13 вӱдшор

←
→
Вӱдшор
← →Вӱдшор
	2026 ий

13 вӱдшор (13 апрель) — григориан кечышот почеш идалыкын 103-шо (кужемдыме ийлаште — 104-ше) кечыже. Идалык пытыме марте 262 кече кодеш.

Йошкар-Олаште ☀️ Кече 4 шагатат 46 минутлан лектеш, 18 шагатат 50 минутлан шинчеш. Кечын кужытшо 🕒 14 шагатат 3 минут.
🌘 Шоҥго тылзе (25.49 тылзе кече).

Пайрем да шарныктарыше кече-влак

— Рок-н-роллын тӱнямбал кечыже (руш. Всемирный день рок-н-ролла)^[1].
Россий — Меценат да поро кумылым шочыктышын кечыже (руш. День мецената и благотворителя)^[2].
Таиланд, Непал — Тайысе У ий (руш. Тайский Новый год)^[3].
Троллейбусын шочмо кечыже (руш. День рождения троллейбуса).
Чудотворец Ипатийын кечыже (руш. Ипатий Чудотворец).
Йоча массажын кечыже (руш. День детского массажа).
Персик кобблерын кечыже (руш. День персикового кобблера).
Лыжге водыж дене мутланыме кече (руш. День общения с духом безмятежности).

1895 ий — Помпей ола олмышто раскопкым ыштымек, кугу кладым муыныт.
1902 ий — Санкт-петербург олаште икымше троллейбусым тергымаш эртен.
1934 ий — Арктикыште азапыш логалше «Челюскин» пароходын экипажшым утарымаш мучашлалтын.

1949 ий — Валерий Владимирович Маклашин, тазалык аралтыш пашаеҥ, Россий Федерацийын сулло эмлызыже. 1978-ше ий гыч тудо республикысе эмлымверын оҥ хирургий пӧлкан кугурак ординаторжо. А 7 ий гыч икымше номеран республикысе эмлымверын хирургий дене тӱҥ эмлызын алмаштышыже. Кундемыштына тудо икымше аниографийым ыштен.
1957 ий — Наталия Николаевна Пылина, тӱвыра пашаеҥ. 3 ий тудо кинофикаций виктемыште пашам ыштен. А 1990-ше ий гыч Йошкар–Оласе «Эрвий» кинотеатрын вуйлатышыже. Российын почётан кинематографистше.
1955 ий — Игорь Алексеевич Смирнов, театр пашаеҥ, Марий Эл Республикысе сымыктышын сулло пашаеҥже. 20 ий утла тудо Йошкар-Оласе Руш академ театрын актёржылан тыршен, вара вуйлатышыже лийын.

2015 ий — Виктор Тимофеевич Белоусов, совет да российысе юрист. Йошкар-Ола прокурорын полышкалышыже, прокурорын сомылжым шуктышо (1951—1955), Марий АССР / Марий Эл Прокуратурын пӧлка начальникше (1955—1988, 1989—1997), юстицийын кугурак ойпуышыжо. РСФСР-ын сулло юристше (1975). Кугу Ачамланде сарын салтакше.

Эрдене йӱр шыжа гын, кеҥежат йӱран лийын кертеш.
Шнуй Ипатийын кечыже. Ипатий деч ÿдырамаш-влак азам ыштен кертдымаш деч утараш йодыныт, ешлан перкем, йоча пиалым йодын кумалыныт. Эсогыл азам ыштыме годымат але шöр уке годым Ипатийлан пелештеныт.