2 вӱдшор

←
→
Вӱдшор
← →Вӱдшор
	2026 ий

2 вӱдшор (2 апрель) — григориан кечышот почеш идалыкын 92-шо (кужемдыме ийлаште — 93-шо) кечыже. Идалык пытыме марте 273 кече кодеш.

Йошкар-Олаште ☀️ Кече 5 шагатат 12 минутлан лектеш, 18 шагатат 24 минутлан шинчеш. Кечын кужытшо 🕒 13 шагатат 11 минут.
🌕 Тичмаш тылзе (14.49 тылзе кече).

Пайрем да шарныктарыше кече-влак

ООН — Аутизм нерген шинчымашым шарыме тӱнямбал кече (руш. Всемирный день распространения информации о проблеме аутизма).
— Йоча книган тӱнямбал кечыже (руш. Международный день детской книги).
Белоруссий, Россий — Калык-влакын ушнымаш кечышт (руш. День единения народов Беларуси и России).
Фотинья Колодезницан кечыже (руш. Фотинья Колодезница).
Апельсин ийсӱсын кечыже (руш. День апельсиновых сосулек).
Мландылуйын кечыже (руш. День хорька).
Арахис ӱйын да желен кечыже (руш. День арахисового масла и желе).

Лӱмгече

Католик лӱм-влак: Абундий, Амфиан, Ап(п)иан, Бронаха, Джон, Иван, Никеций, Педро (Пётр), Урбан, Франциск, Эббе.
Православий лӱм-влак: Александра, Анатолия, Василий, Виктор, Домнина, Евфимия, Евфрасия, Евфросин, Иван, Иосия, Кириакия, Клавдия, Матрона, Никита, Параскева, Патрикий, Светлана, Севастьян, Сергей, Феодора, Феодосия, Фотида, Фотин, Фотина, Фото, Юлиания.

Событий-влак

Тугак ончо: Категорий:Вӱдшор тылзын 2 кечысе событий-влак

1833 ий — Александр Сергеевич Пушкинын «Евгений Онегин» романже посна книга дене савыкталтын.
1912 ий — газетыште икымше гана «джаз» шомакым кучылтмо.
1958 ий — Америкын президентше Эйзенхауэрын темлымашыже почеш НАСА тӧнежым почмо. Тудо космонавтикым вияҥдаш полшышо эн кугу организацилан шотлалтеш.

Шочыныт

Тугак ончо: Категорий:Вӱдшор тылзын 2 кечынже шочшо-влак

1857 ий — Владимир Алексеевич Тихонов, руш серызе, драматург, актёр.
1910 ий — Серегей Эман, марий серызе, фольклорист, литературовед, кусарыше, СССР серызе-влак ушемын йыжъеҥже (1959).
1925 ий — Вайнштейн, Григорий Соломонович, юрист, историй-шанчызе, историй шанче кандидат (1971), Марий кугыжаныш университетысе юридический факультетын икымше туныктышо-влак кокла гыч иктыже, Кугу Ачамланде сарын салтакше.
1936 ий — Евдокия Васильевна Товашова, шанчыеҥ, Марий Элысе ялозанлыкын сулло пашаеҥже. Морко кундем Нуръял Корамас ялыште шочын. Паша корныжо тӱҥ шотышто Марий кугыжаныш университетыште эртен. Ялозанлык шанче кандидат марте шуын.
1975 ий — Саша Иванов (Александр Леонидович Иванов), марий гармоньчо да мурызо. Шернур кундемыште шочын. 2004-ше ийыште тудо «Такмак он» республикысе конкурсышто призёр-влак радамыш лектын. Поснак гармонь дене калык муро-влакым шоктен мурымыж дене кумдан чапланен.
1988 ий — Елена Свиридова, российысе куштылго атлет, паралимпий спортъеҥ, тӱҥ шотышто T36 категорийысе спринтыште таҥаса. Россий спортын сулло мастерже.

Коленыт

Тугак ончо: Категорий:Вӱдшор тылзын 2 кечынже колышо-влак

1975 ий — Фёдор Яковлевич Кудрявцев, совет кугыжаныш, партий да администраций пашаеҥ. Марий автоном область Йошкар-Оласе каҥашын председательже (1932), Йошкар-Оласе исполком председательын алмаштышыже (1946—1957). Кугу Ачамланде сарын участникше. 1940 ий гыч ВКП(б)-ын йыжыҥъеҥже.
2002 ий — Нина Васильевна Староверова, Марий машина чоҥышо заводын токарьже (1948—1986). РСФСР Кӱшыл Каҥашын VII созывысе депутатше (1967—1971), Марий АССР Кӱшыл Каҥашын 8-ше созывшын Председательжын алмаштышыже (1971—1975).

Калык пале

Эҥерлаште ий вашке кая — лектышан идалыклан.
Шулышо вӱд шып кая гын, шудо удан шочшаш.
Фотиньян кечыже. Тиде кечын тавысе вÿд юзо виян лиеш, маныныт. Сандене тавысе вÿд дене кидым, шÿргым шÿялтеныт. Тыгак кечывал кечын вынер тувырым, солыкым але ургаш ямдылен пыштыме куэмым тÿжваке луктыныт.