Панова, Регина Артуровна

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Панов.
Регина Артуровна Панова
Панова, Регина Артуровна.jpg
Шочмо кече 25 ӱярня 1934(1934-03-25)
Шочмо вер
Колымо кече 30 теле 2007(2007-12-30) (73 ий)
Колымо вер
Гражданлык  СССР →  Россий
Паша сомыл
книгагудызо
Награде да премий

Honored Worker of Culture of the Russian Federation.png

Регина Артуровна Панова (25 ӱярня 1934, Моско — 30 теле 2007, Йошкар-Ола) — совет да россий книгагудо пашаеҥ. Марий кугыжаныш университетын Шанче книгагудыжым негызлыше да икымше директоржо (1972—2005). Россий Федераций тӱвыран сулло пашаеҥже (1998).

Илыш корныжо

1934 ий 25 ӱярняште Москошто шочын[1][2].

1955 ийыште Моско книгагудо институтым  (руш.) (мар. тунем пытарен[1][2].

Шке паша корныжым Москошто СССР Шанче Академийын пӱтынь ушемысе шанче-техник информаций институтыштыжо  (руш.) (мар. шанче-техник пашаеҥ семын тӱҥалын, вара 13 ий Моско кундемысе Коломенскысе тепловоз заводын  (руш.) (мар. книгагудыштыжо пашам ыштен[3].

1969 ийыште Марий АССР Йошкар-Олаш илаш куснен, 1972 ий марте — С. Г. Чавайн лӱмеш Калыкле книгагудын кугурак библиотекарьже, библиографий полыш пӧлкам вуйлатыше[3].

1972—2005 ийлаште Марий кугыжаныш университетысе Шанче книгагудын директоржылан пашам ыштен[1][2]. Тыгак МарГУ-со Сылнысымыктыш каҥашын председательже, Марий ССР-ын Ведомство кокласе книгагудо каҥашын йыжъеҥже, лектор, туныктышо лийын, тиде университетыште библиотекарь пашаеҥым ямдылыше пӧлкам почаш полшен. 2002 ийыште тудо «Марий кугыжаныш университетысе шанче книгагудын эртымгорно лаштыкше-влак (1972—2001 ийла)» книгаже лектын, 2007 ийыште «Директорын возгалымыже» книга савыкталтын (колымыж деч вара)[4].

1991 ийыште тудлан «Марий ССР тӱвыран сулло пашаеҥже», 1998 ийыште — «Россий Федераций тӱвыран сулло пашаеҥже»  (руш.) (мар. чаплӱм-влакым пуымо[1][2][5].

Марлан лектын, марийже — Марий Эл Республикын сулло артистше В. И. Панов.

2007 ий теле тылзын 30 кечынже Йошкар-Олаште илыш гыч каен[1][2]. Йошкар-Оласе Туруново шӱгарлаштыже тойымо[6].

Суапшым пагалымаш

Шарнымаш

  • 2008 ий гыч тудын лӱмжым Марий кугыжаныш университетын Шанче книгагудыжо нумалеш[1][2].
  • 2009 ий гыч Марий кугыжаныш университетыште тудым шарныме лӱмеш «Панован лудмашыже-влак» кундемысе шанче-практик конференций эртаралтеш[4][6].

Палемдымаш

  1. ↑ 1 2 3 4 5 6 7 8 Мочаев, 2017, с. 328.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 610.
  3. ↑ 1 2 Панова Регина Артуровна (руш.). Марийская история в лицах. Тергыме кече: 1 теле 2025.
  4. ↑ 1 2 Информационно-библиотечный центр Поволжского государственного технологического университета. ecatalog.volgatech.net. Тергыме кече: 1 теле 2025.
  5. ↑ 1 2 Панова Регина Артуровна – Награды России, 1998-09-21. ru.nagrady.by. Тергыме кече: 1 теле 2025.
  6. ↑ 1 2 Газета "Марийский университет" № 2-3 (764-765) от 5 марта 2008 г. newspaper.marsu.ru. Тергыме кече: 1 теле 2025.

Литератур

  • Панова Регина Артуровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 610. — 872 с. — 3505 экз. — ISBN 978-5-94950-049-1.
  • Изыкин В. Г. Панова Регина Артуровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 328. — 606 с. — 1500 экз. — ISBN 978-5-905314-35-3.
  • Панова Регина Артуровна [Текст]: биобиблиогр. указ.: материалы к биобиблиографии / ГОУВПО «Мар. гос. ун-т», Науч. б-ка им. Р. А. Пановой; [сост.: Т. В. Архипова, И. О. Безденежных; науч. ред., отв. за вып. В. В. Изыкин]. — Йошкар-Ола: МарГУ, 2009. — 35 c.: ил. — (Подвижники культуры Республики Марий Эл; вып. 10).
  • Вишнева М. А. Создание дайджеста о Р. А. Пановой, первом директоре Научной библиотеки Марийского государственного университета // Богатство финно-угорских народов: материалы IV Международного финно-угорского студенческого форума. Вып. 4. — Йошкар-Ола: МарГУ, 2017. — С. 485—487.

Кылвер-влак

"https://mhr.ruwiki.ru/w/index.php?title=Панова,_Регина_Артуровна&oldid=1232065" гыч налме