Средин, Геннадий Васильевич

РУВИКИ-ште тыгай тукымлӱм дене вес еҥ нерген статьям лудаш лиеш: Средин.

Геннадий Васильевич Средин
Шочмо кече	5 сорла 1917(1917-08-05)
Шочмо вер	Озаҥ, Россий империй
Колымо кече	19 сорла 1991(1991-08-19) (74 ий)
Колымо вер	Моско, РСФСР, СССР
Пурымаш	СССР
Войскан родшо	политсостав
Службо жап	1942—1987
Званий
Командоватлен	В. И. Ленин лӱмеш Сарзе-политике академий
Кредалмаш/сар	Кугу Ачамланде сар
Награде да премий

Геннадий Васильевич Средин (5 сорла 1917, Озаҥ, Россий империй — 19 сорла 1991, Моско, РСФСР, СССР) — совет сарзе пашаеҥ, политпашаеҥ. В. И. Ленин лӱмеш Сарзе-политике академийын начальникше (1981—1987), генерал-полковник (1973 ий 4 ноябрь). СССР Кӱшыл Каҥашын 7-8-ше созывласе депутатше. УССР Кӱшыл Каҥашын 9-10-шо созывласе депутатше. 1971—1976 ийлаште УССР КП ЦК йыжыҥъеҥыш кандидат. Профессор.

Илыш корныжо

1917 ий 5 августышто Озаҥ олаште Василий Дмитриевич (тошто стиль дене 1882 ий 9 февралльыште шочын) да Мария Ивановна (1893) Срединмытын ешыштышт шочын.

Марий АССР Чыкма оласе 1-ше №-ан кыдалаш школышто тунемын, школышто пионер да комсомол ушемын пашаштым вуйлатен.

1935—1940 ийлаште — Озаҥысе авиаций институтышто самолётым чоҥышо факультетын студентше, институтысо ВЛКСМ комитетын секретарьже. Ныл курсым тунем пытарен. 1940—1941 ийлаште — ВКП(б) ЦК пеленысе Кӱшыл партий школын колыштшыжо.

1940 ий гыч ВКП(б)-ын йыжыҥъеҥже.

1941 ий октябрь гыч 1942 ий марте — ВКП(б) Татар кундемысе комитетын инструкторжо.

1942 ий май гыч — Йошкар армийыште. 1942 ийыште Белебей олаште комиссар да политрук-влакын курсыштым тунем пытарен. Кугу Ачамланде сарын салтакше. Волхов фронтысо 2-шо ударный армийын 147-ше лӱйкалыше дивизийын 600-шо лӱйкалыше полкын 27-ше армий политпӧлкан агитаторжо лийын.

1945 ий гыч — Карпат воктенсе сарзе округын политике виктемыштыже. Округысо политике виктем начальникын алмаштышыже лийын.

Ленин лӱмеш Сарзе-политике академийым тунем пытарен.

1961 ий гыч — Сарзе Каҥашын йыжыҥъеҥже — 38-ше армийын политике пӧлка начальникше.

Вара (1967 ий марте) — Сарзе Каҥашын йыжъеҥже — Совет войскан кечывалвел тӱшкажын Политике виктемжын начальникше.

1967 ий декабрь гыч 1972 ий июль марте — Сарзе Каҥашын йыжыҥъеҥже — Карпат пеленысе сарзе округын Политике виктемжын начальникше.

1972—1974 ийлаште — Совет Армийын да СССР Сарзе-Теҥыз Флотышто Тӱҥ Политике виктем начальникын алмаштышыже. 1974—1981 ийлаште — Совет Армийын да СССР Сарзе-Теҥыз Флотын Тӱҥ Политике виктем начальникын 1-ше алмаштышыже.

1981—1987 ийлаште — В. И. Ленин лӱмеш Сарзе-политике академийын начальникше.

1987 ий гыч отставкыште. Кугу Ачамланде сар ветеран-влакын Каҥаш комитетыште председательын алмаштышыже лийын.

«Великая победа. (1941—1945 гг.)» да «На страже великих завоеваний» мемуар-влакын авторжо.

Москошто илен. 1991 ий 19 августышто илыш дене чеверласен. Троекурово шӱгарлаште тойымо.

Еш

• Пелашыже — Зинаида Николаевна (1919—2010);
• Ӱдыржӧ — Галина (1947—2004).

Лӱмпале

• майор (1944);
• генерал-майор (1962);
• генерал-лейтенант (1967);
• генерал-полковник (1973).

Суаптар-влак

• Ленин орден (1978);
• Октябрь Революций орден (1984)
• I степенян кум Ачамланде сар орден (1944 ий 31 октябрь, 1945 ий 19 май, 1985 ий 11 март);
• II степенян Ачамланде сар орден (09.08.1943);
• Ныл Йошкар Шӱдыр орден;
• III степенян «СССР Сарзе Вийыште Ачамланде ончылно суаплан» орден;
• Медаль-влак;
• Ахтырка олан чапланыше гражданинже (1990).

Палемдымаш

Литератур

• Муравьёв Арн. В. Средин Геннадий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 420. — 606 с. — 1500 экз. — ISBN 978-5-905314-35-3.

Кылвер-влак

• Политрук 600-го стрелкового…