21 вӱдшор

21 вӱдшор (21 апрель) — григориан кечышот почеш идалыкын 111-ше (кужемдыме ийлаште — 112-шо) кечыже. Идалык пытыме марте 254 кече кодеш.

Йошкар-Олаште ☀️ Кече 4 шагатат 27 минутлан лектеш, 19 шагатат 9 минутлан шинчеш. Кечын кужытшо 🕒 14 шагатат 42 минут.
🌗 Пытартыш чырык (22.86 тылзе кече).

Пайрем да шарныктарыше кече-влак

•  ООН — Усталык да инноваций пашан тӱнямбал кечыже (руш. Всемирный день творчества и инновационный деятельности).
•  Россий — Верысе самоуправленийын кечыже (руш. День местного самоуправления).
•  Бразилий — Тирадентисын кечыже (руш. День Тирадентиса).
•  Италий — Рим олалан негызым пыштыме кече (руш. День основания Рима).
•  Кений — Пушеҥгым шындыме кече (руш. День посадки деревьев).
•  Пакистан — Икбалын кечыже (руш. День Икбала).
• Чывылтыме шочмо (руш. Поливальный понедельник).
• Родион Ледоломын кечыже (руш. Родион Ледолом).
• Сылне бульдог-влакын кечышт (руш. День прекрасных бульдогов).
• Чемодан-влакын кечышт (руш. День чемоданов).
• Пряникын тӱнямбал кечыже (руш. Международный день пряника).

Лӱмгече

• Католик лӱм-влак: Ансельм, Конрад, Феликс.
• Православий лӱм-влак: Марфа, Нифонт, Родион, Сусанна, Флегонт.

Событий-влак

Тугак ончо: Категорий:Вӱдшор тылзын 21 кечысе событий-влак

• 1932 ий — Мÿндыр Эрвелысе теҥыз флотын шочмо кечыже.
• 1954 ий — Совет Ушем ЮНЕСКО радамыш пурен.
• 1972 ий — «Апполон-16» американ корабль Тылзыш шинчын.

Шочыныт

Тугак ончо: Категорий:Вӱдшор тылзын 21 кечынже шочшо-влак

• 1867 ий — Павел Петрович Глезденёв, сотемдарче (просветитель), журналист, икымше марий газет-влакын редакторжо, йылмызе, туныктышо.
• 1929 ий — Игнатий Романович Ямулов, уста пашазе, Социалистик паша герой. Провой кундем Мари-Отар ялыште шочын. Юлсер оласе Марбумкомбинатыште 26 ий сварщиклан пашам ыштен. Тудын вуйлатыме бригадыже Совет Ушем мучко кугу лектышым ончыктымыж дене ойыртемалтын. Тиде пашажым аклен, Игнатий Романовичым ятыр чап танык да «Знак Почёта» орден дене палемденыт.
• 1947 ий — Сергей Васильевич Царегородцев, хор да ансамбль-влакын вуйлатышыже, Марий Эл Республикысе тӱвыран сулло пашаеҥже. Ончыч «Заря» фабрикыште ӱдырамаш-влак хорым чумырен, 14 ий Азановысо калык хорым вуйлатен, а 1982-ше ий гыч Йошкар-Оласе витамин заводын художественный вуйлатышыжлан шогалын. Тыште Сергей Васильевич «Гармонь» калык ансамбльлан тӱҥалтышым пыштен. А тиде ансамбльым Марий Элыште гына огыл, моло кундемлаштат сайын палат. Тыште уста вуйлатышын надырже эн кугу. Сергей Васильевич шкежат «Играй, гармонь!» российысе конкурсын лауреатше лӱмым кум гана сулен.
• 1940 ий — Игорь Аркадьевич Пахмутов, шанче-ветеринар. Козьмодемьянск олаште шочын. Ончыч ял озанлык министерствыште тыршен, а вара туныктымо пашашке куснен. Марий кугыжаныш университетысе ял озанлык факультетын деканже лийын. 1980-шо ийыште Угарманысе кугыжаныш университетыш куснен. 120 наре шанче пашан авторжо. Ветеринарий наука доктор, профессор.
• 1973 ий — Сергей Константинович Свечников, шанчыеҥ, историй шанче кандидат. Курыкмарий кундемыште шочын. Паша корныжо Марий шанче да шымлыше институт дене кылдалтын.

Коленыт

Тугак ончо: Категорий:Вӱдшор тылзын 21 кечынже колышо-влак

• 2016 ий — Владимир Смирнов-Сэмэҥер, марий серызе, туныктышо, Россий Серызе-влак ушемын йыжъеҥже.

Калык пале

• Кече онча — вашке шокшо толшаш.
• Игече ояр гын, сай кеҥежым вучыман, пылан гын — лавыран да уда кеҥежлан.
• Родионын кечыже. Калык ой почеш тиде кечын тылзе ден кече вашлийыт: игече тÿрлö лийын кертеш. Тиде кечын ужава лектеш гын, эркын-эркын мланде пашалан ямдылалтман.

Палемдымаш