Иванов, Константин Анатольевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Иванов.
Константин Анатольевич Иванов
Константин Анатольевич Иванов.jpg
Флаг
Марий Эл Республикысе Виктер председательын икымше алмаштышыже — Марий Эл Республикын тӱвыра, печать да калык-влакын пашашт шотышто министрже
Флаг
17.11.2023 — кызытсе жап марте
Регионым вуйлатыше Юрий Викторович Зайцев
Шочын 10 сорла 1973(1973-08-10) (52 ий)
Награде

Константи́н Анато́льевич Ивано́в (шоч. 10 сорла 1973, Йошкар-Ола) — российысе балетын солистше, балетмейстер. Эрик Сапаев лӱмеш Марий кугыжаныш опер да балет театрын художественный вуйлатышыже[1], РФ Театр пашаеҥ-влак ушемын Марий Элысе пӧлкажын председательже[2], Марий Эл Республик Виктер Председательын алмаштышыже — Марий Эл Республикын тӱвыра, печать да калык-влакын пашашт шотышто министрже. «Единая Россия» партийын Кундемысе политике каҥашын йыжыҥъеҥже[3]. Россий Федерацийын сулло артистше (2001). Марий Эл Республикын калык артистше (2004).

Илыш корныжо

Йошкар-Оласе П. И. Чайковский лӱмеш сымыктыш школым тунем пытарен, тыгак музык театр пелен хореографий студийыште тунемын. 1992 ийыште профессор Александр Бондаренкон классыштыже Москосо академий хореографий училищым тунем пытарен. Тудо ийынак Кугу театрын труппышкыжо налыныт, тушто тудын туныктышыжо-влак Виктор Барыкин ден Борис Акимов лийыныт. 1992—1994 ийлаште тыгак «Большой театр — студия Юрия Григоровича» труппын спектакльлаштыже выступатлен. 1999 ийыште Красноярскысе опер да балет театрын сценыштыже Виктор Астафьевын произведенийже негызеш Владимир Пороцкийын «Царь-рыба» балетыштыже Акимын партийжын икымше куштызыжо лийын (балетмейстер Сергей Бобров).

1996 ийыште Москосо кугыжаныш хореографий институтым  (руш.) (мар. «педагог-репетитор» специальность дене, 2007 ийыште — Россий театр сымыктыш академийым «режиссёр-хореограф» специальность дене тунем пытарен.

Карьере

1995 ийыште Константин Иванов Москош кайыме деч вара икымше гана, «Лебединое озеро» балетыште кушташ шочмо олашкыже пӧртылын. Вес ийынже тудо Йошкар-Олаш Кугу театрысе балет артист-влакын гала-концертыштым конден. Тиде жап гыч тудын Эрик Сапаев лӱмеш Марий кугыжаныш опер да балет театр дене чак кылдалтше пашаже тӱҥалын. 1997 ийыште театрын балетмейстер-репетиторжо Ольга Комлева дене пырля тиде сценыште икымше постановкым — «Дон Кихот» балетым — шынден.

1999 ийыште тудо 18 №-ан Туныктыш рӱдер негызеш И. С. Палантай лӱмеш Марий республикысе тӱвыра да сымыктыш колледжын «Хореографическое искусство» пӧлкажым (кызыт ГОУ «Лицей Бауманский») ыштен да тудын художественный да пӧлка вуйлатышыже лийын[4]. Тыште тудо кугурак класслаште классике да дуэт-классике куштымашым туныкта[4].

Тудо ийынак Константин Иванов балет труппым вуйлаташ тӱҥалын, а 2000 ийыште Эрик Сапаев лӱмеш Марий кугыжаныш опер да балет театрын художественный вуйлатышыжлан шогалтыме. Вара, 2001 ийыште, тудо президент Леонид Маркеловын тӱвыра дене ойкаҥашым пуышыжо (2011 ий 1 июнь гыч — Марий Эл Республик Вуйлатыше) лийын.

Театр сценыште Константин Иванов классике югыпогысо балет-влакын редакцийыштым ыштен, республикысе приз да суаптар-влак дене палемдалтше оригинал балет-влакым шынден. Тудын темлымыж почеш опер да балет спектакльлам Моско, Санкт-Петербург да йот элла гыч ӱжмӧ режиссёр ден балетмейстер-влак шындат. Тудын темлымыж дене 2002 ийыште ыштыме «В честь Галины Улановой» Балет сымыктыш фестиваль[5] Российыште пагалымашым сулен — тудо ийлаште тушто Кугу театрын, Мариинский театрын, Кремльысе балетын шӱдыржӧ-влак, Россий ден йотэлласе ола-влакын балет труппышт мастарлыкым ончыктеныт.

