11 идым

←
→
Идым
← →Идым
	2026 ий

11 идым (11 сентябрь) — григориан кечышот почеш идалыкын 254-ше (кужемдыме ийлаште — 255-ше) кечыже. Идалык пытыме марте 111 кече кодеш.

Йошкар-Олаште ☀️ Кече 5 шагатат 14 минутлан лектеш, 18 шагатат 22 минутлан шинчеш. Кечын кужытшо 🕒 13 шагатат 8 минут.
🌘 Шоҥго тылзе (28.84 тылзе кече).

Пайрем да шарныктарыше кече-влак

Россий — Российысе сарзе чап кече. Тиде кечын 1790-ше ийыште Фёдор Ушаковын вуйлатыме руш эскадра Тендр мыс воктене турк эскадрым кырен шалатен.
Россий — Шӧрынан стаканын шочмо кечыже (руш. День рождения гранёного стакана).
Ончен-куштымо пашаеҥын кечыже (руш. День специалиста органов воспитательной работы).
Айык йӱлан тӱнямбал кечыже (руш. Всероссийский День Трезвости).
Ласкан йодмо кече (руш. Праздник ласкового обращения).
Малмывердам погыза кече (руш. День Заправьте свою кровать).
Писын ӱжмӧ номерын кечыже (руш. День номера экстренного вызова).
Умылтараш лийдымым чын вашлийме кече (руш. День правильного ожидания необъяснимого).

Лӱмгече

Иван.

Эртынчык-влак

Тугак ончо: Категорий:Идым тылзын 11 кечысе событий-влак

1812 ий — руш купеч Иван Кусков Аляскыште икымше руш илемым почын.
1973 ий — Чили элыште переворот лийын. Генерал Пиночетын армийже президент Аленде деч властьым шке кидышкыже шупшын налын.
Рӱдӧ Кавказ курыкын ик хребетшылан «Курск» лӱмым пуэныт. Тыге вӱд йымалне коштшо пушын лӱмжӧ Российын географийыштыже эше ик верым муын.
2001 ий — США-ште тиде кечын тӱнямбал историйыште ик эн кугу террористический акт лийын.

Шочыныт

Тугак ончо: Категорий:Идым тылзын 11 кечынже шочшо-влак

1887 — Павел Радимов, руш совет «кресаньык поэт» да сӱретче. Куснылшо-влак товариществын пытартыш председательже да 1922 ийыште да 1927–1932 ийлаште «Революциян Российысе сӱретче-влак ассоциацийын» (АХРР) икымше председательже, тыгак ВСП-н (Пӱтынь Российысе поэт-влак ушем) — 1929 ий марте лийше организацийын — пытартыш председательже.
1911 — Сергей Иванович Савельев, марий совет театр актёр, режиссёр, кусарыше, мер пашаеҥ. Марий кугыжаныш театрыште артистлан пашам ыштен, спектакль-влакымат шынден. Марий АССР сымыктышын сулло пашаеҥже, РСФСР-н сулло артистше.
1925 — Семён Иванович Кузнецов, совет кугыжаныш да озанлык пашаеҥ. Марий АССР-ын Морко районысо В. И. Ленин лӱмеш колхозын председательже (1953—1960, 1966—1980). СССР Кӱшыл Каҥашын IX созывысе депутатше (1974—1979). Кугу Ачамланде сарын салтакше. КПСС йыжыҥъеҥ.
1950 — Владимир Михайлович Изместьев, шанче пашаеҥ, ялозанлык шанче кандидат. Шке шочмо Киров кундемысе совхозлаште икмыняр жап тыршыме деч вара Йошкар-Оласе ялозанлык шанче да шымлыше институтышко пашам ышташ толын: вуйлатышын алмаштышыже марте шуын. 40 утла шанче пашан авторжо.
1950 — Виктор Георгиевич Гаврилов, Марий Элын сулло артистше. Шкеже Юлсер кундем Шойсолаште шочын-кушкын. Виктор Георгиевичын паша корныжо Э.Сапаев лӱмеш опер да балет театр дене кылдалтын. Лирический баритон.
1964 — Раисия Ивановна Исанбаева, тӱвыра пашаеҥ, Пошкырт Республикын сулло артисткыже (2023 ий).

Коленыт

Тугак ончо: Категорий:Идым тылзын 11 кечынже колышо-влак

1994 — Михаил Алексеевич Куклин, совет сарзе пашаеҥ. Кугу Ачамланде сар жапыште — касвел фронтлаште 5-ше армийын 36-шо лӱйкалыше корпусшын 352-шо лӱйкалыше дивизийжын 1158-ше лӱйкалыше полкын миномёт ротыжын командирже, капитан. Куд орденын, тидын коклаште кум Ачамланде сар орденын, кавалерже. 1942 ий гыч ВКП(б) йыжъеҥ.

Калык пале

Шемгорак шуко — ояр игечылан.
Кӱдырчӧ кӱдырта — леве шыже кечылан.
Шырчык-шамыч алят чоҥештен каен огытыл — кукшо шыжылан.
Йыван-влакын пайремышт. Тиде кечын ожнысо калык кугу пӱтым кучен. Тыгак сарыште вуйым пыштыше еҥ-влакым уштен шарналтен.