23 вӱдшор

←
→
Вӱдшор
← →Вӱдшор
	2026 ий

23 вӱдшор (23 апрель) — григориан кечышот почеш идалыкын 113-шо (кужемдыме ийлаште — 114-ше) кечыже. Идалык пытыме марте 252 кече кодеш.

Йошкар-Олаште ☀️ Кече 4 шагатат 23 минутлан лектеш, 19 шагатат 13 минутлан шинчеш. Кечын кужытшо 🕒 14 шагатат 50 минут.
🌒 Кушшо тылзе (5.96 тылзе кече).

Пайрем да шарныктарыше кече-влак

ЮНЕСКО — Книган да авторын праваж шотышто тӱнямбал кече (руш. Всемирный день книг и авторского права). 1996-ше ийыште тиде пайрем нерген ЮНЕСКО увертарен.

ООН — Англичан йылмын кечыже (руш. День английского языка) (2010).
ООН — Испан йылмын кечыже (руш. День испанского языка) (2010).
Германий — Немыч сыран кечыже (руш. День немецкого пива).
Испаний — Сан-Хорхе (Шнуй Георгийын кечыже) (руш. Сан-Хорхе (День Святого Георгия)).
Турций — Кугыжаныш Суверенитетын да Йоча-влакын кечыже (руш. День национальной независимости и детей Турции) (1920).
Лабораторийын тӱнямбал кечыже (руш. Всемирный день лабораторий).
Тылзе йымалсе вашлиймаш кече (руш. День свиданий под луной).
Кактусым ончышын кечыже (руш. День кактусовода).
Пикник кече (руш. День пикника).
Шанс дене пайдаланыме кече (руш. День Воспользуйся шансом).

Лӱмгече

Католик лӱм-влак: Адальберт (Войтех), Юрий.
Православий лӱм-влак: Наталия, Александр, Африкан, Зенон, Максим, Григорий, Терентий, Фёдор, Яков.

Событий-влак

Тугак ончо: Категорий:Вӱдшор тылзын 23 кечысе событий-влак

1836 — Санкт-Петербург олаште «Современник» журналын икымше номерже лектын.
1951 — Совет Ушемыште олимпий модмашын комитетшым пеҥгыдемдыме.
1964 — «Мелодия» граммофон пластинкым лукшо фирмым почмо.

Шочыныт

Тугак ончо: Категорий:Вӱдшор тылзын 23 кечынже шочшо-влак

1932 — Сарра Степановна Кириллова, режиссёр, Марий Эл Республикысе сымыктышын сулло пашаеҥже, Марий Эл Республикын калык артистше. Тиде талантан айдемын профессийым ойрымаште кугу рольым аваже Анастасия Гавриловна Страусова модын. Да паша корныжат Шкетан лӱмеш драмтеатрыште тӱҥалын: ончыч актрисалан, а вара тӱҥ режиссёрлан тыршен. 13 ий режиссёрлан пашам ыштыме жапыште 30 утла спектакльым шынден, калык ончыко луктын. А 1975-ше ийыште Миклай Рыбаковын «Морко сем» драмыжым шындымылан кугыжаныш премий дене палемдалтын.
1937 — Александр Селин (Александр Васильевич Селёдкин), марий серызе, почеламутчо, СССР Серызе-влак ушемын йыжъеҥже (1981), Марий Эл Республикысе тӱвыран сулло пашаеҥже (1996).
1939 — Роза Платоновна Четкарева, туныктыш пашаеҥ да шанче-эмлызе, Марий Эл Республикын сулло шанчыеҥже шочын. Ончыч Йошкар-Оласе эмлымверыште пашам ыштен, а 1978-ше ийыште Марий кугыжаныш педагогик институтын медподготовка кафедрыштыже тыршаш тӱҥалын. Тыште тудо кугурак туныктышо, доцент, а лу ий гыч кафедрын вуйлатыше лийын. Тӱҥ шотышто Роза Платоновна калык медициным шымлен. 60 утла шанче пашан авторжо.
1921 — Анатолий Иванович Бабин, уста пашазе. Маскасола посёлкышто шочын. Кугу Авамланде сарын корныжым эртымек, заводышто рационализаторлан 40 ий наре тыршен. 1963-1967-ше ийлаште Россий Федерацийысе кӱшыл погынын депутатше лийын. Тудын героизм шӱлышыжым да суапле пашажым кӱкшын акленыт: Йошкар Шӱдыр орден дене да ятыр чап танык дене палемденыт.
1958 — Нина Ильинична Донгузова, актриса, Марий Эл Республикын калык артисткыже. У Торъял кундемын талантан шочшыжо 20 ияш годымжак Курчак театрын сценыштыже модаш тӱҥалын. «После дождичка…» спектакльыште тӱҥ рольым устан модмыжлан кугыжаныш премий дене палемденыт.
1938 — Константин Константинович Калинин, чодыра озанлык пашаеҥ, Марий Эл Республикын сулло чодыразыже палемда. Икмыняр жап чодыра озанлык ушемыште пашам ыштымек, Марий кугыжаныш техник университетышке толын да тыште ял озанлык шанче доктор марте кушкын.

Коленыт

Тугак ончо: Категорий:Вӱдшор тылзын 23 кечынже колышо-влак

2014 — Юрий Алексеевич Калиев, марий шанчызе, философ, туныктышо, философий шанче доктор, профессор.

Калык пале

Эр кече вашеш тӱтыра вола гын, йӱрым вучыман.
Терентийын кечыже. Кече лекме годым тыгай калыкпалым эскереныт: тудо тÿтыра кокла гыч лектеш гын — кинде сайын шочеш. Мÿндыр корныш тарванаш тыршен огытыл: шошо корно тöрланен шуктен огыл — маныныт.