20 вӱдшор

← → Вӱдшор
Шч Кш Вр Из Кг Шм Рш     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 ий

20 вӱдшор (20 апрель) — григориан кечышот почеш идалыкын 110-шо (кужемдыме ийлаште — 111-ше) кечыже. Идалык пытыме марте 255 кече кодеш.

Йошкар-Олаште ☀️ Кече 4 шагатат 30 минутлан лектеш, 19 шагатат 6 минутлан шинчеш. Кечын кужытшо 🕒 14 шагатат 36 минут.
🌒 Кушшо тылзе (2.96 тылзе кече).

Пайрем да шарныктарыше кече-влак

•  ООН — Китай йылмын кечыже (руш. День китайского языка).
•  Россий — Российыште донорын калыкле кечыже (руш. Национальный день донора в России).
•  Россий — Карел да вепс возыктышын кечышт (руш. День карельской и вепсской письменности).
• Кугече (руш. Пасха).
• Циркын тӱнямбал кечыже (руш. Международный день цирка) — вӱдшор тылзын 3-шо шуматкечын палемдалтеш.
• Илышын ыҥжым кычалме кече (руш. День поисков смысла жизни).
• Акулинан кечыже (руш. Акулинин день).
• Корольын кракозябржым сонарлыме кече (руш. День охоты на королевского кракозябра).
• Вилкым пӱтырымӧ да совла ден кошталме кече (руш. День вилкокрута и ложкочерпия).
• Кок икгай еҥын кечыже (руш. День двойников).

Лӱмгече

• Католик лӱм-влак: Агнесса, Чеслав.
• Православий лӱм-влак: Акулина, Георгий, Даниил, Егор, Юрий.

Событий-влак

Тугак ончо: Категорий:Вӱдшор тылзын 20 кечысе событий-влак

• 1656 — ший окса олмеш вÿргене оксам кучылташ тÿҥалыныт.
• 1843 — Сибирьым шымлыме амал дене кресаньык-влакым тушко кусараш тÿҥалыныт.
• 1922 — Кечывалвел Осетий автоном областьым ыштыме, тудо тунам Грузийыш пурен.

Шочыныт

Тугак ончо: Категорий:Вӱдшор тылзын 20 кечынже шочшо-влак

• 1900 — Георгий Николаевич Балыков, совет сарзе пашаеҥ. Российысе Граждан сарын да Кугу Ачамланде сарын салтакше, инженер-авиаций службын генерал-майоржо (1945). Рӱдӧ аэрогидродинамике институтын Моско филиалжын начальникше (1941―1949). 1919 ий гыч ВКП(б)-н йыжъеҥже. Ленин орденын кавалерже (1947).
• 1934 — Ольга Михайловна Литовинская, тазалык аралтыш пашаеҥ, Марий Эл Республикын сулло эмлызыже. Ончыч тазалык аралтыш министерствыште, а вара републикысе эмлымверыште пашам ыштен. 8 ий СПИД чер ваштареш кучедалме рӱдерыште тӱҥ эмлызылан тыршен.
• 1934 — Геннадий Павлович Дмитриев, марий совет да российысе шанче пашаеҥ, шанчыеҥ-экономист, кӱшыл школын туныктышыжо, партий пашаеҥ. М. Горький лӱмеш Марий политехнике институтын политэкономий кафедрын вуйлатышыже (1981―1985), экономике шанче кандидат (1970). РСФСР тӱвыран сулло пашаеҥже (1988). 1957 ий гыч КПСС йыжыҥъеҥ.
• 1938 — Валентина Сергеевна Соловьёва, туныктыш, тӱвыра да мер пашаеҥ, паша ветеран, Марий Эл Республикысе тӱвыран сулло пашаеҥже. Шернур кундем Моркэҥер ялыште шочын. Ончыч Лажъял, вара Руш-Лажмарий, Поранча кундем Елеево, Марий Тӱрек кундемысе Сысоево школлаште йоча-влакым туныктен. 1982-шо ийыште У Роҥго кундем Михайловка селаш илаш куснен да тусо школышто пашам ышташ тӱҥалын. Мер илышыштат Валентина Сергеевна чолгалыкым ончыкта: Тудым Йыван Кырлан шочмыжлан 100 ий темме лӱмеш медаль дене палемденыт. Суапле пашажлан Россий Федерацийысе тÿвыра да коммуникаций министерствын «За высокие достижения» знак да Марий Эл Республикын почётан ветеран чап лÿм дене палемдалтын.
• 1943 — Юрий Александрович Куликов, шанче-механик, Марий Эл Республикын сулло шанче пашаеҥже. Йошкар-Олаште шочын. 1968-ше ийыште Марий кугыжаныш техник университетыште туныктышылан тыршаш тӱҥалын да профессор марте кушкын. 70 наре шанче пашан авторжо. Технологий шанче доктор.
• 1943 — Алеко Юзыкайн, марий серызе, журналист, СССР журналист-влак ушемын йыжъеҥже.
• 1946 — Мардан Рая, марий серызе, почеламутчо, Россий серызе-влак ушемын йыжъеҥже (2007), Марий Эл Республикысе тÿвыран сулло пашаеҥже (2006).
• 1958 — Юрий Исаков, марий серызе, почеламутчо, журналист, Марий Эл Республикын сулло журналистше (2004).
• 1978 — Алексей Юрьевич Владимиров (калыкыште Лёха Ленин алмашлӱм дене палыме), руш да марий эстрадысе мурызо, муро текст-влакын авторжо. Марий Эл Радиошто тудын йонгалтарыме «Оньава» мурыжо уло. Алексей Йошкар-Олаштак шочын-кушкын. Пашаже тӱҥ шотышто «Полярная звезда» группо дене кылдалтын.

Коленыт

Тугак ончо: Категорий:Вӱдшор тылзын 20 кечынже колышо-влак

• 2019 — Владлен Ильич Славин, cовет да российысе рентгенолог-эмлызе, книгам йӧратыше, мер пашаеҥ. Марий республикысе рентгенолог да радиолог-влак ушемым почшо да икымше председательже (1961—2000), Марий Эл Республикын сулло эмлызыже (2000).

Калык пале

• Йӱран игече шога гын, эҥыж сайын шочшаш.
• Кугече кече ояр да кечан — леве кеҥежлан да сай шурно лектышлан.
• Акулинан кечыже. Тиде кечын йÿр йÿрын гын, кокияш шурно сайын ок шоч — маныныт. Йÿдым каваште шÿдыр-влак чолгыжын йÿлат гын, кеҥежым снеге ден поҥго сай шочеш.

Палемдымаш