26 идым

←
→
Идым
← →Идым
	2026 ий

26 идым (26 сентябрь) — григориан кечышот почеш идалыкын 269-ше (кужемдыме ийлаште — 270-ше) кечыже. Идалык пытыме марте 96 кече кодеш.

Йошкар-Олаште ☀️ Кече 5 шагатат 49 минутлан лектеш, 17 шагатат 47 минутлан шинчеш. Кечын кужытшо 🕒 11 шагатат 57 минут.
🌕 Тичмаш тылзе (14.31 тылзе кече).

Пайрем да шарныктарыше кече-влак

ООН — Теҥызын тӱнямбал кечыже (руш. Всемирный день моря) — идым тылзын пытартыш изарнян палемдалтеш.
— Контрацепцийын тӱнямбал кечыже (руш. Всемирный день контрацепции).
Европо ушем — Европысо йылме-влакын кечышт (руш. Европейский день языков).
Тошто йолташ дене вашлийме кече (руш. День встречи со старыми друзьями).
Вожсаскам погымо жап (руш. Корнилье).
Йырым-йырысе йырвел тазалыкын тӱнямбал кечыже (руш. Всемирный день здоровья окружающей среды).
Пельмень кече (руш. День пельменей).
Рюмкым йодшо-влакын кечышт (руш. День просящихся рюмок).

Лӱмгече

Валерьян, Пётр.

Событий-влак

Тугак ончо: Категорий:Идым тылзын 26 кечысе событий-влак

1815 — Россий, Пруссий да Австрий эл-влак коклаште у вашкелшыкым пеҥгыдемдыме. Тудын почеш икте-весылан полшен шогышаш, революций движений ваштареш пырля кучедалшаш улыт улмаш.
1995 — Пилдикси оласе сарзе тунемме рӱдер Россий деч Эстонийлан куснен.

Шочыныт

Тугак ончо: Категорий:Идым тылзын 26 кечынже шочшо-влак

1912 — Александр Матвеевич Малинин, совет журналист, редактор, кусарыше, СССР Журналист-влак ушемын йыжъеҥже. Марий АССР-ысе «Марий коммуна» республикысе газет редакцийын кусарышыже (1948—1972). РСФСР тӱвыран сулло пашаеҥже (1968). Кугу Ачамланде сарын участникше.
1947 — Анатолий Васильевич Куклин, инженер, Марий Элын сулло чоҥышыжо. Марий Турек кундем Ошлан ялыште шочын. 1971-ше ий гыч тудо «Марийскгражданпроект» институтын пӧлка вуйлатышыжлан тыршаш тӱҥалын. «Ялысе школ» проектшылан кугыжаныш премий дене палемдалтын.
1964 — Майя Викторовна Шабдарова-Смедман, марий йылмызе, шанчызе, туныктышо, филологий шанче кандидат (1997), доцент.
1967 — Валерий Яковлевич Очеев, журналист. Параньга район Олор ялыште шочын. Журналистик корныш тудо 1990-ше ийыште шогалын: Марий Турек кундемысе «Знамя» редакцийын пашаеҥже лийын. Вара «Кугарня», «Марий эрвел» да «Марий Эл» газет редакцийлаште тыршен. «Пульс-радиоштат», телевиденийыштат марий йылме дене передаче-влакым вӱден. Икмыняр ий Валерий Яковлевич «Марий Эл Радиошто» пашам ыштен.

Коленыт

Тугак ончо: Категорий:Идым тылзын 26 кечынже колышо-влак

1966 — Тигран Кеосаян, совет, Россий да армян кино ден телевиденийын актёржо, кинорежиссёр, сценарист, видеоклип режиссёр, телевӱдышӧ.
1968 — Софья Никитична Тимофеева, марий совет туныктышо, мер пашаеҥ. Марий автоном область / Марий АССР-ысе Курыкмарий районысо Пӹнгелйал школын туныктышыжо, директоржо (1924―1949). РСФСР школын сулло туныктышыжо (1949). Марий Элысе ӱдырамаш-влак кокла гыч Ленин орденын икымше кавалерже (1939). РСФСР Кӱшыл Каҥашын депутатше (1938 ий гыч). 1926 ий гыч ВКП(б)-ын йыжыҥъеҥже.

Калык пале

Пакчаште реве шуко шочеш гын, сурт поянлыклан.
Йӱр деч посна эрта гын, йӱштӧ эше вашке ок тол.
Лийше йӱр кужун шуйнышо йӱштым сӧра.
Корнилийын кечыже. Тиде кечын ожно кресаньык-влак пакча гыч кешырым, ревым, ушменым поген пуртеныт. Уке гын, эр кылме чыла саскат нулал кертеш.