Марий Эл Республикысе Мер палатын йыжыҥъеҥже (2010 ий)[6], 2011 ий март гыч — Россий Федерацийысе Театр пашаеҥ-влак ушемын Марий Элысе пӧлкажын председательже[7].

2017 ий 21 ноябрь гыч Константин Иванов — Марий Эл Республикын тӱвыра, печать да калык-влакын пашашт шотышто министрже[8].

2023 ий 17 ноябрьыште Марий Эл Республик Виктер Председательын алмаштышыжлан — Марий Эл Республикын тӱвыра, печать да калык-влакын пашашт шотышто министржылан — шогалтыме[9].

Кугу театрыште репертуарже

  • 1993 — «Чиполлино», балетмейстер Генрих Майоров — Садовник-кактус да Граф Вишенка
  • 1995 — «Легенда о любви», балетмейстер Юрий Григорович — Ферхадын йолташыже-влак
  • 1995 — «Белоснежка», балетмейстер Генрих Майоров — Королевич
  • 1995 — «Ромео и Джульетта», хореографий Леонид Лавровскийын — Меркуцио да Трубадур
  • 1996 — «Лебединое озеро», балетмейстер Владимир Васильев — Принц
  • 1997 — опера «Иван Сусанин», хореографий Ростислав Захаровын — Вальс
  • 1997 — «Баядерка», Юрий Григоровичын редакцийже — Солор
  • 1997 — «Раймонда», Юрий Григоровичын редакцийже — Бернар да Беранже
  • 1997 — «Спящая красавица», Юрий Григоровичын редакцийже — Принц Шери да Принц Дезире
  • 1998 — «Жизель», Владимир Васильевын редакцийже — Альберт
  • 1999 — «Симфония до мажор», Джордж Баланчинын хореографийже — I ужашын солистше — икымше куштызо
  • 2000 — «Русский Гамлет», балетмейстер Борис Эйфман — Императрицын эргыже — икымше куштызо
  • 2001 — «Лебединое озеро», балетмейстер Юрий Григорович (2-шо редакций) — Принц Зигфрид
  • 2001 — «Шопениана», Михаил Фокинын хореографийже — Рвезе
  • 2001 — «Жизель», Юрий Григоровичын редакцийже — Альберт

«Большой театр — студия Юрия Григоровича» труппышто репертуар

  • «Тщетная предосторожность», балетмейстер Юрий Григорович — Колен
  • «Лебединое озеро», балетмейстер Юрий Григорович — Принц Зигфрид
  • «Раймонда», Юрий Григоровичын редакцийже — Жан де Бриен
  • «Жизель», Юрий Григоровичын редакцийже — Альберт

Эрик Сапаев лӱмеш Марий кугыжаныш опер да балет театрыште постановко-влак

Балет-влак

  • 1997 — Людвиг Минкус «Дон Кихот»
  • 2000 — Петр Чайковский «Щелкунчик»
  • 2000 — Адольф Адан «Жизель», Жан Кораллин, Жюль Перрон да Мариус Петипан хореографийышт
  • 2001 — Петер Гертель «Тщетная предосторожность»
  • 2003 — Петр Чайковский «Лебединое озеро», Мариус Петип ден Лев Ивановын хореографийышт, Константин Сергеевын редакцийже
  • 2005 — Анатолий Луппов «Лесная легенда»
  • 2005 — Сергей Прокофьев «Ромео и Джульетта»
  • 2007 — Арам Хачатурян «Спартак — триумф Рима»
  • 2008 — Сергей Прокофьев «Золушка»
  • 2009 — Людвиг Минкус «Баядерка»
  • 2009 — Петр Чайковский «Щелкунчик» — у редакций
  • 2010 — Петр Чайковский «Спящая красавица», Мариус Петипан хореографийже
  • 2011 — Цезарь Пуни «Эсмеральда», Жюль Перро ден Мариус Петипан хореографийышт
  • 2011 — Адольф Адан «Жизель», Жан Коралли, Жюль Перро да Мариус Петипан хореографийышт — у редакций
  • 2012 — Адольф Адан «Корсар»

Опер, оперетте-влак да оперылаште куштымаш-влак

  • 2003 — Имре Кальман «Мистер Икс» — балетмейстер-постановщик
  • 2004 — Николай Римский-Корсаков «Моцарт и Сальери»
  • 2005 — Имре Кальман «Марица» — балетмейстер-постановщик
  • 2006 — Петр Чайковский «Евгений Онегин»
  • 2006 — Джузеппе Верди «Травиата»
  • 2014 — Джузеппе Верди «Травиата» — балетмейстер-постановщик
  • 2020 — «Бахчисарайский фонтан»

