Иванов, Константин Анатольевич
| Константин Анатольевич Иванов | |
|---|---|
| Константин Иванов | |
 | |
| Шочмо годсо лӱм | Константин Анатольевич Иванов |
| Шочмо кече | 1973 ий 10 сорла (51 ий) |
| Шочмо вер | РСФСР, Марий АССР, Йошкар-Ола |
| Гражданлык |
 СССР  Россий |
| Паша сомыл | артист, балет туныктышо, балетмейстер, тӱвыра да кугыжаныш пашаеҥ |
| Награде да премий | |
Константин Иванов (Константин Анатольевич Иванов) (1973 сорла 10, РСФСР, Марий АССР, Йошкар-Ола) — марий балет артист, балет туныктышо, балетмейстер, тӱвыра да кугыжаныш пашаеҥ, Марий Эл Республикын сулло артистше (1998), Россий Федерацийын сулло артистше (2001), Марий Эл Республикын Калык артистше (2004), Марий Эл Республикысе И.С. Палантай лӱмеш Кугыжаныш премийын лауреатше (2005), Марий Эл Республикысе Виктер Вуйлатышын алмаштышыже — Марий Эл Республикын Тӱвыра, савыктыш да калык-влакын пашашт шотышто министрже (2017),[1] Марий Эл Республикысе театр пашаеҥ-влакын усталык ушемыштын вуйлатышыже (2021), Йошкар-Олан почётан гражданинже (2024).
Илыш корныжо
Константин Иванов 1973 ийын сорла тылзын 10-шо кечынже кечын Марий АССР Йошкар-Олаште шочын.
П. И. Чайковский лӱмеш Йошкар-Оласе сымыктыш школым тунем пытарен.
1992 ийыште Москосо хореографий училищым тунем лектын.
1996 ийыште «педагог-репетитор» специальность дене Москосо кугыжаныш хореографий институтым тунем лектын, а 2007 ийыште — Российысе театрал сымыктыш академийым «режиссёр-хореограф» специальность дене.
1999 ийыште Константин Иванов Эрик Сапаев лӱмеш Марий кугыжаныш опер да балет театрын балет труппыжым вуйлаташ тӱҥалын, а 2000 ийыште театрын сылныквуйжылан шогалтеныт.
2001 ийыште Марий Эл Республик президентын тӱвыра йодыш дене советникшылан шогалтеныт.
2017 ий 21 ноябрьыште — Марий Эл Республикын Тӱвыра, печатьда калык-влакын пашашт шотышто министрже лийын.
2023 ий 17 ноябрьыште Марий Эл Республикысе Виктер Вуйлатышын алмаштышыже — Марий Эл Республикын Тӱвыра, печатьда калык-влакын пашашт шотышто министрже лийын.
Чап
- Марий Эл Республикын сулло артистше (1998).
- Россий Федерацийын сулло артистше (2001).
- Марий Эл Республикын Калык артистше (2004).
- Марий Эл Республикысе И.С. Палантай лӱмеш Кугыжаныш премийын лауреатше (2005)[2].
«Марий Элыште суаплыклан» орден медаль (2017).[3]- II степенян «Марий Элыште суаплыклан» орден (2022).
- Йошкар-Олан почётан гражданинже (2024)
Кылвер-влак
- Константин Анатольевич Иванов. (руш.)
- Константин Анатольевич Иванов (руш.)
Литератур
- Энциклопедия Республики Марий Эл — Йошкар-Ола, 2009. — 145 с.
- Марийская биографическая энциклопедия: 3849 имен в истории Марийского края и марийского народа / авт. и рук. проекта В. Мочаев. — Йошкар-Ола, 2007. С. 390.