29 вӱдшор

29 вӱдшор (29 апрель) — григориан кечышот почеш идалыкын 119-ше (кужемдыме ийлаште — 120-шо) кечыже. Идалык пытыме марте 246 кече кодеш.

Йошкар-Олаште ☀️ Кече 4 шагатат 9 минутлан лектеш, 19 шагатат 27 минутлан шинчеш. Кечын кужытшо 🕒 15 шагатат 18 минут.
🌑 У тылзе (1.33 тылзе кече).

Пайрем да шарныктарыше кече-влак

• Куштымашын тӱнямбал кечыже (руш. Международный день танца) (1982).
•  Киргизий — Бишкек олан кечыже (руш. День города Бишкек) (1878).
• Кумылын тӱнямбал кечыже (руш. Всемирный день желаний).
• Химий саргуралым кучылтмо деч азапыш логалше-влакым шарныме кече (руш. День памяти жертв применения химического оружия).
• Молний-кучыктышын шочмо кечыже (руш. День рождения застежки-молнии).
• Туштан пӧрткоклан кечыже (руш. День загадочных чердаков).

Лӱмгече

• Католик лӱм-влак: Екатерина, Энделиента, Роберт, Тропезий, Хью, Раймонд.
• Православий лӱм-влак: Агапия, Василиса, Галина, Ирина, Калиса, Леонид, Михаил, Ника, Нунехия, Павел, Тавифа, Тимофей, Феодора, Хариесса, Хиония.

Событий-влак

Тугак ончо: Категорий:Вӱдшор тылзын 29 кечысе событий-влак

• 1897 ий — Джозеф Томсон электроным муымыж нерген увертарен.
• 1913 ий — Гидеон Сундбек «молния» манме застёжкылан патентым налын.

Шочыныт

Тугак ончо: Категорий:Вӱдшор тылзын 29 кечынже шочшо-влак

• 1959 ий — Ильдар Муназатович Ахметзянов, шанче-медик. Поранча посёлкышто шочын-кушкын. Кӱшыл шинчымашым Горький оласе мединститутышто налын. Паша корныжо Санкт-Петербургысо шанче да шымлымаш институтышто тӱҥалын. 280 наре шанче пашан авторжо. Медицина шанче доктор, профессор. Кызыт Россий Федераций кугыжаныш службын советникше сомылым шуктен шога.
• 1945 ий — Анатолий Васильевич Медведев, сӱретче да скульптор, Марий Эл Республикын сулло сӱретчыже. Шочынжо тудо Саратов велысе Петровск олаште. Шукертак Йошкар-Олаш илаш куснен. Ятыр бюст да чапкӱн авторжо: Йошкар-Олаште марий классик С.Г.Чавайнлан чапкӱм лач тудын проектше почеш шындыме. Ончерже Россий элнан тӱрлö олалаштыже эртеныт. Олык Ипай лӱмеш премийын лауреатше.
• 1949 ий — Василий Кузьмич Бочкарёв, кугыжаныш пашаеҥ. Студент пагытше Марий педагогик институтышто эртен: чодыра озанлык пашаеҥ специальностьым налмек, Пенза оласе ял озанлык кучемыш пашам ышташ каен. 1998-ше ийыште Василий Кузьмич Пенза областьын губернаторжо лийын. Но Марий Кугыжаныш техник университетыште тудым кызытат шарнат, а ик аудиторий тудын лӱмжым нумалеш.
• 1963 ий — Александр Феофанович Семёнов, спортсмен. Шкеже тудо Курыкмарий кундем Чекеево ял гыч. Ече дене коштмаште тиде спортсмен кугу кӱкшытыш шуын. Шукерте огыл курыкышто куржталмаш дене Спорт мастер лӱмым налын.

Коленыт

Тугак ончо: Категорий:Вӱдшор тылзын 29 кечынже колышо-влак

Калык пале

• Касвел мардеж пуалеш — ночкылан.
• Иринан кечыже. Ты кечын эҥер-влак шке йогынышкышт пöртылыт маныныт, но шкет деч вара кугу туткарымат коден кертыт. Южо кундемлаште ты кечын ковыштам шындаш тÿҥалыныт.
• А марий калык вÿд ташлымаш деч утлаш манын Вӱд озам сöрвален. Вӱд оза айдемылан шоҥго пӧръеҥ але кол семын кончен кертеш маныныт.

Палемдымаш