30 теле(1983-12-30) (61 ий)
Колымо вер	Волжск, Марий Автоном Совет Социализм Республик, РСФСР, СССР
Пурымаш	СССР
Кредалмаш/сар	Кугу Ачамланде сар
Награде да премий

Иван Павлович Субботин (14.09.1922 — 30.12.1983) — 210-шо гвардейский стрелковый полкын отделений командирже, гвардий старшина — 1-ше степенян Чап орден дене суапландарыме татлан.

Биографий

1922 ий 14 сентябрьыште Татарийысе Кайбицкий район Корноухово селаште шочын. 4 классым тунем пытарен. Колхозышто чабанлан пашам ыштен.

Йошкар Армийыште 1941 ий ноябрь гыч. 1942 ийыште сержант-влакын полкысо школыштым пытарен. Тиде ийынак июньышто 23-шо стрелковый дивизийын 89-ше стрелковый полкышкыжо пулемётчиклан колтымо. Йӱдвел-Касвел, Сталинград да Донысо фронтлаште кредалын. Сталинград кредалмаш годым ойыртемалтмыжлан дивизийым 71-ше гвардейский стрелковый дивизийыш вашталтыме, а полк 210-шо гвардейский лӱмым налын. Умбакыже Курск пӱгыштӧ кредалын. 1943 ий октябрьыште дивизий 6-шо гвардейский армий кӧргыштӧ 2-шо Прибалтийский фронтыш кусаралтын да тушманын Невельскысе группировкыжым кырен шалатымаште лийын.

1944 ий 5 январьыште кредалмаш годым пулемётчик гвардий сержант Субботин Новосокольники ола деч кечывалвелнырак пехотын сӧйлык радамже деч ончык лектын, пулемёт гыч тул дене тушманын танк ваштареш орудийжын расчётшым пытарен, тидын стрелковый подразделений-шамычлан ончыко сайын каяш йӧным ыштен.

71-ше гвардейский дивизий командирын 1944 ий 16 январьысе приказше дене гвардий сержант Субботин тушман дене кредалмаште лӱддымылыкым ончыктымыжлан 3-шо степенян Чап орден дене суапландаралтын.

1944 ий 2 мартыште Субботин Идрице ола шотан посёлкын кечывалвел-эрвелныракше тушманын контратакыжым чактарен. Патрон пытымеке, тушман дене кид дене вашпижмашке пурен. Пулемёт гыч да сапёр кольмо дене 17 тушманым пуштын.

12 мартыште, тудо кундемыштак лӱмдымӧ кӱкшакаште немыч сарзывийын контратакыжым чактарышыла, сусырген, но строеш кодын.

6-шо гвардейский армий мучко 1944 ий 9 майысе приказ дене гвардий сержант Субботин 2-шо степенян Чап орден дене суапландаралтын.

1944 ий 8 июльышто Шяуляйысе операций годым 210-шо гвардейский стрелковый полкын отделений командирже гвардий старшина Субботин разведчик тӱшка дене Бешенковичи ола шотан посёлко кундемыште Касвел Двина эҥер дек лектын, тушманын ныл понтонжым вӱд йымак колтен, тушманын пуэн овартыман пушыжым руалтен налын да тудын дене эҥер гоч вончен. Пурла серыште тудо тушманын траншейышкыже керылт пурен, кид пулемётым да кок немыч салтакым кучен, нуным полкын штабышкыже конден.

Захватчик-влак дене кредалмаште талылыкым, лӱддымылыкым да геройлыкым ончыктымылан гвардий старшина Субботин Иван Павлович СССР Кӱшыл Каҥаш Президиумын 1945 ий 24 мартысе указше дене 1-ше степенян Чап орден дене суапландаралтын.

Умбакыже Мемельысе операцийыште, тушманын Курляндийысе группировкыжым пытарышаш кредалмашлаште лийын. Латвийым утарымылан Йошкар Шӱдыр орден дене суапландаралтын.

1945 ийыште демобилизоватлалтын. Волжск олаште илен. Волжскысо пушеҥге комбинатын электропогрузчикшын водительжылан, вара 2 №-ан автобазыште пашам ыштен.

Йошкар Шӱдыр, 1-ше, 2-шо да 3-шо степенян Чап орден, медаль-влак дене суапландаралтын.

1983 ий 30 декабрьыште колен.

Литератур

• Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.
• Полные кавалеры ордена Славы — наши земляки. Казань, 1986
• Субботин Иван Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 740—741. — 872 с. — 3505 экз. — ISBN 978-5-94950-049-1.
• Субботин Иван Павлович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 242—243. — 374 с. — 500 экз. — ISBN 978-5-94950-070-5.
• Колесников А. Ю., Мочаев В. А. Субботин Иван Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 426. — 606 с. — 1500 экз. — ISBN 978-5-905314-35-3.

Кылвер-влак

• Иван Павлович Субботин (руш.). Сайт «Герои страны». Тергыме кече: 6 идым 2014.