27 вӱдшор

←
→
Вӱдшор
← →Вӱдшор
	2026 ий

27 вӱдшор (27 апрель) — григориан кечышот почеш идалыкын 117-ше (кужемдыме ийлаште — 118-ше) кечыже. Идалык пытыме марте 248 кече кодеш.

Йошкар-Олаште ☀️ Кече 4 шагатат 14 минутлан лектеш, 19 шагатат 22 минутлан шинчеш. Кечын кужытшо 🕒 15 шагатат 8 минут.
🌓 Икымше чырык (9.96 тылзе кече).

Пайрем да шарныктарыше кече-влак

Россий — Российысе парламентаризмын кечыже (руш. День российского парламентаризма).
Россий, Якутий — Саха Республикын кечыже (руш. День Республики Саха).
Йошкар курык (руш. Красная горка) — Кугече деч вара 1-ше рушарнян палемдалтеш.
Ветеринар эмлышын тӱнямбал кечыже (руш. Международный день ветеринарного врача) — вӱдшор тылзын пытартыш шуматкечын палемдалтеш.
Памперсын шочмо кечыже (руш. День рождения памперсов).
Мартын Лисогонын кечыже (руш. Мартын Лисогон).
Вахтовикын кечыже (руш. День вахтовика).
Скульптурын тӱнямбал кечыже (руш. Международный день скульптуры).
Ужаван кечыже (руш. День лягушки).
Суртвольыкын ача-аважын кечыже (руш. День родителей домашних животных).
Графике дизайнын тӱнямбал кечыже (руш. Всемирный день графического дизайна).
Морзе азбукын кечыже (руш. День азбуки Морзе).
Шылан ӧрдыжлун кечыже (руш. День мясных ребрышек).
50 процент динозавр дене вашлийын кертме кече (руш. День 50-процентной вероятности встречи с динозавром).

Лӱмгече

Событий-влак

Тугак ончо: Категорий:Вӱдшор тылзын 27 кечысе событий-влак

1906 ий — Российыште кугыжаныш думым почыныт.
1938 ий — кумдан палыме шанчызе, физик-теоретик Лев Ландаум шпион семын титаклен арестоватленыт.
1965 ий — УАШыште икымше памперслан патентым налме.

Шочыныт

Тугак ончо: Категорий:Вӱдшор тылзын 27 кечынже шочшо-влак

1926 ий — Василий Иванович Лаптев, совет ялозанлык пашаеҥ, зоотехник. Марий АССР Советский велысе Ялозанлык виктемын тӱҥ зоотехникше (1972—1986). РСФСР-ын сулло зоотехникше (1984). Кугу Ачамланде сарын участникше.
1950 ий — Геннадий Григорьевич Ямбаршев, руш серызе, туныктышо, Марий Эл Республикын сулло туныктыш пашаеҥже (2005), Россий Федерацийын кыдал профессионал туныктышын почётан пашаеҥже (2005).
1940 ий — Геннадий Николаевич Ушаков, Россий Федерацийын сулло юристше. Киров велыште шочын. 70-ше ийлаште Юлсер оласе судын судьяжлан шогалын, умбакыже 23 ий Республикысе Кӱшыл суд судьян алмаштышыже лийын. Ты тӧнежыште пашам ыштыме жапыште ятыр чап танык дене палемдалтын.
1939 ий — Миропия Илларионовна Тойшева, туныктыш пашаеҥ, Россий Федерацийын сулло туныктышыжо. Курыкмарий кундем Челомкино ялыште шочын. Уло паша корныжо Провой кундемысе Красногорский посёлкысо школлаште эртен. Йот йылмым туныктышылан, 26 ий завучлан тыршен. Тудын кугу пашажым кӱкшын акленыт: ятыр чап танык дене палемденыт.
1962 ий — Александр Сергеевич Козырев, кугыжаныш да ялозанлык пашаеҥ. 2002-шо ий гыч тудо «Семёновский» акционер ушемын вуйлатышыжлан шогалын. Тыгак кугыжаныш Думын депутатше лийын. Марий Эл Республикысе ялозанлыкын сулло пашаеҥже.

Коленыт

Тугак ончо: Категорий:Вӱдшор тылзын 27 кечынже колышо-влак

Калык пале

Ужава-шамыч магыралтат — мардежым але йӱрым вучыман.
Лавыран да ночко — сай куралмашлан.
Шнуй Мартынын кечыже. Тиде кечын рывыж-влак шканышт у вынемым кÿнчат маныт. Сандене сонарзе-влак рывыж кучаш чодыраш каеныт.
Марий калык гын тиде кечын коракым эскерен: кöн пöртшö воктен корак кычкыра – тушто колышо лектеш маныныт.