28 сорла

←
→
Сорла
← →Сорла
	2026 ий

28 сорла (28 август) — григориан кечышот почеш идалыкын 240-ше (кужемдыме ийлаште — 241-ше) кечыже. Идалык пытыме марте 125 кече кодеш.

Йошкар-Олаште ☀️ Кече 4 шагатат 41 минутлан лектеш, 18 шагатат 55 минутлан шинчеш. Кечын кужытшо 🕒 14 шагатат 14 минут.
🌕 Тичмаш тылзе (14.84 тылзе кече).

Пайрем да шарныктарыше кече-влак

Шнуй деч шнуй Юмынаван колымыжо (руш. Успение Пресвятой Богородицы).
Обжинке (руш. Обжинки).
Шонымашын кечыже (руш. День мечты).
Йошкар аракан кечыже (руш. День красного вина).
Овартыме тӱрвын кечыже (руш. День надутых губ).

Лӱмгече

Александра, Людмила.

Эртынчык-влак

Тугак ончо: Категорий:Сорла тылзын 28 кечысе событий-влак

Марий тӱняште

1920 ий — Марий автоном областьыште икымше гана калык чотым шотлымаш (перепись) эртен.

Тӱня мучко

1941 ий — Совет Ушемын президиумжо СССР-ыште илыше немыч-влакым Сибирьыш да Казахстаныш кусарыме нерген кӱштыкым луктын.
2004 ий — Римский папа Российын патриархше Алексий Кокымшылан Шочынаван Казанский юмоҥажым кучыктен. 1917-ше ийысе революций да черке-влакым толымо деч вара тиде юмоҥа Касвелыш логалын.
1921 ий — «Марийская правда» газетын икымше номерже лектын.

Шочыныт

Тугак ончо: Категорий:Сорла тылзын 28 кечынже шочшо-влак

1948 ий — Евгения Васильевна Торопова, туныктыш да шанче пашаеҥ. Шернур кундемыште шочын. 1972-шо ий гыч тудо Марий политехник институтышто тыршаш тӱҥалын: ончыч ассистент, вара экономик да финанс кафедрын доцентше лийын. 1997-ше ийыште техник университетысе экономике факультетын деканже сомылым шукташ тӱҥалын. Ятыр шанче пашан авторжо. Экономике шанче кандидат.
1928 ий — Иван Алексеевич Алексеев, шанчыеҥ да чодыразе, РСФСР-ысе шанчын сулло пашаеҥже. Шочмо велже – Чуваший. 1976-шо ийыште Марий политехник институтышко пашам ышташ толын: пӱртӱсым да чодырам аралыме кучем кафедрыште тыршен, профессор марте шуын. Пушеҥге-влакым арален налаш тӱрлӧ йӧным кучылтмаште кугу специалистлан шотлалтеш. 300 утла шанче пашан, 13 изобретенийын авторжо. Ялозанлык шанче доктор.
1948 ий — Виктор Леонтьевич Михайлов, спорт пашаеҥ. Паша корныжо «Смена» спорт рӱдер дене кылдалтын. Спорт мастер.

Коленыт

Тугак ончо: Категорий:Сорла тылзын 28 кечынже колышо-влак

1938 — Зиновий Яковлевич Жаднов, совет партий вуйлатыше, Марий ВКП(б) обкомын 1-ше секретарьже. СССР НКВД-н посна тройко кышкарыштыже лийын.
1998 — Василий Юксерн, марий серызе, мер пашаеҥ, СССР Серызе-влак ушемын йыжъеҥже (1950), Марий АССР-ын Калык серызыже (1978), Марий АССР-ысе Кугыжаныш премийын лауреатше (1979), 1941—1945 ийласе Кугу Ачамланде сарын участникше.

Калык пале

Шокшо игече шога — лавыртышан куван кеҥежлан да леве шыжылан.
Кӱдырчан йӱр лиеш гын, йӱран эр шыжым вучыман.
Успений кече. Ожно калык тӱрлӧ кушкыл нӧшмым да кинде пырчым черкыш шнуй шӱлышым пурташ конден. А кастене икте-весым кинде пура дене сийленыт.
Кинде Илян кече палемдалтеш. Тиде кече шурно парчан амбарыш пурен вочмыжым ончыкта. Руш православий йӱлам кучышо-влак тиде кечым Шнуй Юмынаван Успений кечыже маныт.