18 вӱдшор

18 вӱдшор (18 апрель) — григориан кечышот почеш идалыкын 108-ше (кужемдыме ийлаште — 109-шо) кечыже. Идалык пытыме марте 257 кече кодеш.

Йошкар-Олаште ☀️ Кече 4 шагатат 34 минутлан лектеш, 19 шагатат 2 минутлан шинчеш. Кечын кужытшо 🕒 14 шагатат 28 минут.
🌖 Катыкем толшо тылзе (19.86 тылзе кече).

Пайрем да шарныктарыше кече-влак

— Радиом йӧратышын тӱнямбал кечыже (руш. Всемирный день радиолюбителя).
ЮНЕСКО — Чапкӱ да эртык верын тӱнямбал кечыже (руш. Международный день памятников и выдающихся мест).
Россий — Сарзе чап кече. Лач тиде кечын историйыште келге кышам кодышо «Ледовое побоище» кредалмаш лийын. Руш-влак, Александр Невскийын вуйлатымыж почеш Чудской ерыште немыч рыцарь-влакым кырен шалатеныт.
Пӱтым кучымо кугарня (руш. Страстная пятница).
Федул Ветреникын кечыже (руш. Федул Ветреник).
Янлык сынан печеньын кечыже (руш. День печенья в форме животных).
Жонглёр-влакын тӱнямбал кечышт (руш. Международный день жонглёров).
Велоцираптор нерген умылымо кече (руш. День осведомленности о велоцирапторах).
Пелашлан (марийлан) тауштымо кече (руш. День благодарности мужу).

1902 ий — Преступникым пален налаш манын икымше гана дактилоскопийым ыштеныт. Тыглай йылме дене умылтараш гын, айдемын парня палыжым, отпечаткыжым налыныт да осал пашам ыштышым кученыт.
1922 ий — Моско олаште автобус маршрутым почыныт.
1923 ий — Моско олаште «Динамо» пролетар спорт ушемым почыныт.

1928 ий — Виталий Ерошкин, курыкмарий серызе, поэт, туныктышо, историй шанче доктор, СССР Журналист-влак ушемын йыжъеҥже (1966), Марий АССР-ысе шанчын сулло пашаеҥже.
1934 ий — Феония Тихоновна Сергеева, марий йылмызе, шанчызе, туныктышо, филологий шанче кандидат (1977), доцент (1984).
1959 ий — Васильев, Вениамин Анатольевич, офицер. Морко кундем Элейсола ялыште шочын. Паша корныжо лӱдыкшыдымылык шотышто федерал службышто эртен. 1995-ше ийыште Марий таможньын вуйлатышыжлан шогалын. Полковник.
1964 ий — Актанаев, Владимир Иванович, театр да кугыжаныш пашаеҥ, Марий Эл Республикын Калык артистше. М. Шкетан лӱмеш Марий кугыжаныш драме театрыште ончыч актёрлан, а вара вуйлатышыланат тыршен.

Кечывалым шокшо, а йӱдым йӱштӧ — кужу жап сай игече шогышаш.
Пасушто йӱк раш шокта — йӱрлан.
Руш калык пале почеш тиде кечым Федул кече лӱмденыт. Мардеж кече. Тиде кече деч вара эше йӱштӧ лийын кертеш, но теле тургым пытаак. Федул кече але кечан, але йӱран гына лиеш. Федул кечын лыве ылыжеш.