11 вӱдшор

←
→
Вӱдшор
← →Вӱдшор
	2026 ий

11 вӱдшор (11 апрель) — григориан кечышот почеш идалыкын 101-ше (кужемдыме ийлаште — 102-шо) кечыже. Идалык пытыме марте 264 кече кодеш.

Йошкар-Олаште ☀️ Кече 4 шагатат 51 минутлан лектеш, 18 шагатат 45 минутлан шинчеш. Кечын кужытшо 🕒 13 шагатат 54 минут.
🌗 Пытартыш чырык (23.49 тылзе кече).

Пайрем да шарныктарыше кече-влак

— Паркинсон чер дене кучедалме тӱнямбал кече (руш. Всемирный день борьбы с болезнью Паркинсона).
— Фашист концлагерь-влакын узникыштым утарыме тӱнямбал кече (руш. Международный день освобождения узников фашистских концлагерей).
Анимешникын тӱнямбал кечыже (руш. Всемирный день анимешника).
Куэм жаплыме кече (руш. Берещенье).
Мӧҥгысӧ вольык кече (руш. День домашних животных).
Уста огыл кидын пайремже (руш. Праздник неумелых рук).
Вӱдйымал пушын кечыже (руш. День подводной лодки).
Кум драконын кечыже (руш. День трех драконов).

Лӱмгече

Католик лӱм-влак: Эмма, Леонтий, Филипп, Валерий, Станислав.
Православий лӱм-влак: Антип, Иван, Кирилл, Марк, Яков.

Событий-влак

Тугак ончо: Категорий:Вӱдшор тылзын 11 кечысе событий-влак

1968 ий — Провой кундем Красногорский посёлкысо «Электродвигатель» заводым почмо.

Тӱня мучко

1857 ий — Александр Кокымшо кугыжа Российын у ойыпшым пеҥгыдемден: тушто кок вуян арсланым сÿретлыме лийын.
1909 ий — Телль-Авив олалан негызым пыштыме.
1945 ий — Бухенвальд концлагерьыште восстаний лийын. Пленник-влак шкеныштым шке утарен кертыныт.

Шочыныт

Тугак ончо: Категорий:Вӱдшор тылзын 11 кечынже шочшо-влак

1904 ий — Леонид Васильевич Скрябин, руш совет театр актёр. Марий АССР-ын Республикысе руш драме театрын (кызыт Георгий Константинов лӱмеш руш академ драме театр) (1941―1942, 1945―1955), Новгород областьысе драме театрын актёржо (1955―1964). РСФСР-ын сулло артистше (1954). Марий АССР-ын калык артистше (1952). Совет-финн да Кугу Ачамланде сар-влакын салтакше. 1946 ий гыч ВКП(б)-ын йыжыҥъеҥже.
1914 ий — Илья Васильев, марий серызе, туныктышо, 1941–1945 ийласе Кугу Ачамланде сарын участникше.
1930 ий — Зоя Александровна Киселёва, Марий Эл Республикын сулло агрономжо, ялозанлык пашаеҥ. Килемар районысо «Рассвет» колхозышто 29 ий, «Броневик» совхозышто 5 ий пашам ыштен. 1974-1979-ше ийлаште СССР кӱшыл погынын депутатше лийын. Пашажым аклен, «Знак Почёта» орден да кугыжаныш чап танык дене палемденыт.
1947 ий — Валериан Арсеньевич Идабаев, кугыжаныш пашаеҥ. Курыкмарий кундем гыч. Козьмодемьянскысе ӱй заводын вуйлатышыжлан пашам ышта. Кугыжаныш погынын депутатшат лийын.
1956 ий — Олег Дмитриевич Краснов, спортсмен да туныктыш пашаеҥ. Юлсер кундем Алексеевский посёлкышто шочын. Тудын тунемшыже-влак кокла гыч Россий спорт мастер лӱмым налшат уло. Тиде – Дмитрий Николаевич Екатеринин. Олег Дмитриевич – Россий Федерацийысе образованийын отличникше.
1962 ий — Александр Леонидович Иванов, спорт пашаеҥ да туныктышо. Тудын паша корныжо У Торъял кундемысе Кузнеч тӱҥ школ дене кылдалтын. Тудо Россий Федерацийысе образованийын почётан пашаеҥже лӱмым нумалеш.

Коленыт

Тугак ончо: Категорий:Вӱдшор тылзын 11 кечынже колышо-влак

2018 — Аркадий Прокопьевич Батухтин, марий совет партий да администраций пашаеҥ. Марий АССР-ысе У Торъял (1966—1982) да Медведево (1982—1988) КПСС райком-влакын икымше секретарьже. 1951 ий гыч ВКП(б)-ын йыжыҥъеҥже. Марий АССР Кӱшыл Каҥашын 8-11-ше созывласе депутатше (1971—1990). Кок гана Паша Йошкар Тисте орденын кавалерже.

Калык пале

Эрдене пыл-шамыч погынат гын, кастене йӱрым вучыман.
Пыл-шамыч кӱшыч писын ийын каят гын, сай игечылан.
Кирилл кече. Тиде кечын ожно куэ пушеҥгылан кугу тÿткышым ойыреныт. Лÿмынак куэрлашке каеныт да куэвÿд ден изи укшыжым конденыт. Тиде укш дене черле еҥым пераш да вÿдшым тудлан йÿкташ гын, вашке паремеш манын ÿшаненыт.