Чаплӱм ден суаптар-влак

  • 1998 — «Арабеск» Россий балет артист-влакын почмо конкурсын лауреатше (I премий да «Эн сай дуэтлан» приз);
  • 1998 — Марий Эл Республикын сулло артистше;
  • 2001 — Российын сулло артистше  (руш.) (мар.[10];
  • 2004 — Марий Эл Республикын калык артистше[11];
  • 2005 — Марий Эл Республикын Кугыжаныш премийже;
  • 2006 — «Балет» журналын «Куштымашын чонжо» призшын лауреатше («Куштымашын рыцарьже» номинаций);
  • 2022 — II степенян «Марий Эл ончылно суаплан» орден.
  • 2025 — Российысе Калык-влакын пашашт шотышто Федерал Агенствын Таумутшо — Россий Федерацийын кугыжаныш калыкле политикым илышыш шыҥдарымаште надырлан;
  • 2025 — Российын тӱвыра министржын Таумутшо да Тауштымо серышыже[12].

Палемдымаш

  1. ↑ Марийский национальный театр оперы и балета им. Эрика Сапаева (руш.). web.archive.org. Тергыме кече: 8 идым 2025.
  2. ↑ Константин Иванов избран председателем Союза театральных деятелей Марий Эл | «Кидшер» (руш.). Тергыме кече: 8 идым 2025.
  3. ↑ Региональный политический совет (руш.). Единая Россия. Тергыме кече: 8 идым 2025. Архивлыме 29 идым 2022 ий.
  4. ↑ 1 2 Отделение «Хореографическое искусство» (руш.). Тергыме кече: 8 идым 2025.
  5. ↑ В Йошкар-Оле открылся фестиваль балета в честь Галины Улановой (руш.). МариМедиа. Тергыме кече: 8 идым 2025.
  6. ↑ Члены Общественной палаты Республики Марий Эл - Общественная палата Республики Марий Эл (руш.). web.archive.org. Тергыме кече: 8 идым 2025.
  7. ↑ Марийское региональное отделение СТД РФ | СТД РФ (руш.). web.archive.org. Тергыме кече: 8 идым 2025.
  8. ↑ Константин Иванов назначен министром культуры Марий Эл. Марийская правда (20 кылме 2017). Тергыме кече: 8 идым 2025. Архивлыме 23 кылме 2017 ий.
  9. ↑ Глава Марий Эл назначил министра культуры вице-премьером (руш.). kidsher.ru. Тергыме кече: 8 идым 2025.
  10. ↑ О награждении государственными наградами Российской Федерации работников Государственного академического Большого театра России (руш.). web.archive.org. Тергыме кече: 8 идым 2025.
  11. ↑ Мочаев, 2007, с. 145.
  12. ↑ Руководителя Минкультуры Марий Эл отметили благодарностью министра культуры России (неопр.). МариМедиа. Тергыме кече: 19 идым 2025.

Литератур

  • Иванов Константин Анатольевич // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 222. — 2000 экз. — ISBN 5-87898-197-1.
  • Иванов Константин Анатольевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 145. — 2032 экз. — ISBN 5-87898-357-0.
  • Иванов Константин Анатольевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 390. — 872 с. — 3505 экз. — ISBN 978-5-94950-049-1.
Статья-влак
  • Галайда А. Экзотическая поездка... в Йошкар-Олу // Большой театр : газета. — М., 1997. — № 9 апреля.
  • Самсонова С. Как поживают молодые принцы в старом Большом театре // Подмосковье : газета. — М., 1999. — № 27 марта.
  • Беляева Е. Константин Иванов: Для меня важна целостность образа // Большой театр : газета. — М., 2001. — № 4.
  • Федоренко Е. Будешь плохо учиться — поедешь в Йошкар-Олу // Культура : газета. — М., 2004. — № 5.
  • Федоренко Е. Константин Иванов: Не люблю тиражей в искусстве // Балет : журнал. — М., 2005. — № 2.
  • Левкоева Н. Константин Иванов. Артист. Президент. Студент. Учитель // Балет : журнал. — М., 2007. — № 2.
  • Федоренко Е. Константин Иванов: Время относительно — его можно обогнать // Культура : газета. — М., 2007. — № 16.

Кылвер-влак

"https://mhr.ruwiki.ru/w/index.php?title=Иванов,_Константин_Анатольевич&oldid=1234219" гыч налме