7 вӱдшор
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
7 вӱдшор (7 апрель) — григориан кечышот почеш идалыкын 97-ше (кужемдыме ийлаште — 98-ше) кечыже. Идалык пытыме марте 268 кече кодеш.
Йошкар-Олаште ☀️ Кече 5 шагатат 0 минутлан лектеш, 18 шагатат 36 минутлан шинчеш. Кечын кужытшо 🕒 13 шагатат 35 минут.
🌖 Катыкем толшо тылзе (19.49 тылзе кече).
Пайрем да шарныктарыше кече-влак
ООН — Руандысе геноцидым шарныме тӱнямбал кече (руш. Международный день памяти о геноциде в Руанде).
— Тазалыкын тӱнямбал кечыже (руш. Всемирный день здоровья).
Россий — Колышо подводник-влакым шарныме кече (руш. День памяти погибших подводников)[1]. 1989 ийыште вӱд йымак кайыше «Комсомолец» пушын экипажшым шарныме лӱмеш эртаралтеш.- Россий — Рунетын шочмо кечыже (руш. День рождения Рунета). Рунет — Интернетын руш ужашыже.
- Россий — Геологын кечыже (руш. День геолога) — вӱдшор тылзын 1-ше рушарнян палемдалтеш.
- Россий — Косметологын кечыже (руш. День косметолога).
- Моско трамвайын шочмо кечыже (руш. День рождения московского трамвая).
- Тер кудалтыме кече (Шошо пазар) (руш. Благовещение).
- Якутийыште ачан кечыже (руш. День отца в Якутии) — вӱдшор тылзын 1-ше рушарнян палемдалтеш.
- Колым аралыше кугыжаныш органын кечыже (руш. День государственных органов рыбоохраны).
- Куштылго сыран кечыже (руш. День лёгкого пива).
- Регбин шочмо кечыже (руш. День рождения регби).
- Подвигын кечыже (руш. День Подвига).
- Умдырын тӱнямбал кечыже (руш. Международный день бобра).
- Кофеан кексын кечыже (руш. День кофейных кексов).
Лӱмгече
- Католик лӱм-влак: Александр, Брынах, Генрих, Герман, Келлах, Ноткер, Ральф, Целестин, Цельс, Эдвард, Эйберт.
- Православий лӱм-влак: Савва, Тихон.
Событий-влак
Тугак ончо: Категорий:Вӱдшор тылзын 7 кечысе событий-влак
- 1805 ий — Людвиг ван Бетховенын кумшо симфонийжын премьерыже лийын.
- 1827 ий — англичан фармацевт Джон Уокер икымше спичке шырпым ужален.
- 1899 ий — Моско олаште икымше электрический трамвайым линийыш колтымо.
Шочыныт
Тугак ончо: Категорий:Вӱдшор тылзын 7 кечынже шочшо-влак
- 1913 — Анна Афанасьевна Толстова, совет кугыжаныш да озанлык пашаеҥ. СССР Кӱшыл Каҥашын 1-ше созывысе депутатше (1937—1946). ВКП(б)-н йыжъеҥже.
- 1926 — Александр Матвеевич Лежнин, совет туныктышо. Марий АССР-ысе Шернур кыдалаш школын директоржо (1954—1962), Йошкар-Оласе 11 №-ан кыдалаш школын директоржо (1962―1967). РСФСР школын сулло туныктышыжо (1960). Кугу Ачамланде сарын салтакше.
- 1941 — Анатолий Павлович Сушаков, совет кугыжаныш да озанлык пашаеҥ. Марий АССР-ын / Марий Элын Советский районысо Вечын селасе Ленин орденан «Ӱжара» колхозын тӱҥ зоотехникше (1969—2001). Марий АССР-ын сулло зоотехникше (1979). СССР Кӱшыл Каҥашын XI созывысе депутатше (1984—1989).
- 1947 — Александр Леонидович Азин, шанче да тазалык аралтыш пашаеҥ, Марий Элын сулло врачше. Марий Элышке 1997-ше ийыште толын: сар ветеран-влакым эмлымверыште тӱҥ эмлызын алмаштышыжлан тыршаш тӱҥалын, тыгодымак Марий кугыжаныш университетысе айдемын физиологий да анатомий кафедрын профессоржо лийын. 130 наре шанче пашан авторжо. Тудын ыштыме «Симпатокор» приборжо Брюссельысе ончерыште Шӧртньӧ медальым сеҥен налын.
- 1949 — Валентина Ивановна Матвиенко, совет да Российысе политике да кугыжаныш пашаеҥ, дипломат. 2011 ий 21 сентябрь гыч Россий Федерацийысе Федерал Погынын Федераций Каҥашыжын председательже.
- 1954 — Михаил Аркадьевич Зайцев, совет кугыжаныш да озанлык пашаеҥ. Морко посёлкышто шочын. 35 ий тудо МарБумКомбинатыште тыршен. Совет Ушем кӱшыл погынын депутатшат лийын. Пашажым аклен, тудым 3-шо степенян Паша Чап орден дене палемденыт.
- 1956 — Вениамин Витальевич Кельдыбай, инженер-технолог. Советский район гыч. 1978-ше ийыште «Кристалл» ушемыште пашам ышташ тӱҥалын, а 1993-шо ий гыч ты ушемынак пӧлка вуйлатышыже. Электронасос агрегат-влакым ыштымаште надырже кугу. Марий Эл кугыжаныш премийын лауреатше.
- 1974 — Лариса Михайловна Андриянова, артистка, Марий самырык театрын актрисыже. Свердлов вел Куркеде лӱман марий ял гыч.
- 1979 — Евгения Юрьевна Бадамшина (Питаева), марий шанчызе, туныктышо, ялозанлык шанче кандидат, доцент.
Коленыт
Тугак ончо: Категорий:Вӱдшор тылзын 7 кечынже колышо-влак
- 1934 — Николай Николаевич Фирсов, руш историк.
- 1944 — Герасим Микай, марий серызе, поэт, басньывозышо, туныктышо, сотемдарче, РСФСР Паша Талешке (1924).
- 1986 — Пётр Иванович Темерешев, совет партий да кугыжаныш пашаеҥ; Марий АССР Министр-влак Каҥашын председательже (1951—1954).
Калык пале
- Оралтыш ӱмбалне лум алят кия гын, пасуштат тылзе кийышаш.
- Йӱран але пылан игече – кеҥежат йӱран лийшаш.
- Тер кудалтыме кече але Благовещений кече. Тиде кечын колан але ковыштан когыльым кÿэштыныт. Тыгак тиде кечын тöшакысе олымым улан вашталтеныт, а тоштыжым йÿлалтеныт.